Connect with us

تازه خبرونه

عبدالله له یوناما څخه د ځان په اړه د اسنادو د وړاندې کولو غوښتونکی شو

Ariana News

خپور شوی

 په

(Last Updated On: November 16, 2019)

د ټاکنو خپلواک کمیسیون غړی مولانا عبدالله، په دې کمیسیون کې د ملګرو ملتونو یو شمېر سلاکاران د قانون خلاف کړنو پر پټولو تورنوي.

له څو میاشتو راپدیخوا د ملګرو ملتونو اړوند دوه نړیوال سلاکاران په ټاکنو خپلواک کې دندې پرمخ وړي. تازه د دغو سلاکارانو د کړنو په اړه د ټاکنو خپلواک کمیسیون یوه غړي مولانا عبدالله نیوکې وکړې.

د ټاکنو خپلواک کمیسیون غړي مولانا عبدالله ويلي، چې دې سلاکارانو په کمیسیون کې د قانون خلاف چارو په اړه پر خوله لاس ایښی او له ملګرو ملتونو یې وغوښتل، چې پر ده د لګیدلو تورونو په اړه اسناد وړاندې کړي.

د ټاکنو خپلواک کمیسیون غړی مولانا عبدالله وایي؛ هغه ستونزې، چې په دې کمیسیون کې دي؛ د یوناما اړوند سلاکارانو ترې پرده نده پورته کړې او که ښکاره شوي هم پټې دي.  

له دې مخکې د ملګرو ملتونو مرستندویه دفتر(یوناما) پر مولانا عبدالله تور لګولی، چې د ټاکنو خپلواک کمیسیون یو کارکوونکی یې ګواښلی او سپکې سپورې يې ورته ویلي دي؛ خو عبدالله له ملګرو ملتونو څخه په دې اوه د سند غوښتنه کوي.

همدارنګه یوناما په خپلو برښنایي رسنیو کې د هغو کسانو حسابونه تړلي، چې دغه سازمان یې د ټاکنو په چارو کې پر لاسوهنو او د بیان آزادۍ پر ځپلو تورنوي او پر چارو یې نیوکې کړې دي.

د رسنیو ملاتړي بنسټونو ويلي، چې یوناما په خپل تویتر او فیسبوک کې د خلکو نیوکې پاکوي. په داسې، دا کار د بیان د آزادۍ سره اړخ نه لګوي.

د رسنیو او خبریالانو د فدراسیون رییس فهیم دشتي ویلي؛ یو بنسټ، چې موخه یې د بیان د آزادۍ پراختیا، رامنځته کول او معلوماتو ته لاسرسی وي؛ باید د مخالفو اندونو زغم هم ولري.

یوناما بیا وايي، چې د افغانستان د ټاکنو په بهیر کې بې پرې دی او د بیان د آزادۍ ملاتړ هم کوي.

تازه خبرونه

د کابل په لویدیځ کې د ځانمرګي برید د وژل شویو کسانو شمېر ۲۴ ته لوړ شو

Ariana News

خپور شوی

په

توسط

Reuters
(Last Updated On: October 25, 2020)

د دشت برچي د پلخشک د “کوثر دانش” ښوونځي د کوڅې په ځانمرګي برید کې د وژل شویو کسانو شمېر ۲۴ کسانو ته لوړ شوی او شاوخوا ۶۰ نور ټپیان دي.

د پېښې شاهدانو ویلي، چې ځانمرګي برید کوونکي خپلو چاودیدونکيو توکو ته د اړوند ښوونځي د زدکوونکیو په منځ کې چاودنه ورکړې او ډېري قربانیان زدکونکي دي.

دا چاودنه په یوه داسې کوڅه کې رامنځته شوې، چې په کې درې د روزنې مرکزونه دي؛ خو فربانیان ټول د کوثر دانش ښوونځي کانکور آزموینې ته د چمتووالي د ټولګي زدکوونکي دي.

اکرم عزیزي د غزني د مالستان اوسیدونکی او له دوه میاشتو راپدیخوا د دې ښوونځي زدکوونکی دی؛ دده استوګنځي ته مخامخ ځانمرګي برید کوونکی چاودنه کړې. هغه په دې پېه کې خپل ټولګیوال له لاسه ورکړی او ټوله شپه یې د خپل ملګري پر قبر سبا کړې ده.

نوموړي ویلي؛ په خواشینۍ، چې یو ټولګیوال روح الله نومي مې په دې پېښه کې خپل خوږ ژوند له لاسه ورکړی او ټوله شپه مې ور سره پر قبر تېره کړه.

