Connect with us

تازه خبرونه

طالبان تر اختره د حکومت پاتې بندیان هم خوشې کوي

Ariana News

خپور شوی

 په

(Last Updated On: زمری ۹, ۱۳۹۹)

 

طالبانو ویلي، چې  له هوکړې  سم به د ۱۰۰۰ حکومتي بندینو پاتې کسان هم ژر خوشې شي.

د طالبانو د سیاسي دفتر ویاند، سهیل شاهین ویلي، طالب مشر د لوی اختر په مناسبت د حکومتي بندیانو د خوشې کیدو امر کړی، چې د اختر تر لومړۍ ورځې به د حکومتي بندیانو ۱۰۰۰ کسان پوره شي.

نوموړي له افغان حکومت هم غوښتي، چې د ورسپارل شوي ۵۰۰۰ کسیز نوملړله مخې پاتې بندیان هم خوشې کړي، له اختر وروسته خپلمنځي خبرې پیل شي.

دغه راز تېره ورځ طالبانو په بغلان او لوګر ولایتونو کې د ۲۸ دولتي بندیانو له خوشې کیدو خبرداری ورکړی دی.

د بندیانو د تبادلې بهیر هغه مهال له خنډ، خنډ او ننګونې سره مخ شو، چې حکومت پاتې ۶۰۰ بندیان خطرناک اعلان کړل  او د هغو خوشې کول یې ناشونې وګڼل؛ خو د دې اوونۍ په پیل کې ولسمشر اشرف غني د سام هېوادونو یوې ویدیوي ناستې ته ډاډ څرګند کړ، چې حکومت به ټول ۵۰۰۰ طالب بندیان خوشې کړي.

ولسمشرغني زیاته کړې: له دې اقدام سره مونږ تمه لرو، چې له طالبانو سره مستقیمې خبرې د یوې اوونۍ په دننه کې پیل شي.

اشرف غني په دې ناسته کې له طالبانو څخه د دایمي او هر اړخيز اوربند غوښتنه وکړه او وروسته بیا طالبانو د اختر په ویاړ درې ورځني اوربند اعلان کړ، چې د حکومت له هرکلي سره مخ شو او ولسمشر اشرف غني د اختر اوربند ته ژمنتیا د راتلونکیو ګامونو د پورته کولو لپاره یو ښه زیری وګاڼه.

حکومت او طالبانو له اوربندع هرکلی کړی او دواړو خواوو خپلو ځواکونو ته امر کړی، چې له اوربند ملاتړ وکړي او خپل هر راز عملیات ودروي.

تازه خبرونه

داکتر عبدالله پاکستان ته د اړیکو د نوي فصل د پرانستې په نیت سفر کړی

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله نن دوشنبه سهار وختي اسلام اباد ته د خپل درې ورځني سفر پر مهال ویلي، چې په دې سفر کې به د افغانستان او پاکستان لپاره یو نوی څپرکی پرانستل شي او له پاکستاني چارواکو سره به د افغانانو ترمنځ د خبرو اترو په اړه هم نظرونه تبادله کړي.

عبدالله عبدالله په یوه تویت کې څرګنده کړې: زه هیله من یم، چې دا لیدنه به په ټولو برخو کې د متقابلې همکارۍ نوی څپرکی پرانیزي او په ځانګړي توګه به په افغانستان کې تلپاتې او له درناوي ډکې سولې ته زمینه برابره کړي.

هغه دا هم منلې، چې د دوشنبې پر ورځ يې د یو لوړپوړي پلاوي په ملتیا اسلام آباد ته درې ورځنی سفر کړی دی.

عبدالله په ډاګه کړې، چې هغه به د پاکستان له لومړي وزیر عمران خان، ولسمشر عارف علوي ، د مشرانو جرګې مشر، د ملي شورا مشر، د بهرنیو چارو وزیر او نورو شخصیتونو سره وویني.

د پاکستان د بهرنیو چارو وزارت د یکشنبې پر ورځ څرګنده کړې وه، چې عبدالله به په اسلام آباد کې د ستراتیژیکو مطالعاتو انستیتوت ته یو هر اړخیزه یادونه هم وړاندې کړي.

دا له ۲۰۰۸ زېږدیز کال راپدیخوا پاکستان ته د عبدالله عبدالله لومړی سفر دی.

د پاکستان د بهرنیو چارو وزارت ویلي؛ دا لیدنه به نه یوازې د افغانستان د سولې بهیر او د پاکستان – افغانستان دوه اړخیزې اړیکې پیاوړې کړي، بلکې د خلکو تر منځ د اړیکو پیاوړتیا او لیدنو ته به هم زمینه برابره کړي.

پاکستان له افغانستان سره د ورورۍ اړیکو ته ډېر ارزښت ورکوي؛ ځکه، چې  ګډه تاریخ، عقیده، فرهنګ، ارزښتونه او دودونه لرو.

