Connect with us

تازه خبرونه

طالبانو په افغانستان کې د امریکا له اډو ساتنه کړې – راپور

Ariana News

خپور شوی

 په

(Last Updated On: May 1, 2021)

رویټرز د درې امریکایي چارواکو د څرګندونو له مخې په ډاګه کړې، چې طالبانو د یوه کال لپاره په افغانستان کې له امریکا سره د یوې ناڅرګندې ضمیمې پر بنسټ د امریکايي اډو ساتنه کړې ده.

دوه لویدیځو سرچینو رویټرز ته څرګنده کړې، چې امریکا د طالبانو هغه وړاندیز، چې له داعش جنګیالیو به د امریکایي اډو ساتنه کوي؛ منلی دی.

راپور زیاته کړې؛ طالبانو غوښتل امریکایانو ته خپل نیک نیت وښیي، چې د افغانستان خاوره به د امریکا پروړاندې ونه کارول شي.

یوه غربي ډیپلوماټ په ډاګه کړې؛ د طالبانو لپاره دا مهمه ده، چې د حقاني شبکې په ګډون پر نورو ډلو هم خپله وړتیا ثابته کړي.

د امریکا بهرنیو چارو وزارت تراوسه پر دې راپور نه تبصره کړې او نه یې رد کړی دی.

د رویټرز د څرګندونو له مخې؛ له طالبانو سره د امریکا د دوحې تړون له لاسلیک وروسته د امریکا پر اډو هیڅ برید ندی شوی او د مرګ و ژوبلې راپور هم ورکړشوی ندی؛ خو پر افغان ځواکونو بریدونه ډېر شوي، چې په کې ملکي وګړیو ته هم ځاني زیان رسېدلی دی.

رویټرز زیاته کړې، چې په تېرو دوه اوونیو کې د طالبانو په بریدونو کې له سل ډېر افغان ځواکونه وژل شوي دي.

دغه راز په افغانستان کې د ناټو او امریکایي ځواکونو قومندان جنرال سکاټ میلر ویلي، چې له افغانستان څخه د بهرنیو ځواکونو منظم وتل پیل شوي دي.

له دې مخکې د امریکا ولسمشر جو بایډن ویلي وه، چې د سپټمبر تر ۱۱ به له افغانستان څخه ټول امریکایي سرتېري وباسي.

له بلې خوا د وسلوالو طالبانو ویاند ذبیح الله مجاهد پدې اړه څه ندي ویلي؛ خو هغه ویلي وه، چې د می له لومړۍ نېټې وروسته داسې کوم ډاډ نشته، چې پر امریکایي ځواکونو به برید نه کیږي.

همدارنګه د افغانستان لپاره د امریکا ځانګړي استازي زلمي خلیلزاد په دوحه کې د طالبانو د خبرو اترو له ډلې سره د سولې د روانو خبرو په اړه خبرې کړې دی.

په قطر کې د طالبانو سیاسي دفتر ویاند ویلي؛ د ملا برادر په مشرۍ طالب استازیو له خلیلزاد سره کتلي؛ دواړو لوریو د افغانستان پر اوسني وضعیت، بندیانو او د سولې پر روان بهیر خبرې کړې دي.

دا په داسې حال کې ده، چې طالب ویاند نعیم وردګ په خپل یوه ټویټ کې د امریکایي اډو د ساتنې ادعا بې بنسټه بولي او وایي، چې دغه څرګندونې حقیقت نلري.

تازه خبرونه

د کابل په لویدیځ کې دوه چاودنو ۱۳ کسانو ته مرګ و ژوبله اړولې

Ariana News

خپور شوی

په

توسط

(Last Updated On: June 12, 2021)

د کابل پولیسو ویلي، چې نن شنبه د غبرګولي ۲۲ له غرمې وروسته د لومړنیو معلوماتو له مخې د کابل د شپږمې او دیارلسمې ناحیو د اړوند سیمو پر خلکو په دوه چاودنو کې اووه کسان وژل شوي او شپږ نور ټپیان دي.

کورنیو چارو وزارت څرګنده کړې، چې پر یو تونس ډوله موټر په دیارلسمه ناحیه کې ماین چاودنه شوې او پر بل تونس ډوله موټر د علي جناح روغتون تر څنګ له چاودنې یاده مرګ و زوبله رامنتځته شوې ده.

