Connect with us

تازه خبرونه

غني د لنډمهاله ادارې له وېرې نوي ملګري لټوي – سیاستوال

خپور شوی

 په

(Last Updated On: مرغومی ۲۱, ۱۳۹۹)

ځینې سیاستوال باوري دي، چې اشرف غني؛ ځکه د نویو ملګرو د پیدا کولو په لټه کې دی، چې له یوې خوا د لنډمهاله ادارې د جوړېدو مخنیوی وکړي او له بلې خوا یې واک له لاسه ونه وځي.

اشرف غني د بې واکه او بې ځواکه پاتې کېدو له وېرې له هغو کسانو سره ملګرتیا او همکاري پیل کړې، چې د ارګ زیاترو رسمي ناستو ته نه ور بلل کېدل.

 په همدې ترڅ کې نوموړي د مارشال دوستم لور راحله دوستم د انتصابي سناتورې او محمد محقق یې په پوځي او سیاسي چارو کې د خپل ستر سلاکار په توګه ټاکلي دي.

افغان سیاستوال باوري دي، چې ولسمشر د لنډ مهاله ادارې له جوړېدو هم وېره لري؛ نو، ځکه اوس طالب ضد څېرې او نفوذ لرونکي کسان خپلول غواړي.

د دوی پر اند دا یوه ناکامه او وړه لوبه ده، اشرف غني ورته غاړه ایښې ده.

د اسلامي جمعیت د مشرتابه غړی ستار مراد پدې اړه وایي:  لنډمهاله اداره راځي او اوسنۍ اداره به واک و ځواک ورته سپاري. دا د ټولو سیاسي ګوندونو اند دی… که غني په دې اند وي، چې ۴ کاله نور به هم د واک و ځواک لرونکی وي؛ کېدی شي دا هم( د دې کار) یوه شونتیا وي.        

د افغانستان د خلکو د اسلامي وحدت ګوند مرستیال ظاهر وحدت دغو خبرو ته په نغوته کې ویلي: د  محقق لپاره دا نوې دنده د سیاسي ملګرو د پیدا کولو کومه بڼه نده، بلکې ولسمشر غواړي، چې سیاسي ډلې د سولې د ښه مدیریت لپاره له ځان سره ولري.     

د لنډ مهال حکومت د جوړېدو خبره اوس پوره توده شوې؛ طالبان اسلامي دولت جوړېدل غواړي او جمهوریت پلوي هم د اسلامي جمهوریت د کار دوام.

سیاستوالو ویلي، چې دواړه لوري دې د حکومتدارۍ پر درېیم غوراوي هوکړې ته ورسیږي.

د افغانستان د اسلامي اتحاد ګوند مشر وحید الله سباوون په دې اړه ویلي: د واک و ځواک لېږد یوه لنډ مهاله حکومت ته، چې نظام ورسره بدلون ونکړي او دواړه لوري هومکړه وکړي.          

د ملي امنیت پخوانی مشر رحمت الله نبیل هم د لنډ مهاله حکومت له جوړېدو سره ستونزه نلري؛ خو پدې شرط، چې په کې د دولت بنسټونه او جوړښټونه پخپل ځای پاتې وي او سمونونه راشي.

ولسمشرۍ ماڼۍ د ورستیو انتصابونو په اړه څه نه وایي؛ خو ولسمشر ویلي، چې د واک پرېښودو یوازنۍ لار ټاکنې دي.

تازه خبرونه

هېوادونه باید د افغانستان له بې ثباتۍ څخه د ځان په ګټه کار وانخلي – هند

خپور شوی

په

توسط

(Last Updated On: تله ۵, ۱۴۰۰)

د هندې لومړي وزیر نریندرا مودي د ملګرو ملتونو په عمومي غونډه کې ویلي؛ نړۍ باید ډاډ تر لاسه کړي؛ ځکه، چې اوس هم ځينې هېوادونه له ترهګرۍ څخه د وسیلې په توګه کار اخلي.

د ملګرو ملتونو په عمومي غونډه کې د افغانستان پر مسایلو د نړۍ مشرانو د خبرو په لړ کې د هند لومړي وزیر نریندرا مودي ویلي، چې د افغانستان له بې ثباتۍ څخه باید هیڅ هېواد د ځان په ګټه کار وانخلي.

د هند لومړی وزیر نریندرا مودي: دا ډېره اړینه ده، چې نړۍ د افغانستان له خاورې د ترهګرۍ د پراختیا او ترهګریزو بریدونو څخه د کار له نه اخیستنې څخه ډاډ تر لاسه کړي.

مودي په افغانستان کې د روان وضعیت په اړه ویلي؛ ښځې، ماشومان او لږکي بېړنیو مرستو ته اړتیا لري او نړۍ دنده لري، چې هغوی ته مرستې ورسوي.

نوموړي زیاته کړې؛ افغانان، ښځې ماشومان او لږکي بېړنیو مرستو ته اړ دي. مونږ باید خپله دنده پر ځای کړو او له هغوی سره مرسته وکړو.

دغه راز روسیې ویلي، چې تر اوسه هیڅ هېواد د طالبانو د رسمیت پېژندلو په اړه غور ندی کړی.

