Connect with us

تازه خبرونه

عدلي او قضايي ارګانونو د مالي فساد لسګونه دوسیې ندي څېړلي ـ د روڼتیا بنسټ

Ariana News

خپور شوی

 په

(Last Updated On: چنګاښ ۲۲, ۱۳۹۹)

د افغانستان د روڼتیا بنسټ مسوولینوویلي، چې عدلي او قضایي ارګانونو د وزیرانو، سفیرانو، د ملي شورا د غړیو او نورو حکومتي لوړپوړیو چارواکو لسګونه دوسیې ندي څېړلي او ستر ګې پرې پټوي.

په افغانستان کې له اداري فساد سره د مبارزې پر څو موازي ادارو سربېره څلور کاله مخکې له اداري فساد سره د مبارزې ځانګړی عدلي او قضايي مرکز جوړ شو. دغه مرکز دنده لري، چې د مالي فساد لویې دوسیې فیصله کړي؛ خو اوس اوس د دغه مرکز پر چارو هم نیوکې کیږي.

د افغانستان د روڼتیا بنسټ څېړونکی ناصر تیموري ويلي، چې له فساد سره د مبارزې عدلي او قضايي مرکز د جنرالانو، وزیرانو، سفیرانو، ښاروالانو او د ملي شورا د غړیو په لسګونه دوسیو سترګې پټې کړې دي.

هغه زیاته کړې؛ پرته له یوه وکیله، چې دوسیه یې څېړل شوي تر دې دمه د افغانستان په محاکمو کې د هیچا دوسیه فیصله شوې نده.

دا نیوکې په داسې حال کې کیږي، چې پر مالي ادارو او د عوایدو پر سرچینو د پراخ مالي فساد راپورونه ورکول کیږي؛ خو د عاملینو د نیولو او محاکمې په اړه جدي ګامونه نه اوچتیږي.

 د ولسي جرګې ځينې غړي وايي، چې بډو د دغو دوسیو د څېړنو مخه نیولې ده.

د ولسي جرګې غړی محمد علي اخلاقي ویلي؛ دې مرکز باید د فساد له سترو دوسیو سره مبارزه کړې وای؛ خو نورو اړوند ادارو ته ورته په دې برخه کې ځانګړې لاسته راوړنه نلري.

د ولسي جرګې غړي غلام فاروق مجروح ویلي؛ دې بنست څومره، چې خلک په تمه ول؛ هومره کار ندی کړی. اوس هم یو شمېر اغېزمن کسان شته، چې لاسونه یې ورته تړلي او پرېکړې نشي کولي.

اوږده موده کیږي، چې له فساد سره د مبارزې ځانګړي عدلي او قضايي مرکز هم قضايي غونډې ندي کړي.

پر همدې موضوع سترې محکمې تر دې دمه څه ندي ویلي؛ خو لویه څارنوالي وايي، چې د فساد هر ډول دوسیې، چې دوی ترلاسه کړي، پخپل وخت یې څېړلي دي.

د لویې څارنوالۍ ویاند جمشید رسولي ويلي، چې دوی ته د فساد ورغلې ټولې دوسیې څېړل شوي؛ خو له اداري فساد سره د مبارزې د عدلي او قضايي مرکز د وروستیو فعالیتونو په اړه اړوند چارواکي څه نه وايي.

څو ورځې مخکې د افغانستان پر ګمرکونو په ځانګړي توګه د اسلام کلا په ګمرک کې د پراخ مالي فساد راپورونه خپاره شول؛ خو داسې بریښي، چې اوس هم په ډنډ کې ولاړو اوبو هیڅ ټکان نه وي خوړلی.

تازه خبرونه

د ګوزڼ واکسین کمپاین له درې میاشتنې خنډ وروسته بیا پیل شو

Ariana News

خپور شوی

په

توسط

(Last Updated On: زمری ۲۲, ۱۳۹۹)

په افغانستان کې د کروناویروس د خوریدو له کبله د ګوزڼ واکسین کمپاینونه درې میاشتې وځنډیده، چې د پېښو د ډېریدو د مخنیوي لپاره اړوند هڅې بیا پیل شوې.

یونیسف یا له ماشومانو د ملاتړ صندوق د سې شنبې پر ورځ راپور ورکړ، چې د ګوزڼ ناروغۍ د کمپاین د ځنډیدو له کبله د ګوزڼ پېښې په افغانستان کې ۳۴ او په پاکستان کې ۶۳ ته رسیدلي دي.

