Connect with us

تازه خبرونه

طالبان په افغانستان کې رښتینی اسلامي نظام غواړي – ملا برادر

Ariana News

خپور شوی

 په

(Last Updated On: June 21, 2021)

طالبانو ویلي، چې دوی د سولې خبرو ته ژمن دي؛ خو په افغانستان کې رښتینی اسلامي نظام غواړي.

په قطر کې د طالبانو د سیاسي دفتر مشر ملا عبدالغني برادر څرګنده کړې: افغانستان د ټولو بهرنیو ځواکونو د وتلو په درشل کې دی؛ له خپلواکۍ وروسته دلته باید د داسې نظام د جوړولو لپاره کار وشي، چې په هغه کې د افغان ولس آرامي او سوکالي متحققه وي او دا هغه وخت شونې ده، چې دا نظام د افغان مسلمان ولس د غوښتنو او آرمانونو له مخې جوړ شي.

د ملابرادر د څرګندونو له مخې؛ د دغه اسلامي نظام ثبات سرښندنې، له ځانه تېرېدنې او د یو او بل منلو ته اړتیا لري.

ملابرادر وایي: په افغانستان کې د اسلامي نظام ټینګښت بیا هم د افغانانو په داخلي قربانیو، خود ګذريو او یو بل منلو پوري اړه لري؛ ځکه، چې د تفرق، جنګ او مقابلې په صورت کې مثبت پرمختګ ناشونی دی.

طاالبان په داسې حال کې دا څرګندونې راپورته کوي، چې په قطر کې خپلمنځي خبرو تر دې دمه کومه غوره پایله نده ورکړې او ورسره په ټول هېواد کې تاوتریخوالی ډېر شوی دی.

ملابرادر په دې اړه  د خلکو او نړیوالو له اندېښنو سره همغږی شوی او وایي: مونږ هغه پوښتنې( او پوښتنې) درک کوو، چې د بهرنيو عسکرو له وتلو وروسته رامنځته کيدونکي نظام د ډول په اړه هم له افغانانو او هم له نړیوالو سره موجودې دي. د دغسې پوښتنو په ځواب کې بايد ووايو، چې دا په بين الافغاني مذاکراتو پورې اړه لري. مونږ بايد له وخت مخکې پر هسي اټکلونو د مذاکراتو فرصت له لاسه ور نکړو.

د طالبانو سیاسي مرستیال زیاته کړې؛ د خبرو له لارې د ستونزو پر حل باور لري.

ملابرادر ویلي؛ د ښځو او لږکیو حقونه به خوندي وي او له ځوانانو یې غوښتي، چې هېواد کې پاتې شي او هېوادوالو ته خدمت وکړي.

هغه په ډاګه کړې: مونږ د اسلام د مبارک دین د اساساتو او د افغان ټولنې د غوره عنعناتو په رڼا کې د خپل هېواد د ټولو نرینه او ښځینه وګړیو ټولو حقونو ته لکه د بیان آزادي، ښوونه اوروزنه، کارکول او… ته ځان ژمن بولو؛ ځکه زمونږ ټولنه یوه اسلامي او له افغانانو جوړه یوه ټولنه ده، نو د ښځو د تعلیم او کار لپاره به مناسب چاپېریال او تسهیلات برابرېږي، چې هغوی په پوره ډاډ خپلې چارې مخ ته یوسي.

ملابرادر زیاته کړې: اسلامي امارت هوډ لري، چې هېوادوالو ته د خپل هېواد او ولس د خدمت مناسب فرصتونه برابر کړي، ټول باید د خپل هېواد د بیا رغونې او د ولس د خدمت لپاره لاسونه سره ور کړو، زموږ هېواد او ولس ملي تجارانو ځوانانو، متخصصینو او کارپوهانو ته په ځانګړي ډول اړتیا او ضرورت لري. ځوانان په حقیقت کې د هرې ټولنې د ملا د تیر حیثیت لري، مونږ پر ځوانه طبقه غږ کوو، چې تاسې د خپل هېواد او ولس د خدمت مسوولیت لرئ، او اسلامي امارت به تاسې ته دغه فرصت برابروي.

ملابرادر اخند ټولو نړیوالو خیریه بنسټونو او ډیپلوماتانو ته ډاډ ورکوي، چې د دوی لخوا دوی ته کوم خطر متوجه ندی او کولی شي خپل کارونه روان وساتي.

