Connect with us

تازه خبرونه

روسیې په تاجکستان کې د پوځي اډې جوړولو غوښتنه کړې

Ariana News

خپور شوی

 په

(Last Updated On: April 19, 2019)

د روسيې ولسمشر د افغانستان پر اوسني وضعیت اندېښنه ښودلې او له خپل تاجک سیال سره یې په لیدنه کې د سیمې د ټیکاو لپاره په تاجکستان کې د پوځي اډې د جوړولو غوښتنه وکړه.

د روسیې ولسمشر پوتین له خپل تاجک سیال امام علي رحمان سره په لیدنه کې د افغانستان پر امنیتي وضعیت او پر سیمه یې د اغېزو په اړه خبرې وکړې.

روسي ولسمشر وایي، په نړیوالو ناستو کې باید د افغانستان پر امنیت او سیاسي حالت ډېر تمرکز وشي.

د روسیې ولسشمر ولادمير پوتین وایي؛ د سیمې د حالت په اړه خبرې اترې نه یوازې مونږ اندېښمن کړي یو، بلکې اړینه ده، چې د افغانستان حالت او لدې اړخه رامنځته کیدونکې ننګونې به هم د سیمې امنیت ډېر اغېزمن کړي.

د روسیې د امنیت څانګې رییس الکساندر بورتنیکوف ترهګر د سیمې لپاره او په ځانګړي توګه منځنۍ آسیا ته جدي ګواښ ګڼلی او وایي، چې په عراق او سوریه کې داعش ډېر تلفات ګاللي؛ خو بیا هم داعش، القاعده او نورې ترهګرې ډلې د خپلو ځواکونو د تنظیم په برخه کې یو جدي ګواښ ګڼل کیږي او دا ترهګر له سوریې څخه افغانستان ته راځي، چې د منځنۍ آسیا هېوادونو ته  جدي ګواښ دي.

باور دا دی، چې روسیه د خپلو شخصي ګټو د خوندي کولو په لټه کې ده او حالات هومره ترینګلي ندي لکه څومره، چې یې روسیه ښیي.

پخوانی پوځي هادی قریشي وایي؛ زه فکر کوم، چې روسیه او غربیان په سیمه کې د خپلو ځانګړیو ګټو د خوندي کولو هڅې کوي؛ خو افغانان او ګاونډ هېوادونه هم خپلې ګټې لري. هر کله، چې د روسیې او امریکا ګټې زیانمنې شي؛ بیا له امنیته خراب پوهاوی رامنځته کوي.         

د روسي ولسمشر دا خبرې په داسې حال کې راپورته کړي، چې په افغانستان کې د جګړې د پای ته رسولو هڅې پیل شوې دي.

تازه خبرونه

په غزني کې د موتربم برید پلانوونکی د هوایي برید ښکار شوی

Ariana News

خپور شوی

په

توسط

(Last Updated On: November 30, 2020)

ملي دفاع وزارت نن (دوشنبه د لیندۍ ۱۰) څرګنده کړې، چې په غزنی ولایت کې د تېرې ورځې د ترسره شوي موتر بم برید پلانوونکی له خپلو ملګرو سره د هوایي ځواکونو د عملیاتو پر مهال وژل شوی دی.

د وزارت د خبر پاڼې له مخې: حمزه وزیرستاني نومي، چې په غزنی کې د پروني موتربم برید پلانوونکی دی؛ له خپلو اووه ملګرو سره وژل شوی دی.

حمزه وزیرستانی تېره شپه د غزني ولایت د ګیرو ولسوالۍ د علی شېرخېل کلي په اړوند سیمه کې د هوایي ځواکونو د هدفي برید ښکار شوی دی.

خبرپاڼې  د دغه برید په اړه نور جزئیات ندي ورکړي.

د یادونې ده، چې پرون سهار مهال یوه ځانمرګي برید کوونکي له چاودېدونکيو توکو ډک هاموی د عامه نظم کنډک ته نږدې چولی، چې د ولایتي روغتون د څرګندونو له مخې په کې ۳۱ امنیتي ځواکونه وژل شوي او له شل ډېر نور ټپیان دي او  طالبانو هم په دې برید کې لاس لرل رد کړي .

