Connect with us

روغتيا

سټروس میوې حیرانوونکې ګټې لري

خپور شوی

 په

(Last Updated On: وری ۲۹, ۱۴۰۰)

په نړۍ کې له ټولو غوره میوه سټروس ګڼل کیږي، چې نه یوازې د ویټامین سي یوه باوري سرچینه ده، بلکې د انسان بدن هم ورته ډېره اړتیا لري.

دا میوې په افغانستان کې هم کرل کیږي، چې د راپورونو له مخې په دې وروستیو کې یې حاصلات هم ډېر شوي دي.

د نارنج د پیدا کېدو د ځای په اړه تر دې دمه ډېر څه په ډاګه شوي ندي؛ خو ویل کیږي، چې د دې میوې ونې په سویل ختیځه آسیا کې زر کاله مخکې شنې شوي او اوس یې د افغانستان په ګډون په ټوله نړۍ کې کینول دود شوي دي. په ځانګړي توګه د مدیترانې د غاړې هېوادونه ترې ډېر برخمن شوي دي.

د سټروس ميوې لاندې ګټې لري:

– سترګې ځواکمنتېا او لید ډېروي.

– د مغزي سکتې مخنیوی کوي.

– اشتها ډېروي.

– له سرطاني ناروغیو سره مبارزه کوي.

– د بدن پوستکي نرم او روغ ساتي.

– د وینې رګونو له کمزوریو ژغوري.

– دا میوې د بدن په رغولو کې مرسته کوي.

په امریکا کې د خوراک څانګواله ډاکټرې سینتیا ساس ويلي، چې د سټروس خوړل ستاسو د ورځنيو ویټامینونو ۸۰ سلنه ویټامین سي بشپړوي.

هغې زیاته کړې، چې د دې میوې خوړل د بدني روزنې او سپورت او په عادي وختونو کې د بدن دفاعي سیسټم پیاوړی کوي او پړسوب کموي.

نوموړې دا هم ویلي، چې لږ خوړل یې د چاغېدو لامل کیږي.

دې امریکایي ډاکټرې زیاته کړې؛ د سټروس ميوو له خوړلو سره په بدن کې اوسپنه جذبیږي او ستړیا هم کموي او د هغو میرمنو لپاره ګټور دي، چې د میاشتنۍ ناروغۍ پر مهال اوسپنه له لاسه ورکوي.

د نوموړې د څرګندونو له مخې؛ د دغو میوو کارول نه یوازې دا، چې ویټامین سي لري، بلکې خوښي او خوب هم ډېروي او همدارنګه له زړښت سره مبارزه کوي.

هغې زیاته کړې؛ دا میوې په خپل ترکیب کې پوټاشیم او فولاد لري، چې پوټاشیم د زړه د فعالیت، غړیو او عضلو د ځواکمنه پاتې کېدو ملاتړ کوي.

د هغې په ​​وینا، فولاد  د دماغ او عصبي سیسټم ساتنه کوي، چې پوره کچه یې د خفګان او حافظې له ستونزو سره مرسته کوي.

دغه راز د خوراک څانګوالو خبرداری ورکړی، چې په یوه وخت کې د دې میوې ډېر خوړل د روغتیا لپاره ښه ندي.

ډاکټرانو ويلي، چې د دې میوې زیاته برخه د خواړو پر هضمولو  اغېز کوي او اسهال رامنځته کولی شي.

د ډاکټرانو د څرګندونو له مخې، د دې میوې منظم خوړل د بدن وزن ډېروي.

د یادونې ده، چې ډاکټران په ورځ کې د یوې یا درې میوو سپارښتنه اړینه بولي.

تازه خبرونه

د روغتیا نړیوالې ټولنې افغانستان ته ۳۷۸ میليون ډالر وغوښتل

خپور شوی

په

توسط

(Last Updated On: ليندۍ ۹, ۱۴۰۰)

د روغتیا نړیوالې ټولنې څرګنده کړې، چې د افغانستان د روغتيايي خدمتونو د روان ساتلو لپاره تر دې دمه له نړیوالې ټولنې ۳۷۸ میليون ډالر مرسته غوښتل شوې ده.

په افغانستان کې د روغتیا نړیوالې ټولنې د همغږئ مشر ډاکټر جمشطد رسولي ویلي؛ هڅه کوي، چې نړیواله ټولنه او نور مرستندویان وهڅوي، چې د افغانستان د ۲۳۳۱ روغتونو تر څنګ د کرونا ویروس د درملنې ځانګړي مرکزونه او نور روغتيايي مرکزونه هم د خپلو مرستو تر چتر لاندې فعال وساتي.

نوموړی وایي، چې تر دې دمه د افغانستان د روغتيايي برخې د فعال ساتلو لپاره د نړیوالو له لوري د ۳۷۸ ميليون ډالرو مرسته ډاډمنه شوې او دوي به دا مرستې جذب او په مناسب وخت او ځای کې خلکو ته وروسوي.

نوموړي داډ څرګند کړ؛ موږ ژمنه کوو، چې دا کار به کوو ان شاالله او خلکو ته به قناعت ورکوو، چې ډونران جذب کړو.

دغه راز په افغانستان کې د ملګرو ملتونو د پراختيايي ادارې مشر کندهار ته د سفر پرمهال ويلي؛ د ملګرو ملتونو اړوند موسسې به د افغانستان له خلکو سره بېړنۍ مرستې ونکړي، بلکې مرستې به د کار په بدل کې وي، چې له دې لارې د خلکو اقتصاد پياوړی شي.

