Connect with us

تازه خبرونه

له افغانستان څخه د بهرنیو ځواکونو بېړني وتل معقول نه بریښي- عمران خان

Ariana News

خپور شوی

 په

(Last Updated On: September 27, 2020)

د پاکستان لومړي وزیر عمران خان نیوکه کړې او خبرداری ورکوي، چې له افغانستان څخه د بهرنیو ځواکونو بېړني وتل نامعقول” دي؛ ځکه، چې سوله ییز افغانستان د سیمه ییزو ورانکارو په ګټه ندی.

په واشنګتن پوست کې د نوموړي د خپرې شوې لیکنې له مخې؛ اوس باید نړیواله ټولنه له جګړې وروسته د افغانستان لپاره پر نړیوالو مرستو کار وکړي.

هغه په ډاګه کړې: هغه چا، چې د افغانستان د سولې په بهیر کې پانګونه کړې؛ باید د بهرنیو ځواکونو د وتلو د ناسم مهالوېش له غوراوي سره خپل ټینګار څرګند کړي.

د پاکستان لومړي وزیر عمران خان لیکلي؛ له افغانستان څخه په بیړه د بهرنیو ځواکونو وتل معقول ندي. مونږ باید د سیمه ییزو ورانکارو پروړاندې هم ودریږو، چې په سوله کې پانګونه نکوي او په افغانستان کې بې ثباتي د خپلې سیاسي جفرافیې په ګټه بولي.

 نوموړي زیاته کړې، چې پاکستان به له ځان او ګاونډ هېوادونو سره په سوله کې د یو متحد، خپلواک او آزاد افغانستان په ترلاسه کولو کې له افغانانو ملاتړ روان وساتي؛ خو پاکستان په دې باور دی، چې د سولې خبرې باید له زور پرته تر سره شي. مونږ له ټولو خواوو غواړو، چې تاوتریخوالی راکم کړي.

هغه دا ټینګار هم کړی: لکه څنګه، چې د افغانستان حکومت طالبان د یو سیاسي واقعیت په توګه پېژني؛ نو تمه ده، چې طالبان به هم د افغانستان رامنځته شوي پرمختګونه په رسمیت وپېژني.

هغه څرګنده کړې: پاکستان هم د امریکا په څېر نه غواړي، چې افغانستان یو ځل بیا د ترهګرو لپاره خوندي پټنځای شي؛ پاکستان کې اوس هم په افغانستان کې د میشتو بهرنیو ترهګرو ډلو لخوا تر بریدونو لاندې دی.

د عمران خان د څرګندونو له مخې؛ دغه تروریستي ډلې د نړۍ سولې ته ښکاره ګواښ دی. مونږ هیله من یو، چې د افغانستان حکومت به په خپله خاوره کې د نادولتي سیمو د څارنې لپاره اړینې هڅې تر سره  او ترهګرې ډلې پرینږدي، چې د افغانستان او د پاکستان په ګډون د سیمې د نورو هېوادونو د خلکو او په کې د میشتو نړ یوالو ځواکو نو پر ضد بریدونه تر سره کړي.

عمران خان په ډاګه کړې: اوس د دې وخت رارسیدلی، چې له سولې وروسته پر پروګرامونو کار پیل شي؛ نړۍ څنګه کولی شي له جګړې وروسته په افغانستان کې له تلپاتې سولې سره مرسته وکړي؟ څنګه کولی شو، چې په پاکستان او نورو هېوادونو کې د میلیونونو افغان کډوالو لپاره هېواد ته د ستنیدو شرایط برابر کړو او په عزت او ویاړ سره بېرته خپل هېواد ته راستانه شي؟

هغه دا هم ورزیاته کړې د افغانانو ترمنځ خبرې اترې ستونزمنې دي؛ ټولې خواوې صبر او جوړجاړي ته اړتیا لري او پرمختګ هم شونی دی؛ خو ورو او له کړاوه به دک وي.

ښاغلي خان آینګارکړی: کیدی شي ان خنډونه هم وي؛ ځکه، چې افغانان د خپل راتلونکي لپاره په ګډه کار کوي. دا باید په یاد ولرو، چې د خبرو اترو د میز تر شا تم کیدل د جګړې په ډګرونو کې د وینو له توئیولو غوره دي.

تازه خبرونه

د ناتو دفاع وزیرانو د امنیت ننګونو پر حل غونډه وکړه

Ariana News

خپور شوی

په

توسط

(Last Updated On: October 23, 2020)

د ناتو عمومي منشي ینس ستولتنبرګ د پنجشنبې پر شپه څرګنده کړې، چې د دې ټولنې د غړیو هېوادونو دفاع وزیرانو یو بل مهم ګام پورته کړ او په جرمني کې یې د ناتو فضايي مرکز د جوړولو لپاره هوکړه وکړه.

