Connect with us

تازه خبرونه

طالبانو په فراه ښار کې امنیتي پوسته نیولې او ۴ ملي پولیس یې وژلي

Ariana News

خپور شوی

 په

(Last Updated On: January 13, 2019)

د فراه ولایتي شورا غړي وایي، چې تېره شپه طالبانو د فراه ښار د سلطان میر اغا پر امنیتي پوستې ډله ییز برید کړی او د پوستې د نیولو په بهیر کې یې څلور ملي پولیس وژلي او اړوند جنګي تجهیزات یې هم له ځان سره وړي دي.

د فراه ولایتي شورا رییس داد الله قانع زیاته کړې، چې تېره شپه د فراه په مرکز کې طالبانو د ملي پولیسو یوه پوسته نیولې ده.

د نوموړي د څرګندونو له مخې؛ په دې پېښه کې څلور ملي پولیس وژل شوي او د پوستې له نیولو وروسته وسلوالو طالبانو ترې ټول جنګي تجهیزات هم له ځان سره وړي دي.

د فراه پولیسو هم آریانا نیوز ته د سلطان میرآغا د پوستې سقوط منلې؛ خو د جزئیاتو له وړاندې کولو یې ډده کړې ده.

د فراه ولایتي شورا غړی خیر محمد نورزایي وسلوال طالبان تورن کړي، چې دغه ولایت ته یې د بهرنیو ځواکونو د بېرته راګرزیدو لپاره زمینه برابره کړې ده.

د نوموړي په وینا؛ که وسلوال طالبان له جګړې لاس واخلي، د افغانستان حکومت به له هېواده بهرني ځواکونه رخصت کړي.

د ملي پولیسو دغه امنیتي پوسته په داسې حال کې د طالبانو تر ولکې لاندې راځی، چې د پرېکنده ماموریت ځواکونه په دې ولایت کې پر طالبانو هوایي بریدونه هم ترسره کوي.

فراه په تېر یوه کال کې د امنیتي ځواکونو لپاره یو خونړی ولایت و، چې وسلوالو طالبانو په کې د امنیتي پوستو د نیولو پر مهال نه یوازې پرمختللې وسلې کارولي، بلکې امنیتي ځواکونو ته یې درانده ځاني زیانونه هم اړولي دي.

خبریال: خوشحال ځلاند

تازه خبرونه

د لغمان د دولت شاه ولسوالۍ امنیه قومندان ووژل شو

Ariana News

خپور شوی

په

توسط

(Last Updated On: May 16, 2021)

د لغمان والي رحمت الله یارمل نن له غرمې وروسته د دولت شاه ولسوالۍ امنیه قومندان عبد الظاهر د افغان ځواکونو لخوا په توغول شوې مرمۍ لګېدلی او وژل شوی دی.

والي یارمل زیاته کړې؛ افغان ځواکونو د طالبانو پر خوا د توپ مرمۍ ویشتله، چې د تخنیکي ستونزې له کبله مرمۍ د امینه قومندان تر څنګ لګېدلې او چاودنه یې کړې، چې پخپله امنیه قومندان له یو ساتونکي سره یو ځای وژل شوی دی.

والي ویلي، چې په سیمه کې وضعیت د اندېښنې وړ ندی او جګړه هم نشته.

دولت شاه د لغمان یو له ناامنه ولسوالیو شمېرل کیږي، چې پدې وروستیو په کې افغان ځواکونو د وسلوالو طالبانو پر ضد چاڼیز عملیات هم پیل کړي دي.

Continue Reading

تازه خبرونه

داعش د کابل د شکردرې په لوی جومات کې د چاودنې پړه ومنله

Ariana News

خپور شوی

په

توسط

(Last Updated On: May 16, 2021)

د داعش خبري سرچینې په ډاګه کړې، چې داعش جنګیالیو د کابل د شکر درې په لوی جومات کې د چاودنې مسوولیت منلی دی.

