Connect with us

تازه خبرونه

روسیې د افغانستان په اړه په درې اړخیز جوړښت کې د ایران د ورګډیدو غوښتنه کړې

Ariana News

خپور شوی

 په

(Last Updated On: لړم ۱۲, ۱۳۹۸)

مسکو غواړي، چې د افغانستان د کړکیچ د حل لپاره د امریکا، چین او روسیې په درې اړخیز جوړښت کې ایران هم ورګډ شي.

د افغان سولې لپاره د طالبانو او امریکا د خبرو له ناکامیدو څو میاشتې تېریږي؛ خو اوس تمې داسې دي، چې دغه دریدلې خبرې بیا پیل شي.

د روسیې د بهرنیو چارو وزیر ويلي، چې په دغه دري اړخیز جوړښت کې پاکستان شامل شوی او تمه دا ده، چې ایران هم د دغه جوړښت برخه شي او د افغان سولې لپاره رغنده رول ولوبوي.

د روسیې د بهرنیو چارو وزیر سرگې لاوروف وایي: مونږ له امریکا سره د افغانستان پر مسایلو خبرې کوو؛ پاکستان د روسیې، چین او امریکا په درې اړخیز جوښت کې ورګډ شوی او اوس غواړو، چې ایران هم د دغه جوړښت برخه شي؛ ځکه، چې دا کار به هیلې را پیدا کړي.

انګیرنې داسې دي، چې ایران د روسیې ملګری هېواد دی؛ نو، ځکه غواړي، چې د افغان سولې په بهیر کې ونډه ورکړ شي؛ خو د غوښتنې په بل اړخ کې امریکا ده، چې له ایران سره ښکاره دښمني لري.

د اسلامي نهضت رهبر  سید اسحاق گیلاني ویلي، چې ایران مو یو ستر ګاونډ هېواد دی او د افغانستان په ټولو قضیو کې ښکېل هم دی او نږدې دوه میلیون افغانان په کې کډوال لرو. که ایران په دې خبرو ورګډ نشي؛ دا به داسې وي له پر یوه پښه، چې دریدلی وي.

تېره جمعه هم په مسکو کې روسیې، چین او امریکا د افغانستان پر سوله خبرې وکړې. له دغې غونډې یوه ورځ مخکې پاکستان په دغه غونډه کې د ګډون سره لیوالتیا وښوده او په غونډه کې یې ګډون وکړ.

پخوانی طالب چارواکی  سید اکبر آغا ویلي، چې څلور اړخیزې ناستې ګټورې وې او دا هېوادونه کولی شي د افغانستان لپاره پرېکړه وکړي. ایران هم کولی شي په دې بهیر کې ورګډ شي؛ خو که امریکا وغواړي.

افغان حکومت هم ويلي، چې د افغان سولې لپاره د بهرنیو هېوادونو له هڅو هرکلی کوي.

د امریکا سفارت ویلي، چې افغانستان ته د افغان سولې د ځانګړي استازي خلیلزاد دوه پړاوه سفرونه پای ته رسیدلی دی.

دا په داسې حال کې ده، چې اوړمه ورځ د ولسمشر غني د ملي امنیت سلاکار ویلي وه؛ د خلیلزاد سفر له افغان سولې سره تړاو نه درلود، بلکې هغه غوښتل، چې د افغان امریکايي پوهنتون د هغو دوه استادانو په را خوشې کولو کې د افغان حکومت همکاري تر لاسه کړي، چې د طالبانو په بند کې دي.

تازه خبرونه

په هلمند، میدان وردګ او بلخ ولایتونو کې ۳۰ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان دفاع وزارت په ډاګه کړې، چې په هلمند، میدان وردګ او بلخ ولایتونو کې د افغان ځواکونو او طالبانو تر منځ له نښتو لږ تر لږه ۳۰ وسلوال طالبان وژل شوي دي.

