Connect with us

تازه خبرونه

سیاسي ګوندونه دې د رای ورکوونکیو د بایو متریک عملي ضمانت وکړي- کمیسیون

Ariana News

خپور شوی

 په

(Last Updated On: زمری ۱۱, ۱۳۹۷)

د ټاکنو خپلواک کمیسیون مسوولین وايي، چې د رای ورکوونکیو بایو متریک کولو ته به هغه وخت چمتو شو، چې د ټاکنو پر نېټه اغېز ونکړي.

په دې وروستیو کې سیاسي ګوندونو د ټاکنو له خپلواک کمیسیون څخه د ولسي جرګې د ټاکنو پر ورځ د رای ورکوونکيو د بایو متریک کولو غوښتنه کړې، چې ولسمشریزې ټاکنې هم پر بایو متریک سیستم تر سره شي.

د ټاکنو خپلواک کمیسیون وايي؛ چمتو یو، چې رای ورکوونکي بایو متریک شي؛ خو په هغه صورت کې ، چې د ولسي جرګې د ټاکنو د ځنډ لامل نه شي.

د ټاکنو خپلواک کمیسیون غړی حفیظ الله هاشمي وايي، چې له سیاسي ګوندونو سره د رای ورکوونکیو د بایو متریک پر بهیر خبرې کوو او له سیاسي ډلو غواړو، چې د دغه بهیر د عملي کیدو ضمانت ورکړي.

ښاغلي هاشمي ویلي؛ قراردادیان قرارداد ته چمتو دي او تخنیکي وسایل هم چمتو کولی شي؛ خو مونږ دا ډاډ غواړو، چې که د ټاکنو پر ورځ وسایل خراب شي څوک یې ضمانت کوي آیا قراردادیان او که محترم ګوندونه؟!

هغه زیاته کړې؛ آیا د پیسو ژمنه یوناما کوي که ګوندونه او  یا حکومت؟! په داسې حال کې ، چې برق نلرو او وخت هم لږ دی.

د ټاکنیزو شکایتونو کمیسیون د دارالانشا پخوانی رييس امام محمد وریماچ وايي، چې د بایو متریک د لوړ لګښت بهیر ډېر وخت ته اړتیا لري.

د نوموړي په وینا؛ دا ستونزمنه ده، چې تکنالوژي وپېرو، معرفي یې کړو، کارکوونکي ورته وروزو؛ ځکه، چې دا بهیر وخت غواړي. ښه به وي، چې له ټاکنو وروسته پر دغه وړاندیز کار پیل شي.

د ټاکنو څارونکي بنسټونه هم د سیاسي ګوندونو دغه غوښتنه په اوس وخت کې د عملي کیدو وړ نه ګڼي او وايي، که سیاسي ګوندونه پرې ټينګار وکړي؛ نو ښايي ټاکنې بحراني شي.

د افغانستان د شفافو ټاکنو د بنسټ ريیس نعیم ایوب زاده وایي، چې اوس لږ وخت لرو، بایومتریک ناشونی دی او که ګوندونه پر خپل وړاندیز ډېر ټینګار وکړي ټاکنې به مو بحراني شي.

ټاکل شوې، چې د ولسي جرګې او ولایتي شوراګانو ټاکنې د روان کال د تلې پر اته ویشتمه تر سره شي؛ خو ناامنیو او جګړو سر له اوسه د ټاکنو پر بهیر خپل سیوری غوړولی دی.

خبریاله: دیانا صمدي

تازه خبرونه

د افغانستان د سولې خبرو لپاره سیمه ییزه اجماع ژوند بښونکې ده- سارک

Ariana News

خپور شوی

په

توسط

(Last Updated On: تله ۴, ۱۳۹۹)

د سویلي آسیا د همکاریو سازمان (سارک) د افغانستان د سولې خبرو د بریالیتوب لپاره پر سیمه ییزه اجماع ټینګار کړی دی.

د بهرنیو چارو وزارت چارسمبالي حنیف اتمر د سارک له غړیو هېوادونو مننه وکړه، چې د ملګرو ملتونو د عمومي اسامبلۍ په څنډه کې یې د افغانانو په مشرۍ او واک د سولې له بهیره ملاتړ کړی دی.

د بهرنیو چارو وزارت په ډاګه کړې؛ حنیف اتمر د سارک له غړیو هېوادونو غوښتي، چې د ملګرو ملتونو د امنیت شورا له پرېکړې سره سم د حکومت او طالبانو ترمنځ د بشردوستانه اوربند په ترلاسه کولو کې د افغانستان د سولې له بهیره ملاتړ روان وساتي.

د سرچینې د څرګندونو له مخې؛ اتمر ټینګار کړی، چې بشري اوربند به د حکومت له اړوندو ارګانونو سره مرسته وکړي، چې په ټول افغانستان کې زیانمنو خلکو ته روغتیايي خدمتونه وړاندې کړي.

د سیمه ییزو همکاریو لپاره د سویلي آسیا ټولنه (سارک) یوه اقتصادي – سیاسي ټولنه ده، چې د سویلي آسیا اته هېوادونه یې غړیتوب لري.

سارک په ۱۹۸۵ زېږدیز کال کې د هند، پاکستان، بنګله دیش، سریلانکا، نیپال، مالدیپ او بوتان لخوا جوړ شوی دی. د ۲۰۰۷ کال په اپریل کې، چې د سارک ۱۴ ناسته جوړه شوه؛ نو افغانستان هم د دې ټولنې د اتم غړي په توګه ومنل شو.

