Connect with us

تازه خبرونه

طالبانو په بدخشان کې د ارغنجخوا ولسوالۍ مرکز نیولی

Ariana News

خپور شوی

 په

(Last Updated On: June 11, 2021)

د بدخشان ولایتي شورا غړي احمد جاوید مجددي ویلي، چې وسلوالو طالبانو د دې ولایت د ارغنجخوا ولسوالۍ مرکز نیولی او امنیتي ځواکونو شاتګ کړی دی.

نوموړي زیاته کړې؛ له تېرو دوه ورځو په اړوند ولسوالۍ کې درنده جګړه روانه وه، چې د تازه دمو سرتېرو د نه رارسېدو له کبله امنیتي ځواکونو له ولسوالۍ شاتګ کړی دی.

د بدخشان د ولایتي شورا دې غړي دا هم ویلي، چې له وسلوالو طالبانو سره په نښته کې د ملي اردو ۱۱ سرتېري او یو پاڅونوال وژل شوي او یو شمېر پوځي تجهیزات د طالبانو لاسته ورغلي دي.

د پولیسو ویاند خلیل الرحمان جواد ویلي، چې د ارغنجخوا ولسوالۍ مرکز له تېرو درې کلونو څخه د طالبانو په ولکه کې دی او امنیتي ځواکونو، چې په یوه ښوونځي کې اړولي وه؛ اوس یې ترې شاتګ کړی او په بله سیمه کې ځای پر ځای شوي دي.

دغه راز د تخار ولایت په اشکمش ولسوالۍ کې له تېرې شپې راپدیخوا جګړه روانه وه او طالبان د دې ولسوالۍ بازارته دننه شوي دي.

د تخار والي ویاند ویلي، چې طالبان له ولسوالۍ څخه شاتګ ته اړ شوي دي.

دا په داسې حال کې ده، چې د تخار ولایت سیمه ییزو چارواکو د چاه آب ولسوالۍ له بېرته نیولو خبر ورکړی، چې ویل کیږي په دې نښتو کې ۲۵ وسلوال طالبان وژل شوي او ۱۵ نور ټپیان دي.  

تازه خبرونه

په فاریاب کې ۲۱ کومانډو ځواکونه وژل شوي او ۱۵ ناڅرګند دي

Ariana News

خپور شوی

په

توسط

(Last Updated On: June 18, 2021)

پخواني جنرال ظاهر عظیمي څرګنده کړې؛ د ملي اردو له ۳۶ ځانګړیو کومانډو ځواکونو څخه، چې د فاریاب ولایت د دولت آباد ولسوالۍ د بېرته نیولو لپاره تللي وه؛ ۲۱ یې وژل شوي او د ۱۵ نورو برخلیک ناڅرګند دی.

ملي اردو د چارشبنې پر ورځ ویلي وه، چې د فاریاب دولت آباد ولسوالي یې بېرته له طالبانو نیولې؛ خو طالب جنګیالیو د چارشنبې پر ماښام بیا پدې ولسوالۍ یرغل وکړ او نښتې یې بیا پیل کړې. په دې بریدونو کې افغان ځواکونو ته یاد تلفات اوښتي.

د نښتې له ځایه د خپرو شویو ویډیوګانو له مخې، د ملي اردو د سرتېرو مړي لیدل کیږي، چې د جګړې په ډګرونو کې وسلوالو طالبانو ته پاتې دي.

د ملي اردو متقاعد جنرال ظاهر عظیمي ویلي، چې زوی یې له ۳۶ نورو پوځیانو سره د دولت آباد ولسوالۍ د جګړې کابو کولو او د دې ولسوالۍ د بېرته نیولو لپاره په خپله خوښه تللی و.

د جنرال ظاهر عظیمي د څرګندونو له مخې، د زوی مړی یې اوس هم په دولت آباد کې پاتې دی.

جنرال ظاهر عظیمي زیاته کړې؛ دوه یم زوی یې ډګرمن سهراب عظیمي، چې د برید جنرالي په بست کې یې کار کاوه، په قربانیانو کې دی.

