Connect with us

تازه خبرونه

طالبان باید په جمهوري نظام کې را ګډ او خپلې سیاسي موخې وپالي- اشرف غني

Ariana News

خپور شوی

 په

(Last Updated On: July 10, 2020)

افغان ولسمشر اشرف غني، چې د افغان سولې لپاره د نړیوالې اجماع په اړه په ویدیوي کنفرانس کې خبرې کولې یو ځل بیا یې وویل؛ طالبانو باید د ولسمشریزو او پارلماني ټاکنو له لارې خپلې سیاسي موخې وپالي.

د افغان حکومت پر کوربتوب د سولې او خپلمنځي خبرو د اجماع دوه یمه نړیواله غونډه؛ د ناتو، ملګرو ملتونو، اروپايي ټولنې او د نړۍ د نږدې ۱۹ هېوادونو، د استازیو په ګډون د ویدیو کنفرانس له لارې په ارګ کې جوړه شوه.

ولسمشر دغې ویدیوي غونډې ته د خبرو پرمهال وویل، چې طالبان باید په جمهوري نظام کې را ګډ او خپلې سیاسي موخې وپالي.

 ولسمشر زیاته کړې، چې د سولې هدفمندې پروسې ته د رسیدو لپاره د نړیوالو مشورو او ملاتړ ته اړتیا لري.

د افغانستان د ملي پخلاینې عالي شورا مشر د بندیانو د تبادلې پر وروستي کولو ټینګار کړی او وایي، چې په دې اړه هڅې روانې دي.

د ملي پخلاینې عالي شورا مشر عبدالله عبدالله هم دغې غونډې ته څرګنده ګړې، چې د ۵۰۰۰ طالب بندیانو له خوشې کیدو یوه اوونۍ وروسته به په قطر کې د افغانانو خپلمنځي خبرې پیل شي.

هغه پوره ټینګار کړی، چې د خبرو لومړۍ اجندا به اوربند وي.

عبدالله عبدالله ویلي، چې د سولې د خبرو په لومړۍ غونډه کې به پر اوربند خبرې وشي او نور مهم موضوعات به هم یو په بل پسې مطرح پر اختلافي ټکو به خبرې را وڅرخي.

نوموړي په پوره ډاډ څرګنده کړې: مونږ باید د طالبانو پر ژمنه ډاډه شو، چې نه یوازې د تاوتریخوالي کمول مهم دي، بلکې د سولې د خبرو د پیلېدو لپاره اوربند په‌کار دی او د سولې په خبرو کې به هم زمونږ لومړۍ خبره د اوربند په اړه وي.

په قطر کې د طالبانو د سیاسي دفتر ویاند سهیل شاهین ويلي؛ افغان حکومت د طالب زندانیانو نه خوشې کولو ته پلمې لټوي، چې په باور یې دغې چارې د افغانانو خپلمنځي خبرې ځنډنۍ کړي دي.

شاهین زیاته کړې؛ لږ شمېر طالب بندیان پاتې دي، چې له خوشې کیدو سره به یې پېنځه زره شمېر بشپړ شي.

په قطر کې د طالبانو د سیاسي دفتر ویاند سهیل شاهین وایي: هغو د څلورزره بندیانو له خوشې کیدو خبرې کوي؛ خو مونږ وایو، چې له درې زره ډېر. که دوی دا زرګونه بندیان له بنده همغه مهال خوشي کړي وای اوس به خپلمنځی خبرې هم پیل وای.

افغان حکومت د نړیوالې اجماع په یاده غونډه کې د طالبانو لخوا د تاوتریخوالي پر زیاتولو نیوکه کړې؛ خو د طالبانو سیاسي دفتر وايي، چې په لویو ښارونو، پوځي اډو یې ډله ییز بریدونه درولي دي.

سهیل شاهین په دې اړه وايي؛ جګړه هغه وخت نښلي، چې افغان حکومت په د دوی تر واکمنۍ لاندې سیمو کې د پوستو جوړول او اکمالات پیل کړي.

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

تازه خبرونه

د دوحې تړون د سولې پر ځای افغانان له ترهګرۍ او وحشت سره مخ کړي ـ د ملي امنیت شورا

Ariana News

خپور شوی

په

توسط

(Last Updated On: March 1, 2021)

د افغانستان ملي امنیت شورا ویاند تېره ورځ ویلي؛ د امریکا او طالبانو ترمنځ تړون، چې تېر کال د قطر په دوحه کې لاسلیک شوی؛ افغانانو ته د سولې او اوربند پر ځای امریکا او طالبانو ته سوله او اوربند تضمین کړی دی.

د ملي امنیت شورا ویاند رحمت الله اندړ په خپل یوه ټویټ کې څرګنده کړې؛ افغانانو، چې د دوحې له هوکړه ليکه د سولې او امنيت اړوند کوم توقعات لرل هغه یې تر لاسه کړي ندي.  

د نوموړي د څرګندونو له مخې؛ دغه تړون تر اوسه پورې يوازې له امریکا سره اوربند يقيني کړی، له افغانانو سره اوس هم د طالب رابطه يوازې تر قتل، غارت، ترور او وحشت محدوده ده.

رحمت الله اندړ یاد تړون عملي نه بولي او په دې اړه څرګندوي: اوس هم په دې تړون کې د افغانانو لپاره د هيله مندۍ څه نشته او د خپلمنځي خبرو بهیر هم د طالبانو له لاسه ټکنۍ شوی دی.

رحمت الله اندړ ویلي؛ که د دوحې تړون ته د افغانانو له لیدلوري وکتل شي، د سولې په تمه وخت ضایع شوی، افغانانو ته درانده ځاني او مالي زیانونه اوښتي او په ټوله کې افغانستان ویجاړ شوی دی.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

د لاسلیک شوي تړون له مخې؛ د ناټو او امریکا ټول بهرني سرتېري د می پر لومړۍ نېټه له هېواده وځي؛ خو ناټو او افغان حکومت د سولې تر راتلو د ځواکونو پر پاتې کیدوټینګار څرګندوي.

دا په داسې حال کې ده، چې طالبانو د یکشنبې پر ورځ د امریکا او طالبانو تر منځ د تړون د لومړۍ کلیزې په ویاړ له امریکا غوښتي، چې په تړون کې له ژمنې سره سم ګامونه پورته کړي او که نه د د سولې بهیر به زیانمن کړي.

Continue Reading

Trending

آریانا نیوز: ټول حقونه خوندي دي