Connect with us

تازه خبرونه

طالبان له شرط پرته د بندیانو آزادیدل غواړي

Ariana News

خپور شوی

 په

(Last Updated On: March 12, 2020)

طالب چارواکي، له خوشې کیدو وروسته سنګرونو ته د بندیانو بېرته د بېرته ورګرزیدنې ضمانت نکوي او له شرط پرته د بندیانو آزادیدل غواړي.

د سولې د هغې هوکړې له مخې، چې د قطر په دوحه کې لاسلیک شوې؛ امریکا او طالبانو د خپلمنځي خبرو لپاره د مارچ ۱۰ اعلام کړه؛ خو د حکومت او طالبانو تر منځ د ۶۰۰۰ بندیانو پر تبادلې د حکومت شرطونو دا کار وځنډاوه.

ولسمشر غني د ولسمشرۍ له لوړې یوه شپه مخکې د بندیانو پر نه خوشې کولو ټینګار کاوه؛ خو بیا یې لږ څه نرمښت ښکاره او سپارښتنه یې وکړه، چې ۱۵۰۰ طالب بندیان به د ځانګړیو شرایطو له مخې خوشې او ۳۵۰۰ نور به د خپلمنځي خبرو په بهیر کې خوشې کیږي.  

د حکومت دا شرطونه پر طالبانو ښه ونه لګیده او د بندیانو د خوشې کیدو په بدل کې یې د حکومت د دې شرط له منلو ډډه وکړه، چې: له خوشې کیدو وروسته به سنګرونو ته د بندیانو بېرته نه ورګرزیدنه تضمینوي.

په قطر کې د طالبانو د سیاسي دفتر ویاند او غړي په ډاګه کړې؛ د حکومت دا وروستی شرط د هوکړې له مخې د منلو ندی. یعنې مونږ له شرطه پرته د ۵۰۰۰ طالب بندیانو پر خوشې کیدو هوکړه کړې.

د نوموړي د څرګندونو له مخې؛ له طالبانوسره مشروطه هوکړه نده شوې. په هغه هوکړه کې، چې د فبروري پر ۲۹ له امریکا سره لاسلیک شوې؛ ښکاره ویل شوي، چې له خپلمنځي خبرو مخکې به د باور د رامنځته کولو لپاره یو شمېر کړنې تر سره کیږي.

دغه راز په غزني کې د طالبانو یو شمېرقومندانانو ویلي؛ زمونږ مبارزین مجاهدین دي او تل یې په افغانستان کې د خپلواکۍ او اسلامي شریعت لپاره سرښندنې کړې دي.

 د طالبانو د نظام پخواني څارنوال جلال الدین شینواری څرګنده کړې، چې حکومت کولی شي پخپل هر حرکت د سولې بهیر اغېزمن کړي. کله، چې هوکړه د ۵۰۰۰ طالب بندیانو پر خلاضون شوې وي؛ ستونزې رامنځته کول د څه لپاره دي؟!  

د ولسمشر سلاکار فضل فضلي ویلي، چې تر دې دمه یو طالب زنداني هم خوشې شوی ندی. د ولسمشر فرمان د بندیانو د خوشې کیدو په اړه مشروط دی او هغه شرطونه دادي:

لومړی شرط ـ د بندیانو خوشې کیدل مهالني دي، چې څلور پېنځه میاشتې وخت ته اړتیا ده.

دویم شرط ـ د طالبانو د هرې ډلې له خوشې کیدو سره باید په ټول افغانستان کې د تاوتریخوالي کچه باید راټیټه شوې وي.

درېیم شرط ـ  د طالب بندیانو ۳۵۰۰ کسان به د خپلمنځي خبرو په بهیر کې خوشې شي، چې تر اوسه دا خبرې پیل شوې ندي.

د طالب بندیانو خلاصون  او له افغانستان څخه د بهرنیو ځواکونو وتلو د ځینو امریکایانو پر اند د کورنۍ جګړې وېره را منځته کړې ده.

د امریکا د ولسي جرګې غړی موبروکس ویلي: زه اټکل کوم؛ کله، چې امریکایي ځواکونه له افغانستان ووځي، مونږ به د هغو پېښو لیدونکي وو، چې په ویتنام کې مو د وتو پر مهال رامنځته شوې وې. د جګړې لوري به هر یو د واک اخیستو او د افغانستان د ځینو برخو لاندې کولو لپاره هڅې وکړي. 

افغان حکومت د طالبانو اعلامیه د بندیانو د آزایېدو په تړاو د دې ډلې د ښه نیت نه څرګندیدل بللي او ویلي یې دي که طالبان مخالفت وکړي؛ هیڅ بندي به آزاد نشي.

تازه خبرونه

طالبانو د افغانستان څلور نورې ولسوالۍ هم ونیولې

Ariana News

خپور شوی

په

توسط

(Last Updated On: June 13, 2021)

د کندوز، فراه، غور او زابل ولایتي شوری ګانو غړیو ویلي، چې له تېرو څلیریشت ګړیو راپدیخوا علي آباد، ساغر، ارغنداب او لاش او جوین ولسوالۍ طالبانو نیولي دي.

ویل کیږي، چې د هېواد په شل ولسوالیو کې د جګړو راپورونه ورکړي؛ په پکتیا کې دوه څلوېښت پاڅونوال طالبانو ته تسلیم شوي او په ننګرهار کې پر یوه کور د هوان ګولې لګیدلې او شپږ کسانو ته یې مرګ و ژوبله اړولې ده.

د طالبانو لخوا د ولسوالیو د لاندې کولو د بریدونو پر دوام د یکشنبې پر ورځ د زابل ارغنداب ولسوالي طالبانو نیولې ده.

حکومت وايي، چې له دې ولسوالي په تکتکي توګه وتلي دي.

