Connect with us

کوید۱۹

فرانسې له افغانستان سره د کرونا واکسین ١٤٤ زره دوزه مرسته وکړه

خپور شوی

 په

(Last Updated On: زمری ۱۸, ۱۴۰۰)

د افغانستان د عامې روغتیا وزارت څرګنده کړې، چې فرانسې د یکشنبې پر ورځ د افغانستان عامې روغتیا وزارت ته د کرونا ویروس د واکسینو لومړنۍ مرسته  وسپارله.

عامې روغتیا وزارت ویلي؛ په دې مرسته کې ١٤٤ زره دوزه د استرازینکا واکسین دي، چې د کوواکس بنسټ له لارې د افغانستان عامې روغتیا وزارت ته وسپارل شول.

د عامې روغتیا وزارت مالي او اداري مرستیالې ډاکتر وژمه سالمي د افغانستان د حکومت په استازیتوب د فرانسې هېواد له مرستې مننه وکړه او د کرونا واکسین یې د کرونا ویروس د کمولو تر ټولو اغېزمنه لار وبلله.

سالمي زیاته کړې؛ د واکسین دا دوز پر هغو خلکو پلی کېږي، چې مخکې یې د استرازینکا لومړی دوز ترلاسه کړی او له دوه یم دوزه د واکسین د نشتون له کبله بې برخې پاتې شوي.

هغې دغه راز ویلي، چې کرونا ویروس یوه نړیواله ستونزه ده او ټولیز انسجام ته اړتیا لري. هغې له ټولو نړیوالو شریکانو او هېوادونو وغوښتل چې د کرونا ویروس پر وړاندې په مبارزه کې له افغانستان سره همکاري وکړي.

دغه راز په کابل کې د فرانسې سفارت چارسمبالي توماس ګیبرټ ویلي: په افغانستان کې د کرونا ویروس درېیمې څپې سخته اغېزه کړې او فرانسې هېواد د دې ویروس پر وړاندې د مبارزې او د افغانستان له خلکو سره د مرستې لپاره پرېکړه کړې، چې د افغانستان له روغتیایي سکتور سره د کرونا استرازینکا واکسین ١٤٤ زره دوزه مرسته وکړي، چې اوس یې موږ د سپارلو لیدونکي یو.

توماس ګیبرټ زیاته کړې، چې هېواد یې د افغان له ډاکترانو سره د مسلکي زدکړو په برخه کې همکاري کړې، چې په راتلونکي کې به هم دا همکارۍ روانه وي.

د یادونې ده، چې د افغانستان حکومت له فرانسې هېواد څخه د کرونا واکسین پر ترلاسه کولو سربېره له امریکا، چین، سویډن او هند څخه هم واکسینونه ترلاسه کړي دي.

 

کوید۱۹

نړۍ دې د کرونا ویروس پر ضد ګډې هڅې وکړي

خپور شوی

په

توسط

(Last Updated On: سلواغه ۴, ۱۴۰۰)

رویټرز څرګنده کړې؛ د روغتیا نړیوالې ټولنې مشر د دوشنبې پر ورځ د نړۍ له هېوادونو وغوښتل، چې د کرونا ویروس د روان مهم پړاو د پای ته رسولو لپاره ګډې هڅې وکړي؛ ځکه دمګړۍ له ټولو وسایلو برخمن دي.

د روغتیا نړیوالې ټولنې مشر ټډروس اډهانوم ګیبریسوس د آلمان له پراختیا وزیرې سونیا شولز سره یوځای په یوه مطبوعاتي کنفرانس کې وویل: کرونا ویروس اوس خپل درېیم کلني پړاو ننوځي او مونږ هم ورسره په یوه مهم پړاو کې یوو.

ټډروس اډهانوم ګیبریسوس وایي: مونږ باید په ګډې هڅې وکړو، چې د دې ناروغۍ مهم پړاو پای ته ورسوو. مونږ باید د وېرې او بې پروایۍ د اوږدېدنې مخنیوی وکړو.

ټډروس د دوشنبې پر ورځ وویل، چې آلمان د توضیحاتو له ورکولو پرته د دې ادارې ترټولو لوی تمویلوونکی دی. په تاریخي توګه امریکا د دې ټولنې د غړیو هېوادونو ترمنځ ترټولو ډېره مالي مرسته کړې ده.