داعش په یوه اعلامیه کې د پېښې مسوولیت منلی دی.

دغې ډلې دوه کاله مخکې هم پر یو روزنیز مرکز برید ترسره کړی و. هغه مهال یو ځانمرگي برید کوونکي خپل چاودیدونکي توکي په یوه ټولګي کې وچاودول، چې لږ تر لږه ۴۸ کسان یې ووژل او نږدې ۱۰۰ نور یې ټپیان کړل.

Continue Reading

تازه خبرونه

له آزادو سیالیو سره حبیب نور ماګمدوف بریالۍ مخه ښه وکړه

Ariana News

خپور شوی

په

توسط

(Last Updated On: October 25, 2020)

د روسیې د آزادو سیالیو ۳۲ کلن لوبغاړي حبیب نورماګمدوف تېره شپه (شنبه د لړم درطیمه) پر خپل امریکایي سیال له بریا وروسته، خپله کورناسته اعلام او د اړوند سیالیو له ډګرونو سره یې مخه ښه وکړه.

حبیب، له جاستین گیجي سره په خپله وروستۍ مبارزه کې پنجرې ته ورننوت او بریالی شو، چې خپل ځواکمن سیال مات کړي.

په دوه یم پړاو کې یې خپلې پښې د جاستین ګیچي له غاړې راتاو کړې او ساه پرې بنده شوه؛ له سالنډۍ سره مخ او په دې توګه پر خپل سیال بریالی شو.

دا د هغه لومړۍ سیالي، چې له پلار پرته پنجرې ته وردننه شو. نوموړي د سیالۍ په پای کې د پلار له زیار او هڅو مننه وکړه.

د حبیب پلار په دې وروستیو کې د کرونا ویروس له کبله پر تنفسي ستونزو اخته او مړ شوی و.

حبیب څرګنده کړې: له درې ورځنیو هڅه وروسته بریالی شوم، چې د دغې سیالۍ لپاره د مور اجازه ترلاسه کړم؛ نه راضي کیده، چې د پلار په نشتون کې ولوبیږم. ما له هغې سره ژمنه وکړه، چې دا به مې وروسی ځل وي.

نوموړي زیاته کړې: دا زما وروستۍ سیالي وه. زه د یو اف سي له ټولنې یو څه غواړم، چې د نوملړ په سر کې راشم؛ ځکه، چې زه یې وړ یم.

دغه ۳۲ کلن حبیب د خپلو څانګیزو سیالیو په ډګر کې له ماتې پرته د ۲۹ بریاوو لرونکی پاتې شوی دی.

Continue Reading

تازه خبرونه

په غزني کې د القاعده یو مهم قومندان ووژل شو

Ariana News

خپور شوی

په

توسط

(Last Updated On: October 25, 2020)

د ملي امنیت ځانګړیو ځواکونو په غزني ولایت کې د القاعده یو مهم قومندان وژلی دی.

د ملي امنیت عمومي ریاست څرګنده کړې، چې د دې ریاست د ځانګړیو ځواکونو د عملیاتو په پایله کې د القاعده شبکې د هندي برخې مهم قومندان ابو محسن المصري ووژل شو.

المصري ، د القاعدې مهم قومندان د امریکا د فدرالي څېرنو ادارې تر څار لاندې نوملکړ کې راغلی و.

هغه په امریکا کې د امریکایی اتباعو پر وژلو او د بهرنیو تروریستي سازمانونو لپاره د آسانتیاوو په برابرولو محکوم شوی و.

د ملي امنیت پخوانی مشر رحمت الله نبیل ویلي، چې المصري او د القاعدې یو شمېر غړي د تېرو څو اوونیو په اوږدو کې په منظم ډول شاوال وادیو او غزني ته تګ راتګ کړی دی.

دغه راز د کورنیو چارو سرپرست وزیر مسعود اندرابي ویلي، چې په افغانستان کې د ملي امنیت ریاست لخوا د القاعدې د کليدي غړي وژل کېدل له ترهګرو ډلو سره د طالبانو د نږدې اړیکو او د افغان حکومت او خلکو پروړاندې د دوی د ګډو تروریستي فعالیتونو ښکارندویي کوي.

د نوموړي د څرګندونو له مخې، دا اړیکې اوس هم په خپل حال پاتې دي او طالبان پدې اړه بېلابېلو اړخونو ته دروغ وايي.

Continue Reading
Advertisement

Trending