Connect with us

سوداگري

طالبان هره ورځ له ګمرکونو تر ۲۰۰ میلیون افغانۍ عواید راټولوي

خپور شوی

 په

(Last Updated On: زمری ۱۸, ۱۴۰۰)

د ولسي جرګې د مالي چارو او بودجې جرګه ګۍ ویلي، چې له ۶۰ سلنې ډېر ګمرکونه د طالبانو په اداره کې دي او دا ډله هره ورځ تر دوه سوه میلیون افغانۍ عواید راټولوي.

د ولسي جرګې د دې بنسټ مشر ټینګار کړی، چې که حکومت د دې ګمرکونو د بېرته نیولو لپاره ګام وانخلي؛ د حکومت د عوایدو کچه به ډېره راټیټه شي.

د ولسي جرګې د مالي چارو او بودجې جرګه ګۍ مشر میرافغان ساپي ویلي: څه نا څه ۶۵ سلنه ګمرکونه له طالبانو سره دي او هره ورځ ۲۰۰ میلیون افغانۍ تر لاسه کوي؛ دا ډېرې پیسې دي او حکومت یې باید د خپلولو هڅې تر سره کړي.                

مالیې وزارت ویلي، چې د طالبانو لخوا د اووه ګمرکونو څارنه سبب شوې، چې اووه اعشاریه درې میلیارد افغانۍ څلور اعشاریه شپږ میلیارد افغانیو ته راټیټې شي.

د مالیې وزارت ویاند محمد رفیع تابع وایي: په خواشینۍ، چې مالیې وزارت د اسلام کلا، تورغندۍ،ابو نصر فراهي، سپین بولدک، آی خانم، ډنډپټان او شېرخان سرحدي ګمرکونو کې هڅې نلري، چې له شک پرته دغې ستونزې د حکومت پر عوایدو منفي اغېز کړی دی. مونږ یوازې په غبرګولي میاشت کې اووه اعشاریه درې میلیارد ډالرعواید راټول کړي وه، چې د چنګاښ په میاشت کې د دې عوایدو کچه څلور اعشاریه شپږ میلیارد افغانیو ته ورسېده.   

د ولسي جرګې غړیو ټینګار کړی، چې د طالبانو لخوا د ګمرکونو اداره د منلو نده؛ ځکه، چې ملي عواید یې زیانمن کړي. د دغو عایداتي سرچینو د تر لاسه کولو هڅې باید ګړندۍ او بېرته ترې ونیول شي.

سوداگري

په افغانستان کې اقتصادي بېوزلي مخ پر پراخېدو ده – د پیسو نړیوال صندوق

خپور شوی

په

توسط

(Last Updated On: تله ۲۷, ۱۴۰۰)

په افغانستان کې د اقتصادي کړکېچ په اړه د رامنځته دشویو اندېښنو سره جوخت د پیسو نړیوال صندوق په افغانستان کې له اقتصادي بېوزلۍ خبرداری ورکړی او څرګندوي، چې واک ته د اسلامي امارت له رسېدو مخکې هم خلکو ډېرې اقتصادي ستونزې درلودې.

د پیسو نړیوال صندوق د منځني ختیځ او مرکزي آسیا د څانګې مدیر جهاد آزور ویلي؛ د طالبانو لاسونو ته د واک له لوېدو مخکې هم افغانستان له اقتصادي ګواښونو سره مخ و.

نوموړی له نړیوالې ټولنې غواړي، چې د افغانستان له خلکو بشردوستانه ملاتړ وکړي او وایي: هغوی مخکې هم له قتصادي شوک سره مخ ول؛ وچکالي، کرونا ویروس او اقتصادي بندیزونه پرې ور اضافه شوي؛ نو، ځکه اټکل کوو او له دې فشاره وېره لرو.

په دې رپوټ کې ویل شوي چې افغانستان سره غیر بشردوستانه مرستې په یو ډول درول شوي، بهرنۍ پانګې عمدتا کنګل شوي او د افغانستان بانکونه واک ته د طالبانو له را ستنېدو سره د پیسو کمي له امله فلج شوي.

نوموړي زیاته کړې؛ دا جټکې کولی شي تر دېرش سلنه تولید کم کړي او واردات هم محدود شي؛ د افغانۍ ارزښت را ولویږي او د تورم او پړسوب چټکتیا رامنځته شي. له همدې کبله د ژوند کچه ټیټه شوې، میلیونونه کسان بېوزلي ګواښي او کولی شي انساني ناورین را منځته کړي.

دغه راز خلک وایي د هرې ورځې پر تېرېدو په بازارونو کې خوراکي توکي ګرانیږي او ډېرو خلکو دندې له لاسه ورکړي دي.

د کابل اوسېدونکی صمد علي وایي؛ خلک هم په دې ورځو کې د دندو له لاسه ورکولو له خطرسره مخ دي. په داسې حال کې، چې د خوراکي توکو بیې هم د لوړېدو په حال کې دي.

نوموړی زیاتوي؛ سهار مو ماښام شي، خو مونږ ۵ دوډۍ کورته وړلی نشو.

د اسلامي امارت مسوولین وایي، چې هڅه کوي اقتصادي کړکېچ ته د پای ټکی کېدي او له نړۍ سره په تعامل کې د افغانستان کنګل شوې پیسې آزادې کړي.

Continue Reading

سوداگري

سیمې او نړۍ ته د افغانستان د سوداګریزو توکو لومړۍ ټولګه ولېږل شوه

خپور شوی

په

توسط

(Last Updated On: تله ۲۶, ۱۴۰۰)

د ماليي وزارت د کابل ګمرک ریاست مسوولینو ويلي، چې د اسلامي امارت له واکمن کیدو راوروسته دا لومړی ځل دی، چې یوه صادراتي ټولګه له ټرانزیتي لارې د سېمې او نړي مارکیټونو صادریږي.

