Connect with us

تازه خبرونه

طالبان د افغانستان د نیولو لپاره هڅې کوي – راپور

خپور شوی

 په

(Last Updated On: چنګاښ ۳۱, ۱۴۰۰)

د امریکا د پوځ لوی درستيز جنرال مارک میلي پرون (چارشنبه ، د چنګاښ ۳۰) ویلي؛ داسې بریښي، چې طالبان د افغانستان په ځانګړي توګه د لویو ښارونو د نیولو لپاره ستراتیژیک پلان لري.

جنرال مارک ملي ویلي، چې طالبانو د ښارونو د نیولو لپاره هم خپلې هڅې ګړندۍ کړي دي.

د نوموړي د څرګندونو له مخې؛ اوس د افغانانو، افغان امنیتي ځواکونو او افغان حکومت د ارادې او رهبرۍ د آزموینې وخت دی.

د امریکا د پوځ لوی درستیز مارک میلي وایي، د افغانستان تر نیمایي ډېرو ولسوالیو مرکزونه د طالبانو په لاس کې دي.

مارک میلي خبرداری ورکوي، چې د طالبانو وروستیو پرمختګونو ته په کتو ممکن دا ډله له پوځی لارې د افغانستان واک ترلاسه کړي.

هغه ډاډ څرګندوي، چې د طالبانو بریا قطعي نده او تر دې دمه ندي توانېدلې، چې د افغانستان لوی ښارونه ونیسي… افغان ځواکونه هم د خپلو خلکو د دفاع لپاره د منسجم کېدو په حال کې دي.

دغه امریکایی جنرال باور لري، چې افغان امنیتي او دفاعي ځواکونه له خپلې خاورې د دفاع وړتیا لري؛ خو دی وایي، چې د یادو ځواکونو شمېر له خاورې څخه د دفاع لپاره کافي ندي.

هغه وایي: د افغانستان راتلونکې په بشپړ ډول د خلکو په لاس کې دی او په دې هېواد کې مختلفې پایلې شتون لري. زه غواړم ووایم او ځو ځله مې مخکې هم ویلي، چې د طالبانو له لوري له پوځي لارې واک ته رسېدل کومه هېره شوې تجربه نده. مونږ وضعیت له نږدې څارو او د اړتیا په صورت کې به لاس په کار شو.

اوسمهال امریکا له کابل بهر د ټولو عملیاتي مسوولیت افغان حکومت ته ورکړی.

د امریکا دفاع وزیر لویډ آسټن وایي: مونږ په افغانستان کې څلور مهم ماموریتونه لرو؛ مونږ په افغانستان کې د خپل ډیپلوماټیک حضور ته ژمن یو، دوه یم له افغان امنیتي او دفاعي ځواکونو څخه مالي ملاتړ کوو، درېیم د افغانستان امنیتي وزارتونو ته د مشورې ورکول او همدارنګه د ترهګرو ډلو مخنیوی هغه ماموریتونه دي، چې افغانان ورته اړتیا لري.

د افغان امنیتي او دفاعي ځواکونو او طالبانو ترمنځ د ولسوالیو د لاس پر لاس کېدو په لړ کې ولسمشر غني ویلي، چې د یوې امنیتي طرحې پر بنسټ به له درې تر شپږ میاشتو په بهیر کې به د افغانستان وضعیت بدلون ومومي.

د امریکا دفاع وزیر لویډ آسټین ویلي، چې له افغانستان څخه د امریکایي ځواکونو وتل مخ پر بشپړېدو دي او د اګست تر۳۱ به پوره ووځي.

اسوشیټیډ پریس د دفاع وزیر د څرګندونو له مخې څرګنده کړې، چې د امریکا تمرکز به د ترهګرو ډلو پر وړاندې مبارزه وي، نه له طالبانو سره.

آسټین وایي: له افغانستان څخه پر امریکا به د بریدونو له پیلولو څارنه کوي. لکه د سپټمبر یوولسمه، چې پر افغانستان د امریکا تر مشرۍ لاندې د یرغل یوازنی علت و.

آسټین زیاته کړې، زمونږ اصلي هدف دا دی، چې تاوتریخوالی او تروریزم زمونږ هېواد ته له افغانستان څخه صادر نشي او له دې امله به مونږ وکولی شو نه یوازې دا مشاهده کړو، بلکې مخنیوی یې هم وکړو.

پنټاګون ویلي؛ طالبانو ژمنه کړې، چې په افغانستان کې به القاعدې ته پناه نه ورکوي.

آسټین وایي: دوه کاله وروسته به په افغانستان کې القاعده مدغم شي.