نوموړي د دفاع وزیرانو د دوه ورځنۍ غونډې د لومړۍ ورځې له ناستې وروسته په یوه انلاین مطبوعاتي کنفرانس کې زیاته کړه: نوی فضایي مرکز به فضايي هڅې همغږې کړې.

نوموړي د روسیې د اتومي وړتیا لرونکيو توغندیو زېرمو ته د ګډونوالو پاملرنه راواړوله، چې وده یې ننګوونکې ده.

د دوی د لومړۍ ورځې په ناسته کې نه یوازې مهم بېخبنایي حالت وڅېړل شو، بلکې د دفاعي توغندیو پرنویو سیستمونو، خلایي وړتیاوو، د نوي پېنخم نسل جنګي الوتکو او یو شمېر نورو مسلو هم بحث او خبرې وشوې.

هغه په بېلابېلو برخو کې د چین له پانګونې هم یادونه وکړه او وایي، چې زمونږ مخابراتي شبکې له بهرني خطر سره مخ دي.

ستولتنبرګ ویلي، چې ناتو د افغانستان اوږدمهاله امنیت ته ژمنه ده او د افغانستان د سولې له خبرو ملاتړ کوي.

هغه دا هم ویلي، چې: طالبان باید پخپلو ژمنو عمل وکړي، د تاوتریخوالي کچه راټیټه او اوربند ته لار اواره کړي.

د یادونې ده، چې د ناتو د غړیو هېوادونو دفاع وزیرانو د جمعې د ورځې ناسته به په افغانستان او عراق کې د ناتو د روزنې پر ماموریتونو راوڅرخیږي.

Continue Reading

تازه خبرونه

ملګري ملتونه د تخار په هوایي برید کې د ملکي وګړیو د مرګ و ژوبلې څېړنه کوي

Ariana News

خپور شوی

په

توسط

(Last Updated On: October 22, 2020)

په افغانستان کې د ملګرو ملتونو مرستندویه پلاوي (یوناما) د پنجشنبې پر شپه وویل، چې په تخار ولایت کې د ملي اردو د هوایی برید په اړه به څېړنې وشي؛ ځکه د راپورونو له مخې په کې ۱۲ ماشومان وژل شوي دي.

دغه بنسټ د تویت له مخې؛ د یوناما د ملکي محافظت ډله به په تخار ولایت کې د طالبانو پر وړاندې د ملي اردو د هغه هوایي برید څېړنه وکړي، چې د نجونو او هلکانو په ګډون یې ۱۲ ماشوان وژلي او ۱۸ نور ټپیان دي.

یوناما دا هم په ډاګه کړې، چې ملګري ملتونه به د څېړنو له تر سره کیدو وروسته خپلې موندنې د رسنیو له لارې خپرې هم کړي.

دغه راز د تخار ولایت ځایي چارواکو د پنجشنبې پر سهار وویل؛ په دې تر سره شوي هوایی برید کې د جومات ماشومان وژل شوي او د ملا امام په ګډون ګڼشېر نور ټپیان دي.

دا په داسې حال کې ده، چې د ولسمشر لومړي مرستیال امرالله صالح د ملکي وګړیو وژل کیدل رد کړي او پر فیسبوک پاڼه یې څرګنده کړې، چې په دې هوایي برید کې هغه کسان وژل شوي، چې پرون یې زمونږ ځواکونه په وینو کې لت پت کړي وه او مونږ په دې اړه کره او د منلو وړ ثبوت لرو.

Continue Reading

تازه خبرونه

د کرونا ویروس په واکسین آزموینه کې د برازیل رضاکار ومړ

Ariana News

خپور شوی

په

توسط

(Last Updated On: October 22, 2020)

د برازیل یو داوطلب، چې د استرازنیکا او اکسفورډ پوهنتون لخوا د کرونا ضد جوړ شوي واکسین یې پر ځان ازمویلي وه؛ مړ شو.

د برازیل روغتیايي چارواکي انویسا دغه خبر تائید کړی او وایي، چې آزموینه به روانه وي.

د اکسفورد پوهنتون د څرګندونو له مخې؛ د دې کلینیکي آزموینې د خوندیتوب په اړه هیڅ اندېښنه نشته او دغه آزموینه به روانه وساتل شي.

یوې سرچینې رویترز ته ویلي، چې که مړ شوي رضاکار د کرونا واکسین ترلاسه کړی وای؛ آزموینه به بند شوې وای.

ویل کیږي، چې دغه سړی د څارنې د ډلې غړی و او د مننژیت واکسین ورکړشوي وه.

د ساو پاولو فدرالي پوهنتون، چې د برازیلي سړي مړینه یې تائید کړې او وایي، چې د څارنې کمیتې د کلینیکي آزموینو د روانو ساتلو وړاندیز کړی دی.

Continue Reading
Advertisement

Trending