Connect with us

نړۍ

عربي متحده اماراتو په اوونیزې رخصتۍ کې بدلون راوست

خپور شوی

 په

(Last Updated On: ليندۍ ۱۷, ۱۴۰۰)

د راپورونو له مخې؛ عربي متحده امارات په پام کې لري، چې له نړیوالو اقتصادي بازارونو سره د همغږۍ لپاره د راتلونکي کال له پیله د اوونۍ حکومتي کاري ورځې څلورنیمو ورځو ته راواړوي؛ شنبه او یکشنبه به رخصتي وي.

په راپور کې راغلي، چې خصوصي شرکتونه په خپله پرېکړه کې آزاد دي، چې کومې کاري ورځې غوره کوي.

په خلیج کې د تېلو تولیدونکی دغه هېواد د سیمې د سوداګرۍ او ګرځندوی مرکز دی، چې اوس په اوونۍ کې دوه ورځې (جمعه  او شنبه) رخصتي لري؛ خو د راروان ۲۰۲۲ زېږدیز کال د جنورۍ له لومړۍ نېټې یې اوونۍ د جمعې پر ماسپښین پای ته رسیږي؛ شنبه او یکشنبه به د ښوونځیو په ګډون ټولې ادارې رخصت وي او دوشنبه به کاري ورځ پیلیږي.

د بشري منابعو او اماراتو وزیر عبدالرحمن الاعوار رویټرز ته څرګنده کړې: هر شرکت کولی شي د خپلو کارمندانو لپاره د اوونۍ پای او پیل غوره او کار تر سره کړي.

د رویټرز د څرګندونو له مخې؛ په تېر کال کې عربي متحده اماراتو له سعودي عربستان سره د مخ پر ودې اقتصادي سیالي پر مهال د بهرنۍ پانګونې او استعدادونو لپاره اقتصادي سیالۍ تر سره کړې دي.

په دې سني مسلمان هېواد کې هر ډول مذهبي حساسیتونه په پام کې نیول شوي او کډوال یې د وګړیو ډېره برخه جوړوي. حکومت څرګنده کړې، چې د جمعې پر ورځ به کار د ماسپښین پر ۱۲ بجو د مسلمانانو د جمغې له لمانځه مخکې پای ته رسیږي.

په راپور کې راغلي؛ د اوونۍ اوږده رخصتي به د کارمندانو په کاري ژوند کې تعادل  پیاوړی کړي.

حکومت وبلي؛ په ډېرو مسلمانو هېوادونو لکه اندونیزیا او مراکش کې د اوونۍ شنبه او یکشنبه رخصتي ده.

عربي متحده اماراتو دا هم ویلي، چې دا کړنه به په دې هېواد کې میشتو څو ملي اونړیوالو شرکتونو ته له هغو هېوادونو سره آسانه مالي، سوداګریزې اړیکې او اقتصادي راکړه ورکړه ډاډمنه کړي،  چې د شنبې او یکشنبې رخصتۍ لري.

حکومتي چارواکو ویلي؛ دا بدلون به د مرکزي بانک په څېر پر د دولتي ادارو کاري ساعتونه هم اغېزمن کړي؛ خو اقتصادي راکړه ورکړه به هم د نړیوالو بازارونو سره ګډه شي.

د حکومتي چاواکو د څرګندونو له مخې به دا کار هغه تشه هم له منځه یوسي، چې په تېرو کې رامنځته شوې ده.

د ستراتیژۍ لوی مشر محمد علي یاسین، وویلي، مالي سکتور به له پرمختللیو بازارونو سره همهاله د تادیاتو د حل کولو څخه ګټه پورته کړي او د ګرځندوی صنعت ته به هم ورسره وده وکړي.

هغه وایي: دا کار د سيمې د نورو هېوادونو لپاره هم يوه ښه تجربه کېدی شي.

جمعه د خلیج په نورو پېنځه عربي او ډېريو مسلمان هېوادونو کې د اوونۍ عمومي رخصتي ده.

دا په داسې حال کې ده، چې د رویټرز د څرګندونو له مخې؛ عربي متحده  اماراتو د سوداګرۍ او ګټې د راجلبولو لپاره د اوږدې مودې ویزې رامنځته کړي او سربېره پر دې یې د واده دمخه د ژوند کولو، الکولو او د شخصي وضعیت قوانین هم آزاد کړي دي.

نړۍ

د قزاقستان په ناکراریو کې له ۲۰۰ ډېر کسان ووژل شول

خپور شوی

په

توسط

(Last Updated On: مرغومی ۲۶, ۱۴۰۰)

رویټرز د قزاقستان د چارواکو د څرګندذونو له مخې په ډاګه کړې، چې د قزاقستان په وروستیو ناکراریو کې شاوخوا ۲۲۵ کسان وژل شوي دي.

د قزاقستان چارواکو ويلي؛ د وژل شویو کسانو جسدونه، ملکي وګړي، بندیان او ۱۹ امنیتي سرتېري د قزاقستان کنګلخونو ته لېږدول شوي دي.

