Connect with us

تازه خبرونه

طالبانو د رولا غني له دفتره لیږل شوې پیسې وسوځولې

Ariana News

خپور شوی

 په

(Last Updated On: وری ۶, ۱۳۹۸)

طالبانو په ننګرهار کې د هغو پيسو یوه برخه سوځولې، چې رولاغني دغه ولایت ته د ټاکنیز کمپاین لپاره استولې وې.

طالبانو پر دې کار غبرګون ښودلی او لسګونه روغتیايي مرکزونه یې تړلي دي.

طالبان وايي، دا پیسې د ولسمشر د میرمن رولاغني له دفترڅخه په مجهول ډول ننګرهار ولایت ته راستول شوي، چې په ټاکنیزو هڅو کې ولګول شي.

په ننګرهارکې د ځینو روغتیايي مرکزونو مسوولین وايي؛ موده مخکې د رولاغني له دفتر څخه ورته پيسې واستول شوې او ورته وویل شوه، چې تاسې به لدې پیسو څخه په ښاراو ولسوالیو کې هرې هغې ناروغې میرمنې ته، چې درځي، د تذکرې د کاپۍ په بدل کې پېنځه- پېنځه سوه افغانۍ ورکړئ او ورته به ووايئ، چې دا پیسې د ولسمشر د میرمنې ډالۍ ده.

د ننګرهار ولایت د خوږیاڼو ولسوالۍ د زاوې روغتیایي مسوول داکتر ملنګ وایي، چې مونږ ته د ولسمشرۍ له لارې پیسې رالیږل شوي او پر ناروغانو یې د وېشلو سپارښتنه شوې وه؛ خو طالبان راغلل او د دې کار مخه یې ونیوله.

کله، چې د وسلوالو طالبانو د واک په سیمو کې د دغو پيسو د وېش لړۍ پیل شوه؛ وسلوالو  طالبانو د ولسمشرد میرمنې له ادرس څخه د تذکرې د کاپۍ په بدل کې د نغدو پیسو پر وېش غبرګون وښود او۳۰ روغتیايي مرکزونه یې وتړل.

د زاوې د دغه مرکز روغتیاي کارکوونکی عبدالله شېرزاد وایي؛ له ولسمشره غواړو، چې دا کار دې نه کوي؛ ځکه نه یوازې مو روغتیایي مرکزونه تړل کیږي، بلکې مونږ هم سپکیږو.

د ننګرهار د ولایتي شورا یو شمېر وکیلان وايي، رولاغني د ولسمشر د ټاکنیز کمپاین لپاره ننګرهار ته میلیونونه افغانۍ رااستولي او پر روغتیايي کارکوونکیو یې جبري کړې، چې له دې پیسو پېنځه– پېنځه سوه افغانۍ پر ښځینه ناروغانو ووېشي.

د ننګرهار د ولایتي شورا غړی ناصر خان کامه وال وايي؛ مونږ په خوږیاڼو ولسوالۍ کې د دغو پیسو د وېشل کیدو شاهدان یو، چې دا ستره سپین سترګي ده.

د ننګرهار د ولایتي شورا غړی اجمل عمر وایي، چې که روغتیا او ټاکنیزې هڅې سره ګډې شي؛ دا ، نو بیا ستره ستونزه شوه او طالبان به نه یوازې په ننګرهار ولایت کې، بلکې په نورو ولایتونو کې هم روغتیایي مرکزونه وتړي.

د ننګرهار د عامې روغتیا رييس مني، چې د رولاغني له دفتر څخه دوی ته میلیونونه افغانۍ استول شوي او ورته ویل شوي، چې دا دې، د دوی له ادرسه پرناروغه میرمنو ووېشل شي او له همدې کبله طالبانو یو شمېر روغتیایي مرکزونه تړلي دي.

د ننګرهار د عامې روغتیا رييس داکترنصیراحمد دُراني ویلي، چې د نفوذ پر بنسټ روغتیایي مرکزونو ته پیسې وېشل شوي او هغو ناروغو ښځو ته یې د وېشلو سپارښتنه شوې، چې عمرونه یې له لس کلونو ډېر وي.

مدني مخکښان هم د ولسمشرد میرمنې دا کړنه د اوصولو خلاف بولي او وايي، دا پیسې باید پر یوه عامه پروژه لګول شوې وای.

