Connect with us

تازه خبرونه

سپېدار له ارګ سره د ټولګډونه حکومت نوې طرحه شریکه کړه

خپور شوی

 په

(Last Updated On: غویی ۱, ۱۳۹۹)

داکترعبدالله عبدالله ته یوه نږدې سر چینه څرګندوي: په دې طرحه کې عبدالله د پخلاینې د عالي شورا مشري، څو وزارتونه او څو ولایتونه منلي، خو د صلاح الدین رباني او احمدضیا مسعود په ګډون ځینو یارانو له دې طرحې سره مخالفت کړی دی.

په پام کې ده تر راتلونکیو څو ګړیو عبدالله عبدالله په هېواد کې د خپل سیاسي راتلونکي په اړه پرېکړه وکړي.

د عبدالله عبدالله  ملاتړي سید اسحاق ګیلاني ویلي، چې د ثبات او همپالنې ډېرو غړيو د عبدالله عبدالله له تازه طرحې ملاتړ کړی.

سرچینې وایي، چې صلاح الدین رباني او احمد ضیا مسعود د عبدالله عبدالله له دې طرحې سره مخالفت کړی دی.

له همدې کبله د ثبات او همپالنې یو شمېر غړي رباني ته د قناعت ورکولو په موخه له هغه سره کتلي دي.

د ولسي جرګې دوه یم مرستیال عباس ابراهیم زاده ویلي؛ مذاکرات نهایي شوي او دواړو لوریو توافق کړی دی.

دغه راز په کابل کې د امریکا سفیر له پخواني ولسمشر حامد کرزي سره په خبرو کې  د سیاسي رهبرانو پر یووالي ټینګار کړی دی.

حامد کرزي ته نږدې شهزاده مسعود وایي؛ ټینګار یې دا و، چې دواړ اړخونه باید له زغمه برخمن شي.           

سپیدار او ارګ په دې اړه له څه ویلو ډډه کړې؛ خو په سپیدار ماڼۍ کې سرچینې وایي؛ حمدالله محب او معصوم ستانکزی د ارګ په استازیتوب د عبدالله عبدالله د غوښتنو د اورېدو په موخه له هغه سره کتلي او عبدالله عبدالله خپله تازه طرحه له دوی سره شریکه کړې ده.

ویل کیږي، چې له څلویښت تر پنځوس سلنه په واک کې ونډه، عبدالله عبدالله ته د مصالحې شورا مشري او جنرال دوستم ته د وسلوالو ځواکونو د اعلی سرقومندانۍ مرستیالي په پام کې نیول شوې؛ وکتل شي، چې ارګ به دا طرحه ومني او کنه.

تازه خبرونه

د ښاري خدمتونو او عوایدو راټولولو عملي چارې پیل شوي – کابل ښاروالي

خپور شوی

په

توسط

(Last Updated On: وږی ۲۹, ۱۴۰۰)

کابل ښاروالۍ ویلي، چې د ښاري خدمتونو، عوایدو راټولولو او غصب شویو ځمکو د راګرزولو لپاره یې عملي چارې پيل کړي دي.

د کابل ښاروالۍ چارسمبالي مولوي حمدالله نعماني ویلي؛ له لارو څخه د سمنټې دیوالونو د لرې کولو کار روان دي، پخپل سر د لوړو ودانیو جوړول او د ځمکو غصب هغه ستونزې دي، چې دوی یې د حل لپاره کار کوي.

د کابل ښاروالۍ چارسمبالي مولوي حمدالله نعماني ویلي: د ودانیو او ځمکو د غضب په اړه د فساد څېړل او اړوند پېښو ته لاسرسی روان دی. دغه کار به د فرصت غوښتونکیو دبدې ګټې اخیستنې لپاره د ټولو ادارو تر کار پیلولو ځنډیدلی وي او له قانون سرغړونې به هم وڅېړل شي.

مولوي نعماني ويلي، چې د سیاسي وضعیت له بدلیدو سره له سلو د ډېرو پروژو چارې درېدولي او دوی یې له تمویلوونکیو سره په اړیکه کې دي، چې دا پروژې بشپړې کړي؛ خو تر دې دمه یې په دې اړه څه ندي ویلي.

د مولوي نعماني د څرګندونو له مخې؛ د ښار په بېلا بېلو برخو کې له لارو او واټونو څخه د سمنټي دیوالونو د لرې کولو کار روان دی او تر بشپړیدو به دوام پیدا کړي.

نوموړی وایي: مونږ د امنیتي بنسټونو له شاوخوا سمکنټي دیوالونه، چې ښار یې بدرنګه کړی د لرې کولو سپارښتنه کړې او که یې لرې نکړي؛ مونږ یې لرې کوو او د ښاروالۍ لګښت ترې اخلو.

په تېر حکومت کې د ځمکو غصب او پخپلسر د لوړو دانیو جوړول هغه ستونزې وې، چې حکومت یې په منخیوي کې پاتې راغلی و. دا، چې اسلامي امارت به دا ستونزه څنګه حل کړي؛ وخت به یې ځواب ووايي.

