Connect with us

تازه خبرونه

طالبانو د رولا غني له دفتره لیږل شوې پیسې وسوځولې

Ariana News

خپور شوی

 په

(Last Updated On: March 26, 2019)

طالبانو په ننګرهار کې د هغو پيسو یوه برخه سوځولې، چې رولاغني دغه ولایت ته د ټاکنیز کمپاین لپاره استولې وې.

طالبانو پر دې کار غبرګون ښودلی او لسګونه روغتیايي مرکزونه یې تړلي دي.

طالبان وايي، دا پیسې د ولسمشر د میرمن رولاغني له دفترڅخه په مجهول ډول ننګرهار ولایت ته راستول شوي، چې په ټاکنیزو هڅو کې ولګول شي.

په ننګرهارکې د ځینو روغتیايي مرکزونو مسوولین وايي؛ موده مخکې د رولاغني له دفتر څخه ورته پيسې واستول شوې او ورته وویل شوه، چې تاسې به لدې پیسو څخه په ښاراو ولسوالیو کې هرې هغې ناروغې میرمنې ته، چې درځي، د تذکرې د کاپۍ په بدل کې پېنځه- پېنځه سوه افغانۍ ورکړئ او ورته به ووايئ، چې دا پیسې د ولسمشر د میرمنې ډالۍ ده.

د ننګرهار ولایت د خوږیاڼو ولسوالۍ د زاوې روغتیایي مسوول داکتر ملنګ وایي، چې مونږ ته د ولسمشرۍ له لارې پیسې رالیږل شوي او پر ناروغانو یې د وېشلو سپارښتنه شوې وه؛ خو طالبان راغلل او د دې کار مخه یې ونیوله.

کله، چې د وسلوالو طالبانو د واک په سیمو کې د دغو پيسو د وېش لړۍ پیل شوه؛ وسلوالو  طالبانو د ولسمشرد میرمنې له ادرس څخه د تذکرې د کاپۍ په بدل کې د نغدو پیسو پر وېش غبرګون وښود او۳۰ روغتیايي مرکزونه یې وتړل.

د زاوې د دغه مرکز روغتیاي کارکوونکی عبدالله شېرزاد وایي؛ له ولسمشره غواړو، چې دا کار دې نه کوي؛ ځکه نه یوازې مو روغتیایي مرکزونه تړل کیږي، بلکې مونږ هم سپکیږو.

د ننګرهار د ولایتي شورا یو شمېر وکیلان وايي، رولاغني د ولسمشر د ټاکنیز کمپاین لپاره ننګرهار ته میلیونونه افغانۍ رااستولي او پر روغتیايي کارکوونکیو یې جبري کړې، چې له دې پیسو پېنځه– پېنځه سوه افغانۍ پر ښځینه ناروغانو ووېشي.

د ننګرهار د ولایتي شورا غړی ناصر خان کامه وال وايي؛ مونږ په خوږیاڼو ولسوالۍ کې د دغو پیسو د وېشل کیدو شاهدان یو، چې دا ستره سپین سترګي ده.

د ننګرهار د ولایتي شورا غړی اجمل عمر وایي، چې که روغتیا او ټاکنیزې هڅې سره ګډې شي؛ دا ، نو بیا ستره ستونزه شوه او طالبان به نه یوازې په ننګرهار ولایت کې، بلکې په نورو ولایتونو کې هم روغتیایي مرکزونه وتړي.   

د ننګرهار د عامې روغتیا رييس مني، چې د رولاغني له دفتر څخه دوی ته میلیونونه افغانۍ استول شوي او ورته ویل شوي، چې دا دې، د دوی له ادرسه پرناروغه میرمنو ووېشل شي او له همدې کبله طالبانو یو شمېر روغتیایي مرکزونه تړلي دي.

د ننګرهار د عامې روغتیا رييس داکترنصیراحمد دُراني ویلي، چې د نفوذ پر بنسټ روغتیایي مرکزونو ته پیسې وېشل شوي او هغو ناروغو ښځو ته یې د وېشلو سپارښتنه شوې، چې عمرونه یې له لس کلونو ډېر وي.      

مدني مخکښان هم د ولسمشرد میرمنې دا کړنه د اوصولو خلاف بولي او وايي، دا پیسې باید پر یوه عامه پروژه لګول شوې وای.