جنرال ملي وايي، چې طالبانو تر دې دمه په ټول افغانستان کې ۴۱۹ ولسوالۍ تر خپل کنټرول لاندې راوستې دي.

هغه وايي؛ تر دې دمه ندي توانیدلي، چې د کوم ولایت مرکز ونیسي.

د نوموړي د څرګندونو له مخې؛ په تېرو ۶ ذیا ۱۰ میاشتو کې طالبانو د افغانستان ډېره برخه نیول شوې او داسې برېښي، چې طالبان ستراتیژیک عمل  ترسره کول غواړي.

جنرال ملي وايي، چې په افغانستان کې سیاسي حل امکان لري؛ خو د واک غصب باید هېر نشي.

هغه وایي: فکر نه کوم، چې د لوبې پای لیکل شوی وي.

طالبانو تر دې دمه رسنیو ته څه ندي ویلي.

تازه خبرونه

افغانستان اوس خطر ندی که ( ا.ا ) پخپلو ژمنو ودریږي، امریکا به یې پر رسمیت وپېژني

خپور شوی

په

توسط

(Last Updated On: تله ۵, ۱۴۰۰)

د افغانستان په چارو کې د امریکا پخواني استازي له آریانا نیوز سره په خبرو کې څرګنده کړې؛ افغانستان اوس د امریکا لپاره خطر ندی او که پخپلو ژمنو ودریږي؛ امریکا به یې پررسمیت وپېژني.

د امریکا پخواني ځانګړي استازي په افغانستان کې موخو ته د امریکا د رسېدو په اړه ویلي، چې هېواد یې خپلو ډېرو موخو ته رسېدلې په ځانګړي توګه یوه یې د القاعده ځپل دي. 

هغه وایي: که څه هم القاعده پوره له منځه نده تلې او اوس هم په یوشمېر هېوادونو کې هڅې تر سره کوي؛ خو افغانستان دمګړۍ د امریکا لپاره ګواښ ندی؛ ځکه اسامه بن لادن ووژل شو، ډېر شمېر غړي یې بندیان او یا وژل شوي دي.

دغه راز وایي، چې افغانستان دمګړۍ د امریکا لپاره ګواښ ندی او د شویو ژمنو د پلي کېدو په صورت کې امریکا چمتو ده، چې طالبان (د افغانستان اسلامي امارت) پر رسمیت وپېژني.  

زلمي خلیلزاد دا هم ویلي، چې کابل ته د اسلامي امارت د ځواکونو له ننوتو مخکې هوکړه شوې وه، چې د اسلامي امارت ځواکونه به تر دوه اوونیو کابل ته نه دننه کیږي؛ د حامد کرزي او ډاکټر عبدالله عبدالله په ګډون به یو لوړپوړی پلاوی قطر ته ځي او د ټولمنلي حکومت پر جوړښت به د ا.ا له غړیو سره هوکړه وکړي.

هغه په دې اړه ټینګار کړی، چې له افغانستان څخه د اشرف غني ناڅاپي تېښتې نه یوازې په نظام کې تشه رامنځته کړه، بلکې په سوله ییزه توګه یې د واک لیږد چارې هم ګډوډې کړې او طالبان کابل ته دننه شول.

نوموړی وایي: نړۍ اوس په تمه ده، چې طالبان ( اسلامي امارت) خپلې کړې ژمنې پلې کوي او که نه او که یې عملي او پلې کړي؛ نو د نړۍ او طالبانو( اسلامي امارت ) ترمنځ عادي اړیکې هم خوندي کیږي.

دغه راز خلیلزاد د افغانستان د جمهوریت او امارت تر منځ د سولې خپلمنځي خبرو د ماتې په اړه ویلي، چې پخوانی ولسمشر اشرف غني د نوي حکومت له جوړېدو سره مخالف و او غوښتل یې طالبان ( اسلامي امارت) د ده د حکومت یوه برخه شي.

د یادونې ده، چې هغه خپلو هڅو او ماموریت ته په نغوته کې د امریکایي ځواکونو د وتلو، خپلمنځي خبرو، اوربند او سولې د خوندي کېدو په اړه ویلي؛ د افغانستان خلک به د ده په اړه قضاوت وکړي؛ ځکه پدې اړه یې د سیمې او نړۍ د همغږۍ لپاره هڅې او منډې کړي، چې جګړه ودریږي او ستونزې له سیاسي لارې حل شي.

دا ځای پوره مرکې ته  کېکاږئ   .

