Connect with us

تازه خبرونه

قیصاري په مشروط بڼه خوشې کیږي- لویه څارنوالي

Ariana News

خپور شوی

 په

(Last Updated On: ليندۍ ۲۹, ۱۳۹۷)

 د  مسوولینو په خبره، قیصاري د بشري حقونو د نقض پر تور نیول شوی و؛ خو د ملي امنیت له بنده په معتبر ضمانت آزادیږي او دوسیه به یې تر څېړنې لاندې پاتې وي.

د ملي وحدت حکومت په روان کال کې د یو شمېر کسانو د نیولو پلان پیل کړ؛ خو هر یو، چې نیول شوی په ملي امنیت کې پرې یو لړ تورونه لګیدلي دي. د عليپور د نیولو اقدام څو ځلې وشو؛ خو ملي امنیت هغه یو نامسوول وسلوال یاد کړ او په زندان کې له دوه شپو تېرولو وروسته د ولسمشر د دوه یم مرستیال پر ضمانت آزاد شو.

دغه راز نظام الدین قیصاري د ولسمشر د لومړي مرستیال جنرال عبدالرشید دوستم له ځانګړیو افرادو دی، چې پېنځه میاشتې د ملي امنیت په بند کې و. نوموړی د بشري  حقونو پر نقض او د امنیتي ځواکونو د ګواښلو پر تور نیول شوی دی.

لویه څارنوالي وایي، هغه اوس پر معتبر ضمانت خوشې کیږي؛ خو ویل کیږي، چې نوموړی باید په کابل کې استوګنه غوره کړي.

د لویې څارنوالۍ ویاند جمشید رسولي وایي: د ملي امنیت د وړاندیز له مخې؛ پر ښاغلي قیصاري ادعاوې ډېرې دي، چې د دغو ادعاوو او تورونو د څېړلو لپاره ډېر وخت ته اړتیا ده؛ نو، ځکه دې ادارې په معتبر ضمانت د نوموړي د خوشې کولو غوښتنه کړې، چې دوسیه یې عادلانه وڅېړل شي.

دغه راز امنیتي ځواکونو څه موده مخکې د نوید خان آبادي د نیولو لپاره دوه ورځې په تالقانو ښار کې یو روغتون کلابند کړی و. اوس، چې نوموړی نیول شوی برخلیک یې څرګند ندی.

په مزار شریف  ښار کې هم سږ کال د اختر محمد نومي د زوی ابراهیم خېل د نیولو لپاره د هغه کور یوه اوونۍ کلابند شوی و؛ خو د قومي مشرانو په منځګړیتوب د هغه دوسیه پرېښودل شوه.

څو ورځې مخکې تمیم شنسب د کابل په زړه کې له یوې اوږدې جګړې وروسته له خپلو وسلوالو سره ونیول شو.

سیاسي فعال احمد سعیدي وایي: د حکومت دا کړنې قانوني او قضایي ندي، بلکې د ټاکنو لپاره دي. دغه راز د دوی نیول هم ټاکنو ته د بازار پیدا کول دي.   

لویه څارنوالي په دې برخه کې په دوه ګوني چلند تورنیږي او په دې اړه هم څه نه وايي؛ خو اساسي قانون یو لړ شرطونه لري.

حقوق پوه وحید فرزیي وایي: حکومت په ځینو برخو کې دوه ګونی چلند کوي. په داسې حال کې، چې اساسي قانون په ټولو برخو کې یو شان عمل لري؛ ځکه، نو له قانون سرغړونه باید ونشي.

خلکو تل له جهادي زورواکو سره د ولسي جرګې لخوا د تصویب شوي بښنې د پای ته رسیدو غوښتنه کړې؛ تمه لري، چې حکومت له زورواکو سره قانوني چلند وکړي او قانون پر ټولو یو شان پلی شي.

تازه خبرونه

د جمعې پر ورځ د ۴۰۰ طالب بندیانو د خوشي کولو په اړه مشورتي جرګه جوړیږي

Ariana News

خپور شوی

په

توسط

(Last Updated On: زمری ۱۴, ۱۳۹۹)

په کابل کې د څلورسوه طالب بندیانو د خوشي کولو د پرېکړې په اړه تر راتلونکیو څلور ورځو مشورتي جرګه جوړیږي.

د سولې مشورتي جرګه، طالب بندیان، د تاوتریخوالي کموالی او د سولی خبرو پيل په روانه اوونۍ کې د حکومت مهم بحثونه دي.

حکومت پرېکړه کړې، چې د ۴۰۰ طالب بندیانو د خوشي کولو په موخه تر راتلونکیو ۴ ورځو د  سولې مشورتي جرګه را وبولي.

د دغې جرګې غړي به د سولې مشورتي شورا او ملي پخلاینې عالي شورا غړي وي.