په ننګرهار کې د ویښ ځوانانو د حرکت مشر عزیزخوږیاڼی وایي؛ دا ټاکنیز کمپاین دی، مرسته نده. که مرسته کوي باید وسایل او درمل راولیږي. دا کړنه د اصولو سره سمه نده.

یو شمېر سرچینې دا هم وايي، چې د همدې پیسو له کبله د لغمان روغتیايي مراکز تړل شوي؛ خو د لغمان مسوولینو تراوسه د دې مسلې د رد یا تائيد په اړه څه ندي ویلي.

د ولسمشر د میرمنې د دفتر مطبوعاتو مسوولې هوسۍ آریانانیوز ته وویل، چې د رولاغني د دفترله ادرس څخه دغه ډول کومې پیسې ننګرهار ته ندي استول شوي؛ خو د ننګرهار د عامې روغتیا مسوولین ټنګار کوي، چې په روغتیایي مرکزونو کې  پر نارغه میرمنو د وېش پیسې ورته د رولاغني له دفتر څخه راستول شوې دي.

خبریال: رحمت الله زیارمل

تازه خبرونه

ترمپ غواړي، چې د ټاکیزو پایلو پرېکړه ستره محکمه وکړي

Ariana News

خپور شوی

په

توسط

(Last Updated On: تله ۳, ۱۳۹۹)

که د امریکا ولسمشر دونالد ترمپ د روان کال د نومبر د درېیمې په ټاکنو کې له ماتې سره مخ شي؛ نو د واک سوله ییز لیږد ته به زړه ښه نکړي او د ټاکنیزو پایلو په اړه پرېکړه به ستره محکمه وکړي.

جمهوریت غوښتونکي ترمپ په سپینه مانۍ کې خبریالانو ته په دې اړه، چې آیا هغه په ​​سوله ییزه توګه واک سپارلو ته چمتو دی؛ ویلي: باید وګورو، چې څه پېښیږي.

رویترز څرګنده کړې، چې ترمپ په ځلونو له ثبوت پرته د راتلونکیو ټاکنو مشروعیت تر پوښتنې لاندې راوستی او ټینګار یې کړی، چې رای ورکول به د پوست منجر له لارې پایلې له درغلۍ او جعل سره مخ کړي.

هغه زیاته کړې، چې د رایو صندوقونه یو ناورین دی.

دیموکراتانو پوست رایې له کرونا ویروس څخه د خوندیتوب لپاره هڅولي دي.

د امریکا اردو له کلونو راپدیخوا پوست رایې کاروي.

دیموکرات جوبایدن خبریالانو ته ویلي، چې د ترمپ څرګندونې منطق نلري.

د نوموړي ټاکنیزې ډلې ویلي، چې د د ترمپ هر راز شیطانت چچمتو والی لري. د امریکا حکومت د دې وړتیا لري، چې سرغړوونکي له سپینې ماڼۍ وباسي.

دا په داسې حال کې ده، چې ترمپ د چهارشنبه پر ورځ په ډاګه کړې: ټاکنې به په ستره محکمه کې پای ته ورسیږي. مونږ ۹ قاضیان لرو، چې خورا مهم دي.

Continue Reading

تازه خبرونه

اوربند د افغانستان اړین او بېړنې لومړیتوب دی ـ اشرف غني

Ariana News

خپور شوی

په

توسط

(Last Updated On: تله ۳, ۱۳۹۹)

ولسمشر اشرف غني له نړیوالې ټولنې وغوښتل، چې له افغانستان سره د سولې په راوستو کې مرسته وکړي؛ ځکه، چې دا هېواد د ناکراریو له ډېر عواملو سره مخ دي.

ولسمشر اشرف غني د چهارشنبې پء ورځ ناوخته د ملګرو ملتونو ۷۵ عمومي ناستې ته په خپل مخکیني ثبت شوی خطاب کی ویلي، چې د دوې په خبرو کې د افغانستان بېړنی او اړین لومړیتوب اوربند دی.

د نوموړي د څرګندونونو له مخې؛ د تاوتریخوالي کمول بسنه نکوي. په افغانستان کې د تلپاتې سولې د خوندي کولو لپاره په سیمه کې د تروریستي ننګونو د ریښو له منځه وړلو ته اړتیا ده، چې د نړیوال ګواښ په توګه ورته پاملرنه وشي.

