Connect with us

تازه خبرونه

عظیمي: په هیواد کې د کوکنارو کرکیله زیاته شوې ده

Ariana News

خپور شوی

 په

(Last Updated On: غبرګولى ۳۱, ۱۳۹۴)

vlcsnap-2015-06-21-17h11m25s221

له نشه يي توکو سره د مبارزې وزارت وزیره سلامت عظیمي وايي د هیواد په لسو ولسوالیو کې د پام وړ زیات او د اندېښنې وړ کوکنار کرل شوي دي.

دغه راز د یو سلو دوه دیرشو ولسوالیو څخه په یو څلوېښتو ولسوالیو کې د کوکنارو کرکیله د اندېښنې وړ بلل شوې ده.

له نشه يي توکو سره د مبارزې د نړیوالې ورځې په پلمه په افغانستان کې د نشه يي توکو د تولید او کرکیلې په زیاتیدو اندېښنه وښودل شوه.

له نشه يي توکو سره د مبارزې وزارت مسولین وايي چې دوی د دغو توکو د مخنیوي لپاره پلانونه لري.

سلامت عظیمی – له نشه يي توکو سره د مبارزې وزیره:

موږ په تېرو څو کلونو کې په هیواد کې د کوکنارو د کرکېلې د پام وړ زیاتوالي شاهد یو. په ورته پیمانه موږ په یادو سیمو کې د جنګ جګړو او ناامنیو شاهدان هم یو.

د آغلي سلامت په وینا د هیواد په یو سلو دوه دیرشو ولسوالیو کې کوکنار کرل شوي دي چې په یو څلوېښتو کې ډير او په لسو نورو کې د پام وړ یات او د اندېښنې وړ کوکنار کرل شوي دي.

رپوټونه وايي چې هر کال میلیاردونه ډالره د افغانستان د نشه يي توکو د کار وبار او قاچاق له درکه د مافیا او وسلوالو ډلو جیبونو ته لویږي.

له دې ور هخوا افغانستان په کور د ننه درې میلیونه په نشه يي توکو روږدي کسان لري چې د دغه حالت د کابو کولو لپاره هیڅ ډول عملي پروګرامونه نه سترګو کیږي.

تیرې څوارلس کلنې مبارزې ته په کتو چې لاهم افغانستان د نړی د سترو تولیدوونکو هیوادونو په سر کې دی، سخته ده چې مبارزه به د پام وړ لاسته راوړنه ولري.

Continue Reading
Advertisement

تازه خبرونه

په ننګرهار زندان کې له روان بریده تر دې دمه ۲۱ کسان وژل شوي او ۴۳ نور ټپیان دي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار پر محبس په روان وسلوال برید کې تردې دمه ۲۱ کسان وژل شوي او ۴۲ ټپیان دي.

د ننګرهار له زندان څخه له ۱۴ ګړیو وروسته هم د سپکو او درندو وسلو ډزې اوریدل کېږي. د دې ولایت د والي ویاند عطاالله خوږیاڼی ويلي؛ تراوسه د دې برید له کبله ۲۱ مړي او ۴۳ ټپیان روغتونو ته لیږدول شوي.

نوموړي زیاته کړې؛ بریدګرو په محبس او ورته مخامخ په شرق نومې پلازه کې سنګرونه نیولي دي.

هغه  وايي، تراوسه ۷۰۰ تښتیدلي زندانیان، د امنیتي ځواکونو له خوا بېرته نیول شوي او خوندي ځایونو ته لیږدول شوي دي.

له محبس څخه راوتلی اسلام الدین نوم آریانانیوز ته ویلي؛ شپږ بریدګر، چې پر سرونو یې تورې ټوټې تړلې وې او ژوندی دې وي اسلامي خلافت چغې یې وهلې؛ زندان ته را د ننه شول.

تښتیدلي بندي دا هم ویلي، چې بریدګرو د امنیتي ځواکونو لباس اغوستی و او زندانیانو ته یې ویل، ژر له زندان څخه ووځي کنې وبه وژل شئ.

د ننګرهار د عامې روغتیا ریاست ویاند ظاهرعادل ويلي؛ د ښار په روغتونو کې بېړنی حالت اعلان شوی.

هغه وايي، تراوسه ورته ۵۰ ټپیان وروړل شوي، چې د ۱۳ هغو روغتیايي حالت د اندېښنې وړ دی. په قربانیانو کې امنیتي سرتېري، زندانیان او ملکي وګړي شته او  ځېنې کسان په کورونو کې هم ژوبل شوي.