ولسمشرۍ ویلي، تراوسه روښانه نده، چې څوک به د دې جرګې مشري کوي.

د ولسمشرۍ ویاند صدیق صدیقي وایي: مشورتي لویه جرګه د زمري پر ۱۷ یا د اګست پر۷ تر سره کیږي او د سولې مشورتي لویې جرګې ته ورته به یې غړي د بېلابېلو مدني ټولنو ، رسنیو او سیمه ییزې شوراګانو استازي وي، چې په اوه به یې د دې جرګې د تر سره کولو کمیسیون سباته پوره جزئیات وړاندې کړي.

اوس پوښتنه داده، چې حکومت ولې د پېنځه زره طالب بندیانو د خوشي کولو په اړه مشورتي لویه جرګه جوړه نه کړه؟

حقوق پوهانو ویلي؛ د ۴۰۰ طالب بندیانو د خوشي کولو په اړه د مشورتي لویې جرګې جوړېدل ننداریزه او سیاسي ګڼي او وایي، مشورتي لویه جرګه حقوقي اړخ نلري او په دې اړه پرېکړه هم نشي کولی.

د حقوقو پوهنځي استاد نصرالله ستانکزي د مشورتي جرګې له جوړېدو سره مخالفت کړی او وایي مشورتي لویه جرګه حقوقي اړخ نلري او نشي کولی حق العبدي ستونزه حل کړي. دا فردي حق دی. د ۴۶۰۰ بندیانو خوشې کول د حکومت خپله خوښه نه، بلکې د سیاسي فشارونو پایله وه. د جمعې ورځې کړنه یې یو ننداریز او سیاسي حرکت دی؛ که سر ه کرښه هم وباسي، اړینه دهؤ چې دا بندیان به خوشې کوي.

حکومت په داسې وخت کې د سولې مشورتي جرګې د را بللو پرېکړه کړې، چې تراوسه هم د کرونا ویروس د خپرېدو د ډېروالي وېره شته.

د عامې روغتیا وزارت چارسمبالي احمد جواد عثماني ویلي، چې  د روغتیایي سپارښتنو له په پام کې نیولو سره د جرګې جوړېدل ستونزه نلري.

په ورته وخت کې د ولسمشر دوه یم مرستیال سروردانش په کابل کې د امریکا سفارت له مرستیال سره اړیکه نیولې او هغه ته یې ویلي، چې دا جرګه به د تېرو لویو جرګو تجربو ته په پام  د ۴۰۰ طالب بندیانو د برخلیک په اړه مثبته پایله ورکړي.

Continue Reading

تازه خبرونه

د ننګرهار پر محبس برید د بریدکوونکیو پر وژل کیدو پای ته رسیدلی

Ariana News

خپور شوی

په

توسط

(Last Updated On: زمری ۱۳, ۱۳۹۹)

امنیتي ځواکونو د ننګرهار په مرکزي زندان کې د څه نا څه ۲۰ ګړیو جګړه د جنګیالیو پر وژل کیدو پای ته رسولې او وضعیت یې تر خپلې څارنې لاندې راوستی؛ خو د ښار اړوند سیمې اوس هم د خلکو د تګ راتګ لپاره تړل شوې دي. 

په ننګرهار ښار کې پلورنځي تړل شوي او د دوشنبې پر ورځ هم خلکو ته ویل شوي وه، چې په کورونو کې پاتې شي.

دا په داسې حال کې ده، چې د هېواد د دفاع وزارت لوی درستیز یاسین ضیا جلال آباد ښار ته رسیدلی، چې د بریدګرو پر ضد دعملیاتو مشري تر سره کړي.

نن له غرمې وروسته دغه زندان افغان ځواکونو ونیوه، چې په کې لږ تر لږه ۵ بریدګر وژل شوي دي.

امنیتي چارواکو ویلي، چې محبس ته مخامخ ودانۍ هم اوس له بریدکوونکیو پاکه شوې ده.

داعش جنګیالیو تېره ورځ ماښام مهال د محبس پر ور موتربم برید ترسره کړ؛ د ودانۍ انګړ ته وردننه شول او څه نا څه ۲۰ ساعته یې له افغان ځواکونو سره جګړه وکړه.

ویل کیږي، چې د جګړې د پیل پر مهال ۱۷۰۰ بندیان په زندان کې دننه ول، چې یو شمېر یې د داعش غړي وه.

د جګړې په بهیر کې سلګونه بندیان بریالي شول، چې وتښتي؛ خو امنیتي ځواکونو یو شمېر بېرته ونیول.

یو شمېر نیول شویو بندیانو آریانا نیوز ته ویلي؛ ۶ بریدګر زندان ته رادننه شول او دوی ته یې د وتلو سپارښتنه وکړه.

د دوی د څرګندونو له مخې؛ بندیانو ته وویل شول که ونه وځي، نو وبه وژل شي.