Continue Reading

تازه خبرونه

په هېواد کې د سولې لپاره نوي جوړښت ته اړتیا ده ـ ګیلاني

Ariana News

خپور شوی

په

توسط

(Last Updated On: November 29, 2020)

 د ملي محاذ ګوند مشر سید حامد ګیلاني وړاندیز کړی، چې په هېواد کې د سولې د ټينګښت لپاره باید یو نوی جوړښت رامنځته شي.

د ملي محاذ مشر سید حامد ګیلاني، چې له آریانا نیوز سره یې خبرې کولې په ډاګه کړې، چې اوس په افغانستان کې د سولې د ټینګښت لپاره د نوې جوړښت یا نوې ادارې د رامنځته کیدو اړتیا لیدل کیږي.

هغه آریانا نیوز ته زیاته کړې: اوس د ټولو اړخونو په خوښه د سولې داسې جوړښت باید رامنځته شي، چې سولې ته لار پرانیزي او ولسمشر غني هم باید د خپلې پېنځه کلنې دورې پر بشپړولو ټینګار ونکړي.

د ملي محاذ مشر سید حامد گیلاني وایي:  یو داسې بدلون ته اړتیا ده، چې یو نوي جوړښت ترې رامنځته او هرڅه تنظیم شي. یو درېیم حالت باید رامنځته شي، چې ټولو ته د منلو وي.

سید حامد ګیلاني څرګندوي، چې په هېواد کې روان حالت د دې ارزښت نلري، چې د ساتلو لپاره یې هره ورځ تر درې سوه پورې کسان ووژل شي.

نوموړي څرګنده کړې: اشرف غني په کومه بیه ۵ کاله پوره کوي او پر چا یې بشپړوي. ورځنی ځاني زیان مو تر ۳۰۰ کسانو پورې رسیږي؛ انسانان او افغانان دي.

سید حامد ګیلاني دا ټینګار هم کړی؛ دولت او طالبانو دواړو ته په کار ده، چې د سولې د ټینګښت لپاره ريښتوني ګامونه پورته کړي.

دا په داسې حال کې ده، چې اروپایي اتحادیې او د امریکا سفارت د ملي پخلاینې عالي شورا د جوړښت ګړندي کول وښتي او ویل شوي، چې دا به د افغانستان د سولې په پروسه کې مهم رول ولوبولی شي.

Continue Reading

تازه خبرونه

د پخلاینې عالي شورا د جوړښت حکومت هڅې پیل شوې

Ariana News

خپور شوی

په

توسط

(Last Updated On: November 29, 2020)

حکومت د پخلاینې عالي شورا د جوړښت د وروستي کولو لپاره هڅې ګړندۍ کړي دي.

له افغان حکومت څخه د پخلاینې عالي شورا د جوړښت د بشپړولو په اړه له ملي او  نړیوالو پرلپسې غوښتنو وروسته داسې ښکاري، چې حکومت د شورا جوړولو چارې چټکې کړې دي.

ولسمشر غني، د پخلاینې عالي شورا مشرعبدالله عبدالله، پخواني ولسمشر حامد کرزي او عبدرب رسول سیاف د دغې شورا د جوړښت پر وروستي کولو خبرې کړې دي.

ولسمشرۍ ماڼۍ ويلي، چې په دې لیدنه کې د پخلاینې عالي شورا د جوړښت لپاره د لومړۍ غونډې پر جوړولو هم خبرې شوې دي.

د پخلاینې عالي شورا مسوولین وايي، چې د دغې شورا د غړیو پر ټاکلو او د لومړۍ غونډې پر منځپانګه هم خبرې تر سره شوې دي.

له دې مخکې د مصالحې عالي شورا مشر د دغې شورا د غړیو هغه نوملړ رد کړی، چې ولسمشر ټاکلي وه.

د ملي پخلاینې عالي شورا څرګنده کړې، چې د ولسمشرۍ لخوا د غړیو په اعلان شوي نوملړ کې بدلونونه را ولي.

د ملي پخلاینې عالي شورا دنده لري، چې د سولې بهیر مدیریت کړي او مرکچي پلاوي ته لارښوونې وکړي. اوس، چې په قطر کې د خپلمنځي خبرو لپاره داړیکو ډلو پر کړنلاره هوکړه کړې؛ نو، ځکه نړیوالو له افغان حکومته غوښتي، چې د ملي پخلاینې عالي شورا جوړښت وروستی کړي.

Continue Reading
Advertisement

Trending