Connect with us

تازه خبرونه

طالبان د افغانستان اوسنی نظام د اصلاح وړ نه بولي – سرچینې

خپور شوی

 په

(Last Updated On: سلواغه ۱, ۱۳۹۹)

په قطر کې سرچینو ویلي، چې طالبان پربشپړ اسلامي نظام ټینګار کوي او څرګندوي، اوسنی نظام د اصلاح وړ ندی.

د دې سرچینې د څرګندونو له مخې؛ په دوحه کې د سولې خبرو د اجنډا په اړه د طالبانو نه لیوالتیا د سولې خبرو بهیر ډېر ټکنی کړی دی.

په دوحه کې سرچینو زیاته کړې؛ طالبان هڅه کوي له امریکایانو سره د خبرو له لارې خپل پاتې بندیان خوشې کړي او له تور نوملړه دې د دوی نومونو پاک شي.

په دوحه کې د سولې خبرو په بهیر کې مبهم حالت افغانان اندېښمن کړي؛ ځینو سرچینو ویلي، د افغانانو تر منځ د خپلمنځي خبرو له دوه یم پړاو پیلولو وروسته طالبان پر اجنډا د بحث لپاره لیواله ندي.

د جمهوریت پلوي پلاوي د غړیو پر اند په وروستیو ورځو کې د طالبانو د اسلامي نظام غوښتونکي پلاوي لاندې هڅې تر سره کړي:

۱- طالبان د بندیانو پر خلاصون او له تور نوملړه د خپلو مشرانو د نومونو پر ویستو ټینګار کوي؛ خو امریکایانو دا غوښتنه رد کړې او افغان دولت هم له امریکا غوښتي، چې د طالبانو غوښتنه ونه مني.

۲- طالبان په یوه بشپړ اسلامي نظام ټینګار کوي او وایي، چې اوسنی نظام د اصلاح وړ ندی.

۳- داسې ښکاري، چې طالبان په تمه دي امریکایان د جوبایډن د لوړې له مراسمو وروسته ورته څرګنده خبره وکړي.

۴- د ښځینه قاضیانو په ګډون د ملګي وګړیو د وژلو په اړه د طالبانو لید لوری دا دی، چې دا افراد د یوه لاس پوڅي حکومت مزدوران وو او باید ووژل شي او وژنه یې د مخنیوي وړ نده.

د ولسمشر د لومړي مرستیال د مطبوعاتي دفتر غړی سید باقر کاظمي وایي: که طالبان د بې ګناه وګړیو، د مدني ټولنې د غړیو وژنې او ړندو بم اېښودنو لاس وانخلي؛ د دوې د بندیانو د خلاصون مسئله نه، بلکې ژوند یې په اجنډا کې شاملوي.

نوموړي زیاته کړې، چې دولت د خلکو د احساساتو استازیتوب کوي او خلک له مونږ څخه هره شېبه قاطعیت او وضاحت غواړي.

ویل کیږي، چې د دواړو لوریو تر منځ له ناستې وروسته د دولت پلاوي د بیا ځلې ناستې غوښتنه وکړه؛ خو طالبان لیوال ندي. دغه راز د طالب پلاوي او زلمي خلیلزاد تر منځ د ناستې فضا هم ډېره کړکېچنه وه او ښایي د حکومتي پلاوي غړي په راروانو څو ورځو کې خپل ټولیز لید لوری په ډاګه کړي.

تازه خبرونه

افغانستان د درملو له کمښت سره مخ دی

خپور شوی

په

توسط

(Last Updated On: تله ۱, ۱۴۰۰)

رویټرز راپور ورکوي چې افغانستان او د هیواد د تګ راتګ د ګډوډۍ له امله د درملو له کمښت سره مخ دی.

د روغتیا نړیوال سازان ویلي، چې په افغانستان  کې روغتیایي سیستم دړې وړې کېدونکی دی او انساني ناورین به ښایي ژر را منځته شي.

دا ټولنه وایي، چې که په دې برخه کې پام ونشي؛ افغانستان به له انساني ناورین سره ژر مخ شی.

د روغتیا نړیوال سازمان مشر کابل ته په سفر کې څرګنده کړې، چې د ناپېیلتیا د اصولو او د ملګرو ملتونو خپلواکۍ ته په کتو به د میلیونونو افغانانو د ژغورنې لپاره خپلې هڅې روانې وساتي.

د روغتیا نړیوال سازمان وایي، چې د افغانستان روغتیایي سکتور پر بانکونو د بندیزونو د لګېدو له کبله د دړې وړې کېدو له ګواښ سره مخ دی او د یو انساني ناورین شونتیا یې را منځته کړې ده.

د روغتیا نړیوالې ټولنې مشر ټډروس آډهانوم ویلي: د مالي مرستندویانو د ملاتړ کمی په افغانستان کې د روغتیایي پروژو پر وړاندې لویه ستونزه ده. زرګونه روغتیایي مرکزونه بودجه نلري او دا مهال طبي تجهیزاتو ته اړتیا ده او کارکوونکیو ته یې معاش ندی ورکړ شوی، ځینې مرکزونه بند شوي او دا مهال اوولس سلنه روغتیایي مرکزونه فعاله دي.

