Connect with us

تازه خبرونه

طالبان د ډېرو موخه ییزو وژنو مسوول دي ـ اروپایي ټولنه

خپور شوی

 په

(Last Updated On: سلواغه ۱۲, ۱۳۹۹)

اروپايي ټولنه، ناټو او په افغانستان کې د یو شمېر بهرنیو هېوادونو سفارتونو نن (یکشنبه د سلواغې ۱۲) په یوه ګډه اعلامیه کې څرګنده کړې، چې طالبان د ډېرو موخه ییزو وژنو مسوول دي.

په دې ګډه اعلامیه کې راغلي؛ دوی په افغانستان کې وژنې، سړي تښتونې او د بېخباوو ویجاړول غندي او هغه د طالبانو کار بولي.

د اروپایي ټولنې په اعلامیه کې څرګنده شوې، چې د طالبانو موخه ییز تاوتریخوالی چاپېریال ناامنه کوي او که ونه درېږي د نړۍ غصه به راوپاروي.

دې ګډې اعلامیې په ډاګه کړې؛ اروپایي ټولنه، ناټو، اسټرالیا ، کاناډا، چک جمهوریت، ډنمارک، فنلینډ، فرانسه، جرمني، هالینډ، هسپانیه، سویډن، انګلستان، ایټالیا او امریکا ډیپلوماټیک ماموریتونه تښتونې، او وژنې غندي او څرګندوي، چې په دې تاوتریخوالي کې مدني ټولنې، قضایه قوې، رسنۍ، مذاهب، طب او ملکي حکومتي خلک وژل کیږي.

د دغو څرګندونو له مخې؛ د طالبانو تاوتریخوالي یو داسې ناامنه چاپېریال رامنځته کړی، چې ترهګرې ډلې په کې پراخې هڅې تر سره کوي.

په اعلامیه کې له طالبانو غوښتل شوي، چې دغه تاوتریخوالی پای ته ورسوي او پر افغان حکومت هم غږ شوی، چې د دغو بریدونو په اړه رڼې څېړنې تر سره کړي.

دوی په ډاګه کړې؛ نړیوالې ټولنې د انرژۍ، خوراکي توکو، امنیت، د اوبو سرچینو او د سړکونو په بېخبنا کې د افغانستان د خلکو لپاره ډېره پانګونه کړې. مونږ د طالبانو لخوا د سړکونو، مخابراتي شبکو او د برښنا بندونو ته زیان رسول غندو.

د ولسمشر لومړي مرستیال  امرالله صالح د اروپايي اتحادیې له دغې هڅې هرکلی کړی او څرګندوي: مونږ د اروپايي ټولنې او په کابل کې د نورو سفارتونو له دې  دریځه هرکلی کوو، چې د طالبانو لخوا د بې رحمانه تاوتریخوالي غندنه یې کړې ده.

هغه زیاته کړې؛ طالبان باید پوه شي، چې افغانستان اوس بدل شوی دی.

وسلوالو طالبانو تر دې دمه رسنیو ته څه ندي ویلي؛ خو له دې مخکې یې په مخوخه ییزو وژنو کې لاس لرل رد کړي دي.

په هېواد کې تاوتریخوالی، په ځانګړي توګه موخه ییزې وژني ډېرې شوي؛ خو د طالبانو په ګډون هیڅوک یې پړه پر غاړه نه اخلي.

تازه خبرونه

د روغتیا نړیوالې ټولنې افغانستان ته ۳۷۸ میليون ډالر وغوښتل

خپور شوی

په

توسط

(Last Updated On: ليندۍ ۹, ۱۴۰۰)

د روغتیا نړیوالې ټولنې څرګنده کړې، چې د افغانستان د روغتيايي خدمتونو د روان ساتلو لپاره تر دې دمه له نړیوالې ټولنې ۳۷۸ میليون ډالر مرسته غوښتل شوې ده.

