Connect with us

تازه خبرونه

طالبانو د طالب زندانیانو تبادله ځنډولې- جان بس

Ariana News

خپور شوی

 په

(Last Updated On: لړم ۲۶, ۱۳۹۸)

په افغانستان کې د امریکا سفیر ویلي، چې په کابل او لوګر کې د طالبانو د وروستیو بریدونو ( د لړم ۲۱ او ۲۲) له کبله د طالب زندانیانو او د افغان امریکایي پوهنتون د استادانو تبادله وځنډول شوه.

د افغان امریکايي پوهنتون د دوه استادانو د خوشې کولو په مقابل کې د انس حقاني، حافظ عبدالرشید او مالي خان د تبادلې د ځنډیدو په اړه ډول ډول راپورونه ورکړ شوي.

په کابل کې د امریکا سفیر هم ویلي، چې له افغان حکومت سره د انس حقاني، حافظ عبدالرشید او مالي خان پر خوشې کولو خبرې کوي؛ خو په وینايي د شرایطو ارزولو ته جدي اړتیا ده.

په کابل کې د امریکا سفیر جان بس وایي، چې د سولې لپاره سختو پرېکړو ته اړتیا ده او جدي اړتیا ده، چې موجود شرایط و ارزول شي. امریکا د افغانستان د ستراتژیک همکار په توګه د سولې په بل پړاو کې له افغان دولت سره له نږدې همکاري کوي.

یو شمېر سیاسي فعالانو، چې په قطر کې یې د ملا عبدالغني برادر په ګډون له طالب استازیو سره خبرې کړې؛ د طالبانو له قوله وايي، چې امریکایانو د انس حقاني او دوه نورو طالب چارواکو د خوشې کولو پر مهال له طالبانو غوښتي وه، چې اوربند وکړي او له افغان دولت سره خبرې پیل کړې، چې طالبانو دغه غوښتنه رد کړې ده.

د دوی د څرګندونو له مخې؛ ټاکل شوې وه، چې یوه الوتکه طالب بندیان د بګرام له زندانه قطر ته ولیږدوي؛ خو امریکایانو په وروستۍ شېبه کې د اوربند او له افغان حکومت سره د خبرو شرط وړاندې کړ.

سیاسي هڅاند نظر محمد مطمئن د طالبانو له قوله وايي، چې د بګرام له زندان څخه قطر ته د انس حقاني، حافظ عبدالرشید او مالي خان د لیږدولو پر مهال امریکا له طالبانو د اوربند او له افغان دولت سره د مخامخ خبرو غوښتنه وکړه، چې طالبانو ونه منله او تبادله وځنډول شوه.

سیاسي هڅاند شفع اعظم د قطر له دفتر څخه یو یادښت هم تر لاسه کړی، چې په کې ویل شوي؛ طالبان به له امریکا سره له صفر څخه بیا خبرې نه پیلوي او چمتو شوی هوکړه لیک به لاسلیکوي. په دغه یادښت کې راغلي، چې د افغانستان د راتلونکي نظام په اړه به د بهرنیو له مداخلې پرته له افغانانو سره خبرې کوي.

ولسمشر غني د تېرې سې شنبې پر ورځ( د لړم ۱۲) د انس حقاني او دوه نورو طالب چارواکو د خوشې کولو امر وکړ، چې په بدل کې به یې د افغان امریکايي پوهنتون دوه ښوونکي پريښودل کیږي او طالبان به اوربند کوي او له افغان دولت سره به د سولې خبرې پیلوي، چې طالبان نه اوربند ته چمتو دي او نه هم له افغان دولت سره مخامخ خبرو ته.

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading

تازه خبرونه

مونږ سولې ته د ګډو هڅو په هیله یو – عبدالله عبدالله

Ariana News

خپور شوی

په

توسط

(Last Updated On: تله ۸, ۱۳۹۹)

نن سې شنبه د تلې اتمه د ملي پخلاینې عالی شورا مشر عبدالله عبدالله د اسلام آباد په ستراتیژیکو مطالعاتو انستیتیوت کې د وینا پر مهال څرګنده کړه، چې افغانستان او پاکستان د افراطیت، تروریزم او کرونا ویروس له ګډ ګواښ سره مخ دي.

د ملي پخلاینې عالي شورا د خبرپاڼې له مخې؛ عبدالله عبدالله د افغان حکومت او طالبانو تر منځ د خبرو پیل یو تاریخي او ارزښتمنه شېبه بولي او زیاتوي، چې له دې شېبې څخه باید د جګړې د پای ته رسولو او په افغانستان کې دننه او بهر د تلپاتې او له درناوي ډکې سولې د خوندي کولو لپار ګټه واخلو.

ښاغلي عبدالله ټینګار کړی، چې افغانستان به په هېواد کې یوې ترهګرې ډلې ته هم اجازه ورنکړي، چې نورو هېوادونو ته ګواښ پېښ کړي.