نوموړی نړیوالې ټولنې ته ډاډ ور کوي، چې په افغانستان کې میشتو بهرنیو ډيپلوماټانو او د بهرنیو خیریه مؤسسو کارکوونکیو ته به د اسلامي امارت لخوا هیڅ ډول خطر نه متوجه کېږي، زموږ په هېواد کې له ډېر وخت راپدیخوا خیریه مؤسسې د اسلامي امارت په همکارۍ او همغږۍ خپل کارونه تر سره کوي، دوی دې اوس هم خپلو خیره کارونو ته دوام ورکړي، اسلامي امارت د رغنده کارونو د تر سره کولو لپاره دوی ته خوندي چاپېریال برابرول خپل مسوولیت ګڼي.

دا په داسې حال کې ده، چې امریکا وایي؛ واک و ځواک ته د طالبانو له رسېدو سره به د ښځو حقونو په اړه پرمختګونه له پامه وغورځول شي.

تازه خبرونه

طالبان پر خلکو د خپلې مفکورې او حکومت تپلو هڅې کوي – عبدالله عبدالله

Ariana News

خپور شوی

په

توسط

(Last Updated On: July 25, 2021)

د ملي پخلاینې عالي شورا مشر ویلي، چې طالبان نشي کولی خپله مفکوره پر ټولو خلکو ومني او خپل حکومت پرې وتپي.

په ډېرو ولایتونو کې د دولتي ځواکونو او طالبانو تر منځ جګړه روانه ده؛ خو د ملي پخلاینې عالي شورا مشر وایي: طالبان فکر کوي، چې د جګړې په ډګر کې برلاسي دي؛ خو پر وینا یې دا ډله نشي کولی خپله مفکوره د افغانستان پر ټولو خلکو ومني.

 له الجزیرې سره خبرو کې نوموړي ټینګار کړی کومې سیمې، چې د طالبانو په اداره کې دي، په کې خلک له خپلو حقونو او آزادیو بې برخې دي او طالبان هڅه کوي، چې د جګړې له لارې خپله مفکوره پر خلکو وتپي.

 دعبدالله عبدالله د څرګندونو له مخې، که څه هم د تاوتریخوالي کچه لوړه ده او په خبرو کې پرمختګ ندی شوی؛ خو خبرې به ونه دریږي.

عبدالله وایي: طالبان نشي کولی د ټول افغانستان نفوس طالبان کړي. د افغانستان طالباني کېدل د منلو ندي. هوکې! البته هغوی اوس فکر کوي، چې د جګړې په ډګر کې برلاسي دي؛ خو کله، چې د ژوند نورو برخو کې واقعیتونه ګورو، تاسې نشئ کولی خپله واحده مفکوره  له پوځي لارې پر نورو تحمیل کړئ.

 عبدالله عبدالله یو ځل بیا ټینګار کړی، چې له افغانستان څخه د نړیوالو ځواکونو له وتو سره اوس پر یوه سیاسي جورجاړي د لاسرسي لپاره فرصت برابر شوی او دواړه لوري باید له دې فرصته ګټه واخلي.

نوموړي زیاته کړې: په هغو ساحو کې، چې له طالبانو سره یې اداره ده؛ له بده مرغه خلک له خپلو آزادیو او حقونو، چې باید خوند ترې واخلي، برخمن ندي او هغه لاسته راوړنې، چې مونږ درلودې بېرته شاته تللي او دا همدا راز یو حقیقت دی.

د ملي پخلاینې عالي شورا مشر ویلي، چې په افغانستان کې روانو شرایطو ته په پام له خبرو پرته بل غوراوی نشته.

هغه دا ټینګار هم وړاندې کړ؛ مونږ فکر کوو، چې سوله ییزه هوکړه د جګړې د دوام پر ځای یوه ښه ټاکنه ده او مونږ خپلې دا هڅې روانې ساتو. دغه راز د تاوتریخوالي کچه ډېره لوړه ده او جګړه سخته روانه ده که څه هم خبرو اترو کې د پام وړ پرمختګ نشته، باید ونه وایو، چې دا خبرې دې ودریږي.

د شنبې پر ورځ د ملي امنیت شورا سلاکار حمدالله محب ویلي وه، چې طالبانو د جګړې له لارې هیڅ امنیتي پوسته نده نېولې، بلکې تبلیغات او سیاسي معاملې سبب شوې، چې امنیتي پوستې له لاسه ووځي.

