Connect with us

تازه خبرونه

سپینې ماڼۍ د اسامه بن لادن د زوی مرګ ښکاره کړ

Ariana News

خپور شوی

 په

(Last Updated On: September 14, 2019)

د امریکا ولسمشر دونالد ترمپ ښکاره کړې، چې د القاعده د پخواني مشر اسامه بن لادن زوی حمزه بن لادن د افغانستان – پاکستان د سرحدې پولې د اړوند سیمې د ترهګرو په ضد عملیاتو کې وژل شوی دی.

اندیپندینت انګلیسي خبري سایت د سپینې ماڼۍ د خبرپاڼې له مخې په ډاګه کړې، چې د حمزه بن لادن وژنې نه یوازې په القاعده شبکه کې د مشرتابه تشه رامنځته کړې، بلکې دا ډله یې د هغه له پلار سره له سمبولیک تړاوه هم بې برخې کړې ده.

سپینې مانۍ په دې اړه نور جزئیات ندي وړاندې کړي؛ خو له دې مخکې ویل شوي وه، چې د القاعده د پخواني مشر اسامه  بن لادن  زوی حمزه بن لادن په یو هوایی برید کې وژل شوی دی.

دا په داسې حال کې ده، چې د امریکا بهرنیو چارو وزارت د حمزه بن لادن د ځای ښکاره کوونکي ته یو میلیون دالر انعام اعلان کړی و.

تازه خبرونه

په پکتیا کې د سړک غاړې ماین چادنې ۹ ملکي وګړیو ته مرګ و ژوبله اړولې

Ariana News

خپور شوی

په

توسط

(Last Updated On: June 21, 2021)

په پکتیا ولایت کې د دوشنبې پر سهار د سړک غاړې له بمي چاودنې لږ تر لږه څلور کسان وژل شوي او پېنځه نور ټپیان دي.

د پکتیا پولیسو ویاند حیات الله احمدزي ویلي؛ پېښه د احمد آباد ولسوالۍ د مچلغو په تاله سیمه کې هغه مهال رامنخته شوه، چې یو موټر د ځای پر ځای شوي ماین ه چاودنې سره مخ شو.

نوموړي زیاته کړې؛ تر دې دمه معلومه نده، چې په مړیو کې ښځې او ماشومان هم شته او که نه.

احمدزي ویلي، چې په سیمه کې ډېري ماینونه د طالب وسلوالو لخوا ایښودل کیږي، چې ملکي وګړیو ته یې زیان اړولی دی.

طالبانو تر دې دمه پدې اړه څه ندي ویلي.

د اړوند سیمې خلکو ویلي، چې په قربانیانو کې ښځې او ماشومان هم شته، چې د یکشنبې پر شپه په سیمه کې د وژل شوي سرتېري جنازې ته روان ول.

Continue Reading

تازه خبرونه

وسلوالو طالبانو په افغانستان کې ۱۷ نورې ولسوالۍ هم ونیولې

Ariana News

خپور شوی

په

توسط

(Last Updated On: June 21, 2021)

په تېرو څلیریشت ګړیو کې د هېواد د ۸ ولایتونو ۱۷ ولسوالې د حکومت له ولکې وتلي او وسلوالو طالبانو نیولي دي.

د تخار ولایتي شورا یوه غړي ويلي، چې طالبانو د تخار دشت قلعه، درقد، خواجه غار، چال، نمک آب، هزار سمچ، ینګي کلا او خواجه بهاوالدین ولسوالۍ تر څارنې لاندې راوستې دي.

په نیمروز کې د خاشرود نوې آزاده شوې ولسوالي هم د وسله والو لخوا نیول شوې ده.

دغه راز حکومتي ځواکونه په سمنګان کې له  دره صوف بالا، د بلخ له چاربولک، د کندوز له دشت ارچي ، د لوګر له خروار، د فاریاب له لولاش او منجیګک، فیض آباد او د جوزجان له خانقا ولسوالیو وتلي او طالبانو نیولي دي.

په ولسي جرګه کې د تخار استازی محمد امیر خاکسار ويلي: له تېرې شپې راپدیخوا د نیمک آب، چال، ینګي قلعه، خواجه غار، هزار سمچ ولسوالۍ د طالبانو لاس ته لوېدلې او په دشت قلعه او درقد ولسوالیو کې سخته جګړه روانه ده.

په ولسي جرګه کې د نیمروز استازی ګل احمد نورزاد ویلي: طالبان د غوره لښکري کرښو او نوي تکتیک پر مرسته له تېرې شپې راپدیخوا خاشرود ته ننوتي او د ولسوالۍ کنټرول یې ترلاسه کړی دی.

حکومتي ځواکونو په نورو ولایتونو کې ځوابي بریدونه کړي، چې شاوخوا ۲۰۰ طالب جنګیالي یې وژلي او د طالبانو لسګونه پوستې یې ویجاړې کړي دي.

د دفاع وزارت مرستیال ویاند فواد امان ویلي: مونږ په نوي وضعیت کې یو. د جګړې په ډګرونو کې مخکې تګ او شاتګ پرمختګ او سقوط نه ګڼل کیږي. طالبان په هیڅ ځای کې دوه ورځنی شتون نلري.

پر دغو ولسوالیو سربېره د طالبانو د جنګی راپورونو پربنسټ دوی اوس په فاریاب کې د میمنې، په تخار کې د تالقان، زابل کې د قلات، روزګان کې د ترینکوټ، د هلمند لښکرګاه، د کندوز، فراه، غزنی ښارونو په دروازو کې پراخ پوځي شتون لري.

