Connect with us

لوبی

له آریانا تلویزیون سره د آزادو سیالیو د خپرولو هوکړه لیک لاسلیک شو

Ariana News

خپور شوی

 په

(Last Updated On: November 12, 2020)
د آریانا نړیوالې شبکې او د اچ اف سي ټولنې تر منځ د آزادې مبارزې د مسلکي سیالیو د خپرولو هوکړه لیک لاسلیک شو.

دغه سیالۍ به ډېر ژر د کابل په کوربتوب ترسره شي او په هرو دوه میاشتو کې به یو ځل له آریانا نړیوالې تلویزیوني شبکې او اوبپاڼې لخوا په ژوندۍ او قانوي بڼه تر پوښښ لاندې ونیول شي.

د آریانا نړیوال تلویزیون مشر خوشال آصفي ویلي؛ په پرلپسې توګه مونږ د فوتبال نړیوال جام سیالۍ په آریانا تلویزیون کې په ځانګړي او قانوني توګه خپرې کړي او مونږ د کرکت نړیوالې او سیمه ییزې سیالۍ مو په افغانستان کې خپرې کړي. دا ځل مو پرېکړه کړې، چې له اچ اف  سي ټولنې سره یو تړون لاسلیک کړو او هغه شمېر څېرې، چې په سیمه ییزه او ولایتي کچه هڅاند دي د آزادې مبارزې څېرې جوړې کړو.

لوبغاړي به له درې پړاوه ستړې کیدونکیو سیالیو له بشپړولو وروسته د لوبې اجازه تر لاسه کوي.

لوبغاړي به له درې پړاوه ستړې کیدونکیو سیالیو له بشپړولو وروسته له اچ اف سي څخه د لوبې اجازه تر لاسه کوي.

دا سیالۍ به په کال کې شپږ ځله وڅارل شي  او په هرو دوه میاشتو کې به یو ځل د ۶ سیالیو په ترسره کولو خپریږي.

د افغانستان د اچ اف سي ټولنې مشر نصرت الله آخندزاده ویلي؛ داسې څېرې شته، چې تر اوسه پېژندل شوې ندي او دوی هغه الماس ته ورته دي، چې پر ځمکه پراته دي؛ خو څوک نشته، چې پورته او پاک یې کړي او هغه خپل ارزښته وښیيي. د اچ اف سي او آریانا نړیوالې تلویزیوني شبکې موخه، همغه څېرې مونږ راوباسو.

دغه راز د سیالیو بله موخه د وړتیاوو لوړول او ځوانان هڅول دي، چې آزاده مبارزه وکړي.

د هېواد د آزادې مبارزې لوبغاړي هم د دغه هوکړه لیک لاسلیک کول د ودې او مورال لوړولو لپاره مثبت ګام ګڼي.

د آزادې مبارزې لوبغاړی احمد سهیل حسن زاده وایي، چې د دوی تړون د ځوانانو لپاره خورا ډېر ګټور اواغېزمن دی؛ ځکه د غوره وړتیا او استعداد لرونکي دي او د افغانستان په لرې پرتو ولایتونو کې ژوند کوي.

د آزادو سیالیو لوبغاړی قدرت الله بابکرخېل په دې اړه ویلي؛ دا سیالي له آریانا تلویزیون څخه په ژوندۍ بڼه خپریږي او د ځوانانو د ودې لپاره رښتیا هم ګټورې دي.

سپورتي لاسته راوړنې د خلکو په ځانګړي توګه د ځوانانو ترمنځ د خواخوږۍ او یووالي غوره زمینه برابروي.

آریانا نړیوال تلویزیون تل هڅه کړې، چې د سپورتي سیالیو د خپرولو له لارې د سپورت مینه والو زړونه خپل او خوښ وساتي.

لوبی

افغانستان د درې شل اوریزو سیالیو لومړۍ لوبه پر ۱۶ منډو له ایرلینډه وګټله

Ariana News

خپور شوی

په

توسط

(Last Updated On: January 22, 2021)

افغانستان د پنجشنبې پر ورځ په ابوظبۍ کې د ایرلینډ پر وړاندې د درې شل اوریزو سیالیو لومړۍ لوبه د ۱۶ منډو پر توپیر له ایرلینډه وګتله، چې په دې بريا کې د‌ رحمان الله ګربز ۱۲۷ منډو ستر رول ولوباوه.

د لوبې له پيلېدو سره افغان لوبډلې د يادې سيالۍ پچه وګټله او د ايرلینډ پر وړاندې یې د توپوهنې پرېکړه وکړه، چې په ټاکلیو ۵۰ اورونو کې یې د نهو ویکټو په غورزېدو ۲۸۷ منډې وکړې او ایرلینډ ته يې د ۲۸۸ منډو موخه وټاکله؛ د افغانستان په استازيتوب رحمان الله ګربز ۱۲۷ منډې، راشد خان ۵۵ چټکې منډې، جاوید احمدي ۳۸ منډې او نجیب الله ځدراڼ ۲۹ منډې ترلاسه کړې. په داسې حال کې، چې ایرلنډ لوبډلې ته په توپ اچونه کې مک براین پېنځه ویکټي، سیمي سېنګ، ګیریت ډیلاني او بیري مکارټي یوه – یوه ويکټه ترلاسه کړه.

