Connect with us

تازه خبرونه

طالبانو خپلو قومندانانو او واليانو ته د تیارسئ سپارښتنه کړې- راپور

Ariana News

خپور شوی

 په

(Last Updated On: February 6, 2021)

د این بي سي نیوز د جمعې پر ورځ څرګنده کړې؛ په افغانستان کې د جوبایډن بهرنۍ تګلاره او د سولې هوکړې بابیزه ګڼل د دې لامل شوي، چې طالب جنګیالي د جګړې ډګر ته ستانه شي.

پوځي سرچینو این بی سی نیوز ته ویلي؛ طالب جنګیالیو خپلې ژمنۍ رخصتۍ؛ ځکه پای ته رسولي او د جګړې لومړۍ کرښې ته ستانه شوي، چې د بایډن حکومت تر می میاشتې خپل ټول امریکایي سرتېري له افغانستان څخه نه وباسي.

په هلمند کې د طالبانو یوه لوړپوړي قومندان ویلي: طالبان، قومندانان او والیان چمتو شوي، چې خپلو سنګرونو ته ستانه شي او په راتلونکیو ناستو کې پخپلو نویو کړنلارو خبرې وکړي.

دغه طالب قومندان زیاته کړې: په امریکا کې د نوي حکومت له رامنځته کېدو سره د خپلمنځي خبرو د پر تپه ولاړ حالت په ګډون ډېرې نورې مسلې هم شته، چې د تحریک مشران باید پرې خبرې وکړي؛ ځکه پر راتلونکي یې شکونه رامنځته کړي دي.

پنټاګون تېره اوونۍ څرګنده کړې وه، چې امریکا کېدی شي په افغانستان کې خپل سرتېري راکم نکړي؛ ځکه، چې طالبانو د سولې تړون شرایط  پلي کړي ندي.

پنټاګون ټینګار کړی؛ له افغانستان څخه د امریکایي سرتېرو وتل او شاتګ له دې شرط سره تړلي، چې طالبان د تېرکال په لاسلیک شوي تړون کې خپلې ژمنې پوره کړي.

امریکا د تېرکال د فبرورۍ پر ۲۹ له طالبانو سره د سولې راوستلو تړون لاسلیک کړ، چې دا هېواد به د خپلو ځواکونو شمېر له ۱۳۰۰۰ څخه د اپریل تر میاشتې ۲۵۰۰ ته راکښته کوي او د ۲۰۲۱ کال تر می پورې به صفر کیږي.

همدارنګه له طالبانو سره د شوې هوکړې له مخې پر بهرنیو ځواکونو به بریدونه نه کیږي او خپلمنځي خبرو ته به زمینه برابریږي.

اوړمه ورځ د امریکا د کانګرس پر سپارښتنه د افغانستان د مطالعې ډلې دغه بنسټ ته یو نوی راپور وړاندې کړ، چې له افغانستان څخه د امریکایي ځواکونو بشپړ وتل به پرته له تاوتریخوالي کمولو او د سولې په خبرو کې له پرمختګه ناشوني وي؛ ځکه دا کار به دولت سقوط او د کورنۍ جګړې پیل ته زمینه برابره کړي.

تازه خبرونه

طالبانو د بغلان ولایت بورکه ولسوالي ونیوله

Ariana News

خپور شوی

په

توسط

(Last Updated On: May 5, 2021)

د بغلان وړلایت سیمه ییزو چارواکو ویلي، چې امنیتي او دفاعي ځواکونه په تکتیکي بڼه له دې ولسوالۍ شاتګ کړی؛ خو خلکو پرې نیوکې کړ دي.

د بغلان د بورکې ولسوالي د چارشنبې پر سهار( د غویی ۱۵) د طالبانو تر بشپړې څارنې لاندې راغله. په دې ولایت کې پوځي او ملکي مسوولینو په یوه پوځي ناسته کې پرېکړه وکړه، چې له دې ولسوالۍ ووځي او لس بجې دا کار ترسره شو.

د بغلان د پولیسو ویاند احمد جاوید بشارت ویلي؛ حکومتي ځواکونو د نهرین ولسوالۍ تاوشخ غاښي ته شاتګ کړی دی.

د بغلان مرستیال والي ذبیح الله احساس ویلي؛ دا شاتګ تکتیکي دی او بېرته به دا ولسوالۍ ونیول شي.
د بغلان خلګ تاوتریخوالی او د ملکي او پوځي تلفاتو ډېروالی د اندېښنې وړ بولي د جګړې په ډګرونو کې د حکومت دغه تکتیک غندي.
طالبانو ویلي، چې بورکه ولسوالۍ یې له جګړې پرته نیولې ده.
Continue Reading

تازه خبرونه

هند او اروپايي ټولنه په افغانستان کې د بیړني اوربند غوښتونکي شول

Ariana News

خپور شوی

په

توسط

(Last Updated On: May 5, 2021)

اروپایي ټولنې او هند دواړو په افغانستان کې د سمدستي اوربند غوښتنه کړې او څرګندوي، چې د معنادارې سولې د رامنځته کولو لپاره له شرط  پرته د جګړې درول اړین دي.