په ننګرهار کې د ویښ ځوانانو د حرکت مشر عزیزخوږیاڼی وایي؛ دا ټاکنیز کمپاین دی، مرسته نده. که مرسته کوي باید وسایل او درمل راولیږي. دا کړنه د اصولو سره سمه نده.

یو شمېر سرچینې دا هم وايي، چې د همدې پیسو له کبله د لغمان روغتیايي مراکز تړل شوي؛ خو د لغمان مسوولینو تراوسه د دې مسلې د رد یا تائيد په اړه څه ندي ویلي.

د ولسمشر د میرمنې د دفتر مطبوعاتو مسوولې هوسۍ آریانانیوز ته وویل، چې د رولاغني د دفترله ادرس څخه دغه ډول کومې پیسې ننګرهار ته ندي استول شوي؛ خو د ننګرهار د عامې روغتیا مسوولین ټنګار کوي، چې په روغتیایي مرکزونو کې  پر نارغه میرمنو د وېش پیسې ورته د رولاغني له دفتر څخه راستول شوې دي.

خبریال: رحمت الله زیارمل

 

تازه خبرونه

کابل ښاریانو د مکرون د اسلام دښمنۍ پر وړاندې لاریون وکړ

Ariana News

خپور شوی

په

توسط

(Last Updated On: October 28, 2020)

په کابل کې د فرانسې د ولسمشر ایمانویل مکرون د جنجالي څرګندونو او اسلام د ښمنۍ پر ضد د چارشنبې پر ورځ پراخ ښاري لاریون تر سره شو.

لاریونکوونکیو په کابل ښار کې د فرانسې فرهنګي مرکز مخې ته مرګ پر فرانسې او مکرون چغې راپورته کړې.

د کابل یو شمېر زدکوونکیو هم د مکرون د څرګندونو پر ضد لاریون وکړ.

د افغانانو دغه لاریون د چارشنبې پر ورځ هغه مهال رامنځته شو، چې د فرانسې ولسمشر مکرون د فرانسوي ښوونکي د سرغوڅولو په اړه غبرګون وښود، چې د بیان د آزادۍ په اړه د یوه درس په ترڅ کې یې د پیغمبر اکرم صلی الله علیه وسلم کارتوني ښودلی و.

د دوشنبې پر ورځ د ترکیې ولسمشر رجب طیب اردوغان د فرانسوي توکو د تحریم غوښتنه وکړه.

اردوغان د مکرون پرضد تور پورې کړ او د دوشنبې پر ورځ یې وویل: هیڅکله د فرانسې لیبل شويو توکو ته اعتبار مه ورکوئ او مه ی اخلئ.

د لیبیا په پلازمېنه طرابلس قطر او کویت کې هم فرانسوي توکي د سوپر مارکیتونو له الماریو څخه راخیستل شوي او په سوریه کې خلکو د مکرون عکسونه او فرانسوي بيرغونه یې سوځولي دي.

د یادونې ده، چې د اسلامي همکاریو سازمان له فرانسې غوښتي، چې خپلې بېلتون غوښتونکې تګلارې له سره وارزوي او اسلام دښمني پریږدي او په نړۍ کې له ۱.۵ بیلیون د ډېرو مسلمانان له احساساتو سره لوبې ونکړي. مونږ د پیغمبر حضرت محمد ص سپکاوی او د مسلمانانو پر احساساتو سیستماتیک برید غندو.

Continue Reading

تازه خبرونه

د هلمند ځينې برخې له وسلوالو طالبانو پاکې او چاڼیز عملیات روان ساتل شوي- دفاع وزارت

Ariana News

خپور شوی

په

توسط

(Last Updated On: October 28, 2020)

د افغانستان دفاع وزارت د چارشنبې پر ورځ ویلي، چې د هلمند د نادعلي او ناوې ولسوالۍ ګڼې سیمې د افغان ځانګړیو ځواکونو په روانو عملیاتو کې له طالب جنګیالیو پاکې شوي او په نورو سیمو کې چاڼیز عملیات روان دي.

د دغه وزارت په وینا دغه عملیات د دوشنبې پر ورځ د هلمند په مرکز لښکرګاه ښار کې له هغې وروسته پیل شوي، چې څه نا څه ۱۵ ورځې وړاندې د دې ولایت ګڼې سیمې د وسلوالو طالبانو لاس ته لوېدلې وې.