ورپسې ایرلینډ لوبډلې د افغانستان د  ۲۸۸ منډو د موخې پوره کولو لپاره توپوهنه پيل کړه؛ خو د افغان لوبډلې ټاکلې موخه یې پوره نکړه او په ټاکلو ۵۰ اورونو کې یې د نهو ويکټو په غورزېدو ۲۷۱ منډې وکړې او د ۱۶ منډو پر توپير یې افغانستان ته لوبه وبایلله.

د ایرلینډ په استازيتوب په توپوهنه کې لورکن ټکر ۸۳ ډېرې، سټرلنګ ۳۹ او کامپهر هم ۳۹ منډي ترلاسه کړې.

بايد څرګنده شي، چې د افغانستان له لوري په توپ اچونه کې نوین الحق ۳ ویکټي، راشد او مجیب هر يوه دوه ویکټي، نبي او ګلبدین نائب بيا یوه- یوه ویکټه ترلاسه کړه او په پايله کې يې د افغانستان په ګټه بريا خپله کړه.

رحمان الله ګربز نن ډېره په زړه پورې توپوهنه ترسره کړه او پخپله لومړڼۍ نړيواله يو ورځنۍ لوبه کې يې د ايرلنډ پر وړاندې ۱۲۷ منډې وکړې او له همدې کبله یې د لوبې د غوره لوبغاړي جايزه هم ترلاسه کړه.

د یادونې ده، چې د افغانستان او ایرلینډ ترمنځ د کاردان پوهنتون اتلولۍ جام لوبلړۍ دوه يمه لوبه به د جنورۍ پر ۲۴مه نېټه ترسره شي.

Continue Reading

لوبی

د افغانستان کرکټ بورډ راشد خان ته د دولتي نښان هیله من شو

Ariana News

خپور شوی

په

توسط

(Last Updated On: December 29, 2020)

د افغانستان کرکټ بورډ لوی مشر فرهان یوسفزي ویلي؛ د هېواد له ولسمشر اشرف غني څخه هیله من شوی، چې د کرکټ نړیوالې شورا له لوري ملي اتل راشدخان ته په شل اوریزو نړیوالو سیالیو کې د یوې لسیزې د غوره لوبغاړي د ویاړ ترلاسه کولو په پار عالي دولتي نښان ورکړي.

فرهان یوسفزي په دې اړه ویلي: کله، چې له د کرکټ ادارې ته د لوی مشر په توګه راغلم؛ نو راشدخان مې د ملي لوبډلې لوبډلمشر و، خو د مشورو او سپارښتنو په پایلو کې مو نوموړی د ملي لوبغاړي په توګه وساته.

یوسفزي زیاته کړې: د  دې کار یوازنۍ موخه دا وه، چې زمونږ دغه ستر ویاړ او ستوری د افغان ولس پر خوشحاله ساتلو راوڅرخي؛ ځکه په لوبډلمشرۍ کې یې خپله بې سارې وړتیا له لاسه ورکوله.

باید وویل شي چې راشدخان وړمه ورځ د کرکټ نړیوالې شورا د ځانګړې لوبډلې په نوملړ کې ځای خپل کړ او ورپسې یې پرون د یادې شورا د شل اوریزو سیالیو د وروستۍ لسیزې د غوره لوبغاړي ویاړ هم ترلاسه کړ.

د افغانستان کرکټ بورډ په پام کې لري، چې ډېر ژر به د ملي اتل دا ویاړنې او سترې لاسته راوړنې ونمانځي او راشد خان هم خپله وړتیا روانه وساتي.

د هېواد د کرکت د ډګر اتل او ملي ویاړ راشد خان پخپلو بریاوو خوشحالي په ډاګه کړې او وڅرګندوي، چې د آی سي سي د لسیزې د غوره لوبغاړي جایزه د ټول افغانستان ویاړ دی.

Continue Reading

تازه خبرونه

راشد خان د يوې لسيزې غوره لوبغاړی وټاکل شو

Ariana News

خپور شوی

په

توسط

(Last Updated On: December 28, 2020)

د هېواد د کرکټ ستوری راشد خان د کرکټ نړیوالې شورا (آی سي سي) لخوا د یوې لسیزې غوره لوبغاړی وټاکل شو.

د هېواد کرکټ تکړه ستوری راشد خان آرمان د کرکټ نړیوالې شورا د وروستۍ لسیزې په شل اوریزو سیالیو کې د غوره لوبغاړي جایزه ترلاسه کړه.

ولسمشر اشرف غني د کرکټ نړیوالې شورا د شل اوریزو سیالیو د لسیزې د غوره شوي لوبغاړي راشد خان په اړه په یوه پیغام کې نوموړی د افغانستان ویاړ بولي او وایي؛ راشد خان او په بېلابېلو برخو کې ده ته ورته اتلې پېغلې او ځوانان د نوي افغانستان استازي دي.

د راشدخان تر څنګ د نړی کرکټ مهم لوبغاړي “کریس گیل”، “کوهلی”، “ملینگا” او “ویلز” هم دې جایزې ته نوماندان ول.

همدا راز له هند څخه ویرات کولي په یوه ورځنیو سیالیو او له آسټرالیا څخه “سِمِت” په ټست لوبو کې غوره لوبغاړي ټاکل شوي.

د هېواد د کرکت د ډګر اتل راشد خان ویلي؛ خوشحال یم، چې د آی سي سي د لسیزې د غوره لوبغاړي جایزه مې وګټله. دا د ټول افغانستان ویاړ دی.

Continue Reading

Trending

آریانا نیوز. کلیه حقوق محفوظ است