عبدالله عبدالله وایي: اوس هغه وخت رارسیدلی، چې ملتونه مو پخپلو ستراتیژیکو غوراویو له سره کتنه وکړي؛ نوي لیدلوري وپېژني، د ګډو ستونزو او ګټو په اړه بحث وکړي او پوه شي، چې سوله په افغانستان ، سویلي او مرکزي آسیا د اړیکو لپاره مثبتې پایلې لرلی شي.

هغه دا هم ویلي: مونږ مسوولیت لرو، چې د یوې اجماع جوړولو لپاره ګډ کار وکړو او د سولې د پیاوړي کولو لپاره ګډې هڅې تنظیم کړو او په افغانستان کې جګړه د یوې عادلانه، جامع او له درناوي ډک سیاسي حل له لارې پای ته ورسوو. مونږ باید دا اصل هیر نکړو، چې نننی افغانستان د ۱۹۹۶ یا ۲۰۰۱ هېواد نه دی؛ افغانستان نن ځوان او ټولګډونه دی.

دغه راز په دې ناسته کې د پاکستان د بهرنیو چارو وزیر شاه محمود قریشي د سولې خبرو لپاره د خپل هېواد پر ملاتړ ټینګار څرګند کړ او څرګندوي، چې هیڅ راز  پوځي حل نشته، بلکې په افغانستان کې د اوسني وضعیت د پای ته رسولو یوازنۍ لار او غوره لار سیاسي هوکړې ته رسیدل دي.

ښاغلي قریشي ویلي اسلام آباد د افغانستان خپلواکي، ملي حاکمیت او ځمکنۍ بشپړتیا ته درناوی لري او یوازې افغانان کولی شي د خپل هېواد پر راتلونکې پرېکړه وکړي.

د پاکستان د بهرنیو چارو وزیر ټینګار کړی، چې د سوداګرۍ او ټرانزیټ، مرکزي آسیا سره د سویلي آسیا د اړیکو او د سیمې د هېوادونو د پراختیا او اقتصادي ودې لپاره په افغانستان کې سوله د سیمې یوه اړتیا ده.

د پاکستان بهرنیو چارو وزیر ویلي، چې اسلام آباد ته د پخلاینې عالي شورا د مشر سفر د دواړو هېوادونو په اړیکو کې مهم پرمختګ دی او باید د اسلام آباد او کابل ترمنځ په اړیکو کې نوی فصل پرانيزي.

نوموړي دغه راز ویلي، چې لوی اکثریت په افغانستان کې سوله غواړي.

 نوموړي دا هم ویلي، چې افغان ولسمشر محمد اشرف غني به هم ډېر ژر پاکستان ته سفر وکړي.

Continue Reading

تازه خبرونه

ترمپ له طالبانو سره په خبرو کې پوره تېروتی- مک ماستر

Ariana News

خپور شوی

په

توسط

(Last Updated On: تله ۸, ۱۳۹۹)

د امریکا د ملي امنیت پخواني سلاکار ایچ آر مک ماستر د دوشنبې پر شپه څرګنده کړې، چې د ترمپ اداره د افغانستان او طالبانو د خبرو په پیلولو کې پوره تېروتې ده.

د سي ان ان په انترنیشنل امان پور خپرونه کې کوربه کریستین امان پور له طالبانو سره د سپینې مانۍ د خبرو په اړه مک ماستر پوښتلی؛ ځکه، چې اداره د راتلونکي کال په اپریل کې د عسکرو د وتلو په اړه بشپړ ګام پورته کوي.

هغې وپوښتل؛ آیا مک ماستر باوري دی، چې له طالبانو سره د ټولو امریکایي ځواکونو د ایستلو ژمنې پوره کول به د امریکا د ملي امنیت لپاره حساس کار نه وي.

مک ماستر په ډاګه کړې: زه فکر کوم، چې له طالبانو سره د خبرو اترو له پیل راپدیخوا د ترمپ د ادارې تګلاره بشپړه تېروتنه وه.

هغه وایي؛ زه فکر کوم، چې د ترمپ ادارې په افغانستان د اوباما د ادارې پر پرتله له القاعدې سره د طالبانو اړیکې کمزورې کړې ندي.

مک ماستر له طالبانو سره د واک شریکول هم د اندېښنې وړ بولي او وایي، چې هغوی په خبرو اترو کې ډېر امتیازات ترلاسه کړل.

هغه وایي، افغان حکومت دې ته اړ شو، چې په ځمکه کې ترټولو وحشي خلک خوشې کړي، چې د ترهګرۍ د جوړښت او معاملې د ملا تېر یې جوړ کړی و.

هغه څرګنده کړې؛ د ترمپ پالیسي د هر هغه څه په مقابل کې روانه ده، چې افغان ملت له ۲۰۰۱ راپدیخوا تر لاسه کړي دي. همداوس هره ورځ شاوخوا ۳۰ سرتېري له طالبانو سره په نښتو کې خپل خوږ ژوند له لاسه ورکوي.

نوموړی په دې اند دی، چې د طالبانو په اړه د ترمپ د ادارې تګلاره ناورین دی او دا هغه څه دي، چې زه یې د بربنډولو هیله لرم.

Continue Reading
Advertisement

Trending