Connect with us

تازه خبرونه

له افغانستان سره دې له شرطونو پرته مرستې وشي – م.م

خپور شوی

 په

(Last Updated On: تله ۱۳, ۱۴۰۰)

د ملګرو ملتونو اجرائيوي کمېټې له افغانستان سره له قید او شرط پرته د بشري مرستو د ترسره کولو غوښتنه وکړه.

ملګرو ملتونو په افغانستان کې پر روان اقتصادي کړکېچ او رامنخته شویو ټولنیزو ستونزو اندېښنه څرګنده کړې.

د یاد سازمان د اجرائیوي کمېټې په ۷۲ غونډه کې شته چارواکو څرګنده کړې؛ په تېرو څلوېښت کلونو کې میلیونونه افغانان ځپل شوي او په دې هېواد کې نویو بدلونونو په ځانګړي توګه ښځو او ماشومانو ته نوې ستونزې زیږولي. په داسې یوه حالت کې له افغانستان سره له قید او شرط پرته د بشري مرستو د ترسره کولو غوښتنه یوه اړتیا ده.

د کډوالو په چارو کې د ملګرو ملتونو لوی کمیشنر فلیپو ګرانډي ویلي: په تېرو څلوېښت کلونو کې میلیونونه افغانان ځپل شوي او په دې هېواد کې نویو پرمختګونو نوې ستونزې زیږولي. زه تېره میاشت افغانستان ته تللی وم. تاسې له ما او زیات شمېر مرسته رسوونکیو ټولنو اوریدلي، چې له قید او شرط پرته باید ډېر ژر پراخه بشري مرستې ترسره شي.

د ملګرو ملتونو د دغه کمیشنر په خبره یادو ستونزو ته د نه رسېدو په صورت کې خلک ناچاره دي، چې په پراخه کچه کورنۍ او بهرنۍ کډوالۍ ته مخه کړي.

د هغه د څرګندونو له مخې په تېرو ۷۰ کلونو کې افغانستان د بېړنیو حالاتو په لومړۍ کرښه دی.

د ملګرو ملتونو د دغه چارواکي په وینا؛ مونږ به د پناه غوښتونکیو، بیځایه شویو او د تابعیت نه لرونکیو په څنګ کې ولاړ اوسو او د افغانستان له خلکو به تل ملاتړ کوو.

د کډوالو په چارو کې د ملګرو ملتونو لوی کمیشنرفلیپو ګرانډي زیاته کړې: که څه هم د کډوالۍ او بې ځایه شویو په تړاو په خپلو وړاندویېنو کې له ډېر پام کار اخلم؛ خو پوره ډاډه یم، چې د دغه ډول خرابیو دوام کیداې شي خلک ناچاره او په لویه کچه کورنۍ او بهرنۍ کډوالۍ ته اړ شي.

د ملګرو ملتونو اجرائيوي کمېټې په داسې حال کې د افغانستان د ستونزو او مخ پر زیاتېدونکي اقتصادي کړکیچ اندېښنه څرګنده کړې، چې اوس هم د افغانانو برخلیک پر یوه تت لوري روان دی؛ د کار نشتون، په بازارونو کې د خوراکي توکو او درملو بیې ورځ تر بلې لوړیږي او مالي سرچینو ته د خلکو نه لاسرسی هغه ستونزه ده، چې د افغانان ژوند ګواښي.

تازه خبرونه

د کابل ښار د هوا ککړتیا مرګونې ده ـ ډاکټران

خپور شوی

په

توسط

(Last Updated On: ليندۍ ۱۴, ۱۴۰۰)

په کابل ښار کې د هوا ککړتیا د هېوادوالو او ډاکټرانو ژورې اندېښنې راپارولي دي.

ډاکټرانو خبرداری ورکړی، چې که په پلازمېنه کابل ښار کې د هوا د ککړتیا د مخنیوي لپاره ډاډمنې هڅې تر سره نشي؛ نو د ډېرو خلکو ژوند به له ګواښ سره مخ شي.

ډاکټر محمد هاشم وهاج آریانا نیوز ته ویلي: د هوا ککړتیا په کابل کې یوه مهمه، ژوره او خطرناکه ستونزه ده.

په ورته وخت کې د کابل ښاریان د لوړو ودانیو له خاوندانو غواړي، چې د معیاري چاڼیز سیټم له کارولو سره د هوا د ککړتیا په مخنیوي کې مرسته وکړي.

د کابل يوه اوسېدونکي محمد رسول ويلي: هغه کسان، چې د ډبرو سکاره او لوګي رامنځته کوونکي توکي سوځوي؛ بايد مخه یې ونیول شي.

د کابل یو بل اوسېدونکی سهراب نومی وايي: دوی باید ګاز او برښنا وکاروي، چې ارزانه ده. عام خلک  خلک د ډبرو سکاره او پلاستیک نه سوځوي.

کابل ښاروالۍ ويلي، د هوا د ککړتیا د مخنیوي په موخه یې د یو شمېر هغو لوړ پوړیو ودانیو او حمامونو دروازې تړلي، چې چاڼیزسیستم یې هم نه کاراوه.

د کابل ښاروالۍ د نشراتو او عامه پوهاوي مشر نعمت الله بارکزي ويلي: په کابل کې دوه مرکزګرمۍ کار کوي، چې ګاز کاروي او نورر دې هم له معیاري ګاز څخه ګټه پورته کړي.

په کابل کې د هوا د ککړتیا له عمده عواملو څخه په ځانګړي ټوګه په ژمي کې د سون توکو لکه د ناپاکو ډبرو او لرګیو کارول دي.

