Connect with us

تازه خبرونه

قطر د افغانانو خپلمنځي ناسته لغو کړه

خپور شوی

 په

(Last Updated On: وری ۳۰, ۱۳۹۸)

ولسمشرۍ په ډاګه کړې، چې د قطر حکومت  پرون(پنجشنبه د دوري ۲۹) ناوخته په دوحه کې د حکومت د استازیو او طالبانو ناسته لغو کړه.

ولسمشرۍ د قطر حکومت د دغې ناستې پر لغو کولو ملامت کړ او وایي؛ سره لدې، چې د قطر ناستې ته د ۲۵۰ کسانو د لیږلو چمتوالی نیول شوی و، خو دغه هېواد د افرادو او اشخاصو یو نوی نوملړ د دغې ناستې لپاره د افغانستان حکومت ته راولیږه.

د ارګ په خبرپاڼه کې راغلي؛ د قطر په نوي نوملړ کې د افغانستان د خلکو متوازن ګډون ته پاملرنه نده شوې، چې دې کار د افغانستان د خلکو د ملي ارادې د سپکاوي معنا لرله او دا کړنه حکومت او خلکو ته د منلو وړ نده.

د ارګ د خبرپاڼې له مخې؛ د قطر د حکومت د دغه کار په غبرګون کې د پنجشنبې پر ورځ د ولسمشر غني او سیاسي مشرانو تر منځ ناسته تر سره شوه او پرېکړه شوې، چې د قطر په ناسته کې د دغه حکومت نوملړ د افغانستان د حکومت لپاره د منلو وړ ندی.

دغه راز په دې ناسته کې پرېکړه وشوه، چې د قطر له حکومته دې د دوحې په ناسته کې د افغانستان د حکومت لخوا د غوره شوي پلاوي د ګډون غوښتنه وشي.

ولسمشرۍ دا هم څرګنده کړې؛ دا، چې د قطر حکومت زمونږ رښتینې غوښتنه پلي نکړای شوه، نو د دوحې کنفرانس یې لغو کړ.

طالبانو هم منلې، چې د قطر په دوحه کې د اپریل پر شلمه او ۲۱ نېټه د (بین الافغاني کنفرانس) اهتمام شوی و، چې اوس لغو شو.

طالبانو د دې موضوع په اړه په خپله خبرپاڼه کې لاندې وضاحت وړاندې کړی: د افغانستان حکومت هڅه وکړه، چې د افغانانو له خپلمنځي خبرو د حکومت او طالبانو تر منځ د مذکراتو غونډه جوړه کړي، چې د کنفرانس له تګلارې سره یې سمون نه درلود.

په دوحه کې د بشري چارو او شخړو د مطالعاتو مرکز د ناستې پر ځنډیدو خواشینی شوی؛ خو وایي، د اختلافاتو د حل او په راتلوونکې کې د ناستې جوړیدو په تړاو هڅې روانې دي.

له دغو څرګندونو څو شېبې وروسته  د افغانستان د سولې لپاره د امریکا ځانګړي استازي خلیلزاد په خپل یو تویت کې څرګنده کړه، چې: د قطر (بین الافغاني) ناسته ځنډیدلې ده.

نوموړي له دغه ځنډه ناهیلي ښودلې او له ټولو اړخونو یې غوښتي، چې ( بین الافغاني) خبرو ته دې ژمن پاتې شي.  

ښاغلي خلیلزاد  ویلي، چې تلپاتې سولې او سیاسي حل لارې ته د رسیدو لپاره پرته له خبرو بله لار نشته.

هغه له ټولو خواوو غوښتي، چې د ټولو افغانانو د استازیو او پلاوي له نوملړه دې ملاتړ ته زمینه برابره شي. که په دې اړه زما همکارۍ ته اړتیا پېښه شوه؛ زه ورته چمتووالی لرم.

هغه کسان، چې د دوحې لخوا دې ناستې ته بلل شوي وه وایي، دا کار به د سولې ټول بهیرونه له بندون سره مخ کړي.

ښځو حقونو مخکښه تاج ور کاکړ وایي؛ ښکاري، چې ولسمشر ته سمه مشوره نه وړاندې کیږي؛ د دولت اړخ همغږي نلري او پر همدې لامل دا ناسته ځنډیدلې ده.

سیاسي فعال محمد نصیب مهدي، چې د افغانانو د لومړنۍ خپلمنځي ناستې یو برخه وال دی او وایي؛ ټاکل شوې وه، چې هلته د سمرقند د سولې ناستې ته د رسیدو عملي کړنلارې تر بحث لاندې راشي.  

