Connect with us

تازه خبرونه

طالبان د امریکا منلې او شریکه ډله ده- سپنتا

Avatar

خپور شوی

 په

(Last Updated On: لړم ۱۷, ۱۳۹۷)

د وفاق ملي تر سرلیک لاندې یوې ناستې ته په خبرو کې د ملي امنیت پخواني سلاکار رنګین دادفرسپنتا ویلي، طالبان د امریکا منلې او شریکه ډله ده او د تېر په پرتله اوس په ډېرو سیمو کې هم واکمنه شوې ده.

ټاکل شوې سبا د افغانستان د سولې په اړه په مسکو کې یوه غونډه جوړه شي؛ خو د افغانستان سیاسي بهیرونه اندېښمن شوي، چې د سولې خبرې د افغانانو له مالکیته وتلې دي.

د ملي امنیت شورا پخوانی سلاکار رنګین دادفر سپنتا وایي: طالبان د هېواد په ډېرو سیمو کې واکمن شوي؛ د تېرو کلونو په پرتله د اوسني حکومت د خلکو ترمنځ ډېر ځای لري او پاکستان یې اوس هم ملاتړ کوي.

د مسکوجوړیدونکې غونډه هم د افغان سیاسیونو له عینکو نده غورزیدلې.

احمد ولي مسعود وایي، د سولې په نامه په حکومت کې قومي مسایلو ته لمن وهل کیږي.

د شهید احمدشاه مسعود بنسټ مشر احمد ولي مسعود وایي: سوله او جګړه د افغانستان له خلکو سره تړاو نلري. د سولې په نامه قومي مسئلو ته لمن وهل کېږي او حکومت د سولې په نوم خپل سیاسي قدرت خوندي کوي.

د سیاسیونو تر منځ دا باور هم شته، چې حکومت نشي کولی له سیاسیونو پرته له طالبانو سره سوله وکړي.

د افغانستان د حراست او ثبات شورا غړی محمد عمر داوودزی وایي: حکومت نشي کولی د افغانانو په استازیتوب له طالبانو سره  تړون لاسلیک کړي.

د نوموړي پر اند ټول اړخونه باید په دې تړون کې خپل لاسلیک وکړي.

سیاسي ګوندونه په داسې حال کې د حکومت او طالبانو ترمنځ د سولې پر خبرو اندېښمن دي، چې بهرنیو چارو وزارت د مسکو غونډې ته حکومتي ځانګړی استازی ندی ورلیږلی. دا په داسې حال کې ده، چې د سولې شورا یو پلاوی د حاجي دین محمد په مشرۍ مسکو ته رسیدلی دی.

د یادونې ده، چې د مسکو غونډې ته امریکایان او طالبان هم ور بلل شوي او په دې جوړیدونکې ناسته کې دواړو د ګډون پرېکړه هم کړې ده.

خبریال: اکبر لودین

تازه خبرونه

طالبان د حکومت لخوا د ۲زرو بندیانو د خوشې کولو اعلان یو ښه ګام بولي

Avatar

خپور شوی

په

توسط

(Last Updated On: غبرګولى ۵, ۱۳۹۹)

طالبانو د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې د ۵ زرو بندیانو خوشې کول اړین ټکې دې.

د طالبانو د سیاسي دفتر ویاند سهیل شاهین د ټویټر له لارې د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې افغانانو د خپلمنځي خبرو د پیل لپاره د ۵ زرو بندیانو خوشې کول د دوحې په هوکړه منل شوې دي.

هغه لیکي: “د دوحې په توافقنامه کې د ۵ زرو بندیانو د خلاصون غوښتنه د دې لپاره وه چې د اعتماد مناسبه فضا رامنځته شي، باید دغه پروسه تکمیل شی څو د بین الافغاني مذاکراتو د پيل په مخکې خنډونه لیري شي.”

همداراز هغه زایته کړې چې طالبان “هم په خپله خوا کې د بندیانو خلاصون ته متعهد دی.”

دا په داسی حال کې ده چې تیره ورځ، د اختر له لمانځه وروسته، ولسمشر غني د طالبانو د درې ورځني اوربند اعلان په څواب کې وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

له بلی خوا، متحده ایالاتو هم د افغانستان د ولسمشر محمد اشرف غني لخوا د دې اعلان ستاینه کړې ده.

