Connect with us

تازه خبرونه

فوتبال فدراسیون پر ښځینه غړیو د فزیکي او جنسي ځورونې تورونه رد کړل

Avatar

خپور شوی

 په

(Last Updated On: ليندۍ ۱۰, ۱۳۹۷)

د افغانستان فوتبال فدراسیون هغه راپورونه رد کړل، چې ګویا د فوتبال ښځینه ملي لوبډلې غړي له فزیکي او جنسي ځورونې سره مخ دي.

په وروستیو کې ګاردین ورځپاڼې د افغانستان د ښځینه فوتبال ملي لوبډلې د ځینو پخوانیو غړیو له خولې ویلي، د دې لوبډلې غړي له جنسي ځورونې سره مخ دي.

د افغانستان د فوتبال فدراسیون سرمنشي وایي؛ د ګاردین ورځپاڼې دغه تورونه بې بنسټه دي او دغه ادعا د یو شمېر کسانو لخوا واردیږي، چې د نجونو فوتبال لوبډلې له غړیتوب بې برخې شوي دي.

د فوتبال فدراسیون سکرترجنرال خبرداری ورکړ، چې د فساد دوسیه به په جدي توګه وڅېړل شي.

د ګاردین ورځپاڼې دغه راپور به له افغان نجونو څخه د لوبو فرصتونه واخلي.

د افغانستان فوتبال فدراسیون سکرتر جنرال سید علي رضا آقا زاده وایي: له ګاردین سره مرکه کوونکي هغه کسان دي، چې په تېرو کې د فوتبال فدراسیون غړي وه او له مدیریتي پستونو ګوښه شوي؛ نو، دا اوازې یې خپرې کړې دي.

حکومت تر دې دمه په دې اړه څه ندي ویلي.

د افغانستان د نجونو فوتبال ملي لوبډله هم دغه تورونه بې بنسټه بولي او وایي، چې دغه راپور به په جدي توګه وڅېړل شي.

خبریال: عبدالله انوري

تازه خبرونه

فیسبوک د حکومتونو ترڅارنې لاندې رسنۍ په نښه کوي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د فیسبوک نړیوالې شبکې په ډاګه کړې، چې د حکومتونو تر څارنې لاندې ټولو رسنیزو شبکو ته ځانګړې نښې جوړوي.

فیسبوک ټولنیز شرکت غواړي یو شمېر رسنیزې پاڼې لکه د روسیې سپوتنیک، د ایران پریس ټي وي او د چین سیهنووا خبري آژانس د منفی او دولتي تبلیغاتو د مخنیوي لپاره ځانګړې نښې وکاروي.

له دې کاره موخه د خلکو پوهول ښودل شوي، چې دا رسنۍ نا دولتي ندي، بلکې د دولت لخوا څارل کیږي.

فیسبوک تېره ورځ  په یوه اعلامیه کې په ډاګه کړې، چې په سږني دوبي کې به د امریکا له ولسمشریزو ټاکنو مخکې د دغو رسنیو ټولې خبرتیاوي او تبلیغات دلته بند شي.

فیسبوک څرګندوې: مونږ دغو خپرونکیو ته د روڼتیا زمینه برابروو؛ ځکه، چې دوی د رسنیو له لارې دولتي ستراتیزیکې موخې پالي او مونږ باید خلک او اوریدونکي وپوهوو، چې څه اوري او ګوري له دولتي اغېزه برخمن دي.

دې بنسټ دا هم په داګه کړې، چې ناپېیلې او نادولتي رسنۍ به په نښه نشي.

فیسبوک په بشپړ ټینګار څرګنده کړې، چې د امریکا په ولسمشریزوټاکنو کې د بهرنيو لاسوهنو د مخنیوي لپاره  یې دا پرېکړه کړې ده.

فیسبوک شرکت په دې وروستیو کې د خپلو کارکوونکیو له نیوکو سره مخ شوی، چې ولې یې د ټول هېواد په کچه د روان تاوتریخوالي په اړه د ولسمشر ډونالډ ټرمپ د ګواښونو مخنیوی ندی کړی.

Continue Reading

تازه خبرونه

د  دیني عالم ډاکټر ایاز نیازي مړی پر ځانګړیو مراسمو خاورو ته وسپارل شو

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د  افغانستان د وتلي دیني عالم ډاکټر ایاز نیازي مړی نن پر ځانګړیو مراسمو د وزیر محمد اکبرخان لوی جومات په انګړ کې، چې خطیب یې هم و؛ خاورو ته وسپارل شو.

 ایاز نیازی وړم ماښام په وزیر محمد اکبر خان جامع جومات کې دننه په یوه چاودنه کې لومړی سخت ټپي او بیا یې په روغتون کې ساه ورکړه.

هو! هغه رسا غږ، نور د تل لپاره دغلته تر خاورو لاندې شو.

ایاز نیازی، چې د مصر په الازهر کې یې  دوه ماسترۍ او یوه ډاکټري تر لاسه کړې وې؛ نه یوازې یې په تلویزیوني بحثونو کې دیني لارښوونې کولې، بلکې د مرګ تر ګړۍ یې له ولسونه خبله پوه نه ده سپمولې.

د ارشاد، حج او اوقاقو وزارت چارسمبالی عبدالحکیم منیب دا پېښه د نورو دیني عالمانو لپاره د عطف ټکی بولي او وایي؛ دا پېښه په هر اړخیز ډول څېړل کیږي او د حقیقت موندنې د پلاوي مشري به هم زه پخپله کوم.

طالبانو دا پېښه غندلې او  لوی جنایت یې بولي.

د ولسمشر لومړي مرستیال امرالله صالح تازه پخپلې فیسبوک پاڼې څرګنده کړې، چې طالبان نشي کولی په لنډو جملو کې له دا راز پېښو ځان سپین ثابت کړي.

نوموړي زیاته کړې؛ زیاتره هغه عالمان په افغانستان کې پر نښه کیږي، چې له پاکستان پرته نورو هېوادونو کې یې زدکړې کړې وي.

Continue Reading

تازه خبرونه

د روغتونونو ټيټ کیفیت د روغتیایې ننګونو د ډېریدو علت دی

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

 د هېواد روغتونونه  د ټیټ کیفیت پر لرلو ندي توانیدلي، چې خلکو ته پوره روغتیایي خدمتونه وړاندې کړي.

د عامې روغتیا وزارت چارسمبالی

احمد جواد عثماني، چې ولسمشر نوی وګومارلو څرګندوي؛ د روغتونونو ټيټ کیفیت  سبب شو، چې پر کرونا د اخته کسانو درملنه او خوریدنه ننګوونکې شي او دا ویروس هم سم مدیریت نشي.

دا  په داسې حال کې ده، چې اووه سوه اووه اتیا نورې مثبتې پېښې په هېواد کې ثبت شوي او ټول شمېر یې له اتلس زره حخه واوښت.

د عامې روغتیا وزارت د ویاند مرستیال توحید الله شکوهمند ټینګار کوي، چې ۱۲۹۶ بېلګې مو په تېرو ۲۴ ګړیو کې کتلي، چې ۷۸۷ یې مثبتې دي.

په همدې حال کې د عامې روغتیا وزارت د کرونا وېیوس چټکه وده د اندېښنې وړ بولي او خبرداری ورکوي که خلک خپل مسوولیتونه په سم ډول ادا نکړي؛ حالت به له کنتروله ووځي.

Continue Reading

Trending