د  جنبش ملي افغانستان ګوند مرستیال عبدالله قرلق وایي، چې د هغو رالیږل شوی نوملړ حکومت او سیاسي څېرو ونه مانه او دا هم نه کیږي، چې هر څه د طالبانو له خوښې سره سم تر سره شي. 

سیاسي فعال نظر محمد مطمئن ویلي؛ د قطر په نوملړ کې د حکومت په ګډون د ټولو اړخونو نومونه راغلي؛ خو حکومت دا نوملړ ونه مانه او له قطر ه یې وغوښتل، چې دا ناسته لغو کړي.          

دا په داسې حال کې ده، چې په ډېر شمېر کسان دغې ناستې ته د ګډون په هیله له ولایتونو څخه کابل ته راورسیدل او ان یو شمېر نور دوحې ته ولاړل.

تازه خبرونه

د امریکا او قطر بهرنیو چارو وزیرانو د افغانستان په اړه خبرې وکړې

خپور شوی

په

توسط

(Last Updated On: تله ۲۶, ۱۴۰۰)

د امریکا بهرنیو چارو وزیر انټوني بلینکن د یکشنبې پر ورځ د قطر د بهرنیو چارو له وزیر محمد بن عبدالرحمن ال ثاني سره د افغانستان په اړه خبرې وکړې.

سرچینې پدې اړه نور جزئیات ندي ورکړي؛ خو بلینکن د امریکایي وګړیو او افغانانو د خوندي لیږد پر مهال د قطري چارواکو له مرستې مننه کړې ده.

د اګست پر ۱۵ کله، چې کابل د اسلامي امارت لاس ته ولوید ؛ په زرګونو کسان په دوه اوونیو کې د کابل له هوایي ډګر څخه دوحې ته ولېږدول شول.

دا په داسې حال کې ده، چې قطر په افغانستان کې یو له مهمو لوبغاړیو څخه ګڼل کیږي.

Continue Reading

تازه خبرونه

د افغانستان پولې ته نږدې د روسیې په مشرۍ پوځي روزنه پیل شوې

خپور شوی

په

توسط

(Last Updated On: تله ۲۶, ۱۴۰۰)

رویټرز څرګنده کړې، چې نن دوشنبه د تلې ۲۶ د افغانستان پولې ته نږدې د روسیې په مشرۍ د ډله ییز امنیت تړون ټولنې غړیو په تاجکستان کې پوځي روزنیزې هڅې پیل کړي دي.

دا په داسې حال کې ده، چې په دې وروستیو کې د تاجکستان او د افغانستان اسلامي امارت ترمنځ تاوتریخوالی ورځ تر بلې ډېر شوی دی.

د افغانستان اسلامي امارت تاجکستان د افغانستان په کورنیو چارو کې پر لاسوهنه تورن کړی دی.

پرته له تاجکستان څخه د افغانستان ټول شمالي ګاونډ هېوادونه له افغانستان سره ښې او نیکې اړیکې غواړي.

د روسیې او تاجکستان دفاع وزارتونو زیاته کړې، چې دغه روزنیزې پوځي هڅې د ډله ییز امنیت تړون ټولنې غړیو لخوا پیل شوي، چې په کې ۵۰۰۰ سرتېري ونډه لري او نیمایي یې روسیان دي.

دا پوځي روزنې به شپږ ورځې روانې وي.

رویټرز زیاته کړې، چې روسیه د منځنۍ آسیا هېوادونو ته د افراطي ډلو د نفوذ په اړه اندېښنه لري او دا خپل امنیت ته ګواښ ګڼي.

مسکو، چې په تاجکستان کې پوځي اډه لري؛ دغه هېواد ته ډاډ ورکړی، چې د ګواښونو پر وړاندې به له دوی سره همکاري کوي.

دغه راز ټاکل شوې، چې د اسلامي امارت یو پلاوی، چې مشري یې د افغانستان د لومړي وزیر مرستیال ملا عبدالسلام حنفي کوي؛  د مسکو په ترویکاغونډه کې ګډون وکړي.

د افغانستان لپاره د روسیې د ولسمشر ځانګړي استازي ضمیر کابلوف ویلي؛ په دې ناسته کې به د روسیې، امریکا، چین او پاکستان استازي ګډون وکړي او له دې ناست مخکې به د افغانستان په اړه یو څو ناستې ولري، چې د افغانستان په اړه روښانه دریځ رامنځته شي.

