Connect with us

تازه خبرونه

غني د عبدالله ۵ نوماند وزیران رد کړل

Ariana News

خپور شوی

 په

(Last Updated On: July 22, 2020)

سرچینو په ډاګه کړې؛ ولسمشر غني د عبدالله عبدالله  پېنځه وزیران د کابینې د غړیتوب لپاره؛ ځکه  ندي منلي، چې سیاسي وزن، وړتیا نلري او د خلکو استازیتوب نشي کولی.

ولسمشرۍ او سپیدار ماڼۍ د نوې کابینې د غړیو په اړه له اختلافاتو سره مخ شوي؛ ولسمشر غني لږ ترلږه د عبدالله عبدالله لخوا ورپېژندل شوي پېنځه نوماند وزیران هر یو د کرنې او مالدارۍ وزارت ته نوماند  انوارالحق احدي، د سولې په چارو کې د دولت وزارت ته نوماند مصطفی مستور، د کډوالو او راستنیدونکیو چارو وزارت ته نوماند نوررحمان اخلاقي، د عدلیې وزارت ته نوماند فضل احمد معنوي او د قومونو او قبایلو چارو وزارت ته نوماند محب الله صمیم  د کابینې د احتمالي غړیو په توګه ندي منلي او ورسره یې مخالفت کړی دی.

ولسمشرۍ ویاند صدیق صدیقي ویلي؛ حکومت غواړي پارلمان ته داسې وزیران وروپېژندل شي، چې سیاسي درناوی ولري، د دولت د ثبات هېنداره وي او خلک د نوماند په تېرو ژوند داډه وي. دا بحث د کابینې د بشپړولو لپاتره خورا اړین دی.

ولسمشر غني د عبدالله عبدالله له مهمو سیاسی ملاتړو سره مخالفت کړی او وایي، چې د سپیدار یو شمېر وړاندیز شوي  وزیران د وزیرکیدلو معیارونه نلري؛ خو سپیدار ویلي، سیاسي هوکړې او اساسي قانون صلاحیتونه او معیارونه ټاکلي دي.

د عبدالله عبدالله په مشرۍ د ملي پخلاینې عالی شورا ویاند فریدون خوځون وایي: په اساسي قانون کې د وزیرانو معیارونه په ډاګه شوي؛ خو په خواشینۍ، چې د ولسمشرۍ ویاند له سیاسي هوکړې، روانو بحثونو او د اساسي قانون له ګټو بې خبره دی.

په دې پرېکړه او اختلاف نیوکې شوې دي.

یو شمېر سیاستوال وایي؛ ځینې کسان، چې د ولسمشرله خوا هم معرفي شوي وړتیا نلري.

د اساسي قانون ۷۲ ماده د نوماند وزیرانو د غوراوي معیارونه ټاکلي :

۱ـ د افغانستان تابعیت لرل

۲ـ د لوړو زدکړو، کاري تجربې او نېی شهرت لرل

۳ـ له ۲۵ کلونو لوړ عمر

۴ـ  په بشري ضد جرمونو او جنایتونو نه محکومیدل

حقوقپوه وحید فرزه یي وايي، چې د نوماد وزیرانو شرایط د اساسي قانون په ۷۲ ماده کې پوه څرګند شوي دي او د افرادو په غوښتنه او فرمایش د منلو وړ کیدی نشي.     

“شرایط پیش‌بینی شده برای نانزد وزیران در ماه ۷۲ قانون اساسی افغانستان موجود است و به فرمایش افراد نمی‌تواند قابل پذیرش باشد.”

ویل کیږي، چې دې اختلافونو داسې انېښنې را پورته کړی، چې ښایي د سولې بهیر هم له خنډ و ځنډ سره مخ شي.