په افغانستان کي د ملګرو ملتونو د پراختيايي چارو مشر عبدالله الدرداري له کندهار والي سره په لیدنه کې ویلي؛ دا خبره بايد روښانه کړم، چې د ملګرو ملتونو ادارې استازي دلته راغلي؛ بېړنۍ مرستې نکوي، چې يو چاته غنم يا اوبه برابرې کړي؛ مونږ دلته راغلي يوو، چې خلک خپله کاروکړي او په حاصلاتو کې یې زياتوالی راشي. یعنې دا ادارې انکشافي ادارې دي او غواړي ستاسې په انکشافي کارونو کې مرستې وکړي.

په کندهار کې د اسلامی امارت سيمه یيز مسوولین د ملګرو ملتونو ټولو مرستندويه ادارو ته د امنيت ډاد ورکوي او غوښتنه کوي، چې دا ادارې دې ژر تر ژره خپلې مرستې پيل کړي.

د کندهار والي حاجي محمد يوسف وفا وایي: مونږ به همکاري وکړو او مرستې دې دوی وکړي. اوس يي نو وخت دي د خلکو ورته ډېره اړتیا ده او ډېر مشکلات لري. مونږ ته خلک راځي روزمره دا شيان راته وايي؛ ځکه د جنګونو له کبله د ارغنداب، ژیړۍ، پنجوايي، ډنډ او ارغستان په ګډون د لس ولسواليو خلک ټول بېځايه شوي؛ سرپناوې او کورونه يي د امريکايانو په بمبارد او جنګونو ویجاړ شوي او هیڅ سرپناه نلري. دوی دې د سرپناوو مرسته وکړې، چې خلکوته سرپناوې جوړې شي.

کندهار او ګاونډ ولایتونه یې په تېرو شل کلونو کې د درندو او ویجاړوونکیو جګړو لیدونکي وه. دې جګړو ډېر خلک له خپلو مېنو بې ځایه کړي او اوس د ژمي په درشل کې دوی له مرستندویانو د بیړنیو مرستو غوښتنه لري.

Continue Reading

روغتيا

په پیل شوي ګوزڼ ضد کمپاین کې به له ۳ میلیون ډېر ماشومان واکسین شي

خپور شوی

په

توسط

(Last Updated On: لړم ۱۸, ۱۴۰۰)

رویټرز راپور ورکړی، چې د روغتیا نړیوال سازمان او د ملګرو ملتونو له ماشومانو ملاتړ صندوق (یونیسف) پرون دوشنبه د لړم ۱۷ په افغانستان کې د ګوزڼ ضد واکسین کمپاین پیل کړ.

دا لومړی ځل دی، چې په افغانستان کې د اسلامي امارت له بیا واکمنېدو وروسته په ټول هېواد کې د ګوزڼ ضد واکسین کمپاین پیلیږي.

د روغتیا نړیوال سازمان د بېړنیو خدماتو همغږي کوونکي نیک ولي شاه مومن ویلي؛ دغه کمپاین د افغانستان په بېلابېلو سیمو کې پیل شوی، خو د مسلکي کسانو لږوالي ګڼې ستونزې جوړې کړې دي.

مومن زياته کړې، چې د دغه پروګرام د عملي کولو په لاره کې خنډونه شته دي.

روغتیایي اداره څرګندوي؛ تمه ده، چې په دې څلور ورځني کمپاین کې به له ۳ میلیون ډېر ماشومان، چې عمرونه یې له پېنځه کلونو لږ وي، واکسین شي.

اسلامي امارت د امریکا تر چتر لاندې د حکومت پر مهال د افغانستان په ځینو سیمو کې د ګوزڼ واکسین له کمپاین سره مخالفت کړی و.

 

Continue Reading

تازه خبرونه

د روغتیا نړیوالې ټولنې د مرستو یوه نوې ټولګه کابل ته راورسېده

خپور شوی

په

توسط

(Last Updated On: لړم ۱۷, ۱۴۰۰)

د روغتیا نړیوالې ټولنې په یوه خبرپاڼه کې راغلي، چې د طبي وسایلو یوه نوې ټولګه تېره ورځ (یکشنبه د لړم ۱۶) کابل ته راورسېده.

دې ټولنې زیاته کړې؛ دغه وسایل به د ۵۰۰۰ ماشومانو د درملنې لپاره وکارول شي.

د روغتیا نړیوالې ټولنې کابل ته د دغو تجهیزاتو په رالېږدونه کې د قطر له همکارۍ مننه کړې ده.

دغې ادارې زیاته کړې، چې د اګست له ۳۰ نېټې راپدیخوا د قطر هوايي چلند څلور الوتکو افغانستان ته د دوی ۶۰ مټریک ټنه مرسته شوي توکي لېږدولي، چې د نږدې یو اعشاریه ۵ میلیون افغانانو بېړنۍ روغتیايي اړتیاوې پوره کوي.

دا په داسې حال کې ده، چې له دې مخکې د روغتیا نړیوالې ټولنې د افغانستان د روغتیايي سیستم له سقوط خبرداری ورکړی و.

Continue Reading

Trending

آریانا نیوز: ټول حقونه خوندي دي