یاد وزارت زیاته کړې، چې په ځاني زیانونو کې د دېرړالي شونتیا لیدل کیږي.

تر دې دمه کوم  فرد، شخص او یا ډلې د دې بریدونو پړه نده منلې.

Continue Reading

تازه خبرونه

ناتو له خپلو متحدینو سره د کابل هوایي ډګر پر امنیت او ساتلو کار کوي

Ariana News

خپور شوی

په

توسط

(Last Updated On: June 12, 2021)

د ناټو عمومي منشي ینس سټولټنبرګ پرون د جمعې پر ورځ د غبرګولي ۲۱ ویلي، چې ناټو له خپلو متحدینو سره د حامد کرزي نړیوال هوایي ډګر د بېخبناوو د ساتلو پر څرنګوالي هڅې او کار کوي.

سټولټنبرګ یوې خبري غونډې ته څرګنده کړې، چې په راروانه سرمشریزه کې به د افغانستان په ګډون پر بېلابېلو موضوعاتو بحث او خبرې وشي.

نوموړي زیاته کړې: زمونږ نظامي شتون پای ته رسیدونکی دی؛ خو له افغان ځواکونو او خلکو به زمونږ ملاتړ روان وي.

د ناټو عمومي منشي ویلي: مونږ ټول نه یوازې په افغانستان کې له ننګونو او ستونزو خبر یو، بلکې مونږ اوس هم د خپل پوځي ماموریت د پای ته رسیدو پر خطرونو پوهیږو.

د ناټو عمومي منشي ینس ستولټنبرګ وايي، چې هغه په حامد کرزي نړیوال هوایي ډګر کې د زیربناوو له ساتنې ملاتړ کوي.

ینس سټولټنبرګ په دې اړه ویلي؛ مونږ د ناټو له متحدینو سره د مهمو زیربناوو د ساتنې پر څرنګوالي او ملاتړ کار کوو او دې ته هم سترګې پر لار یو، چې د ناټو نور غړي هم په دې هڅو کې برخه واخلي.

سټولټنبرګ ویلي، چې د ناټو متحدین د حامد کرزي نړیوال هوایي ډګر د امنیت په اړه له ترکیې او نورو هېوادونو سره پر نړیوالو معیارونو بحث او خبرې کوي.

دا نه یوازې د ناټو لپاره، بلکې د ټولې نړیوالې ټولنې لپاره اړین هوایي ډګر دی؛ ځکه د ټولو هېوادونو د ډیپلوماټیک شتون، د مرستندویه بنسټونود مرستو د براختیا لپاره هم مهم دی.

د ناټو عمومي منشي ډاډ څرګند کړ، چې په دې اړه به د ناتو په راروانه ناسته کې خبرې وشي.

Continue Reading

تازه خبرونه

طالبانو د تخار ولایت د اشکمش ولسوالي ونیوله

Ariana News

خپور شوی

په

توسط

(Last Updated On: June 11, 2021)

د تخار ولایتي شورا غړي محمد اعظم افضلي نن جمعه د غبرګولي ۲۱ ویلي، چې وسلوالو طالبانو تېره شپه د دې ولایت د اشکمش ولسوالۍ بازار ته ننوتل، چې تر محاصرې لاندې امنیتي ځواکونو امنیه قومنداني خوشې کړه.

د هغه د څرګندونو له مخې؛ په دې ولسوالۍ کې له تېرو دوه ورځو راپدیخوا د طالبانو په بریدونو کې له ۱۰ ډېر امنیتي ځواکونه وژل شوي دي.

یوې امنیتي سرچینې، چې د نوم له څرګندولو یې ډډه کړې؛ منلې، چې طالبانو اشکمش نیولی، بنګي ولسوالي نه یوازې تر ګواښ لاندې ده، بلکې د سیاه آب د کلي یوه پوسته یې هم نیولې ده.

که څه هم نورو رسمي سرچینو تر دې دمه پدې اړه څه ندي ویلي؛ خو طالبانو منلې، چې دوی پر ولسوالۍ ولکه ټینګه کړې ده.

په سرپل ولایت کې د خلکو یو شمېر استازيو منلې، چې د د دې ولایت د سوزمه قلعه ولسوالي طالبانو تر څارنې لاندې راوستې ده.

سیمه ییزو چارواکو تر دې دمه پدې اړه څه ندي ویلي.

Continue Reading

Trending

آریانا نیوز: ټول حقونه خوندي دي