د هېواد په هغو سیمو کې، چې مخکې پاکې شوې وې؛ اوس ترې راپورونه تر لاسه شوي دي.

افغانستان او پاکستان په نړۍ کې د ګوزڼ دوه وروستي هېوادونه دي، چې د ماشومانو د ګوزڼ پېښې پاتې دي. تېر کال په افغانستان د ګوزڼ ۲۶ پېښې ثبت شوې وې.

یونیسف د سه شنبې پر ورځ څرګنده کړه، چې د پولیو د معافیت پروګرام د افغانستان په درې ولایتونو کې بیا پیل شوی او په روانه میاشت کې به په ټول هېواد کې پلی شي.

د سویلي آسیا د یونسف سیمه ییز مشر ژان ګو ویلي؛ د معافیت دغه ژوند ژغورونکي واکسینونه د ماشومانو لپاره خورا اړین دي.

د دغه بنسټ په څرګندونو کې راغلي؛ لکه څرنګه، چې نړۍ یوازې د روغتیا لپاره لیدل کیږي، ویروسونه هیڅ پوله نه پېژني او هیڅ ماشوم له ګوزڼ خوندي ندی.

ګوزڼ یوه ساري، پېچلې او ځینې وختونه وژونکې ناروغي ده، چې یوازې تر پېنځه کلنۍ پورې یې پر واکسین کولو مخنیوی کولی شو.

د ماشومانو د واکسین کمپاینونه د ګوزڼ د کمپاینونو په ګډون په افغانستان کې د مارچ په میاشت کې ودرول شول، چې ماشومانو، تجهیزاتو او واکسیناتورانو ته د کووید- ۱۹ له لیږد څخه مخنیوی وشي.

د لومړۍ لیکې روغتیایي کارمندانو لخوا د واکسین نوې لارښوونې پلي کول او محافظتي تجهیزاتو کارول به له دې ډاډ سره مرسته وکړي، چې د واکسین کمپاینونه په خوندي ډول بیا پیل شي.

په هرحال یونیسف ویلي، چې په ټول هېواد کې به ماشومانو ته د رسیدو لپاره هڅې وشي؛ خو دا بنسټ اندېښنه لري، چې په افغانستان کې به تر یو میلیون ماشومان روغتیایي خدمتونو ته کور په کور خدمتونو ته لاسرسی ونه مومي؛ ځکه، چې په ځینو سیمو کې د کور په کور واکسینونه ناشوني دي او والدین اړ دي، چې خپل ماشومان روغتیایي کلینیکونو ته د واکسین کولو لپاره بوځي.

Continue Reading

تازه خبرونه

ډیلي ته د افغان سکهانو د الوتنې الوتکه د امنیتي اندېښنو له کبله وځنډول شوه

Ariana News

خپور شوی

په

توسط

(Last Updated On: زمری ۲۲, ۱۳۹۹)

د یو شمېر سرچینو د څرګندونو له مخې؛ د چارشنبې پر سهار د ۱۸۰ افغان سکهانو او هندوانو د الوتکې الوتنه له کابل څخه ډیلي ته د یوې اوونۍ یا څو ورځو لپاره ځنډول شوې ده.

یو افغان سکهـ مشر، چې نه غواړي نوم یې څرګند شي تایمز اف اندیا ورځپاڼې ته ویلي: زه فکر نه کوم، چې له امنیتي اندېښنو پرته دې الوتنه ځنډول شوې وي.

تایمز اف اندیا دا هم په ډاګه کړې، چې د هندي استخباراتي سرچینو په وینا: هیڅ څوک نه غواړي د افغان سکهانو او هندوانو په اړه، چې د خپل هېواد پریښودو ته اړ شوي غږ پورته کړي؛ ځکه، چې د دوی په وینا دا کار نور وسلوال بریدونه هم رامنځته کولی شي.

دا د شاوخوا ۷۰۰ افغان سکهانو او هندوانو دوه یمه ډله ده، چې له افغانستان څخه وځي.

دغه هېوادوال په داسې حال کې خپل هېواد د هند پر لوري پریږدي، چې تېر مارچ د دوی پر درمسال داعش وسلوالو ځانمرګی برید او چاودنې تر سره کړې، چې په کې ۲۵ سکهـ هېوادوال ووژل شول.

دا لومړی ځل ندی، چې په درمسال کې د افغانستان دغه لږکي د داعش تر برید لاندې راځي.