Continue Reading

تازه خبرونه

په افغانستان کې باید د اقتصادي سقوط مخه ونیول شي – انټوني گوترش

خپور شوی

په

توسط

(Last Updated On: وږی ۲۸, ۱۴۰۰)

د ملګرو ملتونو عمومي منشي د افغانستان د راتلونکې په اړه اندېښنه لري او وایي، چې میلیونونه افغانان سمدلاسه خوراکي توکو او درملو ته اړتیا لري.

له افغانستان څخه د اشرف غني له تېښتې او حکومت له سقوط راپدیخوا نړیوال په پرلپسې توګه د افغانستان پر بشري وضعیت، لوږه او انساني بحران اندېښنه ښيي.

د ملګرو ملتونو عمومي منشي انټوني ګوترش وایي: مونږ نه پوهیږو، چې څه به پېښیږي؛ خو که په تماس کې نه وو، ناسم تګلوري به ولرو. په افغانستان کې د ناورین د مخنیوي لپاره مهمه ده، چې مونږ بشري مرستې، خواړه او درمل برابر کړو.

په افغانستان کې د بحران له وېرې د نړۍ هېوادونه؛ ځکه اندېښمن دي، چې دې هېوادونو ته به د کډوالو سیلونه ور روان وي.

د ملګرو ملتونو ټولنې عمومي منشي ویلي، چې ملګري ملتونه په افغانستان کې د داسې حکومت د جوړېدو تمه لري، چې بشري او د ښځو حقونو ته درناوی وکړي.

د ملګرو ملتونو عمومي منشي ويلي، چې د افغانستان راتلونکی روښانه ندی او په اړه یې وړاندویېنه هم ناشونې ده.

که څه هم د طالبانو سرپرسته کابینه نیوکې شته؛ خو طالبان وايي، چې دا کابینه سرپرسته ده او ټولمنلي حکومت جوړولو ته ژمن دي.

نړیواله ټولنه په افغانستان کې داسې پراخ بنسټه حکومت غواړي، چې بشري او د ښځو حقونو ته درناوي وکړي او دا هېواد بیا د ترهګرو په مرکز بدل نشي.

د ملګرو ملتونو عمومي منشي زیاته کړې؛ دا ټولنه له افغانستان سره پدې شرط مرستې کوي، چې بشري او د ښځو حقونو ته درناوي وکړي.

داسې ښکاري، چې اروپايي هېوادونه د افغان کډوالو منلو ته زړه نه ښه کوي.

د یونان لومړی وزیر کیریاکوس میټسوټاکیس وایي:  مونږ خپلې پولې ساتلي او د اروپايي ټولنې پولې مو هم څارلي او دې کار ته دوام ورکوو. زه د یونان د لومړي وزیر په توګه له ترکیې سره د دې ستونزې د حل لپاره همکارۍ ته چمتو یم. ترکیه په دې برخه کې مهمه ونډه لري.

دغه راز د افغانستان د بشر حقونو خپلواک کمیسیون د دغه بنسټ د کار او هڅو په اړه اندېښنه ښودلې او څرګندوي، چې کاري زمینه ورته برابره شي.

دا په داسې حال کې ده، چې طالبانو د هېوادوالو د حقونو پر خوندي کولو ټینګار کړی او اوسنۍ کابینه هم چارسمبالې بولي او د ټولمنلې کابینې د جوړښت ډاډ وړاندې کوي.

Continue Reading

تازه خبرونه

د هند او عربستان بهرنیو چارو وزیران د افغانستان په اړه خبرې کوي

خپور شوی

په

توسط

(Last Updated On: وږی ۲۸, ۱۴۰۰)

د سعودي عربستان د بهرنیو چارو وزیر فیصل بن فرحان آل سعود هند ته په درې ورځني سفر تللی او ټاکل شوې، چې له هندي چارواکو سره د افغانستان په اړه بحث او خبرې وکړي.

د هند د بهرنیو چارو وزارت ویلي، چې آل سعود به نن (یکشنبه د وږي ۲۸ / د  سپټمبر ۱۹) د هند د بهرنیو چارو له وزیر ایس جی شنکر سره او د دوشنبې پر ورځ له لومړي وزیر نریندرا مودي سره خبرې وکړي.

باخبره سرچینې وايي؛ په دې لیدنو کې تمه کیږي، چې افغانستان د دواړو خواوو د بهرنیو چارو وزیرانو ترمنځ د خبرو اصلي تمرکز وي.

هند ته د سعودي د بهرنیو چارو وزیر سفر په داسې حال کې کیږي، چې د پاکستان لومړي وزیر عمران خان له طالبانو سره په حکومت کې د ټولو قومونو پر ونډه او واک خبرې کړي؛ خو طالبانو تر دې دمه په دې اړه څه ندي ویلي.

Continue Reading

Trending

آریانا نیوز: ټول حقونه خوندي دي