Connect with us

تازه خبرونه

عبدالله عبدالله پر ټاکلي وخت د سولې خبرو د دوه یم پړاو پر پیلولو ټینګار څرګند کړ

خپور شوی

 په

(Last Updated On: مرغومی ۶, ۱۳۹۹)

د ملي پخلاینې عالی شورا مشرعبدالله عبدالله د شنبې پر ورځ( د مرغومي ۶) د دغې شورا په دوه یمه ناسته کې تائید کړه، چې د سولې دوه یم پړاو خبرې به د جنورۍ پر پېنځمه بیا پیل شي.

هغه ونه ویل، چې خبرې به چېر ترسره شي؛ خو څرګندوي، چې د خبرو ځای باید خنډ نه وي.

طالبانو د خبرو د دوه یم پړاو په اړه ویلي، چې د دوحې د هوکړې له مخې دوه یم پړاو خبرې په دوحه کې تر سره کیږي.

 دا په داسې حال کې ده، چې په تېرو څو اوونیو کې د افغانستان د ولسمشر اشرف غني په ګډون د یوشمېر سیاسي شخصیتونو لخوا غوښتنې وشوې، چې د سولې خیرو دوه یم پړاو خبرې دې د قطر پر ځای په افغانستان کې د ننه تر سره شي.

حکومتي چارواکو ویلي، چې خبرې د افغانانو ترمنځ دي او له همدې کبله باید دننه په افغانستان کې ترسره شي. په هرصورت ، تر دې دمه هیڅ داسې نښه نده رامنځته شوې، چې آیا دا خبرې به په دوحه کې دوام ولري یا دا، چې دوی به نوي ځای ته ولیږدول شي.

عبدالله عبدالله د شنبې پر ورځ ویلي، چې د خبرو ډلې به د ملي پخلاینې عالی شورا او په ځانګړي توګه د مشرتابه کمیټې ته راپور ورکوي.

نوموړي زیاته کړې؛ تاسې د افغانستان د جمهوریت استازیتوب کوئ او له طالبانو سره خبرو اترو ته ور دننه شئ او د اجندا پر ټولو موضوعاتو خبرې وکړئ. تاسې باید څرګنده کړئ، چې سوله د جمهوري دولت لپاره لومړیتوب دی.  

عبدالله عبدالله په دې ناسته کې د سیاسیونو له ګډون مننه کړې او وایي، چې دا کار د دوی د یوالي ښکارندویي کوي.

په دې ناسته کې د پخواني ولسمشر حامد کرزي او د ولسمشر لومړي مرستیال امرالله صالح په ګډون نورو مشهورو شخصیتونو هم ویناوې وکړې.

کرزي ویلي، چې د خبرو پلاوي ښه دنده ترسره کړې او دا ټینګار یې څرګند کړ، چې افغانان سولې ته اړتیا لري.

امرالله صالح په دې ناسته کې وویل، چې د افغانستان جګړه خورا پېچلې ده او د بهرنيانو نفوذ په کې د افغانانو پر پرتله ډېر دی.

هغه ویلي؛ د مشرانو، مخکښانو او ژورنالیستانو وژنه د سولې بهیر مخه نشي نیولی او نه یې تر اغېز لاندې راوستلی شي.

دا د ملي پخلاینې شورا د مشرتابه دوه یمه رسمي ناسته، چې لومړۍ ناسته یې د ولسمشر غني په مشرۍ د مرغومي پر ۱۵ تر سره شوې ده.

تازه خبرونه

په کابل کې د نښلیدونکي ماین چاودنې څلور کسان ټپیان کړل

خپور شوی

په

توسط

(Last Updated On: ليندۍ ۱۱, ۱۴۰۰)

په کابل کې د ایمرجنسي روغتون چارواکي تائیدوي، چې نن سهار (پنجشنبه د لیندۍ ۱۱) د کابل ښار د څلورمې حوزې اړوند د سلیم کاروان په څلورلارې کې د مقناطیسي ماین په چاودنه کې څلور تنه ټپیان شوي دي.

د ایمرجنسي روغتون په یوه ټویټ کې څرګنده کړې، چې څلور ټپیان نن سهار د رامنځته شوې چاودنې له روغتون ته رالېږدول شوي دي.

د روغتون د څرګندونو له مخې؛ په ټپیانو کې یو ماشوم هم شته دی.

د ایمرجنسي روغتون د څرګندونو له مخې؛ پېښه د نښلېدونکي ماین له چاودنې رامنځته شوې ده.

د کورنيو چارو وزارت وياند سعيد خوستي ويلي؛ پېښه په ګلدان کې د ځای پر ځای شوي ماين له چاودنې رامنځته شوې ده.

هغه زیاته کړې، چې په چاودنه کې چاته مرګ و ژوبله نده اوښتې.

تر دې دمه هیچا د پېښې پړه پر غاړه نده اخيستې.

دوه ورځې مخکې هم په کابل کې د یوې چاودنې له کبله، چې د دارالامان په سړک کې د اسلامي امارت پر موټر رامنځته او د اسلامي امارت د سرتېرو په ګډون یې ۵ کسان ټپيان کړي وه.

