Connect with us

تازه خبرونه

روسیې او چین د امریکا له کړنو سره مخالفت په ډ اګه کړ

Avatar

خپور شوی

 په

(Last Updated On: وری ۱۸, ۱۳۹۷)

د روسیې د بهرنیو چارو وزیر سرګي لاوروف په مسکو کې له خپل چینايي سیال سره په کتنه کې ویلي؛ د ترمپ اداره هغه څه کوي، چې نه یوازې د سیمې هېوادونو امن ته، بلکې پخپله هم د امریکا پر زیان تمامیږي.

لاوروف دغه راز له ایران سره په ۲۰۱۵ میلادي کال کې نه یوازې له اتومي هوکړې، بلکې د اقلیمي بدلون له نړیوالې هغې یې هم، چې د ۱۶۶ هېوادونو له خوا لاسلیک شوې، یادونه کړې ده.

هغه ویلي، چې نورهېوادونه پر شوې هوکړې راضي دي؛ خو امریکا په هغو کې د بدلون راوستو هڅه کوي.

لاوروف زیاته کړې؛ ترمپ، چې د ایران په مقابل کې کوم اقدام ته اراده کړې له دیپلماسۍ سره هیڅ اړخ نه لګوي، ځکه له ایران سره د امریکا په ګډون ۵ هېوادونو یاده هوکړه لاسلیک کړې او باید ټول هېوادونه د نړۍ او سیمې د امن لپاره خپلو لاسلیکونو ته ژمن پاتې شي.

لاوروف دا هم په ډاګه کړې؛ د روسیې دریځ دا دی، چې: پر یو اړخېز ډول په دې هوکړه کې هر راز بدلون به د امنیت شورا د پرېکړې مخالفت وي.

Continue Reading
Advertisement

تازه خبرونه

د افغانستان د سولې لوبغاړیو د خپلمنځي خبرو د پیل غوښتنه وکړه

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د افغانستان په سوله کې ښکېلو خواوو؛ امریکا، روسیې، پاکستان او چین د افغانانو خپلمنځي خبرو د پیلېدو لپاره د روانو هڅو د چټکولو غوښتنه وکړه.

 د افغانستان لپاره د دې هېوادونو استازیو په یوه وډیوي ناسته کې د بندیانو پر تبادلې او د افغانانو خپلمنځي خبرو په ژر پیلېدو مشورې وکړې.

د افغانستان لپاره د روسیې ځانګړي استازي ویلي، د افغانانو خپلمنځي خبرو د پیل لپاره لومړني ګامونه پورته شوي دي.

د اروپایي ټولنې پلاوي او د بریتانیا او ځینو نورو هېوادونو استازیو په کابل کې يوه ګډا څرګندونه کړې  او له حکومت او طالبانو یې غوښتي، چې ښځو ته دې د سولې بهیر په جوړ ښت کې رغنده رول ورکړشي.

دغه راز په دې ګډه څرګندونه کې د افغانانو د خپلمنځي خبرو په ژر پیلېدو هم ټینګار شوی دی.

د ولسمشرۍ ویاند صدیق صدیقي ویلي، افغان دولت به له اورکم او اوربند وروسته له  طالبانو سره اوربند وکړي.

له دې مخکې د افغان دولت د مرکچي پلاوي غړیو څرګنده کړې وه، چې ټاکل شوې د جون پر ۱۵ یعنې ۱۱ ورځې وروسته د افغانانو خپلمنځي خبرې پیل شي.

د افغانستان د سولې مطالعاتو د انستیوت مشر خلیل ساپي ویلي، د ۵۰۰۰  طالب بندیانو له خلاصون پرته به د افغانانو خپلمنځي خبرې پیل نشي.

د ملي امنیت شورا د څرګندونو له مخې، حکومت تر اوسه دوه زره اووه سوه لس بندیان آزاد کړي او اوس د بندیانو هغه نوملړ تر کتنې لاندې دی، چې طالبان یې باید خوشې کړي.