ولسمشر په خپل ټویټر کې لیکلي چې هغه د امریکې د بهرنیو چارو د وزیر مایک پامپیو څخه په دې مناسبت تلیفون اړیکه ترلاسه کړې او وایي: “هغه د افغان حکومت څخه د ۲زرو طالب بندیانو د خوشې کولو دغه زړوره پرېکړه وستایله. هغه تاکید وکړ چې متحده ایالات به د اوږد مهاله اوربند / د تاوتریخوالي کمول او د مستقیمو خبرو اترو د پیل لپاره ټینګار وکړي.”

د یادونې وړ ده چې حکومت د متحده ایالاتو او طالبانو ترمینځ افغانستان ته د سولې راوستلو د تړون له لاسلیک وروسته، ۱۵۰۰  طالب بندیان خوشې کړل. همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي. خو ښایي چې د امریکي استازي زلمي خلیلزاد تازه هڅې زرغونې شوي او دغه لړې بیا پیل کیږي.

Continue Reading

تازه خبرونه

حکومت د ۲ زرو طالب بندیانو د خلاصون ژمنه وکړه

Avatar

خپور شوی

په

توسط

(Last Updated On: غبرګولى ۵, ۱۳۹۹)

د اختر له لمانځه وروسته، ولسمشر غني وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

ولسمشر غني د طالبانو د درې ورځني اوربند اعلان هرکلی وکړ، او په دې ډله یې غږ وکړ چې نور د افغانستان خلکو ته زیان ونه رسوي. هغه وایي چې د هیواد د هر وړي وژنه یو توجیه نکونکې دردمن کار دې.

د ولسمشر په وینا، افغان حکومت چمتو دی چې سمدستي د سولې خبرې پیل کړي. هغه وویل: “د ټولو افغانانو په استازیتوب د سولې خبرو اترو پلاوي له طالبانو سره د سولې مخامخ خبرو ته چمتو دي.”

ولسمشر باور لري چې د افغانستان خلک د سولې په پروسه کې رښتیني ګټونکی دي. نو هغه پر طالبانو غږ وکړ چې د افغانستان خلکو ته زیان ونه رسوي.

د افغانستان حکومت د متحده ایالاتو او طالبانو ترمینځ د سولې د تړون له لاسلیک وروسته ۱۵۰۰  طالب بندیان خوشې کړل.

همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي.

Continue Reading

تازه خبرونه

افغانستان کې د کرونا رنځ پېښې ۱۰۵۸۲ ته پورته شوې

Avatar

خپور شوی

په

توسط

(Last Updated On: غبرګولى ۵, ۱۳۹۹)

د عامې روغتیا وزارت په وینا، په تیرو ۲۴ ګړیو کې افغانستان کې د کرونا ویروس ۵۸۴ نوې مثبتې پېښې ثبت شوي چې له دې سره په هیواد کې د ټولو ککړو پېښو شمر ۱۰۵۸۲ ته رسیدلی.

د عامې روغتیا وزارت ویاند توحید شکوهمند وایي: “په تیرو ۲۴ ګریو کې د دغه وزارت په لابراتوارونو کې ۱۰۷۵ نمونې وازمول شوې چې له دې جملې څخه ۵۸۴ نمونې مثبتې وختې.”

یادې تازه پېښې په لاندې ډول وېشل شوي:

کابل ۳۲۴ ، هرات ۱۰۰ ، بلخ ۱۷ ، ننگرهار ۳۵ ، بادغیس ۵ ، تخار ۲۲ ، لوگر ۳ ، میدان وردک ۸ ،  لغمان ۱، کندز ۲۹ ،  پروان ۸،  بامیان ۹، جوزجان ۲، فاریاب ۱۴،  کنر ۴ او  بدخشان ۳.

شکوهمند زیاته کړه چې په تیرو ۲۴ ګړیو کې په افغانستان کې د کوویډ-۱۹ له کبلهدوه کسان مړه شوي چې له دې سره د مړیو شمیره ۲۱۸ ته ورسیده.

د عامې روغتیا وزارت په وینا، په تیرو ۲۴ ګړیو کې له دغه رنځه ۳۵ ناروغان روغ شوي، چې له دې سره افغانستان کې د رغیدلو کسانو شمیره ۱۰۷۵ ته رسیدلې.

دا په داسې حال کې ده چې د کابل والي اعلان کړې چې وروسته له اختره به په تدریجي ډول له کابل ښار څخه بندیزونه لېرې کړل شي؛ د بیلګې په څیر، په ځانګړي شوي مهال کې به هټې په ورځ کې پرانیستل کیږي.

د عامې روغتیا وزارت ټینګار کوي چې د کروناویروس سره د مبارزې لپاره، خلک باید روغتیایي لارښوونې په پام کې ونیسي او په کورونو کې پاتې شي.

Continue Reading

Trending