دغه وزارت څرګنده کړې، چې د عملیاتو په لړ کې لږ تر لږه ۱۰۰ طالب جنګیالي وژل شوي او ټپیان دي.

حکومتي چارواکو ویلي، چې لسګونه بهرني جنګیالي په ځانګړي ډول پاکستاني جنګیالي د هلمند په جګړه کې ښکېل دي، چې طالبانو دا څرګندونې رد کړې دي.

دفاع وزارت د سې شنبې پر ورځ ویلي، چې دې ولایت ته نوي ځانګړي ځواکونه استول شوي دي.

د دغه وزارت د څرګندونو له مخې؛ زمونږ عملیات، چې د دوشنبې پر ورځ پیل شوي؛ د بولان، ناوې او نادعلي په سیمو کې پرمختګ رامنځته شوی دی. په دې عملیاتو کې مونږ ته زیان ندی اوښتی، یوازې  درې سرتېري لږ څه ټپیان دي.

د وسلوالو ځواکونو د لوی درستیز دفتر ویلي، چې دا ځواکونه به د اړوند سیمو اوسیدونکیو لپاره ښه امنیت چمتو کړي.

د جګړې له کبله بې ځایه شويو خلکو ویلي، چې دوه اوونۍ دمخه طالبانو هغه سیمه ونیوله، چې دوی په کې اوسیدل او بیا اړ شول، چې تښتیدلي او لښکرګاه ښار ته کډوال شوي دي.

د اړوند سیمو یو اوسیدونکی ویلي؛ اوس افغان ځواکونو زموږ اړوند سیمې بېرته نیولي او له طالبانو یې پاکې کړې او مونږ بېرته خپلو کورونو او سیمو ته ستنیږو.

تېره اوونۍ د طبیعي پېښو پروړاندې د مبارزې وزیر غلام بهاوالدین جیلاني ویلي، چې دوی په هلمند کې د جګړو له کبله زیانمن شويو خلکو ته د اړتیا وړ ۲۰ میلیون افغانۍ ځانګړې کړې دي.

د هلمند د چارواکو په وینا؛ له ۵۰۰۰ څخه تر ۷۰۰۰  پورې بې ځایه شوي خلک ثبت شوي دي.

افغان ځانګړیو ځواکونو، چې د سې شنبې پر شپه یې په نښتو کې برخه اخیستې ویلي، چې دوی د طالبانو په وړاندې پرمختګ کړي؛ نه یوازې وژل شوي، بلکې شاتګ ته هم اړ شوي دي.

د یکشنبې پر ورځ د هلمند لپاره د طالبانو نومول شوی والي مولوي غفور، چې د راپورونو له مخې یې په دې ولایت کې د حکومتي ځواکونو په وړاندې د وروستۍ جګړې رهبري کوله؛ د امنیتي ځواکونو لخوا د نهر سراج په ولسوالۍ کې نیول شوی دی.

په هلمند کې وروستیو شخړو په ملي او نړیواله کچه اندېښنې راپورته کړې او د ښکېلو لوریو جګړه په پراخه کچه غندل شوې ده.

راپورونو په ډاکه کړې، چې د دواړو خواوو تر منځ شخړې د دې لامل شوي، چې دواړه خواوې د منځګړیتوب منلو ته غاړه کیدي.

په هره توګه روان تاوتریخوالي ډېري خلک اندېښمن کړي دي او د سې شنبې پر ورځ یوناما هم په یوه نوي راپور کې څرګنده کړه، چې که څه هم د سږکال په لومړیو نهو میاشتو کې د ملکي تلفاتو ټول شمېر د تېر کال د ورته مودې په پرتله شاوخوا ۳۰ راټیټ شوی؛ خو ځاني زیانونه یې اړولي، چې دا هم غوني ځیږوونکې ده.

 

په خپل وروستي دري میاشتني راپور کې یوناما د ۲۰۲۰ کال د جنورۍ له لومړۍ څخه تر سپتمبر پورې ۵۹۳۹ ملکي تلفات مستند کړي، چې ۲۱۱۷ په کې وژل شوي او ۳۸۲۲ نور ټپیان دي.

یوناما ویلي، چې په تېرو وروستيو درې میاشتو کې د هلمند د جګړې په ګډون په ننګرهار، لغمان او غور کې یو لړ بریدونه او د هوایي برید سره تخار او یو ځانمرګي برید چې په کابل کې یې ملکي وګړي په نښه کړل له ۴۰۰ ډېر ملکي وګړي وژل شوي او ټپیان دي.

