Connect with us

تازه خبرونه

طالبان نور هم ظالم شوي او نه غواړي سوله وکړي – اشرف غني

خپور شوی

 په

(Last Updated On: زمری ۱۰, ۱۴۰۰)

ولسمشر د حکومت د ډیجیټلي کولو پر لومړۍ ورځ د کابینې ناسته په برښنایي بڼه جوړه او په کې یې د وینا پر وخت ټینګار وکړ، چې افغانستان له یوه سراسري یرغل سره مخ او طالبان نور هم ظالم شوي او نه غواړي، چې سوله وکړي.

ولسمشر ټینګار کوي؛ په دې کې شک نشته، چې افغانستان له یوه سراسري یرغل سره مخ دی، او طالبان د تېرو ۲۴  کلونو پر پرتله په ځلونو خطرناک، ظالم او نامسلمان شوي دي.

ولسمشر غني وایي، چې طالبان د سولې او آبادي لپاره هیڅ اراده نلري.

نوموړي څرګنده کړې: په دې کې هیڅ شک نشته، چې افغانستان له سراسري یرغل سره مخ دی او دا برغل  ۳ برخې لري؛ یو- طالبانو په تېرو څلیریشت کلونو کې بدلون کړی او بدلون یې په دې کې دی، چې ډېر بد، ظالم او نا مسلمان شوي. هو! دوی بدلون کړی؛ خو مثبت بدلون یې ندی کړی، نه د سولې اراده لري، نه آبادي او پرمختګ غواړي. مونږ سوله؛ خو هغوی تسلیمي غواړي.  

ولسمشر په دې ناسته کې یو ځل بیا ټینګار څرګند کړ، چې د هېواد امنیتي حالت به تر شپږ میاشتو بدلون وکړي او اوس د حالاتو د بدلون لپاره زمینه برابره شوې ده.

ولسمشر اشرف غني وایي: مونږ په ۶ میاشتو کې د جګړې روان حالت له بنسټیز بدلونه سره مخ کوو؛ اوس د دې زمینه برابره شوې و چې بدلون وکړي؛ خو د لومړیتوبونو له ټاکلو پرته ناشونې ده. مونږ په ټولو ځایونو کې همهاله رامنځته کېدی نشو؛ خو د لومړیتوبونو پر ټاکنه د ثبات زمینه برابرولی شو.

د ارشاد، حج او اوقافو وزیر محمد قاسم حلیمي ویلي، چې د طالبانو جګړه د واک لپاره ده او دین د نامشروع جګړې لپاره د سرپوښ په توګه کاروي.

ولسمشر غني دا ټینګار هم کړی، چې د حکومت ډیجیټلي کېدل مخ په بشپړېدو دي او زیاتوي، چې باید وروسته له دې باید د معاشونو ورکړه، د متقاعدینو د  امتیازونو حقونه، د هویت ثبت، د عوایدو ټولول او نورې برخې په ډیجیټلي توګه تر سره شي، چې له دې سره به په ادارو کې د بیروکراسۍ مخنیوی هم وشي.

تازه خبرونه

په افغانستان کې ۱۴ میلیون خلک د خواړو خوندیتوب نلري

خپور شوی

په

توسط

(Last Updated On: تله ۴, ۱۴۰۰)

د ملګرو ملتونو د خواړو نړیوالې ټولنې (ډبلیو اچ او) په افغانستان کې د لوږې او بېوزلۍ پر دېرېدونکي وضعیت اندېښنه په ډاګه کړې او څرګندوي، چې دا مهال په دې هېواد کې ۱۴ میلیون خلک د خواړو خوندیتوب نلري.

د خواړو نړیوالې ټولنې ويلي، چې افغانان له پوره بېوزلۍ او لوږې سره مخ دي او درې وخته ډوډۍ نلري.

د دې سازمان په تازه راپور کې راغلي، چې یوازې پېنځه په سلو کې افغانان د اړتیا وړ خواړه لري او پاتې نور له بېوزلۍ سره مخ دي.

د خواړو نړیواله ټولنه څرګندوي؛ ډېرو لوستو او تحصیل لرونکیو افغانانو په وروستیو میاشتو کې دندې له لاسه ورکړي او د خواړو بیې هم لوړې شوي، چې له کبله یې خلک له سختې لوږې سره مخ شوي دي.

د ملګرو ملتونو د وګړيو صندق اجرائيه مدیر د فرانسې له خبرې آژانس سره په خبرو کې ویلي، چې له یوې خوا ژمی په را رسیدو دی او له بلې خوا د طالبانو له حاکمیت سره د مرستې رسونې چارې زیانمنې شوي، چې له کبله یې افغانستان له بېوسۍ سره مخ کیدونکی دی.

نوموړي زیاته کړې؛ مبالغه به نه وي، چې وویل شي له درې څخه یوه برخه افغانان خواړه نلري.

