Connect with us

تازه خبرونه

شمالي کوریا د نړۍ د تر ټولو لوی توغندي مخکتنه وکړه

خپور شوی

 په

(Last Updated On: تله ۲۰, ۱۳۹۹)

شمالي کوریا  د نړۍ د اوږده واټن وهونکي لوی توغندي پرانسته کړې ده.

رویترز څرګنده کړې، چې شمالي کوریا تېره ورځ په یو لړ پوځي مراسمو کې له دوه کلن ځنډ وروسته د اوږده واټن ویشتونکی توغندی نندارې ته وړاندې کړ.

شنونکيو ويلي؛ که دا توغندی وکارول شي، نو دا به په نړۍ کې یو له تر ټولو لوی لیرې واټن ویشتونکی توغندی وي.

د آزادې اتومي شبکې مرستیال ملیسا هانهم ویلي؛ دې ته هیولا توغندی ویل کیږي.

شمالي کوریا پر هوسانګ – ۱ توغندي تر ټولو او اوږد کار کړی دی. ویل کیږي، چې دا د سمندري ځواک  لپاره نوی بالستیک توغندی دی.

ویل کیږي، چې د دې  پوځي نندارې مراسم د واکمن کارګر ګوند د ۷۵ کلیزې په مناسبت جوړ شوي وه.

تازه خبرونه

آلمان له ترکیې سره د کاري اړیکو ساتلو ته ژمن دی

خپور شوی

په

توسط

(Last Updated On: تله ۲۵, ۱۴۰۰)

د آلمان لومړۍ وزیرې انګلا مرکل ترکیې ته د خپل سفر په بهیر کې د کډوالۍ او نورو مسلو په اړه د همکارۍ پر دوام ټینګار کړی دی.

میرکل ویلي؛ هېواد یې ژمن دی، چې له ترکیې سره کاري اړیکې خوندي کړي.

هغه وایي: د آلمان- ترکیې اړیکې به له ګټو او زیانونو سره سره دوام مومي. هرڅوک پوهیږي، چې زمونږ دواړو امنیت او خپلواکي سره تړلي دي.

هغې زیاته کړې: مونږ غواړو د انساني قاچاق مخه ونیسو. اروپايي ټولنه اړتیا لري، چې په دې برخه کې له ترکیې سره مرسته وکړي.

د جرمني لومړۍ وزیرې زیاته کړې، هېواد یې له ترکیې سره ګډې ګټې لري او راتلونکی حکومت به پدې اړه پرېکړه وکړي.

د ترکیې ولسمشر رجب طیب اردوغان ویلي، چې هېواد یې د مرکل د ښه نیت او له ترکیې سره د مثبتو اړیکو د ساتلو له هڅو درناوی کوي.

اردوغان زیاته کړې: مرکل په ډېرو مسلو کې له نوښت او مسوولیت څخه ډډه نده کړې.

د آلمان لومړۍ وزیره انګلا مرکل د روان کال تر پایه له دندې ګوښه کیږي؛ خو تر هغه وخته پورې به په واک کې پاتې وي، چې یو ائتلافي حکومت جوړ شوی نه وي.

Continue Reading

تازه خبرونه

افغان پلاوی د ازبکستان له سفره بریالی راستون شو

خپور شوی

په

توسط

(Last Updated On: تله ۲۵, ۱۴۰۰)

د افغانستان اسلامي امارت یو څو کسیز پلاوي د جمعې پر ورځ ازبکستان ته خپل یو ورځنی سفر د لومړي وزیر د دوه یم مرستیال مولوي عبدالسلام حنفي پر مشرۍ پای ته رسولی او د سوداګریزو اړیکو په ګډون یې د هغه هېواد له چارواکو سره پر یو شمېر مهمو مسایلو بحث او خبرې کړې دي.

د افغانستان د اسلامي امارت ویاند ذبیح الله مجاهد په خپل ټویټ کې په ډاګه کړې، چې د ازبکستان له چارواکو سره یې د سوداګرۍ د پراخولو، ټرانزیټي آسانتیاوو، روغتیایي او سرحدي همکاریو، د سرخان او پلخمري ترمنځ د ۵۰۰ کیلوواټه برښنا مزي او له مزار څخه کابل او بیا د پاکستان تر پېښوره د اوسپنیزې کرښې د غزولو په اړه هر اړخیزې خبرې کړي دي.

