Connect with us

تازه خبرونه

طالبانو په ۱۰۶ ولسوالیو کې ۲۶۰ حکومتي ودانۍ ویجاړې کړي – حکومت

خپور شوی

 په

(Last Updated On: چنګاښ ۲۴, ۱۴۰۰)

د اداري سمونونو او ملکي خدمتونو کمیسیون مشر نادر نادري وایي، چې وسلوالو طالبانو په وروستیو اوونیو کې لږ تر لږه  ۱۰۶ ولسوالیو ۲۶۰ حکومتي ودانۍ ویجاړې او یا سوځولي دي.

د اداري سمونونو او ملکي خدمتونو کمیسیون مشر نادر نادري نن پنجشنبه د چنګاښ ۲۴ یوې خبري ناستې ته یو لړ موندنې وړاندې کړې او څرګندوي، چې ۲۶۰ حکومتي ودانۍ یې ورانې کړي، د ملکي خدمتونو پنځوس زره کارکوونکي یې زیانمن کړي، ۱۱۲ پراختیایي پروژې یې درولي او په ۳۵ ولسوالیو کې یې پنځوس سلنه عامه ادارې لوټ او غلا کړي دي.

هغه ویلي: طالبانو د درې میاشتني اوربند وړاندیز کړی؛ خو په بدل کې یې د ملګرو ملتونو له تور نوملړه د هغو د یو شمېر مشرانو د نومونو لرې کولو او د ۷۰۰۰ بندیانو د خوشې کولو غوښتنه کړې ده.

نادر نادري ویلي، چې دا شرایط ډېر درانده دي او د اووه زره بندیانو خوشې کول، چې خوشې کېدنې یې په تېرو کې تاوتریخوالی ډېر کړی دی.

د نادر نادري  موندنې ښيي؛ طالبانو په تر خپل ولکې لاندې سیمو کې وېره خپره کړې او د ملکي خدمتونو څلور زره کارکوونکي بې ځایه شوي، چې عاملین یې باید د نړیوالو قوانینو له مخې عدالت ته راکاږل شي.

د افغانستان د بشري حقونو خپلواک کمیسیون ویلي، چې طالبانو د کندوز، بدخشان، فاریاب او تخار ولایتونو په ځینو سیمو کې خپل قوانین لګولي او سړیو ته یې ویلي، چې پګړۍ پر سر او ږیره هم پرېدي.

د افغانستان د بشري حقونو خپلواک کمیسیون ویاند ذبیح الله فرهنګ ویلي، چې طالبانو تر خپل کنترول لاندې سیمو کې پر ښځو سخت محدودیتونه لګولي او سړیو ته یې د پګړیو پر سر کولو او ږیرو پرېښودو امر کړی؛ خو طالبان دا خبرې ردوي.

د افغانستان د سمون غوښتونکیو بهیر مرستیاله حسینه رفیع ټینګار کوي، چې د خپلو لپاره مبارزه کوي او نه ترې په شا کیږي.

د بشري حقونو خپلواک کمیسیون د رپوټ له مخې: د چنګاښ په ۱۵ لومړیو ورځو کې د جګړې شدت سبب شو، چې ۱۹۱ کسان ژوند وبایلي، چې ۱۴۸ یې نرینه، ۱۴ ښځې او نهه ویشت ماشومان دي. دغه راز ۱۰۵۹ کسان، چې ۵۴۸ یې نرینه، ۱۱۷ یې ښځې او ۳۹۴ ماشومان دي، ټپیان شوي.

دا په داسې حال کې ده، چې د بادغیس والي حسام الدین شمس د څرګندونو له مخې؛ طالبانو په بادغیس کې د مشرانو او مخورو پر منځګړیتوب  اوربند کړی، جګړه یې پای ته رسولې او د قلعه نو له شاوخوا سیمو وتلي دي؛ خو طالبانو په دې اړه څه ندي ویلي.

تازه خبرونه

پوتین در نشست گروه ۲۰ به گونه مجازی شرکت میکند

خپور شوی

په

توسط

(Last Updated On: تله ۲۷, ۱۴۰۰)

کرملین یا کاخ ریاست جمهوری روسیه امروز (سه شنبه، ۲۷ میزان) در یک اعلامیه گفته که ولادیمیر پوتین، رییس جمهور آن کشور در نشست گروه‌ ۲۰  به گونه مجازی شرکت خواهد کرد.

