Connect with us

تازه خبرونه

طالبان دې له اوسني حکومت سره د واک پر وېش هوکړه وکړي – حامد کرزی

خپور شوی

 په

(Last Updated On: وری ۱۷, ۱۴۰۰)

پخواني ولسمشر حامد کرزي ویلي؛ په افغانستان کې د سولې غوره لار دا ده، چې طالبان له اوسني حکومت سره د واک پر وېش هوکړه وکړي.

د افغان سولې لپاره د سیمې او نړۍ د هڅو په درشل کې پخواني افغان ولسمشر حامد کرزي له یوه ترکي ټلویزیون سره په خبرو کې ویلي، چې طالبان باید له اوسني حکومت سره د واک پر وېش هوکړه وکړي. حامد کرزی له طالبانو غوښتي، چې ولسمشر اشرف غني ته فرصت ورکړي، چې د قانون له مخې خپله پېنځه کلنه دوره بشپړه کړي.

حامد کرزي د ترکیې ټي آر ټي ټلویزیون ته څرګنده کړې؛ غوره دا ده، چې طالبان له اوسني حکومت سره د واک پر وېشلو هوکړه وکړي. ساده لاردا ده، چې طالبان په واک کې شریک شي او د نورو افغانانو په څير سوله ییز ژوند غوره کړي او ولسمشر غني د کاري دورې تر پایه د ولسمشر په توګه ومني.

کرزي ویلي، چې که طالبان دا وړاندیزونه ونه مني په بل هر ډول جوړجاړي کې به د چا خیر نه وي.

حامد کرزي ډاډ څرګند کړې،  چې ترکیه به ټول کارونه بشپړ کړي او د استانبول غونډې د بریا چانس به هم یقیني کړي.

پخواني ولسمشر کرزی په ډاګه کړې، چې له مې میاشتې وروسته په افغانستان کې د امریکايي سرتېرو پاتې کیدل یا وتل باید مسوولانه وي.

امریکا ویلي، چې په ټاکل شوی وخت  کې د سرتېرو ستنول له لوژیستیکي او تخنکي پلوه ستونزمن دي.

د سپینې ماڼۍ ویاندې جان ساکي وایي: لکه څنګه، چې ولسمشر ویلي؛ د می پر لومړۍ له افغانستان څخه د سرتېرو ایستل له تخنیکي او لوژیستیکي پلوه ستونزمن کار دي. هغه د امنیت شوری له سلاکار او ملګرو سره په خبرو بوخت دی، چې په دې اړه پرېکړه به ډېر وخت ونیسي.

نوموړې ویلي: مونږ غواړو د خبرو له لارې داسې هوکړه ووینو، چې جګړه پای ته ورسوي. مونږ او بهرنیو چارو وزارت له مذاکره کوونکیو سره دا موضوع کلکه نیولي ده. دوی هم هڅه کوي، چې ښکېلې خواوې پر فشار ډیپلوماټیک حل ته راولي.

د روسیې  بهرنیو چارو زیر سرګی لاورووف هند ته تللی او او له هندي چارواکو سره د افغانستان په سوله کې د هند پر ونډه غږیدلی دی.

په افغان سوله کې یې د هند ونډه مهمه بللې او څرګندوي، چې مسکو د افغانستان د سولې بهیر په اړه د نورو ناستو کوربتوب ته هم چمتو دی.

د روسیې د بهرنیو چارو وزیر سرگي لاوروف وایي: مونږ د مسکو د غونډې چوکاټ د بهرنیو ښکېلو خواوو د کښېنولو لپاره مهم بولو. مونږ څو وارې دا لوري را غونډ کړل. اوس هم چمتو یو، چې د سلا مشورو لپاره دا غونډې روانې وساتو.

د هند د بهرنیو چارو وزیر جی شنکرویلي؛ د افغانانو په ټولګډونه هڅه کې باید داسې سیاسي حل ته لار اوره شي، چې افغانستان پر حاکمیت لرونکي او ډیموکراټ هېواد بدل کړي.

ټاکل شوې، چې د وري پر ۲۷ او د اپریل پر شپاړسمه د ترکیې په استانبول کې د ملګرو ملتونو پر مدیریت د افغانانو د سولې ناسته ترسره شي او د افغانستان د روان کړکیچ حللاره را وباسي.

تازه خبرونه

د یوناما مشرۍ د کورنیو چارو له چارسمبالي څخه د ورکو شویو ښځو په اړه څېړنه غوښتې

خپور شوی

په

توسط

(Last Updated On: سلواغه ۵, ۱۴۰۰)

په افغانستان کې د ملګرو ملتونو مرستندویه پلاوي (یوناما) د اسلامي امارت له مشرتابه غوښتي، چې د ورکو شویو ښځینه هڅاندو موضوع وڅېړي او خلاصون یې ډاډمن کړي.

د افغانستان لپاره د ملګرو ملتونو د سرمنشي ځانګړې استازې ډیبرا لاینز په دې اړه د کورنیو چارو له چارسمبالي سراج الدین حقاني سره لیدلي دي.

یوناما ټویټ کړی، چې: هغې د طالبانو (اسلامي امارت) له مشرتابه د ورکو شویو ښځینه هڅاندو موضوع وڅېړي، چې د راپورونو له مخې تېره اوونۍ له خپلو کورونو څخه تښتول شوي؛ وڅېړي او خوندیتوب یې ډاډه کړي.

د راپورونو له مخې؛ تمنا زریاب پرواني او د هغې درې خویندې او پروانه ابراهیم خېل، چې د اسلامي امارت ضد مظاهرو کې یې برخه اخیستې وه، له خپلو کورونو نیول شوې دي.