تازه خبرونه

په هرات کې د حبیب غوریاني او امنیتي ځواکونو له نښتو لسګونه کسان مالي او ځاني زیانمن شوي

Ariana News

خپور شوی

په

توسط

(Last Updated On: March 4, 2021)

د هرات پولیسو نن (پنجشنبه د کب ۱۴) په ډاګه کړې چې د امنیتی ځواکونو او د سیمه ییز زورواکي حبیب غوریانی د وسلوالو تر منځ په نښتو کې د ښځو او ماشومانو په ګډون لسګونه ملکي وګړي ټپیان ا مالي زیانمن شوي دي.

پولیسو حبیب غوریاني د پیسو اخیستو، د نشه يي توکو قاچاق، غصب او پر نورو جرمونو تورن کړی او هغه پرون یې د هغه د نیولو هڅه وکړه؛ خو نوموړی له پولیسو سره په نښته کې ښکېل شو.

د پولیسو په خبرپاڼه کې راغلي: د غوریاني وسلوالو پرون د ښار د ۱۲ ناحیې په اړوند سیمه کې د ځایي اوسیدونکي پلورنځي او کور ته ورننوتل؛ خپلسرې ډزې یې کړي، هغه یې  وهلی، مالي زیان یې وراړولی او د خلکو امنیت یې ګډوډ کړی دي. د دوی دغې کړنې د خلکو غصه راوپاروله او د دولسمې حوزې مخې ته یې د قانون پلي کیدو غوښتنه وکړه.

د پولیسو د څرګندونو له مخې؛ سیمې ته د پولیسو له رسېدو سره سم د غوریاني وسلوالو پر پولیسو ډزې وکړې او ۱۴ پولیس یې ټپیان کړل.

د پولیسو د څرګندونو له مخې؛ په دې نښتو کې د یوې ښځې او درې ماشومانو په ګډون ۳۲ ملکي وګړي ټپیان شوي دي.

پولیسو زیاته کړې؛ د غوریاني له وسلوالو څخه هم دوه کسان وژل شوي او اته نور له وسلو او مهماتو سره نیول شوي دي.

پولیس وايي، چې غوریاني له سیمې تښتیدلی؛ خو څارنه یې روانه ده.

دغه راز د هرات روغتیايي چارواکي ويلي، چې له دې نښتو څخه د ښځو او ماشومانو په ګډون ۳۶ ټپیان حوزوي روغتون ته رالېږدول شوي دي.

 په دې نښتو کې د اړوند سیمې خلکو ته ډېر مالی زیان هم اوښتی دی.

سرچینې زیاته کړې چې غوریانی له سیمې تښتیدلی، خو حبیب غوریاني په ترلاسه شوې ویډیو کې، چې پر پښه ټپي ښکاري او ورسره د حکومت دا کړنه سیاسي بولي.

ویل کیږي، چې اوسمهال امنیتي ځواکونه له سیمې وتلي دي.

د یادونې ده، چې د پولیسو او د حبیب غوریاني د وسلوالو تر منځ په نښته کې ولسي وګړيو ته مالي او ځاني زیانونه هم رسېدلي دي.

Continue Reading

تازه خبرونه

په ننګرهار کې د نښلیدونکي ماین پر چاودنه یوه ښځینه ډاکټره وژل شوې

Ariana News

خپور شوی

په

توسط

(Last Updated On: March 4, 2021)

د ننګرهار پولیسو ویاند ویلي؛ نن سهار شپږبجې د دې ولایت په جلال آباد ښار کې دوه بېلابېلې چاودنې رامنځته شوي، چې د ننګرهار د حوزوي روغتون یوه ډاکټره یې وژلې او د یوه ماشوم په ګډون دوه نور ټپیان دي.

د ننګرهار د امنیه قومندانۍ ویاند فرید خان زیاته کړې؛ لومړۍ ماین چاودنه د پېنځمې ناحیې د میرویس نومي د کور په دروازه کې رامنځته شوې، چې د کور ډېرې برخې ویجاړې او یو کس یې ټپي کړی دی.