د سوداګرۍ وزارت د څرګندونو له مخې؛ د ا.ا له بیا واکمنېدو وروسته نن په لومړي ځل د افغانستان د وچې او تازه میوې په ګډون پیاز، پټاټې، زعفران او هېوادنۍ لاسي صنایع د منځنۍ آسیا له لارې آسترالیا هالنډ او هند ته ولېږدول شوې.

د ماليي وزارت مسوولینو ويلي؛ هڅه کوي له سیمي او ګانډ هېوادونو سره خپلې اقتصادي اړیکي پراخې کړي او له هېواده د کرنیزو صادراتي توکو یوه ټولګه د آسټرالیا، هالند او هند هېوادونو ته واستوي.

د کابل ګمرک مشر مولوي عبدالله هلال وایي؛ مونږ غواړو، چې د هېواد د صادراتو بهیر مو پراخ او د سیمي او نړۍ مارکیټونو ته د تېر په څېر صادر او ورورسیږي. مونږ له خپل خصوصي سکتور سره همکاريو او هره برخه کې، چې د دوې مرستې ته اړتیاوي مونږ ورته چمتو یو.  

د خصوصي سکتور غړي هم د دغه صادارتي  بهیر له پیلېدو خوښي ځرکندوي او زیاتوي؛ د تېر پر پرتله د هېواد په اداري چارو کې د خصوصي سکتور لپاره خورا ډېر فرصتونه رامنځته شوي، خپل کارونه پراخ کړي. په نننۍ ټولګه کې په سلګونه ټنه توکې دې، چې ډېر يې  پیاز، پټاټې او انځر دي.

د خصوصي سکتور غړی امرالدین ستانکزی وایي: مونږ غواړو پر سلګونه ټنه توکي د منځنۍ آسیا له لارې هندوستان، آسټرالیا او هالینډ ته واستوو او د صادراتو کچه له یو میلیون ډالرو پورته کړو.

د اقتصادي چارو کارپوهانو ويلي؛ که افغانستان اسلامي امارت له خصوصي سکتور سره د صاداراتو په برخه کې همکاري وکړي، نو هېواد به له اقتصادي بحران څخه ډېر ژر راووځي.

دا په داسې حال کې وه، چې په افغانستان کې د چین سفیر وانګ یو د بهرنیو چارو وزارت له چارسمبالي مولوي امیرخان متقي سره لیدلي، چې په نږدې راتلونکي کې به د افغانستان د جلغوزیو او نورو اړوند توکو  صادرات بیا پیل شي.

Continue Reading

سوداگري

د پاکستان د چمن پوله د افغانانو د ډله ییز ورتګ له وېرې تړل شوې

خپور شوی

په

توسط

(Last Updated On: تله ۲۵, ۱۴۰۰)

له هغې یوه ورځ وروسته، چې لاریونکوونکي د پاکستان په چمن کې سړکونو ته راووتل او له افغانستان سره یې د ګډې پولې د بیا پرانستلو غوښتنه وکړه؛ نو د شنبې پر ورځ  ګڼشمېر خلک پولې ته په تمه ودرېدل.

رویټرز راپور ورکړی؛ په سلګونه خلک له نږدې دوه اوونیو راپدیخوا د چمن پولې دواړو غاړیو ته بند پاتې دي.

دوی وایي، دا پوله له تېرو ۱۳ ورځو راپدیخوا تړل شوې او مونږ یې د خلاصیدو په تمه ناست یو؛  سهار اته بجې راځو او لس بجې بېرته ځو، ځکه دوی (چارواکي) وایي: دا به تر میاشتو تړلې وي. کومې پیسې مو، چې ګټلې وې؛ ټولې رانه دلته ولګېدلې.

پاکستانيو چارواکو ویلي، چې پوله په لنډمهاله توګه د هغو افغانانو د راتګ له وېرې تړل شوې، چې غواړي د په اګست میاشت کې د افغانستان اسلامي امارت له واکمنېدو وروسته؛ له خپل هېواده ووځي.

د چمن پوله، چې په خیبر پښتونخوا کې د تورخم له سوداګریز ښارګوټي وروسته له افغانستان سره دوه یمه لویه سوداګریزه پوله ده؛ د افغانستان کندهار ولایت له سپین بولدک سره نښلوي او لر او بر زرګونه کارو باري افغانان او د دواړو هېوادونو سوداګر یې کاروي.

د رویټرز د راپور له مخې؛ د جمعې پر ورځ زرګونه سوداګر د چمن سړکونو ته راووتل، ځینې یې پر آس سپاره ول او غوښتنه یې کوله، چې پوله خلاصه شي.

ویل کیږي، چې په زرګونه افغانان پاکستان ته د ننوتلو په هڅو کې پولې ته نږدې راټول شوي. په داسې حال کې، چې د ډېرو کډوالو له منلو یې دډه کړې ده.

د پاکستان چارواکي وايي؛ دوی وېره لري که د پولې مقررات نرم شي، نو شاوخوا یو میلیون افغان کډوال به ور ننوځي.

د یادونې ده، چې دمګړۍ شاوخوا درې میلیون افغان کډوال په پاکستان کې ژوند کوي؛ ځینې یې له درې لسیزو راپدیخوا کله، چې د دوی هېواد په ۱۹۷۹ زېږدیز کال کې د روسانو لخوا اشغال شوی و.

Continue Reading

Trending

آریانا نیوز: ټول حقونه خوندي دي