Connect with us

تازه خبرونه

طالبان په افغانستان کې د تاوتریخوالي کمولو ته چمتووالی لری-قریشي

Ariana News

خپور شوی

 په

(Last Updated On: مرغومی ۲۶, ۱۳۹۸)

د پاکستان د بهرنیو چارو وزیر ويلي، چې طالبانو په افغانستان کې د تاوتریخوالي کمولو ته چمتووالی ښودلی دی.

د تاوتریخوالي د کمولو په اړه په پاکستان کې د طالب مشرانو ترمنځ له سلا مشورو وروسته د پاکستان د بهرنیو چارو وزیر شاه محمود قریشي ویلي، چې طالبان د تاوتریخوالي کمولو ته سلا شوي دي.

د پاکستان د بهرنیو چارو وزیر شاه محمود قریشي څرګنده کړې؛ د سولې خبرو په اړه د پام وړ پرمختګ شوی او طالبان د تاوتریخوالي پر کمولو سلا شوي دي. دا د سولې لپاره یو مهم ګام دی. پاکستان په دې برخه کې خپل مسوولیت تر ډېره پر ځای کړی او مونږ غواړو، چې په ټوله سیمه کې ثبات راشي.

شا محمود قریشي زیاته کړې، چې د طالبانو دغه ګام به افغانان سولې ته څو ګامه ورنږدې کړي؛ خو افغان حکومت ويلي، چې د تاوتریخوالي کموالی حقوقي معنا نلري؛ نو، ځکه په بشپړ اوربند ټينګار کوي.

د سولې په برخه کې د دولت وزیر عبدالسلام رحیمي وايي، چې په قطر کې د طالب استازیو او امریکايي پلاوي په خبرو کې د پام وړ  پرمختګ ندی شوی.

د ملي دفاع وزارت پخوانی مرستیال تمیم عاصي په دې باور دی، چې د تاوتریخوالي کمول حقوقي اړخ نلري او هیڅوک یې په ټينګولو ځان مکلف نه ګڼي.

طالبانو ته نږدې سرچینو هم ويلي، چې طالبان به هغه وخت په لویو ښارونو او لویو لارو کې د تاوتریخوالي د کمولو اعلان وکړي، چې په لس ورځو کې د ننه امریکا د سولې هوکړه لاسلیک کړي.

د سولې د دغې هوکړې له مخې به له افغانستان څخه د امریکايي سرتېرو وتلو ته هم لاره اواره شي.

تازه خبرونه

د یو شمېر شخصیتونو د حسابونو هک کيدل، تویتر ته د خطر زنګ دی

Ariana News

خپور شوی

په

توسط

(Last Updated On: چنګاښ ۲۶, ۱۳۹۹)

د امریکا د ولسمشریزو ټاکنو په درشل کې د یو شمېر نومیالیو شخصیتونو د  تویتر حسابونه هک شوي، چې د دې ټولنیزې شبکې امنیت یې تر پوښتنې لاندې راوستی دی.

تویتر شرکت ویلي؛ د چارشنبې پر ورځ د امریکا د ولسمشریزو تاکنو د دیموکرات ګوند د نوماند جوبایدن، د امریکا د پخواني ولسمشر بارک اوباما، د امریکا تلویزیوني ستوری کیم کار داشیان، د تسلا شرکت د تکنالوژۍ میلیاردر او بنسټ ایښودونکي ایلان ماسک د تویتر حسابونه هک شوي وه.

د دغه شرکت په یو لړ تویتونو کې په ډاګه شوې: مونږ یو څه موندلي، چې دا د هغو خلکو له ټولنیز جوړجاړي سره همغږي ښیي، چې زموږ برښنایي داخلي سیستمونو او وسایلو ته لاسرسی لري او زمونږ خپل ځینې کارمندان یې په نښه کړي دي.

هکرانو بیا دا لاسرسی کارولی او بریالي شوي، چې زمونږ تائید شوي حسابونه د تویت کولو لپاره وکاروي.

تویتر د سیاسي نوماندانو او حکومتي چارواکو د اړیکو ټینګولو لپاره اړین دی او د ولسمشر دونالد ترمپ په ګډون ډېرو سیاسي نوماندانو د راتلونکیو ټاکنو په بهیر کې له هکرانو وېره په ډاګه کړې ده.

د امریکا د پرمختګ مرکز مرستیال آدم کانر د سیاسي تکنالوژۍ د چارو په اړه څرګنده کړې؛ لکه دا، چې د جون پر ۱۵ ښه نشول، د نوامبر۳ ته به ډېر خراب وي.

دې هکرانو ځانونه مشهور شخصیتونه او بډایه کسان ښودلي او له خلکو یې د برښنایي پیسو غوښتنه کړې ده.