Continue Reading

تازه خبرونه

پر کابل ښار د لوی اختر پر لومړۍ ورځ د توغندیو پلانوونکی ونیول شو

Ariana News

خپور شوی

په

توسط

(Last Updated On: July 25, 2021)

کورنیو چارو وزارت ويلي، چې د یکشنبې پر ورځ ځانګړیو پولیسو د لوی اختر پر لومړۍ ورځ د توغندیزو بریدونو پلانوونکی نیولی دی.

د سرچینې د څرګندونو له مخې؛ دغه شکمن کسان د کابل ښارد پېنځمې امنیتې حوزې په اړوند سیمه کې نیول شوي، چې د پغمان په ګډون یې په یو شمېر ترهګریزو بریدونو کې لاس درلود.

کورنیو چارو وزارت ویاند میرویس ستانکزي ویلي؛ د دې توغندیز برید پر پلان جوړوونکي سربېره درې نور کسان هم نیول شوي دي.

له نیول شویو کسانو څخه دوه ګرځند او ځینې اسناد هم ترلاسه شوي دي.

د سې شنبې پر ورځ د لوی اختر د لمانځه پر مهال په کابل ښار کې ولسمشرۍ ماڼۍ ته نږدې درې توغندي ولګېدل.

میرویس ستانکزي زیاته کړې، چې دا توغندي د کارته سه له اړوند سیمې توغول شوي وه.

د یادونې ده، چې دغه راکټونه د لوی اختر پر لومړۍ ورځ سهار شاوخوا اته بجې په داسې حال کې ارګ ته نږدې ولګېدل، چې ولسمشر اشرف غني او یوشمېر لوړ پوړيو چارواکو د یوه سرتېري پر امامت لمونځ ادا کاوه.

Continue Reading

تازه خبرونه

افغان ځواکونه باید د طالبانو د پرمختګونو مخه ونیسي – امریکا

Ariana News

خپور شوی

په

توسط

(Last Updated On: July 25, 2021)

د امریکا دفاع وزیر لویډ آسټین د شنبې پر ورځ د زمري ۲ ویلي، چې د افغان امنیتي ځواکونو لومړیتوب له طالبانو څخه د سټراټیژیکو سیمو بېرته نیول، ساتل او د هغو د پرمختګونو مخنیوی دی.

رویټرز راپور ورکړی؛ امنیتي ځواکونه نیت لري، چې د کابل او نورو ښارونو په ګډون بندرونه او بېخبناوې خوندي او وساتي.

آسټین الاسکا ته د سفر پر مهال خبریالانو ته ویلي: دوی هڅه کوي، چې له وګړیو څخه ډکو سیمو په شاوخوا کې خپل ځواکونه راټول او پیاوړي کړي.

نوموړي زیاته کړې، چې د امریکایې ځواکونه له افغانستان څخه د اګست پر ۳۱ وځي.

نوموړي وایي؛ په دې اړه، چې هغوی به د طالبانو مخه ونیسي یا نه، زما په اند لومړی کار باید دا ډاډ ترلاسه کړي، چې دوی د طالبنو د پرمختګونو مخه ونیسي او بریدونه یې ودروي.

آسټین زیاته کړې، چې هغه باوري دی، چې افغانان د پرمختګ وړتیا او ظرفیت لري؛ خو ولیدل شي، چې څه پېښیږي.

د دغه راپور له مخې؛ طالبان هڅه کوي، چې پراخې سیمې ونیسي او دمګړۍ د ښارونو په څنډو کې له امنیتي ځواکونو سره ښکېل دي.  

له دې مخکې رویټرز څرګنده کړې وه، چې طالبانو له نیمایي ډېرې سیمې تر خپلې ولکې لاندې راوستي او دې کار د ښاري خلکو اندېښنې راپارولي دي.

امریکا منلې، چې له افغان ځواکونو څخه د ملاتړ لپاره هوایي بریدونه کوي او په هلمند او کندهار کې یې هوایي بریدونه هم تر سره کړي دي.

تېره جمعه جوبایډن په افغانستان کې له جګړو او تاوتریخوالي څخه د بېځایه شویو او هغو افغانانو لپاره، چې د ویزې غوښتونکي دي؛ د بېړنیو اړتیاوو د پوره کولو لپاره له بېړني فنډ څخه ۱۰۰ میلیون ډالر چمتو کړل

رویټرز زیاته کړې؛ د امریکا ولسمشر جوبایډن ژمنه کړې، چې د افغان ځواکونو تمویل روان وساتي او د سولې هڅې به هم روانې وي.

Continue Reading

Trending

آریانا نیوز: ټول حقونه خوندي دي