د خواړو نړیوالې ټولنې ویلي، چې د روان میلادي کال تر پایه په افغانستان کې له لوږې سره د مبارزې لپاره ۲ سوه میلیون او د راتلونکي کال د درې میاشتو لپاره درې سوه میلیون ډالرو ته اړتیا ده.

د ملګرو ملتونو د څرګندونو له مخې؛ د مرستندویه ټولنو او بنسټونو د کار مخه نه نیسي او د مرستو په لیږد کې ورسره مرسته هم کوي.

له دې مخکې ملګرو ملتونو خبرداری ورکړی و، چې اتلس میلیون افغانان بېړنیو بشري مرستو ته اړتیا لري.

Continue Reading

تازه خبرونه

بهرني هوایي شرکتونه کولی شي نړیوالې الوتنې بیا پیل کړي – اسلامي امارت

خپور شوی

په

توسط

(Last Updated On: تله ۴, ۱۴۰۰)

د افغانستان اسلامي امارت د یکشنبې پر ورځ د تلې ۴ / د سپټمبر ۲۶ څرګنده کړې، چې د کابل په هوایي ډګر کې ټولې تخنیکي ستونزې حل شوي او بهرني هوایي شرکتونه کولی شي سوداګریزې الوتنې بیا پیل کړي.

د بهرنیو چارو وزارت په خپره شوې خبرپاڼه کې راغلي؛ د کابل هوايي ډګر اوس د هر راز پروازونو لپاره بشپړ چمتو شوی دى.

د بهرنیو چارو وزارت ویاند عبدالقهار بلخي زیاته کړې؛ اسلامي امارت له هغو هېوادونو، چې پخوا يې کابل ته الوتنې لرلې د پخوا په څېر خپلې الوتنې پیل کړي، چې د بند پاتې او نورو مسافرو  ستونزې حل شي.

د بهرنیو چارو وزارت په دې اړه ټولو شرکتونو ته د پوره همکارۍ ډاډ ورکوي.

دا په داسې حال کې ده، چې د اسلامي امارت له راتګ او د بهرنیو ځواکونو له وتلو وروسته کابل ته ټولې نړیوالې سوداګریزې الوتنې درېدلې وې.

Continue Reading

تازه خبرونه

نړۍ دې د افغان نجونو د زدکړې بهیر خوندي کړي – ملالې یوسفزۍ

خپور شوی

په

توسط

(Last Updated On: تله ۴, ۱۴۰۰)

د سولې نوبل جایزې ګټونکې ملاله یوسفزۍ، چې په ۲۰۱۲ کال پاکستان کې له ښوونځي څخه د وتلو پر مهال تر وسلوال برید لاندې راغلې؛ د جمعې پر ورځ (د سپټمبر ۲۴) یې له نړۍ غوښتي، چې د افغانستان د اسلامي امارت د حاکمیت پر مهال د افغان میرمنو له حقونو ملاتړ څرګند او جوړجاړی ونکړي.

نوموړې په داسې حال کې دا غوښتنه کړې، چې د نړۍ هېوادونه او ټولنې له اسلامي امارت سره همکاریو ته لومړني ګامونه اخلي.

څلیریشت کلنې یوسفزۍ ویلي؛ اندېښمنه ده، چې نوی حکومت به افغان میرمنې د کار او زدکړې له فرصتونو بې برخې کړي. لکه څرنګه یې، چې ۲۰ کاله مخکې له پامه غورزولې وې او هغه مهال یې له محرم پرته میرمنو ته ان د تګ راتګ اجازه هم نه ورکوله.

یوسفزۍ د ملګرو ملتونو د عمومي غونډې په څنډه کې د افغان نجونو د زدکړې په اړه ویلي؛ مونږ نشو کولی د ښځو د حقونو او د هغو د انساني کرامت د ملاتړ په اړه جوړجاړی وکړو.

هغې زیاته کړې؛ اوس د دې وخت دی، چې د زدکړو د حق له ژمنې ملاتړ وشي او د افغان میرمنو حقوق تضمین کړو.

د نړۍ یو شمیر مشرانو لا دمخه ژمنه کړې، چې د ملګرو ملتونو په کلنۍ عمومي غونډه کې به د افغان میرمنو او نجونو د حقونو لپاره هڅې وکړي؛ خو معلومه نده، چې دوی به دا کار څرنګه تر سره کوي؟!

دا په داسې حال کې ده، چې اسلامي امارت له لومړي ټولګي څخه تر شپږم هغه پورې نجونو ته د زدکړې اجازه ورکړې او ژمنه شوې، چې په راتلونکې کې به د نورو زدکړو او کار زمینه هم ورته برابره شي.

Continue Reading

Trending

آریانا نیوز: ټول حقونه خوندي دي