تر پرون ماښامه د لیږد ۴۰۰ بیت کوینه د ۱۲۰ زره امریکایي  ډالرو پر ارزښت ترسره شوي دي. دغه راز د قربانیانو نیمایي د امریکا په بیت کوین صرافیو کې دي، څلورمه برخه یې په اروپا او آسیا کې پانګونه کړېده.

پدې لیږدونو کې داسې نښې پاتې شوي، چې د هکرانو په پېژندلو کې مرسته کولی شي.

مالي زیان کیدی شي لږ وي؛ خو د تویتر باور ته پوره زیان رسیدونکی دی.

د ترایل اف بیت شرکت د امنیت مشر دان ګیدو ویلي؛ هکر ته د تویتر ځواب حیرانونکی و؛ ځکه په سان فرانسسکو کې ورځ نیمایي ده او پېنځه ساعته یې ونیول، چې هر څه بېرته تر څارنې لاندې راغلل.

له بلې خوا تویتر ویلي؛ اوس هم روښانه نده، چې هکرانو د پیغامونو له لیږدولو پرته د بیت کوین په اړه څه کړي دي.

 دا سایبر برید ترټولو خراب هک دی؛ ځکه ویل کیږي، چې د تویتر امنیتي سیستم خوندي ندی او د هکر د وردننه کیدو ځواک نلري.

Continue Reading

تازه خبرونه

کووید -۱۹ د افغانستان د خلکو اقتصادي وده زیانمنه کړی – نړیوال بانک

Ariana News

خپور شوی

په

توسط

Photo credit: World Bank
(Last Updated On: چنګاښ ۲۶, ۱۳۹۹)

د نړیوال بانک د تازه اقتصادي راپور د موندنو له مخې؛ د کوويډ ۱۹ وایرس د خپرېدو له کبله په ۲۰۲۰ زېږدیز کال کې د افغانستان اقتصادي وده له ۵.۵ څخه تر ۷.۴ سلنه پورې کمېږي او دا وضعیت به له یوې خوا بېوزلي او نیستي ډېره او له بلې خوا به د دولت د عوایدو کچه به په پراخه کچه راټیټه کړي.

دې راپور، چې د توپان پر وړاندې درېدل تر سرلیک لاندې خپور شوی؛ د افغانستان پر اقتصادي ودې د کوویډ- ۱۹ ویروس د خپرېدو اغېزې، د امنیتي وضعیت پېچلتیا، د نړیوالې ټولنې د مالي مرستو پر کچه شکونه او له طالبانو سره د احتمالي سیاسي هوکړې پایلې په کې څېړل شوې دي.

دغه راپور دا ګواښ هم په ډاګه کړی، چې د عوايدو کچې د ټېټېدو او د خوراکي موادو او د کورنيو د نورو لومړنيو اړتیاوو د قیمتونو د لوړېدو له کبله ښايي د هغو افغانانو شمېر، چې د بېوزلۍ تر کرښې لاندې ژوند کوي؛ په ۲۰۲۰ کال کې د تېرو درې کلونو په پرتله، چې ۵۵ سلنه و، ۷۲ سلنې ته لوړ شي.

په افغانستان کې د نړیوال بانک د دفتر مشر هینري کرالي وايي: د کرونا ویروس د خپرېدلو له کبله رامنځته شوي ناورین د افغانانو د ژوند پر حالاتو پوره اغېز کړی دی. له بلې خوا د حکومت د عوايدو د کچې ټېټېدل د دې لامل شوي، چې اړوندې ادارې ونښي کولی د خلکو د روغتيا ساتنې لپاره مالي سرچينې، د ټولنې بېوزله خلکو ته د معیشت د ترلاسه کولو پروګرامونه او په ټوله کې د هېواد د چټکې اقتصادي ودې لپاره پروګرامونه جوړ کړي.

د دې راپور موندنې ښيي، چې د ۲۰۲۰ زېږدیز کال په لومړيو شپږ مياشتو کې د ښارونو د قرنطین او د کوويډ -۱۹ ویروس د ډېر خپراوي د مخنيوي په موخه د وقايوي تدابیرو له کبله د اقتصادي فعالیتونو کچه کمه شوې او دې کار د صنایعو او خدماتو سکتورونو پر فعالیتونو پوره منفي اغېز کړی دی. سربېره پر دې، چې د کښت او د کرنیزو محصولاتو د تولید په کچه کې د ۲۰۱۸ زېږدیز کال له وچکالۍ وروسته زیاتوالی راغلی؛ خو د صنعتي تولیداتو کموالی او له یوې خوا خدماتو ته د تقاضا کموالی او له بلې خوا د سوداګرۍ د کسر له کبله د عوايدو کمېدل او د مالياتو د ټولولو کمېدل، د افغانستان پر مالي نظام فشار له حد زیات ډېر کړی دی.