د دوی د څرګندونو له مخې؛ پاکستان د افغانانو د سولې، ثبات او هوساینې لپاره له هر راز هڅو بشپړ ملاتړ کوي. د داکتر عبدالله عبدالله لیدنه به د دواړو هېوادونو تر منځ اړیکې، ورورګلوي او نږدې همکاري نوره هم  پیاوړې او ورسره مرسته وکړي.

Continue Reading

تازه خبرونه

عبدالله عبدالله د سولې خبرو د پیاوړتیا لپاره پاکستان ته سفر کوي

Ariana News

خپور شوی

په

توسط

(Last Updated On: تله ۶, ۱۳۹۹)

ټاکل شوې، چې سبا د ملي پخلاینې عالي شورا د مشر عبدالله عبدالله په مشرۍ دوه پنځوس کسیز پلاوی د پاکستان پلازمېنې اسلام آباد ته سفر وکړي.

د ملي پخلاینې عالي شورا مشر د سپتمبر پر اته ویشتمه اسلام آباد ته ځي او ټاکل شوې، چې د خپلمنځي خبرو په اړه د پاکستان له لومړي وزیر عمران سره خبرې وکړي.

په پام کې ده، چې عبدالله عبدالله به د پاکستان له لوی درستیز سره د سولې خبرو پر پیاوړتیا هم وغږیږي.

ځينې د نظر خاوندانو ويلي، چې پاکستان کولی شي پر طالبان فشار راوړي او په خپلمنځی خبرو کې رامنځته شوې ستونزه حل کړي.

د ملي پخلاینې عالي شورا ویاند فریدون خوځون څرګنده کړې، چې له عبدالله عبدالله سره د هغه د دوه مرستیالانو په ګډون دوه پنځوس کسیز پلاوی هم ملتیا کوي.

د سولې په چارو کې د دولت وزیره فرخنده زهرا نادري، سید اسحاق ګیلاني، مصطفی مستور هم د دغه پلاوي غړي دي او محمد معصوم ستانکزی او محمد ناطقي به له قطر څخه په اسلام آباد کې له دغه پلاوي سره مل شي.

د نظر ځينې خاوندان په دې باور دي، چې که پاکستان پر طالبانو فشار راوړي؛ کیدای شي په خپلمنځي خبرو کې رامنځته شوې ستونزې حل شي.

دا په داسې حال کې ده، چې ولسمشر غني د شنبې پر ورځ له عمران سره په خبرو کې پر اوربند ټینګار کړی او هغه ته یې د کابل د سفر بلنه ورکړې او دا غوښتنه منل شوې ده.

Continue Reading

تازه خبرونه

د سروبي ولسوالۍ سیلاب ځپلیو ته د بیات بنیاد مرستې ووېشل شوې

Ariana News

خپور شوی

په

توسط

(Last Updated On: تله ۷, ۱۳۹۹)

د بیات بنیاد مرستې د کابل ولایت د سروبي ولسوالۍ پر سیلاب ځپلیو او د جګړې پر بې ځایه شویو ووېشل شوې.

بیات بنیاد د وروستیو سیلابونو له زیانمنو شویو سره د مرستو په لړ کې له پروان او میدان وردګ وروسته د کابل سروبي ولسوالۍ ته هم مرستې ورسولې.

په دې مرستو کې اوړه، غوړي، وریځې او مکروني شامل دي.

د بیات بنیاد مرستیال حاجي اسماعیل ویلي، دا ډول مرستې به د نورو ولایتونو اړمنو کورنیو ته هم ووېشل شي.

د دې بنسټ د مسوولینو د څرګندونو له مخې؛ په دې مرستو کې وریځې، غوړي، مکروني او اوړه شامل دي.

د سروبي ولسوال شاه محمود ابراهیم خېل اړمنو کورنیو ته د دې مرستو پر وېش خوښي وښوده او له نورو خیریه بنسټونو یې هم غوښتنه وکړه، چې زیانمنو شویو کورنیو سره مرستې وکړي.

سروبي د کابل ناامنه ولسوالۍ ده، چې په وروستۍ میاشت کې دغلته سیلابونو او بې رحمې جګړو ډېرې کورنۍ زیانمنې کړي دي.

 د کابل د سروبي ولسوالۍ اوسېدونکې خسته ګل، چې دا مرستې تر لاسه کړي، له بیات بنیاد مننه کوي او غواړي، چې نور بنسټونه هم ور سره  مرستې وکړي.

له څه باندې یوې نیمې لسیزې راپدیخوا بیات بنیاد د هېواد په ګوټ – ګوټ کې پر اړو او زیانمنو کورنیو مرستې وېشي او د طبیعي آفتونو د زیانمنو شویو لاس نیوی یې ستر ماموریت دی.

 

Continue Reading
Advertisement

Trending