په جلال آباد کې هم اوړم کال داعش جنګیالیو لخوا د سکهانو او هندوانو ۱۷ مشران ووژل شول.

هغه وخت د سکهانو مشرانو غوښتل جلال آباد ته د ولسمشراشرف غني د سفر پر مهال له هغه سره وویني؛ خو له لیدو مخکې پرې چاودنه تر سره شوه.

د دې مذهبي لږکي پر وړاندې د داش لخوا روان او بالقوه ګواښونه او بریدونه د دې لامل شول، چې په امریکا کې سکهـ حقوقي هڅاندو له ملګرو ملتونو غوښتنه وکړه، چې په افغانستان کې د سکهانو او هندوانو په ایستلو کې مرسته وکړي.

تر دې دمه هند د دغو سکهانو او هندوانو د ایستلو او ورسره د مرستې لپاره ډاډمن ګامونه پورته کړي او تېره میاشت یې د دوی د ماشومانو او ښځو په ګډ‌ون ۱۱ کسیزې ډلې ته ښه راغلاست ووایه او هغو ته یې پناه ورکړه.

تر ۱۹۸۰ لسیزې پورې په افغانستان کې له ۸۰۰۰۰ ډېرو سکهانو او هندوانو د هېواد په بېلابېلو سیمو کې ډاډمن ژوند کاوه؛ خو ډېري یې په ۱۹۹۲ زېږدیز کال کې د وخت د شوروي اتحاد له ړنګیدو وروسته له هېواده کډې بار کړې او ووتل.

ځینو یې ​​د طالبانو او په ځانګړي توګه د نوي نظام له رامنځته کیدو سره د آرام ساه واخیسته او بېرته هېواد ته راستانه شول او حکومت هم افغان سکهان بېرته راستنولو ته وهڅول؛ خو په وروستیو کلونو کې د داعش لخوا پرې بریدونه ترسره شول او اوس په هېواد کې له ۷۰۰ لږ سکهان ژوند کوي.

Continue Reading

تازه خبرونه

افغانستان له اماراتو سره پر لمریزې برښنا د پانګونې هوکړه لاسلیک کړه

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان حکومت د متحده عربي اماراتو له یوه شرکت سره د لمریزې برښنا پر تولید د پانګونې هوکړه لاسلیک کړ.

د ولسمشرۍ د چارو ادارې په ډاګه کړې، چې دا پروژه به تر ۳۰۰۰ میګاواټه برښنا تولید کړي او په ټول افغانستان کې به پلې شي.

د یاد بنسټ د څرګندونو له مخې؛ دغه هوکړه لیک د اماراتي لمریزې برښنا تولیدي شرکت د مشر محمد ظفر او د ولسمشرۍ د چارو ادارې د عمومي ریاست د پانګونې آسانتیاوو مشرعطاء الله نصیب او د برښنا شرکت د مشر احمد داود نورزي تر منځ د ولسمشر د لوی حقوقي سلاکار کبیر عیسی خېل په شتون کې لاسلیک شو.

دا هوکړه لیک د متحده عربي اماراتو د پلازمېنې ابوظبۍ په افغانستان سفارت کې لاسلیک شو او د برښنا شرکت مشر د ویډیو کنفرانس له لارې وصل شو.

دوی څرګنده کړې، چې دا شرکت به د پلیتونو په چمتو کولو او نصبولو او د لمریزې برښنا پر تولید پانګونه وکړي.

له دې مخکې د کندهار سولر برښنا شبکه د ۳۹ دېرش میلیون دالرو پر ارزښت د خصوصي سکتور له بدجې او د  مالیې وزارت په سب سایدۍ ګټې اخیستنې ته سپارل شوېو چې ۳۰ میګاواته برښنا تولیدوي او دغه راز په بامیان کې د لمریزې برښنا شبکه پرانیستل شوې، چې زرګونه کورنیو ته برښنا رسوي.

د اوبو او برښنا وزارت ویلي، چې افغانستان د نوي کیدونکي انرژۍ د ۳۰۰۰۰۰ میګاواته تولیدي وړتیا لري، چې په دې کې طبیعي ګاز، حرارتي انرژي، د اوبو برښنا، لمریزه او بادي انرژي رانغاښتل شوي دي.

که څه هم په تېره لسیزه کې په دې اړه د پام وړ پرمختګ شویګ خو د افغانستان د برښنا ډېری اړتیاوې اوس هم له ګاونډ هېوادونو واردیږي.

Continue Reading

Trending