د برید له کبله د تښتېدلیو زندانیانو شمېر خورا مهمه ده؛ خو تر دې دمه کره شوی ندی.

د ننګرهار والي ویاند عطاالله خوږیاڼی تائيدوي، چې یوشمېر زندانیان تښتېدلي  خو وايي کره شمېره یې نه ده معلومه.

یوې امنیتي سرچینې د نوم د نه ښودلو پر شرط آریانانیوز ته ویلي، چې سلګونه زندانیان پر تېښته بریالي شوي، چې په کې وسله وال طالبان، د دعش اړوند جنګیالي، انسان تښتوونکي او نور جنايي بندیان شته.

داعش د دې برید مسوولیت پرغاړه اخیستی او څرګندوي، چې د برید له کبله د دوی یو شمېر کسان پر تېښته بریالي شوي دي.

د محبس د ننه یو شمېر بند پاتې زندانیان وايي، بریدګر پر اردو ژبه خبرې کوي او ښه مجهز دي.

کورنیو چارو وزارت تېر ماښام په ډاګه کړې، چې مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره په نښته کې ښکېل شوي دي.

Continue Reading

تازه خبرونه

د ننګرهار پر زندان د داعش د برید پر مهال ۵۰ بندیان تښتیدلي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار ولایت د جلال آباد پر زندان د داعش جنګیالیو د برید پر مهال لږ تر لږه ۵۰ بندیان  تښتیدلي دي.

د یو شمېر سرچینو د څرګندونو له مخې؛ ۱۵ تښتیدلي بندیان بېرته نیول شوي دي.

کورنیو چارو وزارت منلې، چې نن ماښام یو شمېر وسلوالو بریدګرو د ننګرهار ولایت پر محبس برید کړی دی.

د یاد وزارت د خبرپانې له مخې؛ نن مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره یې نښته وکړه.

د ننګرهار والي ویاند عطاالله خوږیاڼي ویلي، چې په دې پېښه کې دوه تنه وژل شوي او ۲۴ نور ټپیان دي او روغتونونو ته لیږدول شوي دي.

داعش د برید مسوولیت منلی دی.

دا په داسې حال کې ده، چې د افغانستان ملي امنیت عمومي ریاست ځانګړيو ځواکونو پرون جلال آباد ښار ته نږدې د عبدالله اورکزي په نوم د داعش ډلې یو پوځي مشر وژلی دی.

Continue Reading

تازه خبرونه

د ننګرهار پر محبس ډله ییز وسلوال برید مرګ و ژوبله رامنځته کړې

Ariana News

خپور شوی

په

توسط

(Last Updated On: زمری ۱۲, ۱۳۹۹)

د ننګرهار والي ویاند عطاالله خوږیاڼي ویلي، چې د نن شپې د زندان په برید کې دوه تنه وژل شوي او ۲۴ نور ټپیان دي.

د ننګرهار ولایت د جلال آباد ښار د څلورمې امنیتي حوزې یوې امنیتي سرچینې د نوم د نه ښودلو پر شرط آریانانیوز ته ویلي، چې بریدګرو لومړی د زندان مخې ته موتربم برید چاودنه کړې او وروسته څو بریدګر زندان ته د ننه شول او نښته را منځته شوه.

د ننګرهار د عامې روغتیا ریاست ویاند ظاهر عادل ویلي، چې تر دې دمه د پېښې له ځای څخه د جلال آباد حوزوي روغتون ته له شپاړس ډېر ټپیان او یو مړی رالیږدول شوي؛ خو د ځینو پپیانو روغتیایي حالت د اندېښنې وړ دی.

د پېښې  لیدونکیو څرګنده کړې؛ د زندان مخې ته د پولیسو له یوه ټانک سره د یو تن موتر ټکر شو، چې دستي درز پورته شو.

دغه راز همهاله د ننګرهار پر هوايي ډګر توغندي لګیدلي او په شاوخوا کې  د ډزو غږونه هم  اوریدل کیږي.

امنیتي مسوولین پر هوايي ډګر توغندي او پر زندان ډله ییز وسلوال برید تائيدوي؛ خو نور معلومات نه ورکوي.

د چارواکو دا هم ویلي، چې د برید پرمهال ۵۰ ډېر بندیان تښتیدلي؛ خو ځینې بېرته نیول شوي دي .

داعش د ننګرهار ولایت پر محبس د ډله ییز برید پړه پر غاړه واخیسته .

د ننګرهار محبس د جلال آباد ښار په څلورمه ناحیه کې موقعیت لري.

Continue Reading

Trending