د ملګرو ملتونو عمومي غونډې ته د روسیې د بهرنیو چارو وزیر سرګي لاوروف په ډاګه کړې، چې نړۍ باید د افغانستان نازک شرایط درک کړي او له دې هېواد سره بشردوستانه مرستې سیاسي نکړي.

نوموړي زیاته کړې؛ په افغانستان، سوریه، لیبیا، یمن او نورو سیمو کې ښکېل بهرنیان باید د دې هېوادونو تمدن او فرهنګ ته په کتو چلند غوره کړي. د بشري مرستو سیاسي کولو پر ځای باید د یوه غښتلي ګډون او مرستو لپاره لاس ورکړو.

دا په داسې حال کې ده، چې د البانیا ولسمشر د ملګرو ملتونو عمومي غونډې ته په خبرو کې ویلي؛ افغانان باید په اوسنیو شرایطو کې یوازې پرینښودل شي او د تېرو شل کلونو لاسته راوړنې باید وساتل شي.

Continue Reading

تازه خبرونه

په افغانستان کې ۱۴ میلیون خلک د خواړو خوندیتوب نلري

خپور شوی

په

توسط

(Last Updated On: تله ۴, ۱۴۰۰)

د ملګرو ملتونو د خواړو نړیوالې ټولنې (ډبلیو اچ او) په افغانستان کې د لوږې او بېوزلۍ پر دېرېدونکي وضعیت اندېښنه په ډاګه کړې او څرګندوي، چې دا مهال په دې هېواد کې ۱۴ میلیون خلک د خواړو خوندیتوب نلري.

د خواړو نړیوالې ټولنې ويلي، چې افغانان له پوره بېوزلۍ او لوږې سره مخ دي او درې وخته ډوډۍ نلري.

د دې سازمان په تازه راپور کې راغلي، چې یوازې پېنځه په سلو کې افغانان د اړتیا وړ خواړه لري او پاتې نور له بېوزلۍ سره مخ دي.

د خواړو نړیواله ټولنه څرګندوي؛ ډېرو لوستو او تحصیل لرونکیو افغانانو په وروستیو میاشتو کې دندې له لاسه ورکړي او د خواړو بیې هم لوړې شوي، چې له کبله یې خلک له سختې لوږې سره مخ شوي دي.

د ملګرو ملتونو د وګړيو صندق اجرائيه مدیر د فرانسې له خبرې آژانس سره په خبرو کې ویلي، چې له یوې خوا ژمی په را رسیدو دی او له بلې خوا د طالبانو له حاکمیت سره د مرستې رسونې چارې زیانمنې شوي، چې له کبله یې افغانستان له بېوسۍ سره مخ کیدونکی دی.

نوموړي زیاته کړې؛ مبالغه به نه وي، چې وویل شي له درې څخه یوه برخه افغانان خواړه نلري.

د خواړو نړیوالې ټولنې ویلي، چې د روان میلادي کال تر پایه په افغانستان کې له لوږې سره د مبارزې لپاره ۲ سوه میلیون او د راتلونکي کال د درې میاشتو لپاره درې سوه میلیون ډالرو ته اړتیا ده.

د ملګرو ملتونو د څرګندونو له مخې؛ د مرستندویه ټولنو او بنسټونو د کار مخه نه نیسي او د مرستو په لیږد کې ورسره مرسته هم کوي.

له دې مخکې ملګرو ملتونو خبرداری ورکړی و، چې اتلس میلیون افغانان بېړنیو بشري مرستو ته اړتیا لري.

Continue Reading

تازه خبرونه

بهرني هوایي شرکتونه کولی شي نړیوالې الوتنې بیا پیل کړي – اسلامي امارت

خپور شوی

په

توسط

(Last Updated On: تله ۴, ۱۴۰۰)

د افغانستان اسلامي امارت د یکشنبې پر ورځ د تلې ۴ / د سپټمبر ۲۶ څرګنده کړې، چې د کابل په هوایي ډګر کې ټولې تخنیکي ستونزې حل شوي او بهرني هوایي شرکتونه کولی شي سوداګریزې الوتنې بیا پیل کړي.

د بهرنیو چارو وزارت په خپره شوې خبرپاڼه کې راغلي؛ د کابل هوايي ډګر اوس د هر راز پروازونو لپاره بشپړ چمتو شوی دى.

د بهرنیو چارو وزارت ویاند عبدالقهار بلخي زیاته کړې؛ اسلامي امارت له هغو هېوادونو، چې پخوا يې کابل ته الوتنې لرلې د پخوا په څېر خپلې الوتنې پیل کړي، چې د بند پاتې او نورو مسافرو  ستونزې حل شي.

د بهرنیو چارو وزارت په دې اړه ټولو شرکتونو ته د پوره همکارۍ ډاډ ورکوي.

دا په داسې حال کې ده، چې د اسلامي امارت له راتګ او د بهرنیو ځواکونو له وتلو وروسته کابل ته ټولې نړیوالې سوداګریزې الوتنې درېدلې وې.

Continue Reading

Trending

آریانا نیوز: ټول حقونه خوندي دي