Connect with us

تازه خبرونه

طالبانو د کوچني اختر په ویاړ ۳ ورځنی اوربند اعلان کړ

Avatar

خپور شوی

 په

(Last Updated On: May 10, 2021)

طالب مشرتابه د کوچني اختر په لومړیو درې ورځو کې اوربند اعلان کړی دی.

طالبانو په یوه خبرپاڼه کې خپلو ټولو غړیو ته لارښوونه کړې؛ د افغانانو لپاره خوندي او ډاډمنه فضا رامنځته او عملیات ودروي، چې هېوادوال مو د روان کال د کوچني اختر درې ورځې ارامه او ډاډه ونمانځي.

په قطر کې د طالبانو د سیاسي دفتر ویاند محمد نعیم په خپلو یو لړ ټویټونو کې وسلوالو طالبانو ته څرګنده کړې؛ د کوچني اختر له لومړۍ ورځي څخه تر درېیمې ورځې پورې په ټول هېواد کې د دښمن پر وړاندې هرډول تعرضي عملیات ودروي او که په یادو درې ورځو کې د دښمن لخوا پرتاسې کوم تعرض او برید وشو، نو بیا له خپلو ځانونو او سیمو څخه په کلکه ساتنه او دفاع وکړئ.

دغه راز غوښتل شوي؛ مجاهدین دې د دښمن سیمو ته نه ورځي او د دښمن اړوندو افرادو ته دې هم اجازه نه ورکوي، چې د مجاهدینو سیمو ته راشي.

د ملي پخلاینې عالي شورا مشر عبدالله د اختر په ورځو کې د طالبانو د اوربند له اعلانه هرکلی کړی او وایي: مونږ باور لرو، چې په هېواد کې د اوسني کړکیچ حل؛ دایمي اوربند، ګړندۍ خبرې او د جګړه پای ته رسول دي.

د یاد بنسټ په خبرپاڼه کې څرګنده شوې، چې په دغه ویاړ لنډمهاله اوربند به د خلکو لپاره د لنډې آرامۍ زمینه برابره کړي؛ خو د هېوادنیو ستونزو اساسي او دایمي حل ندی.

عبدالله له طالبانوغوښتي، چې د سولې په اړه خبرې بیا پیل کړي.

عبدالله عبدالله ویلي؛ مونږ یوځل بیا له طالبانو غواړو، چې خبرو اترو ته دوام ورکړي، دایمي اوربند وکړي، د دښمنیو او وینو تویېدل ودروي او د ټولو خواوو لپاره یو هراړخیزه، عادلانه او منل شوی سیاسي حل ومومي.

دغه څرګندونې په داسې حال کې راپورته کیږي، چې اوړمه ورځ د کابل د لویدیځ  د سیدالشهدا د ښوونځي مخې ته موټر بم او دوه نورې چاودنې شوي، چې په کې لږ تر لږه ۷۰ زدکوونکي وژل شوي او له ۱۶۰ ډېر نور ټپیان دي.

د ایران بهرنیو چارو وزیر جواد طریف دغه پېښه وحشیانه بولي او وایي، چې برید داعش جنګیالیو کړی دی.

که څه تر دې دمه هیچا د پېښې مسوولیت پر غاړه ندی اخیستی؛ خو حکومت ویلي، چې د برید ترشا د طالبان لاس لري.

د افغانستان حکومت د سې شنبې ورځ د پېښې د قربانیانو لپاره د ملي ماتم ورځ اعلان کړې ده.

د ۱۳۹۷ لمریز کال د کوچني اختر پر ویاړ د افغانستان ولسمشر اشرف غني په لومړي ځل اعلان وکړ، چې د هېوانیو دیني عالمانو له فتوا د ملاتړ لپاره د روژې له ۲۷ څخه د کوچني اختر تر پېنځمې پورې اوربند اعلانوي.

د اشرف غني دغه اعلان د طالبانو لخوا هم له تود هرکلی سره مخ او د اختر درې ورځنی اوربند یې ومانه، چې د خلکو لخوا یې تود هرکلی وشو.

تازه خبرونه

طالبانو د افغانستان څلور نورې ولسوالۍ هم ونیولې

Ariana News

خپور شوی

په

توسط

(Last Updated On: June 13, 2021)

د کندوز، فراه، غور او زابل ولایتي شوری ګانو غړیو ویلي، چې له تېرو څلیریشت ګړیو راپدیخوا علي آباد، ساغر، ارغنداب او لاش او جوین ولسوالۍ طالبانو نیولي دي.

ویل کیږي، چې د هېواد په شل ولسوالیو کې د جګړو راپورونه ورکړي؛ په پکتیا کې دوه څلوېښت پاڅونوال طالبانو ته تسلیم شوي او په ننګرهار کې پر یوه کور د هوان ګولې لګیدلې او شپږ کسانو ته یې مرګ و ژوبله اړولې ده.

د طالبانو لخوا د ولسوالیو د لاندې کولو د بریدونو پر دوام د یکشنبې پر ورځ د زابل ارغنداب ولسوالي طالبانو نیولې ده.

حکومت وايي، چې له دې ولسوالي په تکتکي توګه وتلي دي.

د زابل ولایتي شوری مشر عطا جان حق بیان ویلي: مقر ولسوالي ټوله طالبانو نیولې؛ دوی د ملي اردو کنډک ته ولېږدول شول او ملي اردو هم تکتیکي شاتګ وکړ او له ولسوالۍ ووتل.

