Connect with us

تازه خبرونه

عمران خان او خلیلزاد د افغانستان د سولې په اړه ولیدل

Ariana News

خپور شوی

 په

(Last Updated On: لړم ۷, ۱۳۹۸)

زلمی خلیلزاد د خپلو سفرونو دوه یم پړاو له بلجیم او روسیې پیل کړی او له کابل وروسته اسلام آباد ته رسیدلی او د دې حکومت له لومړي وزیر عمران خان سره یې د سولې خبرو اترو د بیا پیل په تړاو خبرې اترې کړې دي.

د پاکستان د بهرنیو چارو وزارت په ډاګه کړې؛ لومړي وزیرعمران خان د جګړې له ښکېلو خواوو غوښتي، چې د افغانستان جګړې د پای لپاره دې عملي ګامونه واخلي.

د یاد وزارت په اعلامیه کې راغلي، چې: ټول لوري باید په افغانستان کې د تاوتریخوالي د پای ته رسولو لپاره عملي ګامونه پورته کړي. اړتیا وه، چې د منفي هڅو لپاره چې لاسته راوړنې یې  تر سیوري لاندې راوستې، کلک دریځ نیول شوی وای.

پاکستان ته له سفر مخکې خلیلزاد په کابل کې له افغان مشرانو او ځینو سیاسي څېرو سره هم کتلي دي. اجرائیه رییس عبدالله عبدالله د روسیې له آر تي شبکې سره په خبرو کې ویلي، د سولې خبرو د پیل په صورت کې به  اوربند او د تاوتریخوالي بندول په لومړیتوب کې وي.

ویل کیږي، چې د خلیلزاد دغه پیل شوی سفر له طالبانو سره د دریدلو خبرو بیا پیل ته ځانګړی شوی، چې شرط یې د دوه امریکایي استادانو په بدل کې د انس حقاني خوشې کیدل دي.

دا په داسې حال کې ده، چې د افغانستان د ملي امنیت سلاکار حمدالله محب نن په یوې خبري ناسته کې په ډاګه کړه، چې: کابل ته د زلمي خلیلزاد سفر د سولې خبرو په اړه نه و، بلکې د امریکایي پوهنتون د دوه استادانو د خوشې کیدو په اړه و. دغه استادان پر مونږ حق لري؛ ځکه، چې زمونږ ځوانان یې روزل. مونږ مرستې ته چمتو یو او په دې اړه کار روان دی.

زلمي خلیلزاد د خپل سفر په دې پړاو کې د ناتو، د ملګرو ملتونو د سازمان  او د څو اروپایي هېوادونو له استازیو سره وکتل او وروسته روسیې ته ولاړ او د روسیې، چین، پاکستان او امریکا په څلور اړخیزه ناسته کې یې ګډون وکړ. په دې ناسته کې برخوالو په یوه ګډه اعلامیه کې د تاوتریخواي د کمیدو او د سولې خبرو اترو د پیل غوښتنه کړې ده.

تازه خبرونه

سوله به خصوصي سکتور ته د پانګونې ډېر فرصتونه رامنځته کړي

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان خصوصي سکتور ویلي، چې د سولې له هغې کړنې هرکلی کوي، چې کیدی شي په کې ځایی او نړیوالو سوداګریو ته د پانګونې پراخ فرصتونه چمتو، اقتصادي وده، پرمختګ او پراختیا رامنځته کړي.

د سوداګرۍ او پانګونې خونې چارواکو زیاته کړې، چې د سولې د راتلو لپاره هیلې زیاتې شوي او د دې بهیر پراختیا کولی شي د هېواد ر اقتصادي پراختیا مثبت اغېز ولري.

دوی په ډاګه کوي، چې ښکېلې غاړې باید له دې فرصته ګټه پورته کړي.

د خصوصي سکتورغړيو څرګنده کړې؛ د لوې جرګې د پرېکړې له مخې د سولې عملي  پروګرام  ته لار اواره شوې او د سولې له راتلو سره به په هېواد کې د پانګونې او اقتصادي هڅو لړۍ  پيل شي.