Continue Reading

تازه خبرونه

تاجکستان د افغانستان په کورنیو چارو کې لاسوهنه کوي- د ا.ا.ا

خپور شوی

په

توسط

(Last Updated On: تله ۵, ۱۴۰۰)

د افغانستان اسلامي امارت د لومړي وزیر مرستیال ملا عبدالغني برادر د یکشنبې پر ورځ په یوه مرکه کې ویلي، چې تاجکستان د افغانستان په کورنیو چارو کې لاسوهنه کوي.

ملا برادر له الجزیرې تلویزیوني چینل سره په یوه مرکه کې څرګنده کړې: تاجکستان زمونږ په چارو کې لاسوهنه کوي؛ خو د هر عمل لپاره عکس العمل هم شته.

یوه ورځ مخکې  د اسلامي امارت ویاند او د اطلاعاتو او فرهنګ وزارت مرستیال ذبیح الله مجاهد په خپل ټویټ کې څرګنده کړې وه، چې د ا.ا.ا په زرګونه جنګیالي د افغانستان تخار ولایت ته لیږلي، چې له تاجکستان سره ګډه پوله لري.

د مجاهد د څرګندونو له مخې؛ دا کار له امنیتي ګواښونو سره د مبارزې یوه اړتیا ده.

د روانې میاشتې په پیل کې د تاجکستان ولسمشر امام علي رحمان د شانګهای هېوادونو د همکارۍ ټولنې او د ډله ییز امنیت تړون ټولنې په ګډه غونډه کې، چې خبرې یې په افغانستان کې پر وروستیو پرمختګونو راڅرخېدلې؛ د ترهګرو ډلو د احتمالي پراختیا د مخنیوي لپاره د افغانستان پر شاوخوا د “امنیتي کمربند” جوړولو وړاندیز کړی و.

Continue Reading

تازه خبرونه

هېوادونه باید د افغانستان له بې ثباتۍ څخه د ځان په ګټه کار وانخلي – هند

خپور شوی

په

توسط

(Last Updated On: تله ۵, ۱۴۰۰)

د هندې لومړي وزیر نریندرا مودي د ملګرو ملتونو په عمومي غونډه کې ویلي؛ نړۍ باید ډاډ تر لاسه کړي؛ ځکه، چې اوس هم ځينې هېوادونه له ترهګرۍ څخه د وسیلې په توګه کار اخلي.

د ملګرو ملتونو په عمومي غونډه کې د افغانستان پر مسایلو د نړۍ مشرانو د خبرو په لړ کې د هند لومړي وزیر نریندرا مودي ویلي، چې د افغانستان له بې ثباتۍ څخه باید هیڅ هېواد د ځان په ګټه کار وانخلي.

د هند لومړی وزیر نریندرا مودي: دا ډېره اړینه ده، چې نړۍ د افغانستان له خاورې د ترهګرۍ د پراختیا او ترهګریزو بریدونو څخه د کار له نه اخیستنې څخه ډاډ تر لاسه کړي.

مودي په افغانستان کې د روان وضعیت په اړه ویلي؛ ښځې، ماشومان او لږکي بېړنیو مرستو ته اړتیا لري او نړۍ دنده لري، چې هغوی ته مرستې ورسوي.

نوموړي زیاته کړې؛ افغانان، ښځې ماشومان او لږکي بېړنیو مرستو ته اړ دي. مونږ باید خپله دنده پر ځای کړو او له هغوی سره مرسته وکړو.

دغه راز روسیې ویلي، چې تر اوسه هیڅ هېواد د طالبانو د رسمیت پېژندلو په اړه غور ندی کړی.

د ملګرو ملتونو عمومي غونډې ته د روسیې د بهرنیو چارو وزیر سرګي لاوروف په ډاګه کړې، چې نړۍ باید د افغانستان نازک شرایط درک کړي او له دې هېواد سره بشردوستانه مرستې سیاسي نکړي.

نوموړي زیاته کړې؛ په افغانستان، سوریه، لیبیا، یمن او نورو سیمو کې ښکېل بهرنیان باید د دې هېوادونو تمدن او فرهنګ ته په کتو چلند غوره کړي. د بشري مرستو سیاسي کولو پر ځای باید د یوه غښتلي ګډون او مرستو لپاره لاس ورکړو.

دا په داسې حال کې ده، چې د البانیا ولسمشر د ملګرو ملتونو عمومي غونډې ته په خبرو کې ویلي؛ افغانان باید په اوسنیو شرایطو کې یوازې پرینښودل شي او د تېرو شل کلونو لاسته راوړنې باید وساتل شي.

Continue Reading

Trending

آریانا نیوز: ټول حقونه خوندي دي