د رامنځته شوي ناورین د ناوړه اغېزو د له منځه وړلو په موخه د نړیوال بانک دغه راپور د دولتي لګښتونو پر محتاطانه ډلبندۍ ټینګار کوي او موخه يې له ټولو زیانمنونکیو برخو څخه ملاتړ او په اوږدمهال کې د اقتصادي زینونو محدودول بلل کېږي.

دغه راپور همدارنګه د نړیوالې ټولنې لخوا د دوامدارو مالي مرستو پر اړتیا ټینګار کړی، چې د نړیوالو مرستو د برابرولو له لارې د دې هېواد په کورنيو عوايدو کې رامنځته شوی کموالی پوره او کافي اندازه مالي سرچینو ته لاسرسی رامنځته او د ټولنیز او اقتصادي وضعیت د ښه کېدو په موخه ولګول شي.

د افغانستان لپاره د نړیوال بانک ګروپ د دفتر مشر، هینري کرالي په دې اړه وايي:  د ناورین په اوسني وخت کې له زیانمن شویو کورنيو څخه د ملاتړ په موخه اړتیا ده، چې چټګ او لنډمهاله ګامونه پورته شي. له بلې خوا، د تجارتي قوانینو او مقرراتو په تنظیم کې آسانتیاوې رامنځته کول او له عامه خدماتو څخه دوامداره او ثابت ملاتړ په اوږدمهال کې د وضعیت په ښه کېدو کې مهمه ونډه درلودی شي.

د نړيوالې ټولنې او پراختيايي شریکانو دوامدار ملاتړ د افغانستان د حکومتي ادارو د فعالیتونو د پرمختګ او پراختيا لامل کېږي او په پایله کې د خصوصي سکتور د باور د بېرته ترلاسه کولی لامل کېدای شي. نړیوال بانک د لنډمهاله پروګرامونو د پلي کولو او په اوږمهال کې د ټولنیز او اقتصادي وضعیت د ښه کېدو لپاره د بستر جوړولو په برخه کې به د افغانستان له دولت سره نږدې همکاري وکړي.

https://documents.worldbank.org/en/publication/documents-reports/documentdetail/132851594655294015/afghanistan-development-update-surviving-the-storm

Continue Reading

تازه خبرونه

په افغانستان کې د سولې او جګړې برخلیک ناڅرګند پاتې دی – افغان سیاستوال

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د افغانستان یو شمېر سیاستوالو ویلي، چې په افغانستان کې د سولې او جګړې برخلیک ناڅرګند پاتې دی.

په قطر کې د طالبانو او امریکا تر منځ د سولې د هوکړه لیک له مخې به امریکايي سرتېري په څوارلس میاشتو کې له افغانستان څخه وځي؛ دلته په افغانستان کې د افغانانو د خپلمنځي خبرو او روانې جګړې د پای ته رسیدو برخلیک ناڅرګند دی.

د ملي پخلاینې عالي شورا مشر عبدالله عبدالله ویلي؛ افغانستان د تاریخ په یوه حساس پداو کې دی؛ له یوې خوا د سولې هڅې روانې دي او له بلې خواجګړه روانه ده.

امریکا له خپلو نړیوالو ملګرو غواړي، چې افغانستان ته له سولې وروسته پخپلو پلانونه کار پیل کړي.

د امریکا د پوځ د مرکزي قومندانۍ قومندان جنرال مک کینزي هم په خپل سفر کې افغان ولسمشر ته ډاډ څرګند کړ، چې افغانستان به پخوانیو حالاتو ته نه ستنیږي.

د ولسمشر د ویاند مرستیال دواخان مینه پال له ولسمشر اشرف غنی سره د جنرال مک کینزي د لیدنې په اړه وایي: دواړو خواوو د همکاریو د راتلونکي ګډون او مشارکت په اړه خبرې وکړې.

اټکل داسې و، چې روانه اوونۍ به په قطر کې د افغانانو خپلمنځي خبرې پیل شي؛ خو د زندانیانو د خوشې کولو پر سر اختلافونو له کبله دا چاره هم ځنډنۍ شوه.

د حکومت د سولې مرکچي پلاوي غړي فاروق مجروح ویلي: اوس باید طالبان د ښه نیت ښکارندوی او خبرو ته چمتو شي.

سیاسي شنونکي فهیم صدیقي ویلي، چې په دې حالاتو کې امریکا د چټکې وتنې په فکر کې ده او تر منځ یې د افغانستان خلک قرباني کیږي.

دغه راز واشنګتن پوست ورځپانې هم داسې راپورونه خپاره کړي، چې ګواکې د جګړې د کرښو طالبانو او سیاسي رهبرانو تر منځ د سولې په اړه د نظر بېوالی لیدل کیږي.

دغې ورځپاڼې څرګنده کړې: طالب قومندانان فکر کوي، چې جګړه یې ګټلو ته ورنږدې کړې؛ خو طالبان بیا د دوی تر منځ هر ډول اختلاف ردوي.

Continue Reading

Trending