Connect with us

روغتيا

سټروس میوې حیرانوونکې ګټې لري

Ariana News

خپور شوی

 په

(Last Updated On: April 18, 2021)

په نړۍ کې له ټولو غوره میوه سټروس ګڼل کیږي، چې نه یوازې د ویټامین سي یوه باوري سرچینه ده، بلکې د انسان بدن هم ورته ډېره اړتیا لري.

دا میوې په افغانستان کې هم کرل کیږي، چې د راپورونو له مخې په دې وروستیو کې یې حاصلات هم ډېر شوي دي.

د نارنج د پیدا کېدو د ځای په اړه تر دې دمه ډېر څه په ډاګه شوي ندي؛ خو ویل کیږي، چې د دې میوې ونې په سویل ختیځه آسیا کې زر کاله مخکې شنې شوي او اوس یې د افغانستان په ګډون په ټوله نړۍ کې کینول دود شوي دي. په ځانګړي توګه د مدیترانې د غاړې هېوادونه ترې ډېر برخمن شوي دي.

د سټروس ميوې لاندې ګټې لري:

– سترګې ځواکمنتېا او لید ډېروي.

– د مغزي سکتې مخنیوی کوي.

– اشتها ډېروي.

– له سرطاني ناروغیو سره مبارزه کوي.

– د بدن پوستکي نرم او روغ ساتي.

– د وینې رګونو له کمزوریو ژغوري.

– دا میوې د بدن په رغولو کې مرسته کوي.

په امریکا کې د خوراک څانګواله ډاکټرې سینتیا ساس ويلي، چې د سټروس خوړل ستاسو د ورځنيو ویټامینونو ۸۰ سلنه ویټامین سي بشپړوي.

هغې زیاته کړې، چې د دې میوې خوړل د بدني روزنې او سپورت او په عادي وختونو کې د بدن دفاعي سیسټم پیاوړی کوي او پړسوب کموي.

نوموړې دا هم ویلي، چې لږ خوړل یې د چاغېدو لامل کیږي.

دې امریکایي ډاکټرې زیاته کړې؛ د سټروس ميوو له خوړلو سره په بدن کې اوسپنه جذبیږي او ستړیا هم کموي او د هغو میرمنو لپاره ګټور دي، چې د میاشتنۍ ناروغۍ پر مهال اوسپنه له لاسه ورکوي.

د نوموړې د څرګندونو له مخې؛ د دغو میوو کارول نه یوازې دا، چې ویټامین سي لري، بلکې خوښي او خوب هم ډېروي او همدارنګه له زړښت سره مبارزه کوي.

هغې زیاته کړې؛ دا میوې په خپل ترکیب کې پوټاشیم او فولاد لري، چې پوټاشیم د زړه د فعالیت، غړیو او عضلو د ځواکمنه پاتې کېدو ملاتړ کوي.

د هغې په ​​وینا، فولاد  د دماغ او عصبي سیسټم ساتنه کوي، چې پوره کچه یې د خفګان او حافظې له ستونزو سره مرسته کوي.

دغه راز د خوراک څانګوالو خبرداری ورکړی، چې په یوه وخت کې د دې میوې ډېر خوړل د روغتیا لپاره ښه ندي.

ډاکټرانو ويلي، چې د دې میوې زیاته برخه د خواړو پر هضمولو  اغېز کوي او اسهال رامنځته کولی شي.

د ډاکټرانو د څرګندونو له مخې، د دې میوې منظم خوړل د بدن وزن ډېروي.

د یادونې ده، چې ډاکټران په ورځ کې د یوې یا درې میوو سپارښتنه اړینه بولي.

روغتيا

په افغانستان کې هرکال پر سرطان اخته زرګونه ناروغان مري

Ariana News

خپور شوی

په

توسط

(Last Updated On: May 21, 2021)

د سرطان پر وړاندې د مجادلې بنسټ ویلي، چې هر کال په افغانستان کې ۱۵ زره کسان د سرطان ناروغۍ له کبله ژوند له لاسه ورکوي.

د دې بنسټ مسوولین که څه هم د سرطان ناروغیو د تشخیص لپاره په هېواد کې دننه له هڅو خوښ دي؛ وایي وایي، چې اوس هم هرکال ۲۰ زره کسان پر سرطان ناروغۍ اخته کېږي او ۱۵ زره یې مري.

