Connect with us

تازه خبرونه

سر له سبا په کابل کې پر موټرسایکل ګرځیدلو بندیز لګول کیږي- کورنیو چارو وزارت

Ariana News

خپور شوی

 په

(Last Updated On: April 14, 2020)

د کورنیو چارو وزارت ویاند ویلي؛  سر له سبا په کابل کې پر موټرسایکل ګرځیدلو بندیز لګول کیږي او ورسره به د موټر سایکل په وسیله د جنایی جرمونو د کچې د لوړیدو مخنیوی وشي.

په کابل کې د جنایي جرمونو ډېروالي کورنیو چارو وزارت اړ کړ، چې د جرمونو د کچې د ټیټوالي په موخه په کابل کې سر له چهارشنبې د وري ۲۷ د موټر سایکل پر ګرځولو بندیز لګول کیږي.

د کورنیو چارو وزارت ویاند طارق آرین  ویلي؛ د پولیسو موندنو وښوده، چې په ډېرو جنایي جرمونو کې موترسایکل کارول شوی دی. له همدې کبله پرېکړه شوې، چې پر موټرسایکل ګرځیدل ودروي.    

د پوځي چارو شنونکی میرزا محمد یارمند د کورنیو چارو وزارت دا پرېکړه د جنایی جرمونو د کچې په ټیټوالي کې اغېزمنه بولي او وایي، چې وزارت باید په دې برخه کې چټک ګامونه واخلي.

د کابل اوسیدونکي هم د کورنیو چارو وزارت د دغه ګام هرکلی کوي.

د راپورونو له مخې، په کابل کې ډېرې جنایي پېښې او وژنې موټرسایکل سپاره تر سره کوي.

تازه خبرونه

د طالب او داعش د ګډې ورستې ایدیالوژۍ ریښې باید وچې شي ـ امرالله صالح

Ariana News

خپور شوی

په

توسط

(Last Updated On: October 24, 2020)

د کابل لنډمهاله امنیتي مسوول او د ولسمشر لومړي مرستیال امرالله صالح د شنبې پر ماښام (د لړم درېیمه) د پلازمېنې په لویدیځ کې پر ځانمرګي برید سختې نیوکې وکړې او وایي، چې داعش او طالبان ګډه ایدیالوژي تعقیبوي او د دې ورستې ایدیالوژۍ ریښې باید وچې شي.

صالح په خپل یوه تویت کې د برچي د بلخشک د اړوند سیمې پر کوثر ښوونیز مرکز ځانمرګي برید ته په نغوته کې ویلي، چې د دروغجن جنت په لټه کې د ورستې ایدیالوژي ریښې باید وچې شي. طالبان او داعش په یو اند دي. دوی اوس په تاکتیکي کچه کې سره یوځای شوي. راتلونکی ؟!

په هر حال صالحي لومړنی کس و، چې د پېښې د غندنې تر څنګ یې په دوحه کې د سولې پر خبرو سربېره  یې د تاوتریخوالي پر لوړه کچه هم نیوکه وکړه.

د بشري حقونو د څار د آسیایي چارو چارواکې پاتریشیا ګاسمن په خپل تویت کې څرګنده کړې: په کابل کې یو بل بې رحمه برید؛ ملکي وګړي، چې عادي کارونه ترسره کوي، پر سړک تېریدونکي، د زدکړی یا په روغتونونو کې د پاملرنې ترلاسه کوونکي ناڅاپه له بې رحمه تاوتریخوالي سره مخ کیږي. ولې د دوی خبرې د سولې په مذاکراتو کې په ډاګه ش،ی ندي؟

د پخلاینې عالی شورا مشر داکتر عبدالله عبدالله هم دغه پېښه یو تروریستي عمل وباله او زیاته وي، چې دا د ټولو انساني او اسلامي ارزښتونو خلاف کار دی.

