Connect with us

تازه خبرونه

طالبان باید افغان وژنه ودروي – ملي امنیت شورا

خپور شوی

 په

(Last Updated On: غویی ۱۴, ۱۳۹۹)

د افغانستان د ملي امنیت شورا ویلي، چې طالبان باید د تاوتریخوالي د کمولو لپاره له بهرنیو هېوادونو سره هوکړې ته په تمه نه وي او اوربند ومني.

د افغانستان حکومت که څه هم وایي، چې د طالبانو لخوا ډېر خوشي شوي بندیان ملکیان دي؛ خو د د دغو بندیانو له خوشي کولو هرکلی کوي او څرګندوي، چې د افغانستان حکومت به په راتلونکیو ورځو کې هم ۹۵۰ بندیان خوشي کړي.

هغه د بندیانو خوشي کول او د تاوتریخوالي کمول د بین الافغاني خبرو د پيل او سراسري اوربند لنډه لار بولي او له طالبانو غواړي، چې دې بهیر ته چټکتیا ورکړي.

د ملي امنیت شورا ویاند جاوید فیصل وایي، چې طالبان باید د تاوتریخوالي د کمولو لپاره له بهرنیو هېوادونو سره هوکړې ته په تمه نه وي.

داسې ښکاري، چې د څو مهمو قومندانانو په خوشي کولو د دغې ډلې غوښتنه اوس هم پرځای ده. هغه غوښتنه، چې طالبانو ته د نږدې سرچینو پر وینا نه خوشي کیدل به یې تاوتریخوالی ډېر کړي.

د افغانستان د سولې مرکز رییس خلیل ساپی څرګندوي؛ د طالب بندیانو نه خوشې کیدل د سولې خنډ دی او جګړه به ورسره توده شي.     

د افغانستا د سولې امریکایي استازي زلمي خلیلزاد په پرلپسې ټویټ پیغامونو کې په ډاګه کويو چې ملکیان تراوسه هم د جګړې قرباني ورکوي او ټول لوري باید ژر تر ژره تاوتریخوالی کم کړي.

خلیلزاد له حکومت او طالبانو غواړي، چې بین الافغاني خبرو ته د تلو او دایمي اوربند په موخه د بندیانو خوشي کول چټک کړي.

د نوموړي د څرګندونو له مخې؛ ملکیان تراوسه هم د چاودنو، ترورونو او د دوامداره جګړې له نورو ستونزو ځوریږي. د ملکیانو د ساتنې په موخه ټول لوري باید همدا اوس باید تاوتریخوالی پای ته ورسوي. طالبان او دولت باید دواړه هڅه وکړي، چې د بندیانو خوشې کول چټتک او تاوتریخوالی راکم کړي. دا د بین الافغاني مذاکراتو او هر اړخیز دایمي اوربند لپاره چټکه وسیله ده.

 

پخوانی طالب قومندان سید اکبر آغا ویلي؛ غوره دا ده، چې باور رامنځته شي او په خپلمنځي ناسته کې پر اوربند خبرې وشي.                   

تراوسه حکومت د طالبانو ۵۵۰ بندیان او طالبانو په حکومت پورې تړلي ۱۱۲ بندیان خوشي کړي دي.  که څه هم په پام کې وه، چې د سولې هوکړې له لاسلیک وروسته د ۱۰ میاشتو په بهیر کې پېنځه زره طالب بندیان د ۱۰۰۰ دولتي بندیانو په بدل کې خوشي شي؛ خو دا بهیر ټکنی پرمخ ځي او له همدې کبله د بین الافغاني خبرو د پيل خبره هم تته شوې ده.

تازه خبرونه

خصوصي سکتور به د هېواد په اقتصادي وده کې کارنده ونډه ولري

خپور شوی

په

توسط

(Last Updated On: تله ۲, ۱۴۰۰)

اسلامي امارت د صنعت او سوداګرۍ وزارت ته نوی چارسمبالی له سوداګرو غوره کړی دی.

نن پنجشنبه د تلې پر لومړۍ په یو لړ مراسمو کې د صنعت او سوداګرۍ وزارت نوی چارسمبالی معرفي شو.

د بهرنیو چاروزارت مسوولین وايي؛ ژر به د سیمې له هېوادونو سره د افغانستان اقتصادي اړیکي تنظیم او له دې سره به په سیمه ییزه کچه د اقتصادي فعالیتونو مثبته اغېزه رامنځته شي.

د افغانستان د بهرنیو چارو وزارت چارسمبالي امیرخان متقي ویلي: مونږ د خصوصي سکتور د اقتصادي فعالیتونو د ښه تر سره کولو لپاره د صنعت او سوداګرۍ وزیر له خصوصي سکتوره غوره کړ. هیله ده، چي خصوصي سکتور هم د هېواد په اقتصادي وده کې کارنده ونډه ولري.

د صنعت او سوداګرۍ وزارت چارسمبالی ويلي؛ هڅه به وکړي، چې د هېواد د اقتصادي بسیاینې لپاره په سیمه ییزه او نړیواله کچه اقتصادي اړیکې پراخې کړي.

د صنعت او سوداګرۍ وزارت چارسمبالی نورالدین عزیز وایي: زمونږ هڅه دا ده، چې افغانستان بسیا او اقتصادي ستونزې یې اوارې شي؛ له سیمي او ګاونډ هېوادونو سره په ځانګړي توګه له امریکا، انګلستان، متحده عربي اماراتو او یو شمېر نورو هېوادونو سره دوه اړخیزو اړیکي وپالل شي.

