Connect with us

تازه خبرونه

طالبانو د سولې تړون پر بنسټ خپل مسوولیتونه ندي ترسره کړي – پنټاګون

خپور شوی

 په

(Last Updated On: سلواغه ۱۰, ۱۳۹۹)

د امریکا دفاع وزارت د پنجشنبې پر ورځ( د سلواغې ۹) ویلي، چې طالبانو د اورکم او له القاعده سره د اړیکو پرېکولو ژمنې پلې کړې ندي.

د پنټاګون ویاند جان کربي یوه خبري کنفرانس ته ویلي، چې طالبانو له امریکا سره د سولې تړون پر بنست د تاوتریخوالي کمولو او له القاعدې سره د اړیکو شلولو ژمنې پلې کړې ندي.

جان کربي زیاته کړې: مونږ اوس هم د سیاسي حل د موندلو په هڅه کې یو؛ خو طالبانو خپل مسوولیتونه ترسره کړي ندي.

هغه دا هم ویلي، چې د امریکایي سرتېرو کمول یا وتل له امنیتي شرایطو له ښه کېدو سره تړلي دي او امریکا به په دې اړه له خپلو متحدینو سره مشوره وړي.

کربي وایي: طالبانو پخپلو ژمنو عمل ندی کړی؛ د ترهګرۍ غندلو او پر افغان امنیتي ځواکونو او خلکو د بریدونو له درولو پرته  د حل روښانه لار موندل ګران کار دی؛ خو امریکا به د سولې رامنځته کولو لپاره خپلې هڅې روانې ساتي او زلمي خلیلزاد ته هم سپارښتنه شوې، چې د دغه هېواد د استازي په توګه دې خپله دنده روانه وساتي.

له دې مخک د امریکا خزانې وزارت هم ویلي وه، چې طالبان له القاعدې سره نږدې اړیکې لري.

د طالبانو د قطر د دفتر او د خپلمنځي خبرو پلاوي غړي عباس ستانکزي څرګنده کړې: مونږ له امریکا سره د تړون پر ټولو برخو عمل کړی دی. هغه ستونزې، چې مخکې مو له امریکا سره درلودې اوس نشته او له افغانستان څخه امریکا ته کوم خطر هم متوجه ندی. د امریکايي چارواکو څرګندونې د دوی شخصي نظرونه او اندونه دي.

دا په داسې حال کې ده، چې د امریکا د بهرنیو چارو وزیر انټوني بلینکن پرون له ولسمشر غني سره د ټیلیفون له لارې د دغه هېواد د سولې بهیر او روان وضعیت په اړه خبرې کړې دي.

تازه خبرونه

په افغانستان کې دې ټولګډونه حکومت جوړ شي – ایران

خپور شوی

په

توسط

(Last Updated On: لړم ۵, ۱۴۰۰)

ایراني رسنیو د ایراني ولسمشر ابراهيم ریيسي د څرګندونو له مخې په ډاګه کړې؛ په افغانستان کې باید یو ټولګډونه حکومت، چې ټول قومونه او سیاسي ګوندونه په کې برخه ولري جوړ شي.

رییسي دا وینا په تهران کې د افغانستان په اړه له دوه یمې غونډې مخکې د تاجکستان د بهرنیو چاروله وزیرسراج الدین مهرالدین سره په لیدنه کې کړې ده.

نوموړي ويلي؛ چې د ټولګډونه حکومت له جوړښت سره  به په افغانستان کې د ورور وژنې او وینو تویېدو مخه ونیول شي.

ریيسي په افغانستان کې ورستیو پېښو ته په نغوته کې، چې داعشیانو شعیان ووژل؛ امریکا ته د پړې ګوته ونیوله.

د ایران د بهرنیو چارو وزرات ویاند سعید خطیب‌زاده آریانا نیوز ته ویلي؛ د افغانستان په اړه د سیمه ییزو هېوادونو دغه ناسته به د ایراني ولسمشر ابراهیم رییسي پر وینا پرانیستل شي.

د ایران ایرنا خبري آژانس د ایران په پلازمېنه تهران کې د افغانستان د ګاونډ هېوادونو د بهرنیو چارو وزیرانو د ناستې په تړاو د نوموړي د څرګندونو له مخې په ډاګه کړې؛ د روسیې په ګډون د افغانستان ۶  ګاونډ هېوادونو د بهرنیو چارو وزیرانو ناسته به په حضوري بڼه جوړه شي.

هغه ویلي؛ په دې ناسته کې به له اسلامي امارت پرته د ازبکستان، تاجکستان، ترکمنستان او پاکستان د بهرنیو چارو وزیران په حضوري بڼه او د چین او روسیې د بهرنیو چارو وزیران به انلاین ونډه ولري.

دا په داسې حال کې ده، چې په کابل کې د ایران سفیر بهادر امینیان  له آریانا نیوز سره په مرکه کې ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

Continue Reading

تازه خبرونه

پاکستان نیوزیلاند ته پر ۵ ویکټو ماتې ورکړه

خپور شوی

په

توسط

(Last Updated On: لړم ۵, ۱۴۰۰)

د کرکټ شل آوریز جام په سوپر ۱۲ پړاو کې پاکستان لوبډلې خپل سیال نیوزیلاند ته د ۵ ویکټو ماتې ورکړه.

په دې لوبه کې د پاکستان توپ اچوونکیو سیال لوبډله ډېرو منډو جوړولو ته پرینښوده او ویکټې یې خپلې کړې.

نیوزیلاند په دغو شل آورونو کې د ۷ لوبغاړیو پر سوزېدو ۱۳۴ منډې جوړې کړې.

په پای کې پاکستان لوبډله ټکل شوې موخې ته ورسېده او نیوزیلاند ته یې د ۵ ویکټو پر توپیر ماتې ورکړه.

له دې لوبدلې هندوستان ته د لس ویکټو پر توپیر ستره ماته ورکړې وه.

Continue Reading

تازه خبرونه

اسلامي امارت د دیني عالمانو د علمي رتبو د ټاکلو لپاره د اسنادو ارزولو سپارښتنه وکړه

خپور شوی

په

توسط

(Last Updated On: لړم ۴, ۱۴۰۰)

د اسلامي امارت ویاند ذبیح الله مجاهد په ډاګه کړې، چې نن سې شنبه د لړم ۴ د کابینې په غونډ ه کې سپارښتنه شوې، چې د دیني عالمانو د علمي رتبو د ټاکلو لپاره دې د دوی اړوند اسناد وارزول شي.

 په دې غونډه کې د افغانستان اسلامي امارت لومړي وزير ملا محمد حسن آخوند د ديني عالمانو د علمي رتبو د ټاکلو او د هغوى د ښوونیزو اسنادو د ارزونې طرحه تصويب کړه.

ملا محمد حسن آخوند ټینګار کړی، چې د دیني عالمانو اسناد باید و ارزول شي او د هغوی علمي رتبې دې ځانګړې او مشخصې شي.

دغه راز په دې غونډه کې د هغو شرکتونو د ستونزو د حل لپاره د اسلامي امارت له لوري یو پلاوی وګومارل شو، چې د هېواد په بانکونو کې یې پیسې کنګل دي.

د برښنایي تذکرو د وېش بهیر دوام، د وګړیو د احوالو ثبتولو د پلان چمتو کول، د معتادینو ستونزې، د بهرنیو مرستو سالم مدیریت او د ټاپي پروژې په اړه په دې ناسته کې خبرې او بحثونه وشول.

Continue Reading

Trending

آریانا نیوز: ټول حقونه خوندي دي