په افغانستان کې د اروپايي اتحادیې ځانګړي استازي رولاند کوبیا ویلي؛ دا برید او د ولایتونو پر مرکزونو نور وروستي بریدونه، چې تاوتریخوالي هڅوي نوربس دی. د نړیوالې ټولنې بشپړ یووالي + د سمدستي اوربند لپاره پراخه فشار د ټولو افغانانو غوښتنه ده.

د کورنیو چارو وزارت ویاند طارق آرین ویلي؛ چاودنه هغه مهال رامنځته شوې، چې ځانمرګي بریدګر د دانش کوثر روزنیز مرکز ته د ننوتلو په هڅه کې و، چې د مرکز د ساتونکیو لخوا پېژندل شوی او مرکز ته د وردننه کیدو مخه یې نیولې، خو ځانمرګي بریدګر چاودنه رامنځته کړه، چې په کې ۱۸ کسان وژل شوی او ۵۷ نور ټپیان دي.

د کابل لویدیځ میشتي په تېرو وختونو کې هم د ورته خونړیو چاودنو او بریدونو قرباني شوي او لسګونه ملکي وګړيو ته مرګ و ژوبله اوښتې ده.

د ا په داسې حال کې ده، چې تر دې دمه کومې ډلې د پېښې مسوولیت ندی منلی؛ خو پخوا دې ته ورته بریدونه داعش کړی او طالبانو په دې پېښه کې هم خپل لاس لرل رد کړي دي.

Continue Reading

تازه خبرونه

په کابل کې ځانمرګي، کوثر ښوونیز مرکز ته نږدې ۷۵ کسانو ته مرګ و ژوبله اړولې

Ariana News

خپور شوی

په

توسط

(Last Updated On: October 24, 2020)

کورنیو چارو وزارت منلې، چې د کابل ښار د برچي د پلخشک په اړوند سیمه کې ځانمرګی برید رامنځته شوې؛ ۱۸ کسان وژل شوي اږو ۵۷ نور ټپیان دي.

کورنیو چارو وزارت ویاند په ډاګه کړې، چې نن ماښام یو ځانمرګی بریدګر موخې ته له رسیدو مخکې د کوثر روزنیز مرکز د ساتونکیو لخوا پېژندل شوی دی.

د نوموړي د څرګندونو له مخې؛ دغه بریدګر هڅه کوله، چې کوثر روزنیز مرکز ته وردننه شي؛ خو له پېژندلو وروسته یې ځان په کوڅه کې والوزاوه.

طالبانو د دغې چاودنې په اړه ویلی، چې برید د دوی کار ندی.

تر دې دمه هیچا د پېښې مسوولیت پر غاړه ندی اخیستی.

Continue Reading

تازه خبرونه

د کابل په برچي سیمه کې ځانمرګي لسګونه کسانو ته مرګ و ژوبله اړولې

Ariana News

خپور شوی

په

توسط

(Last Updated On: October 24, 2020)

کورنیو چارو وزارت منلې، چې د کابل ښار د برچي د پلخشک په اړوند سیمه کې ځانمرګی برید رامنځته شوې.

کورنیو چارو وزارت ویاند په ډاګه کړې، چې نن ماښام یو ځانمرګی بریدګر موخې ته له رسیدو مخکې د کوثر روزنیز مرکز د ساتونکیو لخوا پېژندل شوی دی.

د نوموړي د څرګندونو له مخې؛ دغه بریدګر هڅه کول، چې کوثر روزنیز مرکز ته وردننه شي؛ خو له پېژندلو وروسته یې ځان په کوڅه کې والوزاوه.

تر دې دمه ۱۰ وژل شوي کسان او ۲۰ ټپیان روغتون ته لیږدول شوي دي.

طالبانو د دغې چاودنې په اړه ویلی، چې برید د دوی کار ندی.

تر دې دمه هیچا د پېښې مسوولیت پر غاړه ندی اخیستی.

Continue Reading
Advertisement

Trending