د آلمان پراختیا وزیرې سونیا شولز ویلي، چې د آلمان لومړیتوب د جي – ۷  مشرۍ ته رسېدل  او په ټوله نړۍ کې د کرونا ویروس له منځه وړل دي؛ خو د دې کار لپاره یې د نړیوالې کچې د واکسین د ګړندی پړاو غوښتنه وکړه.

Continue Reading

کوید۱۹

په هند کې له ۲۴ ګړیو راپدیخوا پر کرونا ویروس ۳۳۳۵۳۳ کسان اخته شوي

خپور شوی

په

توسط

(Last Updated On: سلواغه ۳, ۱۴۰۰)

رویټرز راپور ورکړی، چې د یکشنبې پر ورځ د هند حکومت د پرلپسې څلورمې ورځې لپاره له ۳۳۰۰۰ ډېرې مثبتې پېښې ثبت کړې دي.

حکومتي سرچینو په هند کې له تېرو څلیریشت ګړیو راپدیخوا پر کرونا ویروس د اخته کېدو له ۳۳۳۵۳۳ مثبتو پېښو او ۵۲۵ د مړېنې راپور ورکړی دی.

د یادې سرچینې د راپور له مخې؛ په هند کې له کرونا ویروسه د مړېنې شمېر ۴۸۹۴۰۴ ته رسیدلی دی. د هند روغتیا وزارت ویلي؛ د شنبې پر ورځ هند پر کرونا ویروس د اخته کسانو ۱۹۳۳۷۷۰۴ نوې مثبتې او ۴۸۸ د مړېنې پېښې ثبت کړې دي.

د حکومتي څرګندونو له مخې، اوسمهال د اخته خلکو د رغیدو کچه ۹۳ اعشاریه ۱۸ ته رسېدلې ده.

د روان کال له پیل راپدیخوا، د هېواد بېلابېلې برخې د کرونا ویروس د نوې بڼې یا اومیکرون د مخنیوي محدودیتونه تر بېلابېلو کچو لاندې دي.

رویټرز راپور ورکړی، چې د هند پلازمېنې ډیلي د اوونۍ د وروستیو ورځو رخصتي پلې کړي؛ که څه هم په پراخه کچه تمه کیده، چې ډیلي به یو څه محدودیتونه لرې کړي. سیمه ییز حکومت د جمعې پر ورځ پرېکړه وکړه، چې پر تګ راتګ بندیزونه روان وساتي.

د هند فډرالي حکومت ویلي، چې دوی په تېرو څلیریشت ګړیو کې یو اعشاریه اووه اتیا میلیون خلک آزمویلي او په پام کې ده، چې دا کار روان وساتل شي.

Continue Reading

کوید۱۹

جاپان کې د کرونا ویروس ۱۰ زره مثبتې پېښې ثبت شوې

خپور شوی

په

توسط

(Last Updated On: سلواغه ۲, ۱۴۰۰)

رویټرز راپور ورکړی، چې جاپان نن (شنبه د سلواغې ۲) د کرونا ویروس ۱۰۰۰۰ مثبتې پېښې ثبت کړې دي.
د راپور له مخې؛ د دغه شمېر له ثبت سره په جاپان کې د کرونا ویروس د مثبتو پېښو شمېر له ۵۰۰۰۰ څخه اوښتی دی.
په جاپان کې د کرونا ویروس د اومیکرون بڼې خپریدل هم پیل شوي دي.
رویټرز زیاته کړې، چې په جاپان کې پر کرونا ویروس اخته درې کسان مړه شوي او د ۱۲ نورو روغتیايي حالت د اندېښنې وړ دی.
د جاپان د رسمي څرګندونو له مخې؛ د دغه هېواد ۷۸ سلنه وګړیو د کرونا واکسین ترلاسه کړی دی.
دا په داسې حال کې ده، چې د جاپان عامې روغتیا وزارت له ۱۱ کلونو کم عمره ماشومانو ته د فري فایزر د پیچکارۍ اجازه هم ورکړې ده.

Continue Reading

Trending

Copyright © 2022 Ariana News. All rights reserved!