په لندن کې د جي-۷ هېوادونو دغونډې په څنډه کې د اروپايي اتحادیې د بهرنیو چارو د وزیر جوزپ بوریل او د هند د بهرنیو چارو وزیر سوبراهمنیم جیشنکر په یوه ګډه اعلامیه کې ویلي، چې د سولې یو بریالی بهیر ښه باور، سیاسي حل، ډاډمنې ژمنې او د طالبانو ښکیلتیا ته اړتیا لري. دواړو لوریو د دې ډاډ په تکرارولو ټینګار وکړ، چې د افغانستان خاوره باید د ترهګرو ډلو لخوا د هند او اروپايي اتحادیې امنیت ته د ګواښ په توګه ونه کارول شي.

دواړو لوریو په کلکو ټکو کې د ټولو تروریستي هڅو غندنه کړې او د ترورېزم د تمویل، زیربناوو او د دوی د افراطي بڼو پر له منځه وړلو یې ټینګار وکړ او وایي، چې افغانستان به بیا هیڅکله د نړیوال تروریزم لپاره امن ځای نه وي.

د دواړو خواوو د ډیموکراسۍ، آزادۍ، د قانون حاکمیت او بشر حقونو ته د درناوی پر بنسټ د بین الافغاني او سیمه ییزو مسلو په اړه همکارۍ ته ژمنتیا څرګنده کړه او د افغانستان له سولې، امنیت، په ځان بسیاینې او هوساینې یې ملاتړ وکړ.

دوی د افغانستان د ملي حاکمیت او ځمکني بشپړتیا د درناوي او ساتنې غوښتنه کوي او د افغانانو پر مشرتابه او مالکیت د سولې بهیره روان ساتل غواړي.

هغو په دې اړه ویلي، چې په افغانستان کې هر ډول سیاسي جوړجاړی باید د ښځو، ځوانانو او لږه کیو په ګډون د ټولو افغانانو بشري حقونو او اساسي آزادیو ساتنه وکړي او دغه سیاسي حل باید اقتصادي، ټولنیزې، سیاسي او پرمختیايي لاسته راوړنو ته په نغوته کې باید ډیموکراټیک بنسټ ولري.

بوریل او جیشنکر ټینګار کړی، چې له افغانستان سره نړیوالې مرستې د سولې او جوړجاړی له پایلې سره تړلې دي.

دوی د افغانستان د ملي ځواکونو او ملکي وګړیو پروړاندې تاوتریخوالی او موخه ییزې وژنې د نه منلو وړ بولي او غندنه یې کوي.

د هندي او اروپایي استازیو په څرګندونو کې راغلي، چې په افغانستان کې امنیت په سیمه ییزه کچه د سیمې له امنیت سره تړلی دی.

دوی د افغانستان له ګاونډ هېوادونو او سیمه ییزو شریکانو غوښتي، چې سولې او ثبات ته د رسېدو لپاره له افغانستان سره مرسته وکړي.

Continue Reading

تازه خبرونه

امریکا له افغانستان خپل یوشمېر پوځي تجهیزات ایستلي دي

Ariana News

خپور شوی

په

توسط

(Last Updated On: May 5, 2021)

امریکايي چارواکو ویلي، چې د امریکا له پوځي تجهیزاتو څخه ډکې ۶۰ الوتکې له افغانستان څخه وتلي او د راتلونکې سې شنبې پر ورځ به ۱۳۰۰ نور اړوند تجهیزات ویجاړ شي.

د امریکا مرکزي قومندانۍ په ډاګه کړې: له افغانستان څخه به د امریکایي ځواکونو او تجهیزاتو ایستلو هڅې تر راتلونکې سې شنبې پورې له دوه څخه تر شپږ سلنې بشپړې شي.

دې ورځپاڼې د امریکایي چارواکو د څرګندونو له مخې په ډاګه کړې؛ باروړونکې جیټ الوتکې (سي – ۱۷) چې کولی شي ۱۷۹۰۰ پونډه توکي ولېږدوي، له افغانستان څخه پر لېږدولو اخته دي.

د امریکا مرکزي قومندانۍ زیاته کړې، چې د ځواکونو او تجهیزاتو د ایستلو په اړه امنیتي معلومات امنیتي شرایطو ته په کتو اټکلي وړاندې کیږي.

دې قومندانۍ منلې، چې په هلمند ولایت کې یوه پوځي اډه افغان ځواکونو ته سپارل شوې ده.

راپور دا هم په ډاګه کړې، چې امریکا به یو شمېر پوځي تجهیزات افغان ځواکونو ته وسپاري او ځینې به یې د پوځي عملیاتو لپاره نورو هېوادونو ته واستوي.

په امریکا کې یوې پوځي ورځپاڼې خبر ورکړی، چې له افغانستان څخه د امریکايي ځواکونو د وتلو بهیر د امریکا د ولسمشر جوبایډن پر سپارښتنه پیل شوي او د سپټمبر تر ۱۱ به بشپړ شي.

Continue Reading

Trending

آریانا نیوز: ټول حقونه خوندي دي