یوی امنیتي سرچینې ویلي، چې تښتیدلي بندیان طالبان،  داعشیان او مجرمان ول.

د ننګرهار والي ویاند عطا الله خوږیاڼي ویلي؛، چې په دې پېښه کې ۳۰ کسان وژل شوی او ۵۰ نور ټپیان دي.

خوږیاڼي زیاته کړې؛ په دې دله ییز برید کې امنیتي ځواکونو، بندیانو او عامو وګړیو ته ځاني زیان اوښتی دی.

د ننګرهار ولایت د عامې روغتیا ریاست ویاند ظاهر عادل آریانا نیوز ته ویلي، چې د ۱۳ ټپیانو روغتیایي حالت د اندېښنې وړ دی.

د داعش دغه ډله ییز برید یوه ورځ وروسته له هغې رامنځته شو، چې د افغانستان ملي امنیت ریاست ځواکونو جلال آباد ښار ته نږدې د دغو جنګیالیو یو استخباراتي مشر اسدالله اورکزی په یو لړ عملیاتو کې وواژه.

Continue Reading

تازه خبرونه

پر ننګرهار زندان د ډله ییز برید له کبله د سلګونه تښتیدليو بندیانو یو شمېر بېرته نیول شوي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار سیمه ییزو چارواکو په ډاګه کړې، چې د دې ولایت پر مرکزي محبس د داعش جنګیالیو د برید پر مهال د سلګونه  تښتیدليو بندیانو یو شمېر بېرته نیول شوي دي.

د ننګرهار والي ویاند عطاالله خوږیاڼي ويلي؛ د برید له کبله د تښتېدلیو زندانیانو شمېر خورا مهم دی؛ خو تر دې دمه کره شوی ندی.

نوموړي زیاته کړې، تراوسه ۷۰۰ تښتیدلي زندانیان، د امنیتي ځواکونو له خوا بېرته نیول شوي او خوندي ځایونو ته لیږدول شوي دي.

یوې امنیتي سرچینې د نوم د نه ښودلو پر شرط آریانانیوز ته ویلي، چې سلګونه زندانیان پر تېښته بریالي شوي، چې په کې وسله وال طالبان، د دعش اړوند جنګیالي، انسان تښتوونکي او نور جنايي بندیان شته.

ویل کیږي، چې د جګړې د پیل پر مهال ۱۷۰۰ بندیان په زندان کې دننه ول، چې یو شمېر یې د داعش غړي وه.

د جګړې په بهیر کې سلګونه بندیان بریالي شول، چې وتښتي؛ خو امنیتي ځواکونو یو شمېر بېرته ونیول.

له محبس څخه راوتلی اسلام الدین نومي آریانانیوز ته ویلي؛ شپږ بریدګر، چې پر سرونو یې تورې ټوټې تړلې وې او ژوندی دې وي اسلامي خلافت چغې یې وهلې؛ زندان ته را د ننه شول.

تښتیدلي بندي دا هم ویلي، چې بریدګرو د امنیتي ځواکونو لباس اغوستی و او زندانیانو ته یې ویل، ژر له زندان څخه ووځي کنې وبه وژل شئ.

داعش د دې برید مسوولیت پرغاړه اخیستی او څرګندوي، چې د برید له کبله د دوی یو شمېر کسان پر تېښته بریالي شوي دي.

د محبس د ننه یو شمېر بند پاتې زندانیان وايي، بریدګر پر اردو ژبه خبرې کوي او ښه مجهز دي.

د ننګرهار د عامې روغتیا ریاست ویاند ظاهرعادل ويلي؛ د ښار په روغتونو کې بېړنی حالت اعلان شوی.

هغه وايي، تراوسه ورته ۵۰ ټپیان وروړل شوي، چې د ۱۳ هغو روغتیايي حالت د اندېښنې وړ دی. په قربانیانو کې امنیتي سرتېري، زندانیان او ملکي وګړي شته او  ځېنې کسان په کورونو کې هم ژوبل شوي.

د کورنیو چارو وزارت د څرګندونو له مخې؛ پرون مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره په نښته کې ښکېل شوي دي.

دفاع وزارت نن ماښاو څرګنده کړې، چې برید له څه ناڅه ۲۰ ګړیو وروسته د بریدګرو په وژل کیدو پای ته رسیدلی، چې په کې ۳۰ کسام وژل شوي او ۵۰ ټپیان دي.

د یادونې ده، چې دغه برید اوړمه ورځ جلال آباد ښار ته نږدې د ملي امنیت د ځانګړیو ځواکونو په عملیاتو کې د داعش د یوه استخباراتي مشر اسدالله اورکزي له وژل کیدو یوه ورځ ورسته رامنځته شوی او نن له غرمې وروسته د بریدګرو په وژل کیدو پای ته رسیدلی دی.

Continue Reading

Trending