د سوداګرۍ او پانکونې خونې غړی خانجان الکوزی وایي: د لویې جرګې هغه پرېکړه، چې د زندانیانو د آزادی په اړه رامنځته شوه؛ د هېواد پر اقتصاد به مثبته اغېزه ولري.

د صنایعو او کانونو خونې مسوولین وایي؛ ښکېلې خواوې باید په هېواد کې د جګړې لړۍ ودروي او د سولې په راتلو او د امنیت له خوندي کیدو سره به په هېواد کې سترې پانګونې تر سره شي.

د صنایعو او کانونو خونې مرستیال سخي احمد پيمان ویلي؛ د بندیانو له خوشي کیدو مو هیله داده، چې سم دلاسه د سولې خبرې پيل او پانګونې ته زمینه برابره شي.

د کرنې او مالدارۍ  خونه او ځمکني  ترانسپورت د تولنې مسوولینو ویلي، په ېواد کې د سولې له راتلو سره به په لوړه کچه د کار زمینه  برابره او د فقر کچه به  تر خپلې  وروستۍ کچې را ټيټه شي.

د ځمکني ترانسپورت د تولنې مرستیال نظير احمد خلیل څرګنده کړې؛ د سولې لپاره تر ټولو اړینه  شېبه  رامنځته شوې، چې باید ګټه ترې پورته شي. مونږ باید نور له سیاسي او اقتصادي بحرانه خلاص شو.

د کرنې او مالدارۍ خونې مرستیال میرویس حاجې زاده ویلي؛ باورې یم، چې د سولې له راتلو سره به په  هېواد کې  د کرنې او مالدارۍ ترڅنګ په بېلا بېلو برخو کې افغان پانګوال پانګونه تر سره کړي، چې له دې سره به کارونه هم رامنځته شي.

د اقتصادي چارو کار پوهان هم په دې باور دي، چې د سولې په برخه کې له رامنځته شوي فرصته پوره واخلو، چې اقتصادي خوځښتونه پراخهیا و مومي.

د اقتصادي چارو کارپوه حکیم الله صدیقي وایي، چې د جګړی دواړه خواوې باید د افغانستان د ثبات او اقتصادي پر مختګ لپاره کار وکړي؛ ځکه، چې په امنیت کې کار اواقتصادي وده دواړه خوندي دي.

د خصوصي سکتور غړي وایي که امنیت رامنځ ته شي؛ نو د هېواد په کانونو، کرنې، خدماتو، د انرژۍ  د تولید په ګډون په نورو برخو کې هم په لوړه کچه پانګونې کیدی شي.

Continue Reading

تازه خبرونه

ناتو په افغانستان کې د سولې له بهیره ملاتړ ته چمتوالی څرګند کړ

Ariana News

خپور شوی

په

توسط

(Last Updated On: زمری ۲۱, ۱۳۹۹)

د ناتو لوی منشي ینس ستولتنبرګ د سولې له پلان شویو خبرو اترو څخه د هرکلی تر څنګ څرګندوي، چې مونږ له دې بهیره ملاتړ ته په افغانستان کې خپل شتون چمتو کوو.

د ناتو لویمنشي په خپل یوه تویت کې څرګنده کړې: ما له ولسمشر غني او د ملي پخلاینې عالي شورا له مشر عبدالله عبدالله سره خبرې کړي او د افغانانو تر منځ له راتلونکیو خبرو هرکلی کړم. ټولې خواوې باید د سولې لپاره دا تاریخي فرصت وکاروي. ناتو د ترهګرۍ پروړاندې په مبارزه کې له افغانستان سره ولاړ ده؛ ځکه، چې مونږ د سولې له بهیره ملاتړ ته خپل شتون چمتو کوو.