مجاهد زیاته کړې، چې د دواړو هېوادونو اړوند استازیو په راتلونکي ژمي کې افغانستان ته د اړتیا وړ لومړنیو سوند توکو د سوداګرۍ پر پراخولو هم بحث او خبرې کړې دي.

دغه راز د ازبکستان د بهرنیو چارو وزارت په ډاګه کړې، چې دواړه لوریو پر سرحدي امنیت، د سوداګریزو اړیکو پیاوړتیا، روغتیایي همکاریو، انرژۍ او ټرانزیټ بحث او خبرې کړې دي.

مجاهد څرګنده کړې؛ دغه راز ازبکستان او افغانستان ګډې کاري ډلې هم جوړې کړي، چې د اړوند پروژو په اړه د دوه اوونیو په اوږدو کې خپل عملي پلان هېوادنیو مشرانو ته وړاندې کړي، چې پروژې پیل او تر سره شي.

ازبکستان ته د اسلامي امارت د پلاوي له تګ مخکې د افغانستان د بهرنیو چارو وزارت د چارسمبالي امیرخان متقي په مشرۍ یو پلاوی ترکیې ته تللی و. په پام کې ده، چې درې ورځې وروسته د افغانستان اسلامي امارت یو پلاوی مسکو ته په درې اړخیزه غونډه کې د ګډون لپاره روسیې ته ولاړ شي.

Continue Reading

تازه خبرونه

پر جوماتونو، تکیه خانو او مذهبي ځایونو بریدونه جنګي جنایت دی- عالمان

خپور شوی

په

توسط

(Last Updated On: تله ۲۵, ۱۴۰۰)

د افغانستان د اسلامي امارت مسوولین وايي، چې له دې وروسته به د جوماتونو او تکیه خانو امنیت پخپله ساتي.

په تېرو دوه اوونیو کې د کندوز او کندهار د اهل تشیع پر جوماتونو دوه بېلابېل ځانمرګو بریدونو خلک سخت وېرولي دي.

د افغانستان د اهل تشیع دیني عالمانو له ملګرو ملتونو غوښتي، چې په افغانستان کې پر روانو ډله ییزو وژنو خپل دریځ روښانه کړي.

د امامیه عالمانو د شوری مشر محمدحسین جعفري ویلي: ترهګر غواړي په افغانستان کې مذهبي جګړې ته لمن ووهي، چې په وینا یې ترهګر به دې موخې ته ونه رسيږي.

د افغانستان د امامیه عالمانو عالی شورا په کندوز او کندهار کې پر لمونځ کوونکیو ترهګریز بریدونه غندلي او د اسلامي موازینو خلاف یې بللي دي.   

داعش په افغانستان کې تر ډېره د شیعه ګانو پر جوماتونو او تکیه خانو بریدونه کړي دي.

دا ډول بریدونه د افغانستان د اهل سنت پیروانو لخوا هم په کلکه غندل شوي دي.

خلک له اسلامي امارته غواړي، چې د ټولو افغان قومونو لپاره یو ډول امنیتي شرایط برابر کړي.

پخواني حکومت د تیکه خانو د امنیت د ساتنې لپاره پر ځينو کسانو وسلې وېشلې وې.

د کندهار د پولیسو مشر ویلي، چې د شیعه جوماتونو د ساتنې لپاره به داسې سیمه ییز رضاکار ځواکونه وکومارل شي، چې د وسلو د لیږدولو ځانګړي اجازه ولري.

د کندهار ولایت امنیه قومندان مولوی عبدالغفار محمود خبریالانو ته ویلي: مونږ تر خپله وسه هڅه کوو، چې د چاودنې ټول عاملین ونیسو او اړوند څانګې ته یې وسپارو.

د افغانستان د اسلامي امارت د کورنیو چارو وزارت ویاند قاري سعید خوستي ویلي، چې له دې وروسته به د جوماتونو، تکیه خانو او مذهبي ځایونه امنیت د اړوند سیمو د خلکو په پوره همکارۍ ونیول شي.

خلک د افغانستان له دیني عالمانو غواړي، چې د مذهبي یوالي لپاره کار وکړي او دښمن ته اجازه ورنکړي چې د افغانانو تر منځ بیلوالی راولي.

د یادولو وړ ده، چې په تېرو دوه اوونیو کې د کندوز او کندهار په اړوند جوماتونو کې د داعش ځانمرګو بریدونو شاو خوا دوه سوه کسانو ته مرګ و ژوبله اړولې ده.

Continue Reading

Trending

آریانا نیوز: ټول حقونه خوندي دي