Continue Reading

تازه خبرونه

طالبان په افغانستان کې رښتینی اسلامي نظام غواړي – ملا برادر

Ariana News

خپور شوی

په

توسط

(Last Updated On: June 21, 2021)

طالبانو ویلي، چې دوی د سولې خبرو ته ژمن دي؛ خو په افغانستان کې رښتینی اسلامي نظام غواړي.

په قطر کې د طالبانو د سیاسي دفتر مشر ملا عبدالغني برادر څرګنده کړې: افغانستان د ټولو بهرنیو ځواکونو د وتلو په درشل کې دی؛ له خپلواکۍ وروسته دلته باید د داسې نظام د جوړولو لپاره کار وشي، چې په هغه کې د افغان ولس آرامي او سوکالي متحققه وي او دا هغه وخت شونې ده، چې دا نظام د افغان مسلمان ولس د غوښتنو او آرمانونو له مخې جوړ شي.

د ملابرادر د څرګندونو له مخې؛ د دغه اسلامي نظام ثبات سرښندنې، له ځانه تېرېدنې او د یو او بل منلو ته اړتیا لري.

ملابرادر وایي: په افغانستان کې د اسلامي نظام ټینګښت بیا هم د افغانانو په داخلي قربانیو، خود ګذريو او یو بل منلو پوري اړه لري؛ ځکه، چې د تفرق، جنګ او مقابلې په صورت کې مثبت پرمختګ ناشونی دی.

طاالبان په داسې حال کې دا څرګندونې راپورته کوي، چې په قطر کې خپلمنځي خبرو تر دې دمه کومه غوره پایله نده ورکړې او ورسره په ټول هېواد کې تاوتریخوالی ډېر شوی دی.

ملابرادر په دې اړه  د خلکو او نړیوالو له اندېښنو سره همغږی شوی او وایي: مونږ هغه پوښتنې( او پوښتنې) درک کوو، چې د بهرنيو عسکرو له وتلو وروسته رامنځته کيدونکي نظام د ډول په اړه هم له افغانانو او هم له نړیوالو سره موجودې دي. د دغسې پوښتنو په ځواب کې بايد ووايو، چې دا په بين الافغاني مذاکراتو پورې اړه لري. مونږ بايد له وخت مخکې پر هسي اټکلونو د مذاکراتو فرصت له لاسه ور نکړو.

د طالبانو سیاسي مرستیال زیاته کړې؛ د خبرو له لارې د ستونزو پر حل باور لري.

ملابرادر ویلي؛ د ښځو او لږکیو حقونه به خوندي وي او له ځوانانو یې غوښتي، چې هېواد کې پاتې شي او هېوادوالو ته خدمت وکړي.

هغه په ډاګه کړې: مونږ د اسلام د مبارک دین د اساساتو او د افغان ټولنې د غوره عنعناتو په رڼا کې د خپل هېواد د ټولو نرینه او ښځینه وګړیو ټولو حقونو ته لکه د بیان آزادي، ښوونه اوروزنه، کارکول او… ته ځان ژمن بولو؛ ځکه زمونږ ټولنه یوه اسلامي او له افغانانو جوړه یوه ټولنه ده، نو د ښځو د تعلیم او کار لپاره به مناسب چاپېریال او تسهیلات برابرېږي، چې هغوی په پوره ډاډ خپلې چارې مخ ته یوسي.

ملابرادر زیاته کړې: اسلامي امارت هوډ لري، چې هېوادوالو ته د خپل هېواد او ولس د خدمت مناسب فرصتونه برابر کړي، ټول باید د خپل هېواد د بیا رغونې او د ولس د خدمت لپاره لاسونه سره ور کړو، زموږ هېواد او ولس ملي تجارانو ځوانانو، متخصصینو او کارپوهانو ته په ځانګړي ډول اړتیا او ضرورت لري. ځوانان په حقیقت کې د هرې ټولنې د ملا د تیر حیثیت لري، مونږ پر ځوانه طبقه غږ کوو، چې تاسې د خپل هېواد او ولس د خدمت مسوولیت لرئ، او اسلامي امارت به تاسې ته دغه فرصت برابروي.

ملابرادر اخند ټولو نړیوالو خیریه بنسټونو او ډیپلوماتانو ته ډاډ ورکوي، چې د دوی لخوا دوی ته کوم خطر متوجه ندی او کولی شي خپل کارونه روان وساتي.

نوموړی نړیوالې ټولنې ته ډاډ ور کوي، چې په افغانستان کې میشتو بهرنیو ډيپلوماټانو او د بهرنیو خیریه مؤسسو کارکوونکیو ته به د اسلامي امارت لخوا هیڅ ډول خطر نه متوجه کېږي، زموږ په هېواد کې له ډېر وخت راپدیخوا خیریه مؤسسې د اسلامي امارت په همکارۍ او همغږۍ خپل کارونه تر سره کوي، دوی دې اوس هم خپلو خیره کارونو ته دوام ورکړي، اسلامي امارت د رغنده کارونو د تر سره کولو لپاره دوی ته خوندي چاپېریال برابرول خپل مسوولیت ګڼي.

دا په داسې حال کې ده، چې امریکا وایي؛ واک و ځواک ته د طالبانو له رسېدو سره به د ښځو حقونو په اړه پرمختګونه له پامه وغورځول شي.

Continue Reading

Trending

آریانا نیوز: ټول حقونه خوندي دي