په افغانستان کې د روغتیا نړیوالې ټولنې د همغږئ مشر ډاکټر جمشطد رسولي ویلي؛ هڅه کوي، چې نړیواله ټولنه او نور مرستندویان وهڅوي، چې د افغانستان د ۲۳۳۱ روغتونو تر څنګ د کرونا ویروس د درملنې ځانګړي مرکزونه او نور روغتيايي مرکزونه هم د خپلو مرستو تر چتر لاندې فعال وساتي.

نوموړی وایي، چې تر دې دمه د افغانستان د روغتيايي برخې د فعال ساتلو لپاره د نړیوالو له لوري د ۳۷۸ ميليون ډالرو مرسته ډاډمنه شوې او دوي به دا مرستې جذب او په مناسب وخت او ځای کې خلکو ته وروسوي.

نوموړي داډ څرګند کړ؛ موږ ژمنه کوو، چې دا کار به کوو ان شاالله او خلکو ته به قناعت ورکوو، چې ډونران جذب کړو.

دغه راز په افغانستان کې د ملګرو ملتونو د پراختيايي ادارې مشر کندهار ته د سفر پرمهال ويلي؛ د ملګرو ملتونو اړوند موسسې به د افغانستان له خلکو سره بېړنۍ مرستې ونکړي، بلکې مرستې به د کار په بدل کې وي، چې له دې لارې د خلکو اقتصاد پياوړی شي.

په افغانستان کي د ملګرو ملتونو د پراختيايي چارو مشر عبدالله الدرداري له کندهار والي سره په لیدنه کې ویلي؛ دا خبره بايد روښانه کړم، چې د ملګرو ملتونو ادارې استازي دلته راغلي؛ بېړنۍ مرستې نکوي، چې يو چاته غنم يا اوبه برابرې کړي؛ مونږ دلته راغلي يوو، چې خلک خپله کاروکړي او په حاصلاتو کې یې زياتوالی راشي. یعنې دا ادارې انکشافي ادارې دي او غواړي ستاسې په انکشافي کارونو کې مرستې وکړي.

په کندهار کې د اسلامی امارت سيمه یيز مسوولین د ملګرو ملتونو ټولو مرستندويه ادارو ته د امنيت ډاد ورکوي او غوښتنه کوي، چې دا ادارې دې ژر تر ژره خپلې مرستې پيل کړي.

د کندهار والي حاجي محمد يوسف وفا وایي: مونږ به همکاري وکړو او مرستې دې دوی وکړي. اوس يي نو وخت دي د خلکو ورته ډېره اړتیا ده او ډېر مشکلات لري. مونږ ته خلک راځي روزمره دا شيان راته وايي؛ ځکه د جنګونو له کبله د ارغنداب، ژیړۍ، پنجوايي، ډنډ او ارغستان په ګډون د لس ولسواليو خلک ټول بېځايه شوي؛ سرپناوې او کورونه يي د امريکايانو په بمبارد او جنګونو ویجاړ شوي او هیڅ سرپناه نلري. دوی دې د سرپناوو مرسته وکړې، چې خلکوته سرپناوې جوړې شي.

کندهار او ګاونډ ولایتونه یې په تېرو شل کلونو کې د درندو او ویجاړوونکیو جګړو لیدونکي وه. دې جګړو ډېر خلک له خپلو مېنو بې ځایه کړي او اوس د ژمي په درشل کې دوی له مرستندویانو د بیړنیو مرستو غوښتنه لري.

Continue Reading

تازه خبرونه

پاکستان به د افغانستان په اړه د اسلامي هېوادونو د سرمشریزې کوربتوب وکړي

خپور شوی

په

توسط

(Last Updated On: ليندۍ ۹, ۱۴۰۰)

د پاکستان د بهرنیو چارو وزیر شاه محمود قریشي ویلي، اسلام آباد د افغانستان په اړه د اسلامي هېوادونو د بهرنیو چارو وزیرانو د ځانګړې غونډې کوربتوب ته چمتووالی ښودلی دی.