د کابل بازارونو کې د درملو عمده پلورونکي وایي، چې د پولو تړل کېدو له کبله څلویښت سلنه درمل کم شوي او ناروغانو ته نه رسیږي.

درمل پلورونکی زاهد الله وایي، چې له یوې میاشتې را پدیخوا یې درمل ندي وارد کړي او لامل یې د پولو تړل کېدا ده.

درمل پلورونکی مسیح وایي: ځمکنۍ او هوایي پولې د درملو د واردولو لپاره تړل شوي دي؛ مونږ د درملو له کمښت سره مخ یوو؛ د زړه، فشار او سرطاني ناروغیو درمل نلرو او اوس نه راځي.

د روغتیایي نظام د پاشل کېدو خبرداری په داسې حال کې ورکول کیږي، چې د روغتیا نړیوال سازمان مشر د یوه پلاوي په مشرۍ کابل ته راغلی و.

Continue Reading

تازه خبرونه

پر افغانستان لګول شوي اقتصادي بندیزونه دې پای ته ورسیږي – چین

خپور شوی

په

توسط

(Last Updated On: تله ۱, ۱۴۰۰)

د چین دولتي سلاکار او د بهرنیو چارو وزیر وانګ یي څرګنده کړې، چې پر افغانستان لګول شوي یو اړخیز بندیزونه یا  بېلابېل محدودیتونه باید ژر تر ژره لرې شي.

د چین د بهرنیو چارو وزارت څرګنده کړې، چې وانګ د چارشنبې پر ورځ د افغانستان په اړه د جي ـ۲۰ هېوادونو د بهرنیو چارو وزیرانو په ویډیوي ناسته کې پر افغانستان د لګول شويو اقتصادي بندیزونو د لرې کولوغوښتنه کړې ده.

نوموړي ویلي: د افغانستان د اسعارو او پیسو زیرمه د دې هېواد ملي شتمنۍ ده، چې د همدغه خلک باید باید ورته لاسرسی ولري او باید پر افغانستان او افغانانو د سیاسي فشار د رامنځته کولو لپاره ونکارول شي.

دا په داسې حال کې ده، چې د افغانستان اسلامي امارت یوه ویاند ویلي؛ د چین، روسیې او پاکستان استازیو کابل ته په یوځایي سفر کې له چارواکو سره لیدلي؛ د حکومت پر رسمیت پېژندل او د افغانستان اقتصادي بحران مخنیوی یې د بحث او خبرو سرټکي وه.

Continue Reading

تازه خبرونه

“اسلامي امارت” دې ترهګرو ته د امن ځالو جوړولو اجازه نه ورکوي – بریټانیا

خپور شوی

په

توسط

(Last Updated On: تله ۱, ۱۴۰۰)

بریټانې د افغانستان له اسلامي امارت غوښتي، چې په افغانستان کې دې ترهګرو ته د امن ځالو جوړولو اجازه نه ورکوي.

د افغانستان پر روانو حالاتو د ملګرو ملتونو د غونډې په درشل کې د بریتانیا لومړي وزیر بوریس جانسن ویلي، چې له افغانستان سره د دې هېواد مرستې له دې سره تړلي، چې دا هېواد له ترهګرۍ سره څه ډول مبارزه کوي. 

نوموړي زیاته کړې: په کابل کې نویو چارواکو ته ووايئ، چې تاسې پيسې غواړئ او مونږ له تاسو سره همکاري کوو؛ خو، چې افغانستان بیا د ترهګرو د روزنې پر مرکز بدل نشي.

دغه راز د پاکستان لومړي وزیر عمران خان هم ویلي، چې د نړۍ له نورو هېوادونو سره یو ځای به د افغانستان د نوي حکومت د رسمیت پېژندلو په اړه پرېکړه وکړي.

نوموړي زیاته کړې: آیا طالبان به ټولګډونه حکومت جوړ کړي، بشري حقونه به رعایت کړي او یا دا، چې دا هېواد بیا د تروریزم پر مرکز بدل نشي. دا هغه څه دي، چې ټول ګاونډيان یې په اړه اندېښنه لري.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په دې اړه ويلي؛ دولت له نړیوالې ټولنې سره د اړیکو پراخولو ته لیواله دی او له نړۍ سره داسې اړیکې غواړي، چې د افغانستان ملي ګټې په خطر کې ونه لویږي.

د اسلامي امارت ویاند ذبیح الله مجاهد وایي: تر هغه ځایه، چې د اسلامي امارت سره تړاو لري؛ مونږ پرمختللې بهرنیو اړیکو ته ژمن یو، مونږ غواړو، چې ښې او مثبتې اړیکې ولرو. مونږ غواړو، چې ښې   ډیپلوماټیکې او بې پرې اقتصادي رامنځته کړو.

د یادونې ده، چې د خلکو او هېواد کمزوری اقتصاد، حکومتداري او له نړیوالو سره د اړیکو جوړول هغه ستونزې دي، چې اوس ور سره اسلامي امارت مخ دی او د حل لپاره یې هڅې کوي.

Continue Reading

Trending

آریانا نیوز: ټول حقونه خوندي دي