 ظاهر عظیمي وایي، چې د هغو معالوماتو له مخې، چې ده ته رسېدلي؛ د سهراب عظیمي ۲۱ نورو ملګرو هم په دې جګړه کې  ژوند بایللی او ۱۵ یې طالبانو نیولي. د قربانیانو مړي اوس هم له طالبانو سره دي.

د دفاع وزارت ملي اردو یوازې تائیدوي، چې سهراب عظیمي له خپلو یو شمېر ملګرو سره په دې جګړه کې وژل شوی؛ خو ډېر جزیئات نه ورکوي.

دغه راز په ولسي جرګه کې د فاریاب استازي مرکزي حکومت تورنوي، چې د جګړې په ډګرونو کې د افغان ځواکونو ملاتړ او تجهیز د اندېښنې وړ دی.

سهراب عظیمي خپلې پوځي زدکړې په امریکا کې کړې وې او لس کاله د ملي اردو د ځانګړیو ځواکونو غړی و.

Continue Reading

تازه خبرونه

هند د افغانستان د سولې په بهیر کې بنسټیزې هڅې کوي- خلیلزاد

Ariana News

خپور شوی

په

توسط

(Last Updated On: June 16, 2021)

د افغانستان د سولې لپاره د امریکا ځانګړي استازي زلمي خلیلزاد په ډاګه کړې، چې هغه سې شنبه د غبرګولي پر ۲۵ په دوحه کې د هند د بهرنیو چارو له وزیر جې شنکر سره وکتل او دا هېواد د افغانستان د سولې په بهیر کې بنسټیزې هڅې ترسره کوي.

خلیلزاد زیاته کړې، چې هند به په افغانستان کې د سولې، ثبات او اقتصادي سوکالۍ په رامنځته کولو کې بنسټیز کارونه تر سره کړي.

هغه زیاته کړې: لکه څنګه، چې مونږ ګډې هڅې کوو؛ هندوستان به د نړیوالې ټولنې تر څنګ په افغانستان کې د سولې، امنیت او اقتصادي سوکالۍ په رامنځته کولو کې بنسټیزې هڅې ولري.

د سولې امریکایي استازي خلیلزاد ویلي، چې هند او امریکا دواړه له یوه خپلواک، متحد او د ملي حاکمیت له لرونکي افغانستان څخه ملاتړ کوي.

خلیلزاد زیاته کړې، چې هند په تېرو دوه لسیزو کې د افغانستان په اقتصادي او ټولنیز پرمختګ کې بېخبنایي هڅې تر سره کړي او په دې اړه همغږی دی.

د هند د بهرنیو چارو وزیر جې شنکر هم څرګنده کړې، چې له خلیلزاد سره یې د افغانستان او سیمه ییزو مسلو په اړه بحث او خبرې کړي دي.

دا په داسې حال کې ده، چې یوه میشت مخکې داسې راپورونه خپاره شول، چې هند او طالبانو په لومړي ځل سره ولیدل.

Continue Reading

تازه خبرونه

په هرات کې ناڅرګندو وسلوالو د یوې کورنۍ ۱۴ غړیو ته مرګ و ژوبله اړولې

Ariana News

خپور شوی

په

توسط

(Last Updated On: June 16, 2021)

د هرات سیمه ییزو چارواکو منلې، چې تېره شپه د غبرګولي ۲۵ د ناڅرګندو وسلوالو په ډزو کې د یوې کورنۍ درې غړي وژل شوي او ۱۱ نور ټپیان دي.

د هرات پولیسو ویاند عبدالاحد ولیزاده ویلي، چې دغې کورنۍ د دې ولایت انجیل ولسوالۍ ته د لنډمهالي ښه وخت تېرولو لپاره سفر کړی و، چې هلته پرې ناڅرګندو وسلوالو ډزې کړې دي.

د ولیزاده د څرګندونو له مخې؛ په پېښه کې دوه میرمنې او یو ماشوم مړه شوي دي.

هغه زیاته کړې، چې د پېښې د علت او انګېزې د څرګندولو لپاره د پولیسو هڅې روانې دي.

Continue Reading

Trending

آریانا نیوز: ټول حقونه خوندي دي