د پاکستانيو رسنیو د راپورونو له مخې؛ قریشي پرون (دوشنبه د لیندۍ ۸) په یوه بیان کې د سعودي عربستان له دې وړاندیز تود هرکلی وکړ، چې د اسلامي هېوادونو د بهرنیو چارو وزیرانو د بېړنۍ غونډې د جوړولو لپاره دې د افغانستان وضعیت وڅېړل شي، چې له دې هېواد سره مرسته وکړي.

هغه ډاډ څرګند کړی، چې نور غړي هېوادونه به د روان کال د ډسمبر پر ۱۷ په اسلام آباد کې د دې ټولنې ځانګړې غونډه له ترسره کولو هم ملاتړ وکړي.

قریشي زیاته کړې؛ افغانستان د اسلامي همکاریو د سازمان له بنسټیزو غړیو څخه دی او مونږ د اسلامي امت د یوې برخې په توګه د افغانستان له خلکو سره د ورورګلوۍ اړیکې لرو.

د پاکستان د بهرنیو چارو وزیر زیاته کړې، چې افغانستان له جدي بشري ناورین سره مخ دی.

هغه وایي: افغانستان دا مهال له يوه جدي بشري ناورين سره مخ دى؛ د ښځو او ماشومانو په ګډون ميليونونه افغانان د خوراکي توکو، درملو او د ژوند د نورو اړتيا وړ توکو د نشتوالي له کبله له مبهم حالت سره مخ دي او د ژمي موسم دغه بشري ناورين نور هم چټک کړى دى.

هغه یادونه کړې، چې د اسلامي هېوادونو د همکارۍ سازمان د بهرنيو چارو وزيرانو لومړۍ ځانګړې غونډه د ١٩٨٠ زېږدیز کال پر جنورۍ په اسلام آباد کې جوړه شوې وه او تمه ده، چې پاکستان به په راتلونکې مياشت کې بيا له افغان ولس سره د پيوستون او ملاتړ په موخه په اسلام آباد کې یوه غونډه جوړه کړي.

Continue Reading

تازه خبرونه

په کابل کې چاودنې پېنځه کسان ټپیان کړل

خپور شوی

په

توسط

(Last Updated On: ليندۍ ۹, ۱۴۰۰)

نن سهار مهال ۹:۴۵ د اوومې ناحیې اړوند حبیبیې لیسې ته نږدې د اسلامي امارت پر ځواکونو ماین چاودنه شوې، چې په کې د امنیتي ځواکونو په ګډون پېنځه کسان ټپیان شوي دي.

عیني شاهدانو ویلي، چې د چاودنې موخه یو هایلکس موټر و.

دغه راز ویل کیږي، چې چاودنه د سړک غاړې د ماين له کبله ده او مرګ ژوبله يې اړولې ده.

په سیمه کې د آریانا نیوز خبریال د عیني شاهدانو د څرګندونو له مخې څرګندوي، چې په چاودنه کې د اسلامي امارت د ځواکونو په ګډون لږ تر لږه پېنځه تنه ټپیان شوي دي.

له چاودنې وروسته د اسلامي امارت ځواکونو سيمه وتړله او د پيښې ځايې ته امبولانسونه راورسېدل.

کورنیو چارو وزارت تر اوسه د پېښې د مرګ و ژوبلې په اړه څه ندي ویلي.

د یادونې ده، چې تر دې دمه کومې ډلې د دې چاودنې مسوولیت پر غاړه ندی اخیستی؛ خو د داعش خراسانۍ ډلې په دې وروستیو میاشتو کې د کابل په ګډون د یو شمېر چاودنو مسوولیت منلی دی.

Continue Reading

Trending

آریانا نیوز: ټول حقونه خوندي دي