د قزاقستان د جرایمو څارنوال سریک شلابایوف ویلي، چې په تاوتریخوالي کې څه نا څه ۵۰۰۰۰ خلکو برخه اخیستې وه، چې ډېري یې د جنورۍ پر ۵ هغه مهال، چې بلواګرو په یو شمېر لویو ښارونو کې پر دولتي ودانیو، موټرونو، بانکونو او هټیو برید وکړ او د اور لمبې یې ترې پورته کړې.

لاریون د ۲۰۲۲ زېږدیز کال د جنورۍ پر دوه یمه د قزاقستان په لویدیځ کې پیل شو، چې په ښکاره یې غوښتنې د تېلو د بیو د لوړیدو پر ضد وې؛ خو له چټکۍ سره په ټول هېواد کې پراخ شو او د حکومت د استعفا غوښتنه ورسره مل شوه؛ خو د قزاقستان ولسمشر قاسم جامروت توکایف پولیسو ته د وژلو سپارښتنه وکړه دا ادعا یې راپورته کړه، چې دوی بهرنی ترهګریز ملاتړ لري او هېواد بې ثباتۍ ته راکاږي.

توکایف حتی امنیتي ځواکونو ته امر وکړ، چې له خبرتیا پرته پر لاریونکوونکیو ډزې وکړي.

د رپوټونو له مخې؛ د قزاقستان د حکومت پر ضد د تاوتریخجنو مظاهرو په ترڅ کې په سلګونه کسان ټپیان شوي او امنیتي ځواکونو شاوخوا ۱۲ زره لاریونکوونکي نیولي دي.

Continue Reading

نړۍ

د اوکراین پر حکومتي اوبپاڼو پراخ سایبري برید شوی

خپور شوی

په

توسط

(Last Updated On: مرغومی ۲۵, ۱۴۰۰)

له اوکراین سره د روسیې د کرکېچ په درشل کې د پنجشنبې پر شپه پر اوکرایني حکومتي اوبپاڼو پراخ سایبري برید له دې خبرداري پیل شو، چې ویریږئ او د نورو بدو پېښو تمه هم ولرئ.

دغه سایبري برید حکومتي اوبپاڼې زیانمنې کړي؛ د جمعې پر سهار یوشمېر هغه د لاسرسي وړ نه وې او اوکراین یې اړ کړ، چې په دې اړه څېړنې پیل کړي.

د اوکراین د بهرنیو چارو وزارت ویاند رویټرز ته ویلي؛ دا به وختي وي، چې د چا لاس لرل په دې برید کې په ډاګه کړي؛ خو څرګندوي، چې روسیې په تېرو وختونو کې د ورته بریدونو تر شا لاس درلود.

د یادې سرچینې راپور څرګندوي، چې دغه برید د ولسمشرۍ، بهرنیو چارو ، دفاع وزارت وزارتونو او ملي امنیت شورا په ګډون د ۷۰ دولتي ادارو کارونه د ساعتونو لپاره ګډوډ کړل.

رویټرز د امریکايي چارواکو له قوله ویلي، چې روسیه د اوکراین پر ضد د پراخو پوځي عملیاتو لپاره چمتووالی نیسي او دې موخې ته د رسېدو لپاره یې استخباراتي عملیات پراخ کړي دي.

اوکرایني چارواکو پر روسیې د سایبري بریدونو تورونه رد کړي؛ خو وايي: یوازې روسیه ده، چې دوی پرې شک کولی شي.

په دې وروستیو کې د اوکراین د مسلې پر سر د روسیې او امریکا ترمنځ کړکېچ زیات شوی او امریکايي او روسي چارواکو سره هم په دې اړه لیدلي دي.

دا په داسې حال کې ده، چې واشنګټن او متحدانو یې د امنیتي ضمانتونو په اړه د روسیې دا غوښتنه، چې ناټو دې د ختیځ پر لوري نور پرمختګ نکوي؛ رد کړې او د اوکراین په سرحد کې یې د پوځي حضور د پیاوړي کولو په برخه کې روسیې ته خبرداری هم ورکړی دی.

Continue Reading

نړۍ

شمالي کوریا یو بل توغندی هم تجربه کړ

خپور شوی

په

توسط

(Last Updated On: مرغومی ۲۵, ۱۴۰۰)

د جنوبي کوریا چارواکو ويلي؛ شمالي کوریا د امریکا د بندیزونو له غندلو وروسته پرون (جمعه د مرغومي ۲۴) یو نوی توغندی تجربه کړی دی.

د جنوبي کوریا ستر درستیز د یو نوي توغندي توغول تائید کړي؛ خو نور جزئیات یې ندي ورکړي.

د جاپان ساحلي ګارد هم تائید کړې، چې شمالي کوریا پرون یوه توغدیزه تجربه ترسره کړې ده.

دا په داسې حال کې ده، چې پرون شمالي کوریا په دې اړه د امریکا لګېدلي بندیزونه وغندل.

Continue Reading

Trending

Copyright © 2022 Ariana News. All rights reserved!