د سرطان ناروغۍ پر وړاندې د مجادلې بنسټ مشرې نسرین اوریاخېل د دې بنسټ په دوه یمه ناسته کې زیاته کړې، چې افغانستان اوس هم د سرطان ناروغۍ د تشخیص لپاره روغتیايي مرکزونو او انساني وړتیاوو ته لاسرسی ندی موندلی او هر مال زرګونه کسان د سرطان ناروغۍ د درملنې لپاره ګاونډ هېوادونو ته سفر کوي.

دغه راز  د ولسمشر اشرف غني میرمن رولا غني په هېواد کې د سرطان ناروغي د اندېښنې وړ بولي او وایي، چې اوس هم په دې برخه کې عامه پوهاوی ندی شوی.

هغې د نړۍ له هېوادونو وغوښتل، چې په دې برخه کې د افغانستان لاسنیوی وکړي.

د عامې روغتیا وزارت څرګنده کړې، چې د کرونا ویروس له کبله د افغانستان د پولو تړل کېدو هم په هېواد کې د سرطان ناروغۍ کچه لوړه کړې ده.

د عامې روغتیا وزارت که څه هم د سرطان پر ناروغۍ د اخته کسانو او له دې کبله د مړو شویو کسانو شمېر په لاس که نلري؛ خو وایي، چې د کرونا ویروس له کبله له ګاونډ هېوادونو سره د افغانستان د پولو تړل کېدو دا ناروغي زیاته کړې ده.

د عامې روغتیا وزارت چارسمبالي وحید مجروح وایي، چې له عربستان سره د شوې هوکړې پر بنسټ به ډېر ژره په کابل کې د سرطان ناروغۍ د تشخیص او درملنې یو مرکز جوړ شي.

Continue Reading

تازه خبرونه

کاري ګړۍ اوږدول مرګوني دي – ډبلیو اچ او

Ariana News

خپور شوی

په

توسط

(Last Updated On: May 17, 2021)

د روغتیا نړیوالې ټولنې (ډبلیو ایچ او) نن (دوشنبه د غوایی ۲۷) په ډاګه کړې؛ هر کال زرګونه خلک د اوږدو ګړیو د کار په پایله کې خپل ژوند له لاسه ورکوي او دا بهیر د کرونا ویروس له خپریدو سره ګړندی شوی دی.

د دغې ټولنې د څېړنو له مخې؛ په نړۍ کې له ۱۰ کسانو څخه یو یې په اوونۍ کې ۵۵ ګړۍ یا ترې ډېر کار کوي.

د دغې څېړنې څرګندونې ښیي، چې په ۲۰۱۶ زېږدیز کال کې له ۷۴ زره ډېرو کسانو د اوږدو کاري ګړیو له کبله خپل ژوند له لاسه ورکړی دی.

د پوهنتون پروفیسر جیان لی په دې اړه ویلي: مونږ وموندله، چې په اوونۍ کې ۵۵ ګړۍ یا ترې ډېر کار کول له ۱۰ کلونو وروسته ۱۷ سلنه د زړه ناروغي ډېروي. دغه څېړنه په ټوله نړۍ کې د ۲۲ ډلو د ۳۴۰۰۰۰ برخوالو د ګډون پر بنسټ تر لاسه شوې ده. مونږ دا هم وموندله، چې په اوونۍ کې ۵۵ ګړۍ یا ترې ډېر کار کول ۳۵ سلنه د مغزي سکتې خطر ډېروي.

د دې ټولنې څېړنې ښیې، چې له ۲۰۱۶ زېږدیز کاله د نړۍ نږدې ۴۸۰ میلیون کسانو په اوونۍ کې له ۵۵ ګړیو ډېر کار کوي او په یو شمیر هېوادونو کې د قرنطین له پیله دا شمېر ۱۰ سلنه لوړ شوی دی.

د حافظې تخنیکي ماهر فرنګ پګاه ویلي: که مونږ په رښتیا ډېرې ګړۍ کار وکړو؛ نو د لنډې مودې کار کولو او ښه کار کولو په پرتله به مونږ له ډېر فشار او لږ کار سره مخ شو. دا به مو هوښیاري وي، چې د کاري بهیر ګړۍ ډېرې نکړو.

د کمپیوټر کیبورډ لمس کول او د ساعتونو لپاره د دفتر په څوکۍ کې ناسته یو داسې انځور دی، چې ډېري ورسره بلد دي؛ خو هر کال د اوږدې مودې کار ترسره کول په سلګونه زره انسانان وژني.

Continue Reading

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Ariana News

خپور شوی

په

توسط

(Last Updated On: May 25, 2020)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

Trending

آریانا نیوز: ټول حقونه خوندي دي