Connect with us

تازه خبرونه

طالبانو زلمي خلیلزاد ته د ۸۲ طالب زندانیانو نوملړ سپارلی

Ariana News

خپور شوی

 په

(Last Updated On: لړم ۹, ۱۳۹۸)

طالبانو د امریکایي پوهنتون د دوه استادانو د آزادیدو په بدل کې د خپلو دوه اتیا بندیانو نوملړ زلمي خلیلزاد ته سپارلی دی.

د افغانستان سولې په بهیر کې یوه نوې دروازه پرانیستل شوې، چې پر پرمختګ یې یوازې خلیلزاد او طالبانو هوکړه کړې او د افغان حکومت پر مزاج چندان ښه نده لګېدلې.

داسې ښکاري، چې د حقاني شبکې له منګولو څخه د امریکایي پوهنتون د دوه استادانو د خلاصولو لپاره زلمی خلیلزاد د ۸۲ طالب بندیانو د خوشې کولو لپاره کابل ته راغلی وي.

 طالبانو ته نږدې سرچینو ویلي، په دې ۸۲ کسانو کې د طالبانو بندیان په درې برخو وېشل شوي، چې ځينې یې د بګرام، ځینې یې د څرخي پله په زندانونو او پاتې نور یې په کابل ښار کې د امنیتي بنسټونو تر کلکې څارنې لاندې بندیان دي، چې ډېر یې د طالبانو کلیدي چارواکي دي.

سیاسي فعال وحید مژده ویلي؛ په دې نوملړ کې د طالبانو والیان، قومندانان او کلیدي څېرې د انس حقاني او حافظ رشید په ګډون شته، چې د بګرام، څرخي پله او ملي امنیت په زندانونو کې بندیان دي.

په داسې حال کې، چې خلیلزاد د افغانستان د امریکایي پوهنتون د دوه بندي استادانو د خلاصولو په هڅه کې دی؛ د ملي امنیت شورا سلاکار په کابل کې د روسیې له سفیر سره کتلي او د سولې په بهیر کې یې پر ملي او سیمه ییزې اجماع ټینګار کړی دی.

د ملي امنیت شورا ویاند کبیر حقمل ویلي؛ د افغانستان د سولې لپاره د امریکا ځانګړي استازي د ملي یووالي حکومت له مشرانو سره د دې بندیانو د خلاصولو غوښتنه راپورته کړې، چې وکړای شي د سولې خبرو اترو بیا پیل آسانه کړي.

نړۍ د سولې په بهیر کې د زلمي خلیلزاد او افغان حکومت د تازه اقدام په تمه ده.

ناتو هم ویلي، ناتو د افغانستان په اړه هره نوې پرېکړه د خپلو متحدینو په مشوره کوي.

د ناتو سرمنشي ینس ستولتنبرګ ویلي، چې که ناتو په افغانستان او یا بل ځای کې د یوه ستر او یا نوي ماموریت لپاره نوې پرېکړه وکړي؛ مونږ د ټولو متحدینو هوکړې ته اړتیا لرو.

مخکې له دې زلمي خلیلزاد په اسلام آباد کې د طالبانو له استازیو سره د افغانستان د امریکایي پوهنتون د دوه استادانو د خلاصولو پر لارو چارو خبرې کړې وې.

باور کیږي، چې پاکستان ته د زلمي خلیلزاد وروستی سفر او د هغه هېواد د پوځ له لوی درستیز سره یې لیدنه له همدې مورد لیرې نده.

تازه خبرونه

په افغانستان کې د کرونا ویروس تازه ۱۳۵ مثبتې پېښې لرو

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د عامې روغتیا وزارت مسوولینو ویلي، چې په وروستیو څلیریشت ګړیو کې ۱۳۵ کسان پر کرونا ویروس اخته شوي، چې ۵۱ یې په کابل کې مثبت پېژندل شوي دي.

د عامې روغتیا وزارت مسوولینو ډاډ څرګند کړی، چې په افغانستان کې پر کرونا ویروس د اخته وېره اوس مخ پر کمیدو ده او د  په تېرو ۲۴ ګړیو کې یو سل و پېنځه دېرش کسان پرې اخته شوي، ۱۵ یې په کابل، ۳۷ په هرات، ۱۶ په غور، ۹ په لوګر، ۹ په بلخ، ۴ په کندوز، ۳ په بغلان، ۳ په لغمان، ۲ په تخار او ۱ کس په کونړ کې اخته شوي دي.