“د ملګرو ملتونو، زمونږ همکارانو او زموږ د نړیوالو متحدینو رول په داسې حال کې، چې زمونږ د خپلمنځی خبرو پلاوی په دوحه کې د طالبانو پر وړاندې ناست دی خورا اړین دی. د افغانستان خلک د پرمختګ او ودې لپاره یو ښکاره او اړین لومړیتوب لري، چې هغه اوربند او د تاوتریخوالي پای دی.

ولسمشر زیاته کړې، چې د ګډو ارزښتونو لپاره د ملګرو ملتونو ملاتړ د سولې په خبرو کې حیاتي رول لوبوي.

د ولسمشر غني په اند، خبرې اترې او اوربند یوازنی حل ندی ، بلکې د نړۍ تمرکز په سیمه کې د ترهګرۍ په له منځه وړلو دی.

اشرف غني ویلي، دا بسنه نکوي؛ په افغانستان کې د تلپاتې سولې د ترلاسه کولو لپاره مونږ باید د تروریزم د ستونزې ریښې په ګوته کړو، چې زموږ سیمه یې پوښلې او د نړیوالې ستونزې او ګواښ په توګه یې باید په ګوته کړو.

دغه راز د ملګرو ملتونو دغې ناستې ته د ازبکستان ولسمشر د دوحې د سولې له خبرو هیله من شوی، چې افغانستان ته به تلپاتې سوله او ثبات راولي.

هغه په ​​افغانستان کې د سولې د راوستو لپاره د نړیوالې ګډې همکارۍ غوښتنه وکړه او څرګندوي، چې د ملګرو ملتونو یوه دایمي جرګه ګۍ باید جوړه شي، چې په افغانستان کې د سولې همغږي وڅاري.

ازبک مشر ویلي: مونږ باور لرو، چې د افغانستان مسله د سولې او ثبات د ترلاسه کولو لپاره باید د ملګرو ملتونو تر جدي پاملرنې لاندې وي. د ګډې همکارۍ او همغږۍ په مرسته مونږ کولی شو د افغانانو ارمانونه واقعیت کړو او په دې برخه کې دا مهمه ده. راځئ، چې په افغانستان کې د سولې او ثبات د بنسټونو لپاره کار وکړو. اوس مونږ په ملګرو ملتونو کې د افغانستان لپاره د نوې دایمي جرګه ګۍ د جوړولو وړاندیز کوو.

دا په داسې حال کې ده، چې امریکا او طالبانو د روان کال د فبرورۍ پر ۲۹ د سولې رامنځته کولو هوکړه لاسلیک کړې، چې له مخې به یې امریکایي ځواکونه وځي، افغانستان به نور امریکا او متحدینو ته نور ګواښ نه وي او افغانان به د خپلمنځي خبرو له لارې د اوربند پر شرایطو خبرې کوي.

 

Continue Reading

تازه خبرونه

طالبانو ۲۸ پولیس له تسلیمیدو وروسته وژلي – سیمه ییز چارواکي

Ariana News

خپور شوی

په

توسط

(Last Updated On: تله ۲, ۱۳۹۹)

وسلوالو طالبانو په روزګان ولایت کې له تسلیمیدو وروسته ۲۸ ملي او سیمه ییز پولیس وژلي دي.

د روزګان والي ویاند زړګي عبادي ویلي: له هغې وروسته، چې په ګیزاب ولسوالۍ کې امنیتي وضعیت خراب شو؛ نو یو شمېر سرتېري له پوستو شاتګ ته اړ شول او ځینې نورې پوستې د طالبانو تر محاصرې لاندې راغلې.

هغه زیاته کړې، چې وسلوالو طالبانو په یو شمېر پوستو کې ځواکونو ته له تسلیمیدو وروسته د دوی د خوشې کولو ژمنه شوې وه؛ خو ۲۸ ملي او سیمه ییز پولیس له تسلیمیدو وروسته د طالبانو لخوا ووژل شول.

سیمه ییز چارواکي وايي، چې د سرتېرو مړي پرون مازدیګر د ګیزاب ولسوالۍ مرکز ته راوړل شوي دي.

هغه زیاته کړې، چې اوسمهال د ولسوالۍ امنیتي حالات د امنیتي او دفاعي ځواکونو تر څارنې لاندې دي.

طالبانو د روزګان ولایت د سیمه ییزو چارواکو دغه تورونه رد کړي او څرګندوي، چې دغو پولیسو په جګړه کې خپل ژوند له لاسه ورکړی دی.

Continue Reading
Advertisement

Trending