Continue Reading

تازه خبرونه

ملګرو ملتونو ا.ا.ا ته په عمومي اسمبله کې د څوکۍ ورکولو پرېکړه وځنډوله

خپور شوی

په

توسط

(Last Updated On: ليندۍ ۱۱, ۱۴۰۰)

د ملګرو ملتونو یوې ځانګړې کمېټې پرېکړه کړې، چې د ملګرو ملتونو په عمومي غونډه کې د افغانستان څوکۍ دې د اوس لپاره د افغانستان اسلامي امارت نوي حکومت ته نه ورکول کېږي.

د اسلامي امارت لخوا ملګرو ملتونو ته ورپېژندل شوي سهیل شاهین څرګنده کړې؛ د ملګرو ملتونو یوې ځانګړې کمېټې تېره ورځ پرېکړه کړې، چې د ملګرو ملتونو عمومي اسمبلۍ کې دې د افغانستان څوکۍ د اوس لپاره د افغانستان نوي حکومت ته نه ورکول کېږي.

سهیل شاهین زیاته کړې: د م.م دا پرېکړه  پر اصولو او انصاف بنا نده؛ ځکه، چې له افغان ولس څخه یې مشروع حق اخیستی. مونږ هیله من یوو، چي دا حق د افغانستان د حکومت استازي ته وسپارل شي.

هغه زیاته کړې؛ له دې سره به د افغانستان د ولس ستونزې حل او نړیوال مثبت تعامل رامنځته شي.

د چارشنبې پر ورځ د ملګرو ملتونو یوې کمېټې په ملګرو ملتونو کې د افغانستان او میانمار استازیتوب وځنډاوه.

د افغانستان اسلامي امارت او د میانمار جنټا حکومت په روان کال کې له حکومتونو له سقوط وروسته خپل نوي استازي ملګرو ملتونو ته وروپېژندل؛ خو غړیتوب یې دا دی وځنډول شو.

په ملګرو ملتونو کې د اسلامي امارت او د میانمار جنټا منل به د نړیوالې پیژندنې پر لوري یو ګام وي، چې دواړه حکومتونه یې غوښتنه لري.

د ملګرو ملتونو د باورلیک ۹ کسیزې کمېټې، چې روسیه، چین او امریکا یې بنسټیز غړي دي؛ د ملګرو ملتونو په مرکزي دفتر کې غونډه وکړه، چې د ملګرو ملتونو د عمومي اسامبلې د نننۍ غونډې لپاره د ټولو ۱۹۳ غړیو باورلیکونه وڅېړي.

يو شمېر ډيپلوماتانو رويټرز ته ويلي، چې ښايي کمېټه د افغانستان او ميانمار د استازولۍ په اړه خپلې پرېکړې د دې تفاهم له مخې وځنډوي؛ ځکه، چې د دواړو هېوادونو اوسني سفيران پر دغو څوکيو پاتې کېږي.

په داسې حال کې، چې په ملګرو ملتونو کې د دې کمېټې مشرې د سویډن سفیرې انا کارین اینسټروم خبریالانو ته ویلي، چې پرېکړې ځنډول شوې؛ خو هغې پدې اړه، چې آیا د افغانستان لپاره د پخواني ولسمشر اشرف غني لخوا ټاکل شوی سفیر به د استازي په توګه پاتې وي؛ له څه ویلو ډډه وکړه.

Continue Reading

تازه خبرونه

د افغان او ایراني سرحدي ځواکونو تر منځ نښته ناسم پوهاوی و – اسلامي امارت

خپور شوی

په

توسط

(Last Updated On: ليندۍ ۱۱, ۱۴۰۰)

د افغانستان اسلامي امارت چارواکو ویلي؛ د هېواد په نیمروز ولایت کې د ایران او اسلامي امارت د سرحدي ځواکونو ترمنځ نښته د “سرحدي ناسم پوهاوي” له کبله رامنځته شوې وه.

د اسلامي امارت وياند ذبيح الله مجاهد څرګنده کړې، چې تېره ورځ (چارشنبه د لیندۍ ۱۰) د نيمروز ولايت د کنګ ولسوالۍ په سرحدي سيمه کې د افغان او ايراني امنيتي ځواکونو تر منځ نښته شوې، چې اوس د دواړو غاړیو درولې ده.

هغه زیاته کړې، د دغه ناسم پوهاوي د مخنیوي او څېړنې لپاره د اسلامي امارت مسوولینو ته لازمې لارښوونې شوې دي.

د اسلامي امارت چارواکو زیاته کړې، چې په جګړه کې دواړو لوریو ته ځاني زیان ندی اوښتی.

دا په داسې حال کې ده، چې د پنجشنبې پر ورځ د افغانستان د بهرنیو چارو وزارت د کنګ په ولسوالۍ کې د سرحدي جګړې په اړه ویلي وه، چې د سرحدي چارواکو پر هڅو نښته پای ته رسېدلې او د دا ډول پېښو د تکرار د مخنیوي لپاره به هڅې وشي.

Continue Reading

Trending

آریانا نیوز: ټول حقونه خوندي دي