د یاد وزارت د څرګندونو له مخې؛ په همدومره وخت ۲۴ ناروغان مړه شوي، چې د ټولو مړو شویو ناروغانو شمېر۱۰۶۲ ته لوړ شوی دی.

د عامې روغتیا وزارت ویلي؛ په تېرو څلیریشت ګړیو کې د کرونا ویروس دوه سوه نهه اویا کسان بېرته روغ شوي، چې له دې سره د ټولو روغو شویو کسانو شمېر یوویشت زره څلور سوه څلور پنځوسو ته رسیدلې دی.

Continue Reading

تازه خبرونه

په تېرو شپږ میاشتو کې نږدې ۳۰۰۰ ولسي وګړیو ته مرګ و ژوبله اوښتې – د بشري حقونو راپور

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د بشري حقونو خپلواک کمیسیون په خپل شپږ میاشتني راپور کې څرګنده کړې، چې د روان میلادي کال په ۶ میاشتو کې له ۸۸۰ جګړه ییزو پېښو څخه ۱۲۱۳ ولسي وګړي وژل شوي او ۱۷۴۴ ټپیان دي.

د افغانستان د بشري حقونو خپلواک کمیسیون په افغانستان کې د ملکي مرګ و ژوبلې په اړه  د دوه زره شلم میلادي کال د لومړیو شپږ میاشتو راپور وړاندې او خپور کړ، چې په کې راغلي؛ په دغه موده کې په اته سوه اتیا پېښو کې یو زر و دوه سوه دیارلس ولسي وګړي وژل شوي او یو زر و اووه سوه څلور څلوېښت ټپیان شوي دي.

د یاد بنسټ د څرګندونو له مخې؛  یو دېرش په سلو کې تلفات په هدفي بریدونو کې رامنځته شوي، ۳۶ دېرش په سلو کې په ماینونو او موټر بم بریدونو کې وژل شوي، ۱۱،۷ سلنه په ځانمرګو بریدونو او ۱۱،۵ سلنه په نورو نښتو، هوايي بریدونو او شپنیو عملیاتو کې وژل شوي دي. په ټولیزه توګه ۵۳۳ ولسي وګړي په هدفي بریدونو کې وژل شوي او ۴۱۲  ټپیان دي. ۲۵۹ کسان د ماین په چاودنو او موټر بم بریدونو کې وژل شوي او ۵۰۷ نور ټپیان شوي دي. د تېر کال د همدې مودې په پرتله د ولسي وګړیو ځاني زیان ۱۹ په سلو کې ډېر شوي او د ښځو تلفات بیا د همدې مودې په پرتله پنځوس په سلو کې کم شوي دي.

د بشري حقونو د راپور له مخې؛ د تېر کال د همدې مودې په پرتله په روان کال کې ولسي تلفات نولس په سلو کې لوړ شوي دي. اته څلوېښت په سلو کې وسلوال طالبان، پېنځلس په سلو کې افغان ځواکونه او او شپږ ویشت په سلو کې نامعلوم وسلوال او د پاتې نورې مرګ و ژوبلې مسوول داعشیان او بهرني سرتېري نومول شوي دي.

 د بشري حقونو خپلواک کمیسیون مرستیال نعیم نظري ویلي؛ پر ۲۰۲۰ کال په توغندیزو بریدونو کې ۳۷۸ عام وګړي ځاني زیانمن شوی، چې ۱۱۷ یې وژل شوي ۲۶۱ یې ټپیان دي.

دوی دا هم په ډاګه کړې، چې د ټولې مرګ و ژوبلې ۴۸،۵ په سلو کې وسلوال طالبان او ۲۶،۷ په سلو کې نا معلوم وسلوال بلل شوي. د ۱۵،۵ په سلو کې د مرګ و ژوبلې عاملان دولتي ځواکونه ۶،۳ په سلو کې داعشیان او ۲،۳ په سلو کې نړیوال سرتېري په دې مرګ و ژوبله کې ګرم پېژندل شوي. پاتې نور پر کونړ، کندهار، پکتیا او خوست د پاکستان پر توعندیزو بریدونو یا وژل شوي او یاهم ټپیان دي.