طالبانو دغه راپور رد کړی او ویلي یې دي، چې دا یو طرفه راپور دی او ملکي خلکو ته په هوایي بریدونو کې ځاني زیانونه اوښتي دي.

د سولې د خبرو د ځنډیدو موضوع د افغانستان د نړیوالو همکارانو اندېښنې هم راپورته کړي او د سې شنبې پر ورځ د افغانستان د سولې لپاره د امریکا ځانګړی استازی زلمی خلیلزاد دوحې ته تللی، چې هلته به هغه د خبرو اترو له پلوویو سره وګوري او د تاوتریخوالي هغه کچه راټیټ کړي، چې په کې ملکي وګړي د مرګ و ژوبلې زغملو ته اړ ایستل شوي.

د اسلامي همکاریو سازمان عمومي سکرتریت هم د سې شنبې پر شپه په جګړه کې له ټولو ښکېلو غاړیو بیا وغوښتل، چې د سولې په خبرو کې بریالۍ پایلې ته پر رسیدو راوڅرخي.

دوی په افغانستان کې د تاوتریخوالي وروستی زیاتوالي په کلکه غندي او وایي، چې دې کار د ښځو او ماشومانو په ګډون ګڼ تلفات اړولي دي. دوی له ټولو ښکېلو اړخونو وغوښتل، چې تاوتریخوالی کم کړي ، ژر تر ژره اوربند اعلان کړي او خبرو اترو ته لاره اواره کړي، چې ټولګډونه سولې او تلپاتې پخلاینې ته لار اواره او خنډونه لرې شي.

د او آی سي عمومي منشي داکتر یوسف او الاثیمین د افغانانو په مشرۍ د سولې له بهیره ملاتړ څرګند کړ او د مکې مکرمې د اعلامیې پر اهمیت یې ټینګار وکړ، چې په افغانستان کې د سولې او امنیت لپاره د خبرو، پخلاینې او زغم غوښتنه کوي.

دا په داسې حال کې ده، چې په دوحه کې د افغان حکومت د استازیو او طالبانو ترمنځ د سولې خبرو ځنډیدلو بېلابېلې اندېښنې رامنځته کړي او تاوتریخوالی هم ورسره ډېر شوی دی.

Continue Reading

تازه خبرونه

اتمر او قریشي د خپلمنځي خبرو پر بیا پیل خبرې وکړې

Ariana News

خپور شوی

په

توسط

(Last Updated On: October 28, 2020)

د افغانستان د بهرنیو چارو وزارت چارسمبالي حنیف اتمر د سې شنبې پر شپه له خپل پاکستاني سیال شاه محمود قریشي سره د افغانستان د سولې خپلمنځي خبرو پر ځنډیدو او په د بیا پیل په اړه خبرې وکړې.

د بهرنیو چارو وزارت په یوه خپره شوې اعلامیه کې څرګنده کړې؛ دواړو لوریو د افغانستان د سولې په خبرو کې د وروستي پرمختګ او په دې برخه کې د دواړو هېوادونو تر منځ د ګډې همکارۍ په اړه خبرې وکړې. په ځانګړي توګه د پاکستان د خپلمنځي خبرو اترو د بیا پیلوو، د خنډونو لرې کولو، د تاوتریخوالي کمولو او په ټول هېواد کې د اوربند رامنځته په اړه د دوی د رول په اړه بحث او خبرې کړې دي.

دا غوښتنه په داسې حال کې راپورته کیږي، چې په ټول هېواد کې تاوتریخوالی ډېر شوی او په دوحه کې د سولې خبرې هم له ځنډ او خنډ سره مخ شوې دي.

د سې شنبې پر ورځ، د افغانستان د خپلمنځي خبرو د پلاوي څلور غړي کابل ته راستا نه شول، چې د خبرو اترو د راتلونکي په اړه یې پوښتنې راپورته کړې.

تر دې دمه دواړه خواوې د سپتمبر له ۱۲ راپدیخوا شاوخوا ۱۰ ځله سره لیدلي؛ خو د اصولو په ترتیب کې د ځینو ټاکلو ټکو په اړه د لانجو له کبله لږ پرمختګ شوی دی.

Continue Reading
Advertisement

Trending