Connect with us

بلخ @ps

طالبانو د کندوز پر ښار له څلور خواوو برید کړی

Avatar

خپور شوی

 په

(Last Updated On: وږی ۹, ۱۳۹۸)

خلک وایي، د جګړې لومړۍ کرښه د ښار دننه او د چوک څو قدمي ته رسیدلې او په ښار کې د دولتي ځواکونو او طالبانو تر منځ نښتې روانې دي.

په کندوز کې د ۲۰۱۶ او ۲۰۱۷ کلونو ترخې تجربې بیا تکرار شوې؛ د شنبې پر سهار( د وږي ۹) شاوخوا یوه بجه سلګونه وسلوالو طالبانو پر کندوز ښار له چرخ آب، شینواري پوستې، زاخېل، قهوه خانې، چاردرې او سه درک سړکونو له لوریو بریدونه پیل کړل، چې په کې ان د ښار ملکي روغتون، ځینې امنیتي پوستې او د زرخرید، سه درک، زاخېل، کابل بندر او بالاحصار شاوخوا سیمې ونیول شوې.

ویل کیږي، چې د جګړې کرښه کندوز ښار ته رسیدلې؛ تصویریونه ښیي، چې خلکو خپلو کورونو ته پناه وړې او په ښار کې هټۍ یو مخ تړل شوې دي.

پوځیان ډاډ ورکوي، چې د ښار واګي له دولت سره دي او کافي ځواکونه کندوز ته رسیدلي، چې د وسلوالو طالبانو بریدونه شنډ کړي.

د کندوز د پولیسو قومندان منظور ستانکزي ويلي، د ځانګړیو ځواکونو تر څنګ مرستندوی قوتونه هم کندوز ته رسیدلي دي.

د یو سرتېري د څرګندونو له مخې؛ د کندوز په چوک کې د دولتي ځواکونو حضور ډېر پراخ دی او د دې لپاره ګمارل شوي، چې دا ښار بیا د وسلوالو تر کنترول لاندې رانشي.

په انځورونو کې مخامخ او کوڅه پر کوڅه جګړې ښودل کیږي؛ امنیتي ځواکونه د ځمکنیو عملیاتو تر څنګ د وسلوالو مخالفانو پر سنګرونو هوایي بریدونه هم کوي.

د ولسمشرۍ ویاند صدیق صدیقي ویلي، چې امنیتي ځواکونو طالبان له شاتګ سره مخ کړي او د افغان ځواکونو لومړیتوب د عامو خلکو د ژوند خوندیتوب دی.

د صدیقي د څرګندونو له مخې؛ طالب جنګیاليو د خلکو کورونو ته پنا وړې ده.

کورنیو چارو وزارت په ډاګه کړې، چې د پولیسو ۳۳۳ ځانګړې قطعه کندوز ولایت ته رسیدلې او د ښار په بېلابېلو سیمو کې عملیات روان دي.

د یاد وزارت د څرګندونو له مخې؛ د پل شینواري، کله ګاو، قهوه خانې او زاخېلو په سیمو کې پر طالبانو هوایي بریدونه شوي او لږ تر لږه ۲۶ جنګیالي وژل شوي دي.

دغه راز د کورنیو چارو وزارت ویاند نصرت رحیمي ویلي؛ په افغانستان کې د غوڅ ملاتړ ماموریت او د امریکایي ځواکونو عمومي قومندان جنرال سکات میلر په ګډون سرپرست دفاع وزیر سترجنرال اسدالله خالد او د کورنیو چارو چارسمبالی جنرال مسعود اندرابي په کندوز ښار کې له طالبانو سره د روانې جګړې د ارزونې لپاره دغه ولایت ته تللي دي.

طالبان ادعا کوي، چې د ښار دننه بریدونه روان دي او دولتي ځواکونو ته یې تلفات اړولي دي.

له کندوزه راپورونه وایي، چې د طالبانو په بریدونو کې د برښنا او ځینو مخابراتي شبکو فعالیتونه هم بند شوي دي.

د یادونې ده، چې له دې مخکې هم په ملي وحدت حکومت کې کندوز ښار دوه ځله د طالبانو لخوا نیول شوی و.

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Avatar

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading

بلخ @ps

په بلخ کې په مشروطه توګه ښاري محدودیتونه لیرې شول

Avatar

خپور شوی

په

توسط

(Last Updated On: غویی ۲۱, ۱۳۹۹)

په بلخ کې له کرونا ویروس سره د مبارزې کمیسیون سر له ننه / د غویی ۲۱ په مشروطه توګه ښاري محدودیتونه لیرې کړل.

له هوټلونو پرته نور ټول اصناف سر له ننه کولی شي ښاري هڅې تر سره کړي؛ خو د کار او هڅو پر مهال دې روغتیایي اصولو ته پاملرنه ولري.

یو شمېر هېواد والو په داسې حال کې، چې دا ویروس مخ په پراختیا دی؛ دا راز پرېکړه زیانمنه بولي.

په داسې حال کې، چې له تېرو ۲۴ ګړیو راپدیخوا په بلخ کې ۴۳ مثبتې پېښې ثبت شوي او په دې ولایت کې د دې ویروس ټول شمېر ۳۰۰ ته رسیدلی دی.

Continue Reading

بلخ @ps

په هېواد کې سیلابونو ۷۰۰۰ کورنۍ زیانمنې کړي

Avatar

خپور شوی

په

توسط

(Last Updated On: غویی ۱۸, ۱۳۹۹)

د هېواد په یو شمېر ولایتونو کې د ویجاړوونکیو سیلابونو د راوتلو له کبله اووه زره کورنۍ زیانمنې شوې دي.

طبیعي پېښو ته د لاسرسي په چارو کې د دولت وزارت څرګنده کړې، چې د هېواد په ۲۵ ولایتونو کې د زورورو اورښتونو له کبله ۷۰۰۰ کورنۍ زیانمنې شوې دي.

د دغه بنسټ د څرګندونو له مخې؛ په یو شمېر ولایتونو کې دغو سیلابونو د مالي زیان تر څنګ ځاني زیانونه هم اړولي دي.

د یاد وزارت ویاند احمد تمیم عظیمي زیاته کړې، چې له ۶۰۰۰ بې ځایه شویو کورنیو سره د لومړنیو توکو مرسته تر سره شوې او له هغو کورنیو سره، چې کورونه یې بشپړ ویجاړ شوي؛ د نغدو پیسو مرسته شوې ده.

دغه راز د سمنګان ولایت په دوه ولسوالیو کې د سیلابونو له کبله ۱۰۰۰ کورنۍ بې ځایه شوي او سلګونه حیوانات له منځه تلي دي.

د سمنګان والي عبداللطیف ابراهیمي ویلي، چې اوس هم د دې ولایت په ځینو سیمو کې د سیلابونو د راوتلو وېره شته دی.

له دې سره همهاله په تېرو درې ورځو کې د هلمند ولایت د ګرشک، ګرمسیر، نادعلي او ناوه ولسوالیو سلګونه کورنۍ د سیلابونو له کبله بې ځایه شوي دي.

دغه راز په غور ولایت کې هم د سیلابونو له کبله سلګونه هکتاره کرنیزه ځمکه دغو وختي سیلابونو ویجاړه کړې ده.

Continue Reading

Trending