د یادونې ده، چې له تېرو څو ورځو راپدیخوا دواړو خواوو د بندیانو د خوشې کولو بهیر درولی؛ خو داسې ښکاري، چې د حکومت او طالبانو له پوره ۶۰۰۰ بندیانو له خوشې کولو سره خپلمنځي خبرې بشپړ تړاو لري.

Continue Reading

تازه خبرونه

په امریکا کې د فلایډ له وژنې وروسته د لاریونونو په اړه بېلابېلې څرګندونې شوي

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د الجزیرې د څرګندونو له مخې؛ د جورج فلایډ په مرګ کې د مینیاپولیس ټول ښکېل څلور پولیس افسران تورن وپېژندل شول.

یادې سرچینې په ډاګه کړې: پولیس افسر ډیرک چووین، چې د جورج فلايد پر اورمېږ یې ګونډه ایښې وه او ترې وژل شوی و؛ پر دوه یمه درجه قتل تورن او محکوم شوی او پاتې نور درې پولیس افسران هم د هڅوونکیو او ملاتړیو په توګه پر دوه یمه درجه قتل تورن دي.

 

دغه راز د امریکا پخواني دفاع وزیر جیمز متیس پر ولسمشر ډونالډ ټرمپ تور پورې کړی، چې په ملت کې نفاق ته لمن وهي.

د ټرمپ اوسنی دفاع وزیر مارک ایسسپرهم ویلي؛ ده د ټرمپ له دې پرېکړې سره، چې د لاریونکوونکیو د څارنې لپاره دې ځواکونه وکارول شي، مخالفت کړی دی.

د یاد راپور د څرګندونو له مخې؛ په ځینو ښارونو کې د ملي امنیت د ساتونکیو شتون د لاریونوالو لخوا بې اغېزې شوی دی.

ویل کیږي، چې لاریون کوونکي د امنیتي چارواکو لخوا هم له سخت غبرګون سره مخ شوي دي.

 په ځینو برخو کې پولیسو یو شمېر خبریالان له زور زیاتي سره مخ کړي دي.

د یادونې ده، چې په دغو لاریونونو کې د پولیسو له ټپي کیدو هم راپورونه ورکړشوي دي.

 

Continue Reading

تازه خبرونه

په افغانستان کې د کرونا ویروس مثبتې پېښې ۱۸۰۵۴ ته ورسیدلې

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

په تېرو ۲۴ ګړیو کې د کرونا ویروس ۷۸۷ مثبتې پېښې ثبت شوي، چې له دې سره په ټول هېواد کې پر دې ویروس د اخته کسانو شمېر ۱۸۰۵۴ ته پورته شوی دی.

د عامې روغتیا وزارت د څرګندونو له مخې؛ له تېرې یوې شپې او ورځې راپدیخوا په کابل کې ۳۲۳، هرات کې ۱۱۰، کندهار کې ۳۴، بلخ کې ۳۶، پکتیا کې ۵۴، ننګرهار کې ۴۸، بادغیس کې ۴۰، خوست کې ۳۲، پکتیکا کې۱۸، نیمروز کې ۱۵، کونړ کې ۸، تخار کې۲، بامیان کې یوه، لوګر کې یوه او پروان کې یوه مثبتې پېښې ثبت شوې دي.

د دغه وزارت د څرګندونو له مخې؛ په همدې تېر شوي وخت کې ۶ کسان مړه شوي او ۶۳ نور له روغیدو وروسته کورونو ته رخصت شوي دي.

په افغانستان کې تر دې دمه له کرونا ویروسه ۳۰۰ کسان مړه شوي او ۱۵۸۵ نور رغیدلي دي.

دا په داسې حال کې ده، چې تېره ورځ د کندوز ولایت دوه سیمه ییز چارواکي هر یو د قلعه ذال ولسوال فهیم قرلیق او د دې ولایت امنیه قومندان رشید بشیرهم له کرونا ناروغې مړه شوي دي.

Continue Reading

Trending