Continue Reading

تازه خبرونه

قطر او ترکیه د کابل هوايي ډګر د څارنې، رغونې  او سمبالونې لیوالتیا لري

خپور شوی

په

توسط

(Last Updated On: ليندۍ ۱۴, ۱۴۰۰)

د قطر بهرنیو چارو وزیر ویلي، چې د کابل هوايي ډګر ټولې مسلې له ترکیې او افغان حکومت سره تر څارنې لاندې دي.

د قطر د بهرنیو چارو وزیر د کابل نړیوال هوايي ډګر د الوتنو د عادي کولو او رغونې او سمبالولو له هڅو وروسته ويلي، چې د ترکیې په همکارۍ د دې هوايي ډګر د مدیریت د څرنګوالي په اړه سلا مشورې کوي.

د قطر د بهرنیو چارو وزیر محمد بن عبدالرحمن آل ثاني وایي؛ مونږ د هوايي ډګر پر مسلې له نږدې کار کوو، که د هوايي ډګر د بېرته فعالولو لپاره د اړتیاوو ارزونه وي او یا هم په راتلونکي کې د هوايي ډګر د فعالیت موضوع. مونږ  د اسلامي امارت له حکومت سره له نږدې کار کوو. مونږ له قطر او ترکیې سره له نږدې کار کوو او زموږ مشورې روانې دي.

د قطري چارواكو د څرګندونو له مخې؛ نړيواله ټولنه تر اوسه د افغانستان په اړه روښانه تګلاره نلري او ټول هغه هېوادونه، چې د افغانستان مسئلې ته لیوالتيا لري باید له اسلامي امارت سره خبرې وکړي.

نوموړی وایي: هغه څه، چې مونږ یې غواړو هغه د افغانستان له طالبانو( اسلامي امارت ) سره د ټولو ښکېلو اړخونو، ټولو ګاونډ هېوادونو او د امنیت شورا د دایمي غړيو، چې په یو ډول له افغانستان سره تړلي دي؛ تعامل ته وهڅوو.

له بلې خوا د ملکي هوايي چلند اداره وايي، چې د کابل نړیوال هوايي ډګر د مدیریت د قرارداد ټول شرطونه شرکتونو ته وړاندې شوي او قرارداد به هم د ملي ګټو پر بنسټ ترسره شي.

د ملکي هوایي چلند خپلواکې ادارې ویاند امام الدین احمدي ویلي: تر اوسه د کابل نړیوال هوايي ډګر د څارنې، رغونې او سمبالولو قرارداد له کوم شرکت سره ندی شوی. مونږ د ملي ګټو پر بنسټ بېلابېلو شرکتونو ته خپل شرایط وړاندې کړي او له هر هغه شرکت سره، چې زمونږ ملي ګټو ته په ښه توګه خدمت کوي؛ قرارداد کوو.

د کابل نړیوال هوايي ډګر تخنیکي برخې په ځانګړي توګه د رادار وسایل شاوخوا څلور میاشتې وړاندې د پخواني حکومت له پرځېدو وروسته له هېواده د بهرنیانو او د هغوی د افغان ملاتړیو د وتلو په ماموریت کې سخت زیانمن شول. که څه هم یو شمېر هېوادونو ته الوتنې روانې دي؛ خو چارواکي وايي، چې اوس هم ګڼې ستونزې شته، چې د الوتنو تر پوره عادی کیدو پورې به حل شي.

Continue Reading

تازه خبرونه

سر له سبا به په ۱۴ نورو ولایتونو کې هم پاسپورټ وېش پیل شي

خپور شوی

په

توسط

(Last Updated On: ليندۍ ۱۴, ۱۴۰۰)

د پاسپورټ ادارې مشر ټولو خلکو ته د یوشان خدمتونو پر وړاندې کولو ټینګار کړی او له خلکو غواړي، چې کمیشنکار ته له پیسو ورکولو پرته پاسپورټونه ترلاسه کولی شي.

د پاسپورټ ادارې د ولایتي څانګو د پرانیستل کېدو په لړ کې د دغه ادارې مشر عالم ګل حقاني یوې خبري ناستې ته په فراه، نیمروز، بادغیس، پکتیکا، سمنګان، لغمان، روزګان، کونړ، تخار، زابل، جوزجان، بامیان، پنجشېر او بغلان ولایتونو کې د پاسپورټ دفترونو له پرانیستل کېدو خبر ورکړ.

د پاسپورټ عمومي مشر عالم ګل حقاني ويلي، چې په مرکز کې د پاسپورټ د وېش په برخه کې تخنیکي ستونزو دا لړۍ درولي؛ خو ټینګار کوي، چې په نږدې راتلونکې کې به یې حل کړي او د پاسپورټ وېشلو لړۍ به ژر پیل شي.

نوموړی زیاتوي؛ مونږ نوي کاري تجهیزات پېرلي، چې یوشمېر یې رارسېدلي او ځینې نور یې د رارسېدو په حال کې دي. کله، چې مو ماشین الات بشپړ شي؛ مونږ به په مرکز کې هم ان شاالله ډېر ژر کارونه بیل کړو.  

د پاسپورټ ادارو له کابل پرته د افغانستان په ډېرو ولایتونو کې خپل کار پیل کړی او چارواکي له خلکو غواړي، چې د پاسپورټ ترلاسه کولو لپاره دې خپلو ولایتونو ته مراجعه وکړي.

Continue Reading

Trending

آریانا نیوز: ټول حقونه خوندي دي