په غور او فراه کې خپلواکې سرچینې وايي، چې طالبانو د ساغر ولسوالۍ نیولي او د فراه په پشت رود کې جګړه روانه ده؛ خو حکومتي سرچینې په دې اړه څه نه وايي.

د اتل قول اردو مسوولین وايي، چې له خلکو سره له سلا مشورو وروسته یې پرېکړه کړې، چې ځينې ولسوالۍ نورو سیمو ته ولیږدوي.

د پوځ مسوولین نه مني، چې ګواکي دا ولسوالۍ طالبانو په جګړه کې نیولې دي.

د کندوز د ولایتي شوری غړي وايي، چې طالبانو د یکشنبې پر سهار د علي آباد ولسوالي او څو پوستې نیولې؛ خو حکومتي چارواکي دا خبر نه تائیدوي.

د ختیځ او سویل ختیځه ولایتونو په نهه ولسوالیو کې هم د سختو نښتو راپورونه تر لاسه شوي؛ د پکتیا مرکز ګردیز ته نږدې دوه څلوېښت پاڅوانوال طالبانو ته تسلیم شوي او په ننګرهار کې پر یوه کور د هاوان ګولي لګیدلې، چې پېځه کسانو ته یې مرګ و ژوبله اړولې ده. د بلخ په شولګره کې هم نښتې شوي دي.

د ملي دفاع وزارت وايي، چې په تېرو څلیریشت ګړیو کې یې یو سل و یو اتیا وسلوال طالبان وژلي دي. ولسمشرۍ ماڼۍ وايي، چې د طالبانو د ځپلو لپاره د افغان ځواکونو وړتیاوې پیاوړې شوې؛ خو پر وینا یې طالبانو پر ملکي سیمو بریدونه پیل کړي دي.

Continue Reading

تازه خبرونه

پر هزاره ګانو روان بریدونه دې نسل وژنه وپېژندل شي – خلیلي

Ariana News

خپور شوی

په

توسط

(Last Updated On: June 13, 2021)

د حزب وحدت اسلامي مشر محمد کریم خلیلي ویلي، چې حکومت او نړیواله ټولنه دې د کابل په لویدیځ کې د وروستیو بریدونو په تړاو بې تفاوته نه پاتې کېږي او د نسل وژنې په توګه دې باید رسماً وپېژندل شي.

د کابل په لویدیځ کې بمي چاودنو د حزب وحدت اسلامي رهبر او د ولسمشرۍ ماڼۍ پخوانی مرستیال محمد کریم خلیلي وایي، چې د سولې دښمنانو نه یوازې د سولې لړۍ سبوتاژ کړې، بلکې په هېواد کې يې د قومونو ترمنځ د اختلاف رامنځته کولو په موخه د یوه قوم پر وړاندې بریدونه پيل کړي دي.

کریم خلیلي یوې خبري غونډې ته که څه هم د کومې ډلې نوم نه اخلي؛ ځو د کابل په لویدیځ کې پر هزاره ګانو روان بریدونه نسل وژنه نوموي او ټینګار کوي، چې که دا ډول پېښې ونه درول شي؛ هزاره وګړي به د ځان د دفاع لپاره راپورته شي.

محمد کریم خلیلي زیاته کړې، چې که څه هم په دې وروستیو کې ګڼ شمېر افغانان او سرتېري د جګړو پرمهال وژل کېږي؛ خو په ځانګړې توګه د هزاره وګړیو وژنه په سیستماتیک ډول روانه ده.

کریم خلیلي د یکشنبې پر ورځ یوې خبري غونډې ته وویل، چې حکومت او نړیواله ټولنه دې د کابل په لویدیځ کې وروستي بریدونه د نسل وژنې په توګه رسماً وپېژني او پدې اړه دې بې تفاوته نه پاتې کېږي.

همدارنګه هغه د هېواد اوسنی وضعیت حساس بولي او وایي چې هزاره وګړي نه غواړي په دا ډول شرایطو کې داسې اقدام وکړي چې د حکومت په زیان تمام شي.

محمد کریم خلیلي د خپلو خبرو په یوه برخه کې د سولې پر روان بهیر هم نیوکه وکړه او زیاته يې کړه، چې که په دې بهیر کې ټولو قومونو ته ونډه ورنکړ شي؛ د حکومت او طالبانو ترمنځ سیاسي هوکړه ناشونې ده.

Continue Reading

تازه خبرونه

په چین کې د ګازنلیکې له چاودنې ۱۲ کسان وژل شوي

Ariana News

خپور شوی

په

توسط

(Last Updated On: June 13, 2021)

د مرکزي چین د استوګنې په اړوند سیمه کې د ګازنلیکې له چاودنې لږ تر لږه ۱۲کسان وژل شوي دي.

چینايي رسنیو څرګنده کړې، چې چاودنه نن سهار د هوبي ولایت په شیان ښار کې رامنځته شوې، چې لږ تر لږه ۱۳۸ نور یې ټپیان کړي دي.

د راپورونو له مخې؛ د چاودنې له کبله د یوه پلورنځي ودانۍ راپرېوتې او د ۳۷ ټپیانو روغتیایي حالت یې د اندېښنې وړ دی.

د شیان سیمه ییز روغتون له ښاریانو څخه ټپیانو ته د وینې ورکولو غوښتنه کړې ده.

Continue Reading

Trending

آریانا نیوز: ټول حقونه خوندي دي