د کورنیو چارو وزارت هم ټویټ کړی، چې د دې وزارت چارسمبالي د افغانستان لپاره د ملګرو ملتونو د سرمنشي له ځانګړي استازې سره کتلي دي.

د کورنیو چارو وزارت وايي؛ میرمن ډیبرا لاینز په افغانستان کې د اسلامي امارت د ځواکونو لخوا د ملګرو ملتونو د بنسټونو له امنیته ډاډ څرګند کړی دی.

هغې ویلي، نړیواله ټولنه قانع ده، چې مونږ باید له افغانانو سره د فقر په له منځه وړلو کې مرسته وکړو.

د یادونې، چې د اسلامي امارت د څرګندونو له مخې؛ دوشنبې پر ورځ د سلواغې پر څلورمه په مزارشریف ښار کې ۴۰ هېوادوال په داسې حال کې ونیول شول، چې په ناقانونه توګه یې غوښتل د هوا له لارې بهر ته ووځي.

Continue Reading

تازه خبرونه

په بلخ ولایت کې ۴۰ کسان بهبر ته د ناقانونه وتلو پر تور ونیول شول

خپور شوی

په

توسط

(Last Updated On: سلواغه ۵, ۱۴۰۰)

د افغانستان اسلامي امارت څرګنده کړې، چې ۴۰ کسان يې په ناقانونه توګه له هېواده د وتلو په حال کې نيولي دي.

د اسلامي امارت د ویاند مرستیال انعام الله سمنګاني ټوېټ کړی، چې د دوشنبې پر ورځ د سلواغې پر ۴ ۴۰ هېوادوال په داسې حال کې ونیول شول، چې په ناقانونه توګه یې غوښتل د هوا له لارې بهر ته ووځي.

انعام الله سمنګاني زیاته کړې: يو شمېر يې له پوښتنو وروسته خوشي شوي؛ خو هغه میرمنې، چې وارثان يې حاضر شوي ندي اوس هم د ښځو په توقيف خونه کې ساتل کېږي.

په دې اړه نور جزئیات ورکړ شوي ندي.

ځینو سرچینو بي بي سي ته څرګنده کړې، چې اسلامي امارت په مزارشریف ښار کې له یوه کوره دوه ورځې مخې د ۱۶ ښځینه هڅاندو په ګډون لسګونه کسان نیولي دي.

سرچینې دا هم ویلي، چې دا کور د امريکايانو له لوري کرايه شوى و او په کې ښځينه فعالانې او هغه زيانمنونکي وګړي اوسېدل، چې ټاکل شوې وه له دې ځايه بهر ته ولېږدول شي.

دا په داسې حال کې ده، چې د ملګرو ملتونو استازې ډیبرا لاینز د اسلامي امارت له کورنیو چارو وزارت له چارسمبالي سراج الدین حقاني سره په لیدنه کې د هغو ښځو د نیول کېدو په اړه د څېړنې غوښتنه کړې، چې د راپورونو له مخې تېره اوونۍ له خپلو کورونو نیول شوې دي.

Continue Reading

تازه خبرونه

بیات بنیاد د پروان له سلګونه اړمنو کورنیو سره دخوراکي توکو مرسته وکړه

خپور شوی

په

توسط

(Last Updated On: سلواغه ۴, ۱۴۰۰)

د بیات بنیاد د خوراکي توکو ژمنۍ مرستې دا ځل په پروان ولایت کې سلګونه اړمنو کورنیو ته له کړې سروې وروسته ووېشل شوې.

د بیات بنیاد د مسوولینو په خبره؛ دا مرستې، چې اوړه، غوړي او وریجې په کې دي له سروې وروسته پر مستحقو او بېوزله کورنیو ووېشل شوې.

دې خیریه بنسټ تر دامهاله د هېواد پېنځه ویشت ولایتونو ته ژمنۍ مرستې رسولي او په پام کې ده، چې د دې مرستو لړۍ نورو ولایتونو ته هم وغزول شي.

د بیات بنیاد مرستیال حاجي محمد اسماعیل خان ویلي: د بیات بنیاد ژمنۍ مرستېهر کال پر اړمنو کورنیو وېشل کیږي. نن مو له یو شمېر ولایتونو وروست خپلې مرستې پروان ولایت ته رالېږدولي او له مخکې سروې شویو مستحقینو ته به ووېشل شي. په دې خوراکي توکو که اوړه، وریجې او غوړي شته، چې ان شاالله په پاتې نورو ولایتونو کې به هم پر اړمنو کورنیو ووېشل شي.

هغه کسان، چې دا مرستې یې ترلاسه کړي وايي، دا مرستې د ژمي په روانو ستونزمنو شپو او ورځو کې پوره غنیمت دی.

د پروان ولایت مرسته شوی اړمن څرګندوي: د دې لپلاره، چې هوا سړه او د توکو بیې هم لوړې دي؛ نو دا مرسته دېره اغېزمنه ده.

یو بل مرسته شویي هېوادوال ویلي؛ مونږ له بیات بنیاد مننه کوو؛ دغه مرستې په اړین وخت کې ووېشل شوې.

دوی له نورو خیریه بنسټونو هم وغوښتل، چې له اړمنو خلکو سره باید دا مرستې روانې وساتل شي.

د بیات بنیاد مسوولینو ويلي، چې د خپلو مرستو لمن به د هېواد نورو ولایتونو ته هم پراخه کړي.

د یادونې وړ ده، چې بیات خیریه بنسټ تر دې دمه خپلې مرستې د هېواد له ۲۵ حخه د ډېرو ولایتونو اړمنو کورنیو ته رسولي او دا لړۍ اوس هم روانه ده.

Continue Reading

Trending

Copyright © 2022 Ariana News. All rights reserved!