د زابل ولایتي شوری مشر عطا جان حق بیان ویلي: مقر ولسوالي ټوله طالبانو نیولې؛ دوی د ملي اردو کنډک ته ولېږدول شول او ملي اردو هم تکتیکي شاتګ وکړ او له ولسوالۍ ووتل.

په غور او فراه کې خپلواکې سرچینې وايي، چې طالبانو د ساغر ولسوالۍ نیولي او د فراه په پشت رود کې جګړه روانه ده؛ خو حکومتي سرچینې په دې اړه څه نه وايي.

د اتل قول اردو مسوولین وايي، چې له خلکو سره له سلا مشورو وروسته یې پرېکړه کړې، چې ځينې ولسوالۍ نورو سیمو ته ولیږدوي.

د پوځ مسوولین نه مني، چې ګواکي دا ولسوالۍ طالبانو په جګړه کې نیولې دي.

د کندوز د ولایتي شوری غړي وايي، چې طالبانو د یکشنبې پر سهار د علي آباد ولسوالي او څو پوستې نیولې؛ خو حکومتي چارواکي دا خبر نه تائیدوي.

د ختیځ او سویل ختیځه ولایتونو په نهه ولسوالیو کې هم د سختو نښتو راپورونه تر لاسه شوي؛ د پکتیا مرکز ګردیز ته نږدې دوه څلوېښت پاڅوانوال طالبانو ته تسلیم شوي او په ننګرهار کې پر یوه کور د هاوان ګولي لګیدلې، چې پېځه کسانو ته یې مرګ و ژوبله اړولې ده. د بلخ په شولګره کې هم نښتې شوي دي.

د ملي دفاع وزارت وايي، چې په تېرو څلیریشت ګړیو کې یې یو سل و یو اتیا وسلوال طالبان وژلي دي. ولسمشرۍ ماڼۍ وايي، چې د طالبانو د ځپلو لپاره د افغان ځواکونو وړتیاوې پیاوړې شوې؛ خو پر وینا یې طالبانو پر ملکي سیمو بریدونه پیل کړي دي.

Continue Reading

تازه خبرونه

پر هزاره ګانو روان بریدونه دې نسل وژنه وپېژندل شي – خلیلي

Ariana News

خپور شوی

په

توسط

(Last Updated On: June 13, 2021)

د حزب وحدت اسلامي مشر محمد کریم خلیلي ویلي، چې حکومت او نړیواله ټولنه دې د کابل په لویدیځ کې د وروستیو بریدونو په تړاو بې تفاوته نه پاتې کېږي او د نسل وژنې په توګه دې باید رسماً وپېژندل شي.

د کابل په لویدیځ کې بمي چاودنو د حزب وحدت اسلامي رهبر او د ولسمشرۍ ماڼۍ پخوانی مرستیال محمد کریم خلیلي وایي، چې د سولې دښمنانو نه یوازې د سولې لړۍ سبوتاژ کړې، بلکې په هېواد کې يې د قومونو ترمنځ د اختلاف رامنځته کولو په موخه د یوه قوم پر وړاندې بریدونه پيل کړي دي.

کریم خلیلي یوې خبري غونډې ته که څه هم د کومې ډلې نوم نه اخلي؛ ځو د کابل په لویدیځ کې پر هزاره ګانو روان بریدونه نسل وژنه نوموي او ټینګار کوي، چې که دا ډول پېښې ونه درول شي؛ هزاره وګړي به د ځان د دفاع لپاره راپورته شي.

محمد کریم خلیلي زیاته کړې، چې که څه هم په دې وروستیو کې ګڼ شمېر افغانان او سرتېري د جګړو پرمهال وژل کېږي؛ خو په ځانګړې توګه د هزاره وګړیو وژنه په سیستماتیک ډول روانه ده.

کریم خلیلي د یکشنبې پر ورځ یوې خبري غونډې ته وویل، چې حکومت او نړیواله ټولنه دې د کابل په لویدیځ کې وروستي بریدونه د نسل وژنې په توګه رسماً وپېژني او پدې اړه دې بې تفاوته نه پاتې کېږي.

همدارنګه هغه د هېواد اوسنی وضعیت حساس بولي او وایي چې هزاره وګړي نه غواړي په دا ډول شرایطو کې داسې اقدام وکړي چې د حکومت په زیان تمام شي.

محمد کریم خلیلي د خپلو خبرو په یوه برخه کې د سولې پر روان بهیر هم نیوکه وکړه او زیاته يې کړه، چې که په دې بهیر کې ټولو قومونو ته ونډه ورنکړ شي؛ د حکومت او طالبانو ترمنځ سیاسي هوکړه ناشونې ده.

Continue Reading

تازه خبرونه

په چین کې د ګازنلیکې له چاودنې ۱۲ کسان وژل شوي

Ariana News

خپور شوی

په

توسط

(Last Updated On: June 13, 2021)

د مرکزي چین د استوګنې په اړوند سیمه کې د ګازنلیکې له چاودنې لږ تر لږه ۱۲کسان وژل شوي دي.

چینايي رسنیو څرګنده کړې، چې چاودنه نن سهار د هوبي ولایت په شیان ښار کې رامنځته شوې، چې لږ تر لږه ۱۳۸ نور یې ټپیان کړي دي.

د راپورونو له مخې؛ د چاودنې له کبله د یوه پلورنځي ودانۍ راپرېوتې او د ۳۷ ټپیانو روغتیایي حالت یې د اندېښنې وړ دی.

د شیان سیمه ییز روغتون له ښاریانو څخه ټپیانو ته د وینې ورکولو غوښتنه کړې ده.

Continue Reading

Trending

آریانا نیوز: ټول حقونه خوندي دي