دا په داسې حال کې ده، چې تېره شپه ولسمشر اشرف غني د طالبانو د ۴۰۰ ناندریزو بندیانو د خوشې کولو فرمان لاسلیک کړ.

ولسمشرۍ ماڼۍ د طالب بندیانو د خوشې کیدو د فرمان لاسلیک کیدل منلې او وایي، چې د لاسلیک د مراسمو پر مهال یو شمېر افغان مشران هم حاضر ول.

د یکشنبې پر ورځ د سولې مشورتي لویې جرګې ولسمشر ته وړاندیز وکړ، چې ۴۰۰ طالب بندیان  دې خوشې شي. که څه هم تر منځ یې د خونړیو بریدونو د ترسره کولو مشران هم شته دی.

حکومت ویلي؛ د یکشنبې پر ورځ په دوحه کې د افغانانو خپلمنځي خبرې ترسره کیدونکې دي او ټاکل شوې، چې د حکومت مرکچي پلاوی د چارشنبې پر ورځ له کابله د قطر پر لوري روان شي.

Continue Reading

تازه خبرونه

د افغان سکهانو دوه یمه ډله د چارشنبې پر ورځ له هېواده وځي

Ariana News

خپور شوی

په

توسط

(Last Updated On: زمری ۲۱, ۱۳۹۹)

ټاکل شوې د افغانستان د سکهانو دوه یمه ۱۸۰ کسیزه ډله هم د چارشنبې پر ورځ له هېواده هند ته ولاړه شي.

هندي رسنیو په ډاګه کړې؛ کیدی شي دوی په کابل کې د داعش د هغه ځانمرګي برید او چاودنو د قربانیانو خپلوان وي، چې تېر مارچ د دوی پر درمسال ترسره شو او لږ تر لږه یې ۲۵ افغان سکهان ووژل.

د هندي سکهانو ټولنې ورسره د همکارۍ ژمنه کړې او تر دې دمه یې ۱۱ سکهان له افغانستان څخه ایستلي دي.

د سکهانو لومړۍ ډلې د نیدان سینګ ساچوا په ګډون، چې په جون کې له پکتیا تښتول شوې و، تېره میاشت له کابل څخه ووت.

د دهلي د درمسالونو د مدیریت کمیتې مشرماجندر سینګهـ سیرسا یوې سنګاپوري رسنۍ ته څرګنده کړې وه؛ مونږ به د دوی له کورنیو سره له خپلې وسې سره سمې مرستې وکړو. مونږ د هغوی د ماشومانو په ښوونه او روزنه کې هم همکاري کوو.

دغه راز د سکهانو ټولنې اجرائیوي مشر جاګدیپ سینګهـ تایمز اف انډیا ته په ډاګه کړې، چې دغه ټولنه له هغو افغان سکهانو او هندوانو سره مرسته کوي، چې غواړي د ډاډمنو اسنادو له مخې افغانستان پریږدي.

هغه زیاته کړې، چې دې ټولنې تر دې دمه د افغان سکهانو او هندوانو ۳۵۰ غوښتنلیکونه تر کار لاندې نیولي، چې هند ته یې راولیږدوي.

تر ۱۹۸۰ لسیزې پورې په افغانستان کې له ۸۰۰۰۰ ډېرو سکهانو او هندوانو د هېواد په بېلابېلو سیمو کې ډاډمن ژوند کاوه؛ خو ډېري یې په ۱۹۹۲ زېږدیز کال کې د وخت د شوروي اتحاد له ړنګیدو وروسته له هېواده کډې بار کړې او ووتل.

ځینو یې ​​د طالبانو او په ځانګړي توګه د نوي نظام له رامنځته کیدو سره د آرام ساه واخیسته او بېرته هېواد ته راستانه شول او حکومت هم افغان سکهان بېرته راستنولو ته وهڅول؛ خو په وروستیو کلونو کې د داعش لخوا پرې بریدونه ترسره شول او اوس په هېواد کې له ۷۰۰ لږ سکهان ژوند کوي.

Continue Reading

Trending