کرملین گفته که پوتین در این باره با صدراعظم ایتالیا صحبت تلیفونی کرده است.

در اعلامیه کرملین آمده که در این صحبت در باره وضعیت افغانستان و روابط دوجانبه روسیه و ایتالیا نیز گفتگو شده است.

این درحالی است که قبل از این ایالات متحده امریکا گفته بود که در نشست مسکو در باره افغانستان شرکت نخواهد کرد.

نید پرایس، سخنگوی وزارت خارجه امریکا در این باره گفت:” ما در نشست مسکو شرکت نمی‌کنیم. ترویکای توسعه یافته یک فارمت  موثر و حیاتی است. ما تلاش میکنیم در آیند در این فارمت شرکت کنیم، اما حالا در حالتی نیستیم که در این نشست شرکت کنیم.”

قبل از این ضمیرکابلوف، نماینده فوق العاده رییس جمهور روسیه در امور افغانستان گفته بود که کشور اش با حضور هیات امارت اسلامی و نمایندگان پاکستان و چین در باره افغانستان نشست برگزار میکند.

Continue Reading

تازه خبرونه

د افغانستان پر روانو حالاتو د وزیرانو شورا غونډه تر سره شوه

خپور شوی

په

توسط

(Last Updated On: تله ۲۷, ۱۴۰۰)

تېره ورځ د افغانستان اسلامي امارت د لومړي وزیر ملا محمد حسن اخوند پر مشرۍ د وزیرانو شورا غونډه ترسره او پر اړینو مسایلو بحث او خبرې وشوې.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په څرګنده کړې، چې د لومړي وزیر ملا محمد حسن مرستیال ملا عبدالسلام حنفي د خپلو اقتصادي فعالیتونو راپورغونډې ته وړاندې کړ.

له عبدالسلام حنفي وروسته د افغانستان د بهرنیو چارو وزارت چارسمبالي مولوي امیرخان متقي هم د خپلو بهرنیو سفرونو په اړه معلومات وړاندې کړل.

مجاهد زیاته کړې، چې په دې غونډه کې یوه پلاوي ته سپارښتنه وشوه، چې د نادر پښتون جادې د پلورنځیو د چارو د بیا رغونې او د کانونو د کېندنې چارې وڅیړي او پایله یې لومړي وزیر ته ولیږي.

په دې غونډه کې د لوړو زدکړو وزارت ته هم لارښوونه وشوه، چې د لوړو زدکړو معیاري کولو لپاره هڅې وکړي او همدارنګه خصوصي پوهنتونونه وهڅوي، چې رسمي جواز ترلاسه او خپل فعالیت روان وساتي.

کابینې ټولو اړوند کمیسیونونو ته سپارښتنه کړې، چې د موسسو فعالیتونه وڅېړي او د دغو بنسټونو فعالیتونه باید د هېواد ګټو پر بنسټ وي.

Continue Reading

تازه خبرونه

د امریکا او قطر بهرنیو چارو وزیرانو د افغانستان په اړه خبرې وکړې

خپور شوی

په

توسط

(Last Updated On: تله ۲۶, ۱۴۰۰)

د امریکا بهرنیو چارو وزیر انټوني بلینکن د یکشنبې پر ورځ د قطر د بهرنیو چارو له وزیر محمد بن عبدالرحمن ال ثاني سره د افغانستان په اړه خبرې وکړې.

سرچینې پدې اړه نور جزئیات ندي ورکړي؛ خو بلینکن د امریکایي وګړیو او افغانانو د خوندي لیږد پر مهال د قطري چارواکو له مرستې مننه کړې ده.

د اګست پر ۱۵ کله، چې کابل د اسلامي امارت لاس ته ولوید ؛ په زرګونو کسان په دوه اوونیو کې د کابل له هوایي ډګر څخه دوحې ته ولېږدول شول.

دا په داسې حال کې ده، چې قطر په افغانستان کې یو له مهمو لوبغاړیو څخه ګڼل کیږي.

Continue Reading

Trending

آریانا نیوز: ټول حقونه خوندي دي