خصوصي سکتور د هېواد د اقتصادي پراختیا لپاره د خپل نظام او ولس ترڅنګ دریدو ته چمتووالی ښودلی او ژمنه کوي، چې په هېواد کې به د پانګونې بهیر او د اقتصادي فعالیتونو د پراختیا په اړه باوري ګامونه واخلي.

د خصوصي سکتور د خونو فډراسیون مرستیال خانجان الکوزی وایي: د اقتصادي پراختیا لپاره امنیت خورامهم دی او له فساد سره مبارزې هم تر ډېره دا ستونزه حل کړې او مونږ به خپل فعالیتونه نور هم پراخه کړو.

د صنایعو او کانونو خونې مشر شېرباز کمین زاده ویلي: تر هغې، چې مونږ په هېواد کې د صنعت او کورني تولید د پراختیا لپاره هڅې ګړندۍ نکړو؛ ښايي اقتصادي پراختیا رامنځته نشي. له اسلامي امارت هم غواړو، چې د کورنيو تولیداتو د پراختیا لپاره هڅې تر سره کړي.

د افغانستان د اسلامي امارت مسوولینو د خصوصي سکتور غړیو ته ډاډ ورکړی، چې د کورنيو پانګوالو د امنیت، خوندیتوب او دوی ته د اقتصادي فعالیتونو لپاره ډاډمنه زمینه برابره کړي.

Continue Reading

تازه خبرونه

افغانستان د درملو له کمښت سره مخ دی

خپور شوی

په

توسط

(Last Updated On: تله ۱, ۱۴۰۰)

رویټرز راپور ورکوي چې افغانستان او د هیواد د تګ راتګ د ګډوډۍ له امله د درملو له کمښت سره مخ دی.

د روغتیا نړیوال سازان ویلي، چې په افغانستان  کې روغتیایي سیستم دړې وړې کېدونکی دی او انساني ناورین به ښایي ژر را منځته شي.

دا ټولنه وایي، چې که په دې برخه کې پام ونشي؛ افغانستان به له انساني ناورین سره ژر مخ شی.

د روغتیا نړیوال سازمان مشر کابل ته په سفر کې څرګنده کړې، چې د ناپېیلتیا د اصولو او د ملګرو ملتونو خپلواکۍ ته په کتو به د میلیونونو افغانانو د ژغورنې لپاره خپلې هڅې روانې وساتي.

د روغتیا نړیوال سازمان وایي، چې د افغانستان روغتیایي سکتور پر بانکونو د بندیزونو د لګېدو له کبله د دړې وړې کېدو له ګواښ سره مخ دی او د یو انساني ناورین شونتیا یې را منځته کړې ده.

د روغتیا نړیوالې ټولنې مشر ټډروس آډهانوم ویلي: د مالي مرستندویانو د ملاتړ کمی په افغانستان کې د روغتیایي پروژو پر وړاندې لویه ستونزه ده. زرګونه روغتیایي مرکزونه بودجه نلري او دا مهال طبي تجهیزاتو ته اړتیا ده او کارکوونکیو ته یې معاش ندی ورکړ شوی، ځینې مرکزونه بند شوي او دا مهال اوولس سلنه روغتیایي مرکزونه فعاله دي.

د کابل بازارونو کې د درملو عمده پلورونکي وایي، چې د پولو تړل کېدو له کبله څلویښت سلنه درمل کم شوي او ناروغانو ته نه رسیږي.

درمل پلورونکی زاهد الله وایي، چې له یوې میاشتې را پدیخوا یې درمل ندي وارد کړي او لامل یې د پولو تړل کېدا ده.

درمل پلورونکی مسیح وایي: ځمکنۍ او هوایي پولې د درملو د واردولو لپاره تړل شوي دي؛ مونږ د درملو له کمښت سره مخ یوو؛ د زړه، فشار او سرطاني ناروغیو درمل نلرو او اوس نه راځي.

د روغتیایي نظام د پاشل کېدو خبرداری په داسې حال کې ورکول کیږي، چې د روغتیا نړیوال سازمان مشر د یوه پلاوي په مشرۍ کابل ته راغلی و.

Continue Reading

تازه خبرونه

پر افغانستان لګول شوي اقتصادي بندیزونه دې پای ته ورسیږي – چین

خپور شوی

په

توسط

(Last Updated On: تله ۱, ۱۴۰۰)

د چین دولتي سلاکار او د بهرنیو چارو وزیر وانګ یي څرګنده کړې، چې پر افغانستان لګول شوي یو اړخیز بندیزونه یا  بېلابېل محدودیتونه باید ژر تر ژره لرې شي.

د چین د بهرنیو چارو وزارت څرګنده کړې، چې وانګ د چارشنبې پر ورځ د افغانستان په اړه د جي ـ۲۰ هېوادونو د بهرنیو چارو وزیرانو په ویډیوي ناسته کې پر افغانستان د لګول شويو اقتصادي بندیزونو د لرې کولوغوښتنه کړې ده.

نوموړي ویلي: د افغانستان د اسعارو او پیسو زیرمه د دې هېواد ملي شتمنۍ ده، چې د همدغه خلک باید باید ورته لاسرسی ولري او باید پر افغانستان او افغانانو د سیاسي فشار د رامنځته کولو لپاره ونکارول شي.

دا په داسې حال کې ده، چې د افغانستان اسلامي امارت یوه ویاند ویلي؛ د چین، روسیې او پاکستان استازیو کابل ته په یوځایي سفر کې له چارواکو سره لیدلي؛ د حکومت پر رسمیت پېژندل او د افغانستان اقتصادي بحران مخنیوی یې د بحث او خبرو سرټکي وه.

Continue Reading

Trending

آریانا نیوز: ټول حقونه خوندي دي