د کورنیو چارو وزارت امنیتي مرستیال  عبدالبصیر قانع هم مني، چې په ځينو مواردو کې د دوی لخوا ملکیانو ته مرګ و ژوبله اوښتې؛ خو ټينګار کوي، چې په جګړه کې تر خپل توان پورې د ملکیانو ژوند ته پام کوي.

د افغانستان د بشري حقونو خپلواک کمیسیون د جګړې پر ښکېلو غاړیو غږ کوي، چې د بشري حقونو نړیوال میثاقونه په پام کې ونیسي او د جګړې پر وخت د ملکیانو ژوند ته درناوی وکړي.

Continue Reading

تازه خبرونه

هر کال د افغانستان په ګمرکونو کې د یو میلیارد دالرو مالي فساد کیږي

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د افغانستان د روڼتیا څار بنسټ مسوولین وايي، چې د هېواد د ګمرکونو په میلیونونو افغانۍ د زورواکو جیبونو ته ځي او چارواکي یې په اړه له پرېکړې بې وسه دي.

د هرات په اسلام کلا بندر او ګمرک کې د لس کلونو په بهیر کې د راټولو شويو کلونو عواید ښيي، چې هر کال د میلیاردونو افغانیو توپیر په کې لیدل کیږي؛ په ۱۳۹۰ کې د ګمرک عواید ۱۶ میلیارده افغانۍ ول، د ۹۱ کال په څلور میاشتو کې پېنځه میلیارد ښودل شوي وه؛ خو په ۹۲ کال کې بیا عواید دیارلس میلیارد شول، په ۱۳۹۳ کې څلور میلیارده نور هم راکم شول( نهه میلیارده راټول شول) په ۹۴ کې بېرته دولس میلیاردو ته لوړ شول، په ۹۶ او ۹۷ کې شلو میلیاردو ته وختل، په ۹۸ کې بېرته شپاړس میلیارده شول او په  روان کال کې د همدغه ګمرک لومړۍ درجه مسوول په خپل فیسبوک او تویتر کې ولیکل، چې د مارچ پر څوارلسمه په دې ګمرک کې ۱۳۷ میلیون افغانۍ عواید راټول شول. د مارچ  پر څوارلسمه یې ولیکل، چې ۱۱۹ میلیون افغانۍ راټولې شوې او د جولای پر نهمه یې د ۱۲۲ میلیون افغانیو له راټولولو خبر ورکړ. دغو معلوماتو او کرونايي حالت ته په کتو په نسبي ډول د دغه ګمرک عواید په کال کې ۳۳ میلیارد افغانیو ته رسیدای شي.

د روڼتیا څار بنسټ څېړونکي ناصر تیکوری د څرګندونو له مخې؛  یوازې د اسلام کلا د ګمرک میلیونونه افغانۍ عواید د دولتي زورواکو جیبونو ته لویږي.

د اسلام کلا د ګمرک مسوولینو لخوا د خپرو شویو معلوماتو له مخې؛ اټکل کیږي، چې هر کال په دې ګمرک کې باید دېرش میلیارده افغانۍ عواید راټول شي؛ خو ښکاري، چې یوازې تر شل میلیارد افغانیو دولتي خزانې ته لویږي.

د دغو معلوماتو له مخې؛ ښکاري، چې هر کال د هرات په ګمرک کې په منځنۍ توګه لس میلیارده افغانۍ راټول شوي؛ خو ویل کیږي، چې دا رښتیني ندي.

د مالیې وزارت مسوولین وايي، چې د وارداتو حجم ته په کتو هلته عواید کښته او پورته کیږي.

د مالیې وزارت ویاند  شمروز خان مسجدي وايي، چې د هرات پر ګمرک سربېره د ټولو ګمرکونو کلني عواید واردتو ته په کتو توپير کوي.

دا په داسې حال کې ده، چې د هرات والي څه موده مخکې رسنیو ته څرګنده کړې وه، چې هلته د ګمرک میلیونونه افغانۍ د زورواکو جیبونو ته لویږي.

Continue Reading

Trending