Continue Reading

تازه خبرونه

په کندهار کې ۱۹ طالبانو او ۷ پولیسو ته مرګ و ژوبله اوښتې

Ariana News

خپور شوی

په

توسط

(Last Updated On: تله ۴, ۱۳۹۹)

د کندهار امنیتي چارواکو ویلي، چې د دې ولایت په تخته پل ولسوالۍ کي ۱۹ وسلوالو طالبانو او ۷ پولیسو ته مرګ ژوبله اوښتې ده.

د کندهارامنیه قومندانۍ ویاند جمال ناصر بارکزي ویلي؛ تېره شپه وسل والو طالبانو د تخته پل ولسوالۍ د ملید پر پوسته ډلیز برید تر سره کړی، چې په کې اته وسلوال وژل شوي یوولس نور ټپیان دي.

نوموړي زیاته کړې، چې په دې نښته کې درې پولیس هم وژل شوي او څلور نور ټپیان دي.

دغه راز چارواکو ویلي؛ په روزګان ولایت کې له تېرو څو ورځو راپدیخوا په نښتو کې لږ تر لږه ۶۴ سرتېري وژل شوي دي.

په دې ولایت کې سیمه ییزو چارواکي څرګنده کړې، چې د روزګان ولایت ګیزاب ولسوالي له څو ورځو راپدیخوا د طالبانو تر محاصرې لاندې ده او له تېرو دوه ورځو پر دهراود ولسوالۍ هم بریدونه روان دي.

سیمه ییز چارواکي خبرداری ورکوي که مرستندوی ځواکونه ور ونه رسیږي دواړه ولسوالۍ به سقوط وکړي.

وسلوالو طالبانو تر دې دمه په دې اړه څه ندي ویلي.

دا په داسې حال کې ده، چې د دوحې د خپلمنځي خبرو له پرانستې را پدیخوا په ټول هېواد کې د ښکېلو خواوو تر منځ نښتو زور اخیستی دی.

Continue Reading

تازه خبرونه

د روزګان دهراود او ګيزاب ولسوالۍ د سقوط په درشل کې دي

Ariana News

خپور شوی

په

توسط

(Last Updated On: تله ۴, ۱۳۹۹)

د روزګان ولايت سيمه ییزو چارواکو ویلي؛ که د دې ولایت دهراود او ګیزاب ولسوالیو ته پوځي مرسته ونه رسيږي، نو په دې ولسواليو کي محاصره سرتېرو ته به درنده مرګ و ژوبله واوړي او دا ولسوالۍ به سقوط شي.

په دغو ولسواليو کي له تېرې يوې اوونۍ راپدیخوا سخته جګړه روانه ده او د ولسواليو مرکزونه وسلوالو محاصره کړي دي.

د سيمي اوسيدونکي وايي، د جګړې په لومړۍ کرښه کې عام خلک بند پاتي دي او ډېري کسان د جګړې له کبله مړه او ټپيان شويدي.

له تېرو لس ورځو څخه د روزګان د ګيزاب ولسوالۍ مرکز د وسلوالو طالبانو له خوا تر محاصرې لاندې دى او هلته لسګونه سرتېري هم وژل شوي دي.

په روزګان کي امنيتي مسوولينو ويلي؛ په ګيزاب کي تر اوسه د جګړې له کبله ٦٤ امنيتي سرتېري وژل شوي او همدا شان ملکي کسانو ته هم مرګ و ژوبله اوښتې؛ خو دوى ته يې شمېر ندى معلوم.

د دوى په خبره له تېرو دوه ورځو را پدیخوا د دهراود پر ولسوالۍ هم د وسلوالو ډله یيز بريدونه پيل شوی، چي پېنځه ملکي کسان په کي ټپيان او يو ماشوم وژل شوى دى.

دوى زياتوي اوس هم هلته ډېري امنيتي سرتېري محاصره دي. که پوځي مرسته ور نکړ شي وبه وژل شي او ولسوالي به هم وسلوال ونیسي.

د دې ولايت د ولايتي شورا پخواني مشر امان الله هوتکي ويلي، مرکزي حکومت تر اوسه د روزګان د جګړې د مهارولو په موخه هڅه نده کړې.

هغه زیاته کړې؛ که د ګيزاب او دهراود ولسواليو د سقوط مخه ونه نيول شي روزګان ولايت به سقوط وکړي، ځکه په زرګونه وسلوال طالبان له بېلابېلو ولايتونو راټول شوي او پر روزګان يې بريدونه پيل کړي دي.

د دغې جګړې قربانيانو ويلي؛ دولت تر اوسه ندى توانيدلى، چي ملکي خلک د جګړې له لومړۍ کرښې وباسي او ډيرو خلکو ته په کي مرګ و ژوبله اوښتې ده.

دا په داسي حال کې ده، چي د سولي د خبرو له پيل سره سم وسلوالو طالبانو او حکومتي ځواکونو د هېواد په بېلابېلو ولايتونو کي سختي جګړې پيل کړي، چي په کې هره ورځ لسګونه ملکي کسان او امنيتي سرتېرو ته مرګ و ژوبله اوړي او خلک د سولي پر خبرو هم بې باوره شوي دي.

Continue Reading
Advertisement

Trending