د فرید خان د څرګندونو له مخې؛ بله ماین چاودنه  د درېیمې ناحیې د عربانو ګولایي په اړوند سیمه کې پر رکشا پورې نښلول شوي ماین رامنځته شوې، چې د دې ولایت د حوزوي روغتون یوه  ډاکتره صدف یې وژلې او یوماشوم ټپي دی.

تر دې دمه د پېښې مسوولیت چا ندی منلی.

دا په داسې حال کې ده، چې سې شنبه پر ورځ د انعکاس تلویزیون درې ښځینه کارمندانې هم  په جلال آباد ښار کې د ناڅرګندو وسلوالو په دوه بېلابېلو بریدونو کې ووژل شوې، چې وروسته بیا داعش جنګیالیو د مسوولیت ادعا وکړه.

Continue Reading

تازه خبرونه

خلیلزاد د ټولګډونه حکومت د جوړولو په هڅه کې دی – سیاسیون

Ariana News

خپور شوی

په

توسط

(Last Updated On: March 4, 2021)

یو شمېر سیاسي بهیرونو، ګوندونه او مدني مخکښانو ویلي؛ د افغانستان د سولې امریکایي استازی خلیلزاد  د ټولګډونه حکومت د جوړېدو او د افغانستان د راتلونکي لپاره د بن په څېر د سترې ناستې د جوړېدو په هڅه کې دی.

خلیلزاد د ولسمشر او د ملي پخلاینې عالی شورا د مشر په ګډون له ټولو سیاستوالو سره کتلي دي.

 سیاستوالو ویلي؛ خلیلزاد سر بېره پر دې، چې د ملګرو ملتونو د منځګړیتوب پر هڅو ټینګار کړي؛ غواړي په دې ناسته کې د ګډون لپاره ایران او پاکستان وهڅوي او د نړۍ له اغېزمنو هېوادونو هم غواړي، چې دواړه لوري سولې ته وهڅوي او دغه راز یې عادلانه او تلپاتې سولې ته د هڅو پر ګړندي کولو ټینګار څرګند کړی دی.   

سیاسیونو ویلي، چې خلیلزاد له دوی غوښتي، چې د ټولګډونه حکومت په اړه خپل اندونه ژر تر ژره د واشنګټن اړوند چارواکو ته وړاندې کړي.

د افغانستان د اسلامي اتحاد حزب مشروحید الله سباوون ویلي: هڅې داسې روانې دي، چې افغانان له دوحې پرته په کوم بل هېواد کې یوه ناسته ترسره کړي او د ټولګډونه حکومت په اړه بحث او خبرې وکړي.

مدني فعالان د ټولګډونه حکومت په تړاو وایي، چې په هر حالت کې باید د افغانستان د برخلیک ټاکلو خبره افغانانو ته وسپارل شي.

د مدني ټولنو شبکې مشرعزیز رفیعي ویلي؛ رامنځته شوي فرصتونه له لاسه وتلي دي. اوس دې د راتلونکي په اړه خلکو ته فرصت ورکړي، چې خپل برخلیک پخپله وټاکي.

مدني مخکښ هادی ابراهیمي په دې اړه ویلي؛ ټولګډونه حکومتونه د هغو هېوادونو لپاره وي، چې هیڅ نظام نلري. خلیلزاد بې فکره د ټولګډونه حکومت پر لوري ګام پورته کوي.   

که څه هم هېواد کې دننه د سیاستوالو تر منځ سیاسي اجماع نه لیدل کیږي؛ خو په هېواد کې نفوذ لرونکې څېرې د جمهوریت تر چتر لاندې د حکومت دارۍ له هر راز بدلونونو ملاتړ کوي.

حکومت په دې اړه، چې آیا زلمي خلیلزاد د ټولګډونه حکومت طرحه ولسمشر غني ته سپارلې که نه؛ خو د ملي امنیت شورا سلاکار حمد الله محب ویلي، چې هر ډول طرحه باید د سولې تضمینونکې وي.

Continue Reading

Trending

آریانا نیوز: ټول حقونه خوندي دي