Connect with us

نړۍ

سعودي عربستان بهرنیو حج کوونکیو ته د مراسمو ترسره کول وځنډول

Ariana News

خپور شوی

 په

(Last Updated On: June 13, 2021)

د سعودي دولتي رسنیو څرګنده کړې، چې د کرونا ویروس د خپریدو د مخنیوي له کبله سږ کال د حج په مراسمو کې یوازې عربستان ۶۰۰۰۰ ځایي وګړي او بهرني استوګن د ګډون حق لري.

د راپورونو له مخې، د حج د مراسیمو برخه اخیستونکي باید له ۱۸ څخه تر ۶۵ کلونو عمر ولري او کرونا واکسین یې هم ترلاسه کړي وي.

د سعودي عربستان د عامې روغتیا وزیرې توفیق الرابیعه یوې خبري غونډې ته ویلي؛ دا پرېکړه د کرونا ویروس د دېرېدو له کبله د خوندي حج د ترسره کولو لپاره په پام کې نیول شوې ده.

هغې زیاته کړې: د کرونا ویروس واکسینو ته پر لاسرسي سربېره اوس هم پر ویروس شک شته او یو شمېر هېوادونو ډېرې مثبتې پېښې ثبت کړي. دغه راز بله ننګونه د ویروس بېلابېلې بڼې دي؛ ځکه، نو مونږ پرېکړه وکړه، چې د حج مراسم لږ څه محدود کړو.

سعودي عربستان ویلي، چې یوازې فایزر، اسټرازنکا، ماډرنا او جانسون واکسین د ډاډ وړ دي.

د کرونا ویروس له خپریدو مخکې، د نړۍ له ګوټ ګوټ څخه لږ تر لږه دوه نیم میلیون حج کوونکیو د حج په مراسمو کې ګډون کاوه.

د سعودي عربستان رسمي څرګندونې ښیي، چې دې هېواد هر کال د دغو مراسیمو له ترسره کولو شاوخوا ۱۲ میلیارد دالر عاید ترلاسه کول.

تازه خبرونه

د پاکستان پخوانی ولسمشر ممنون حسین په ۸۰ کلنۍ کې ومړ

Ariana News

خپور شوی

په

توسط

(Last Updated On: July 15, 2021)

د پاکستان پخوانی ولسمشر او د مسلم ليګ ن ګوند لوړپوړی مشر ممنون حسين د ورپښې ناروغۍ له کبله د سند ايالت کراچۍ ښار په يوه خصوصي روغتون کې تېره ورځ د ۸۰ کلونو پر عمر ومړ.

د ممنون حسين کورنۍ وايي؛ هغه د چارشنبې پر ورځ د چنګاښ پر ۲۳ ساه ورکړه؛ خو ورپېښې سرطاني ناروغۍ ډېر وکړېده.

ممنون حسین د ۲۰۱۳ له سپټمبره تر  ۲۰۱۸ زېږدیز کاله د پاکستان د ولسمشر په توګه دنده ترسره کړې ده.

ډان نیوز راپور ورکړی، چې ممنون حسین د تېرکال په فبرورۍ کې د سرطان پر ناروغۍ اخته شوی و او د څو ورځو راپدیخوا د کراچۍ په یوه خصوصي روغتون کې تر درملنې لاندې و.

له نوموړي یوه میرمن او درې زامن پاتې شوي دي.

Continue Reading

تازه خبرونه

په بنګله دیش کې اورلګېدنې ۸۲ کسانو ته مرګ و ژوبله اړولې

Ariana News

خپور شوی

په

توسط

Photo credit Reuters
(Last Updated On: July 10, 2021)

په بنګله دیش کې د بېړنیو خدماتو ادارې ويلي؛ یوه په يوه کارخونه کې د اورلګېدو له کبله لږ تر لږه ۵۲ کسان مړه او ۳۰ نور ټپي شوي دي.

دا پېښه پلازمېنې ډاکې ته نږدې په روپګاني صنعتي ښارګوټي کې د خوراک او څښاک توکو په یوه تولیدي کارځي کې رامنځته شوې ده.

چارواکو خبریالانو ته ویلي؛ دا اور د کارخونې په ودانۍ کې د پلاستیک او کیمیاوي توکو د زېرمه کېدو له کبله لګېدلی.

د بنګله دیش د اور وژنې ادارې چارواکو بي بي سي ته ویلي کېدای شې د پېښې د قربانیانو شمېر لوړ شي، ځکه کڼ کسان نادرکه دي.

د راپورونو له مخې، دغه کارخونه په یوه شپږ پوړیزه ودانۍ کې فعاله وه، چې د میوې جوس، آش او خوږه یې تولیدوله.

Continue Reading

نړۍ

د هندي سینما نومیالی لوبغاړی دلیپ کمار په ۹۸ کلنۍ کې ومړ

Ariana News

خپور شوی

په

توسط

(Last Updated On: July 7, 2021)

د هندي سینما نومیالی، د سیمې او نړۍ ولسونو ته خوږ او ګران فلمي لوبغاړی دلیپ کمار د چارشنبې پر سهار د ۹۸ کلنۍ پر عمر له ورپېښې ناروغۍ مړ شو.

د هندي سینما فلمي لوبغاړی محمد یوسف خان یا دلیپ کومار پر ۱۹۲۲ زېږدیز / ۱۳۰۲ لمریز کال په پېښور کې زیږیدلی، په ۱۹۴۰ / ۱۳۲۹ کال کې یې ځان دلیپ کومار ونوماوه او له هندي سینما سره یې خپلې هنري هڅې پیل کړې.

د چارشنبې پر سهار د هغه یو خپلوان فیصل فاروقي د نوموړي په ټویټر کې څرګنده کړه: په خواشینۍ به څو دقیقي وروسته د خپل خوږ او زړه ته نږدې ښاغلي دلیپ مړینه په ډاګه کړم.

له دلیپ کمار څخه یوه میرمن سایره بانو پاتې شوې، چې د تېرې پېړۍ د ۶ او ۷ میلادي لسیزې نومیالۍ سینمایي لوبغاړې ده.

Continue Reading

Trending

آریانا نیوز: ټول حقونه خوندي دي