د کابل د شکردرې په یوه جومات کې د جمعې د ورځې د یوې نیمې بجې د چاودنې مسوولیت پرغاړه اخیستې، چې په کې د جومات د امام مفتي نعمان په ګډون لږ تر لږه ۱۴ لمونځ کوونکي وژل شوي دي.

ویل کیږي، چې چاودنه د جمعې د لمانځه پر مهال د کابل ولایت د شکردرې ولسوالۍ د لوی جومات په محراب کې رامنځته شوې ده.

چاودنه په داسې حال کې شوې، چې طالبانو او افغان حکومت د اختر په ویاړ درې ورځني اوربند کړی دی.

د داعش خبري سرچینې په ډاګه کړې، چې جنګیالیو یې د جومات دننه چاودیدونکي توکي ځای پر ځای کړي وه او هغه مهال یې چاودنه وکړه کله، چې عبادت کوونکي د کوچني اختر پر دوه یمه ورځ د جمعې د لمانځه د ادا کولو نیت وکړ.

د یادونې ده، چې د حکومت او طالبانو اوربند د شنبې پر نیمه شپه پای ته ورسیده او جګړه له سره پیل شوې ده.

Continue Reading

تازه خبرونه

له درې ورځنی اوربند وروسته جګړه بیا پیل شوه

Ariana News

خپور شوی

په

توسط

(Last Updated On: May 16, 2021)

د هېواد په سویل لویدیځ کې امنیتي ځواکونو له درې ورځني اوربند له پای ته رسیدو وروسته خپل یرغلیز تصفیوي او تروریزم ضد بریدونه بیا پیل کړل.

ميوند ۲۱۵ قول اردو څرګنده کړې، چې دغه پوځي عملیات د لښکرګاه، ناوې او نهرسراج ولسوالیو په لویدیځو سیمو کې همهاله پیل شوي دي.

د یادې سرچینې د څرګندونو له مخې: د افغانستان دفاعي ځواکونه په هېواد کې د وسلوالو مخالفانو له منځه وړولو ته ژمن دي.

طالبانو تر دې دمه پدې اړه څه ندي ویلي.

دغه پای ته رسېدلی درې ورځني اوربند د یکشنبې پر ورځ د کوچني اختر په ویاړ د طالبانو لخوا اعلان شو، چې بیا په پراخه کچه د افغان حکومت او طالبانو لخوا وڅارل شو.

د افغانستان دفاع وزارت د شنبې پر ورځ ویلي وه، چې طالبانو د هیواد په اووه ولایتونو کې له درې ورځني اوربند سرغړونه کړې او په لسګونه ملکي او امنیتي وګړيو ته یې مرګ و ژوبله اړولې ده.

د ملي دفاع وزارت مرستیال ویاند فواد امان ویلي؛ طالبانو له اوربنده په څو مواردو کې سرغړونه کړې؛ خو حکومت اوربند ته ژمن پاتې و.

له اوربنده د سرغړونې تورونه هغه مهال راپورته شول، چې د کابل د شکردرې ولسوالۍ د یوه جومات په محراب کې د  جمعې لمانځه پرمهال ځای پر ځای شويو چاودیدونکيو توکو چاودنه وکړه او په ډاګه شوه، چې د جومات د امام په ګډون ۱۴ کسان ووژل شول او ۲۰ نورټپیان دي.

دغه درې ورځنی اوربند د افغانستان د خلکو لخوا په پراخه کچه له تود هرکلی سره مخ شو، خو دوی د دغه اوربند د غځېدو او دایمي کیدو غوښتنه هم وکړه.

په داسې حال کې، چې طالبانو ویلي؛ دا درې ورځنی اوربند به د اختر له رخصتیو وروسته به جګړه بیا پیل کیږي.

Continue Reading

Trending

آریانا نیوز: ټول حقونه خوندي دي