Continue Reading

تازه خبرونه

د تښتیدلي ولسمشر اشرف غني له ۱۰۰ دېر دروغ وشمېرل شول

خپور شوی

په

توسط

(Last Updated On: تله ۲۵, ۱۴۰۰)

خلکو ویلي؛ له هېواده د جمهوریت تښتیدلي ولسمشر د خپلې واکمنۍ پر مهال له سل ډېر دروغ ویلي او له زر ډېرې داسې ژمنې یې افغان ملت ته وړاندې کړي، چې یوه یې هم پلې شوې نده.

افغانان وايي، چې اشرف غني د ولسواکۍ داسې یو ولسمشر و، چې له هېواده پر تېښتې سربېره یې ملت ته ګڼ دروغویلي او غولولی یې دی.

اشرف غني د کمال خان بند د پرانیستې په مراسمو کې ویلي وه، چې افغانستان به په پېنځه کلونو کې پاکستان او هند ته برښنا صادره کړي او په زغرده به  یې ویل، چې له هېواده نه تښتي؛ خو د خلکو د څرګندونو له مخې همدا یې ستر دروغ ول.

خلک وايي، چې اشرف غني له ملت سره سلګونه ژمنې وکړې، چې یوه یې هم عملي نکړه او ولسونه یې تېرېستي دي.

په دې رپوټ کې د اشرف غني د درغو ژمنې په لاندې ډول مستندې شوې دي:

– یو میلیون کاری فرصتونه رامنځته کول؛ خو پېنځه میلیون خلک بې کاره شول.

– د باغیس په سفر کې یې یو کال مخکې په ټولو ولسوالیو کې د یوـ یو مسلکي او تخنیکي ښوونځي جوړول.

– په شپږ میاشتو کې ټولو ښوونکیو ته د یوې نمرې ځمکې ورکول.

– په دوه کلونو کې د هېواد ټولو ولسوالیو ته د برښنا رسول.

– په پېنځه کلونو کې پاکستان او هند ته د برښنا صادرول.

– په هېواد کې د وینې تویېدنې مخه نیول.

– په دوه کلونو کې د  ۶۰۰۰ ښوونځيو جوړول.

– د ملت په دسترخوان کې د مثبت بدلون راوستل او …

د کابل اوسیدونکي محمد مسیح د نوموړي د دروغو په اړه ویلي؛ د اشرف غني ټولې خبرې دروغ وې. د افغانستان خلک یې وغولول. له ملت سره د ژمنو یوه یې هم پلې نکړه.

دغه راز د اشرف غني دې ورته لسګونه نورې له دروغو ډکې ژمنې، چې پلې شوې ندي.

ځينې افغانان وايي؛ اشرف غني د هېواد داسې یو کړتن ولسمشر و، چې له ښکرورو دروغو پرته یې بل څه خپل ولس او خلکو ته وړاندې نکړل. لکه:

که ایران ته یې په یوه ورځ کې د مرمرو قاچاق بند نه کړ، دی به د … زوی وي.

د ښوونکیو لپاره د ۱۵۰۰۰ بلاکونو جوړول.

بي بي ګل غلګنه نده.

د معافیت فرهنګ ختمول.

تر یوه کاله له خپله جیبه دولتي مامورینو ته معاش ورکول.

د کابل ښار یو بل اوسیدونکي روحید نومي ویلي: غني خلک وغولول او له سل دېر دروغ یې وویل او بریالۍ تېښته یې وکړه.

اشرف غني دا هم ویلي، چې په شپږ میاشتو کې به افغانستان پر دوه یمه ترکیه بدلوي او په کابل کې به مترو بس فعالوي.

دغه راز یې د کابل بانک د قضیې د حل کولو او د سلیقوي مقرریو د ختمولو ژمنې هم کړې وې، چې د واکمنۍ تر پایه یې عملي نکړې.

د سولې پر مهال ترې پلرني کور ته د تګ او علمي کار ژمنې هم ترې پاتې شوې.

ویل کیږي، چې نوموړي د دغو دروغو تر څنګ ډېرې نورې ژمنې هم د افغانستان خلکو ته وړاندې کړي، چې یوه یې هم د پلي کېدو له برکته برخمنه نشوه او په پای کې یې تېښته پر پاتې کېدو غوره وګنله.

Continue Reading

Trending

آریانا نیوز: ټول حقونه خوندي دي