د دغه وزارت د خبرپاڼې له مخې؛ تېره شپه وسلوالو طالبانو د هلمند ولایت د ګرشک ولسوالۍ اړوند پر سربند او یخچال او دغه راز د  نادعلي ولسوالۍ د نهربغرا پر امنیتي پوستو بریدونه کړي.

د ۲۱۵ میوند قول اردو، درېیمې پلي لوا جزوتامونو د وسلوالو طالبانو دغو بریدونو ته غاښ ماتونکی ځواب ورکړی دی.

په دې بریدونو کې ۱۸ وسلوال طالبان وژل شوي؛ د ګرشک ولسوالۍ اړوند یخچال او سربند کې ۱۳ وسلوال او د نادعلي ولسوالۍ اړوند نهربغرا کې ۵ وسلوال طالبان وژل شوي دي.

دفاع وزارت دا هم څرګنده کړې، چې د جګړې په ډګر کې د وسلوالو طالبانو ۵ جسدونه پاتې دي او ۳ میله کلاشینکوفونه یې هم  امنیتي ځواکونو لاسته راوړي دي.

همدارنګه د ملي اردو ځواکونو مسلکي پرسونل په سنګین، ناوه او خاشرود ولسوالیو کې ۲۸ کړۍ د وسایطو او پرسونل ضد ماینونه هم کشف او شنډ کړي دي.

دغه راز دفاع وزارت په ډاګه کړې، چې تېره شپه وسلوالو طالبانو د میدان وردګ ولایت د جغتو ولسوالۍ اړوند په محمدقلي سیمه کې هم پر ملي امنيتي ځواکونو ډله ییز برید کړی دی.

دغه برید د ملي امنیتي ځواکونو لخوا له کلک غبرګون او ماتي سره مخ شو.

په دې نښته کې ۹ وسلوال طالبان وژل شوي او يو سراچه ډوله موټر او يو موټرسايکل يې هم له منځه تللي دي.

همدارنګه دفاع وزارت ویلي، چې نن سهار د بلخ ولایت په شولګره ولسوالۍ کې وسلوالو طالبانو د امنیتي او دفاعي ځواکونو پر کاروان برید کړی؛ خو پر شاه وتمبول شول. په دې نښته کې ۳ وسلوال طالبان وژل شوي او ۴ نور ټپیان دي.

دغه راز ویل شوی، چې امنیتي ځواکونو د دې ولسوالۍ په عبدالرحمزي، سرمنګ، قوربقهخانه، اوګلان او حاجي آغا کلیو کې د وسلوالو طالبانو ګواښونه هم له منځه وړي او اړوند سیمې د طالبانو له شتون پاکې شوې دي.

دفاع وزرت په دې نښتو کې د امنیتي ځواکونو له زیانونو څه ندي ویلي.

طالبانو هم تر دې دمه د دغو بریدونو او ځاني زیانونو په اړه څه ندي ویلي.

دا په داسې حا کې ده، چې ملګرو ملتونو په جګړه کې له ښکېلو لوریو غوښتي، چې د سولې خپلمنځي خبرو لپاره اورکم  ومني او ملکي وګړي له روانې مرګ و ژولې وژغوري.

Continue Reading

تازه خبرونه

افغانستان اوس هم د نړۍ یو فاسد هېواد پاتې دی – سیګار

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان په بیا رغاونه کې د امریکا پر مرستو د څار ځانګړې ادارې سیګار ویلي، له افغانستان سره د میلیاردونو ډالرو له مرستې وروسته اوس هم دا هېواد بېوزلی او فاسد  پاتې دی.

د افغانستان بیا رغاونې لپاره د امریکا سرپلټوونکي جان سپکو ویلي؛ افغانستان به  تر ۲۰۲۴ کال پورې هر کال له څلور اعشاریه شپږ څخه تر اته اعشاریه دوه میلیارد ډالرو ته اړتیا ولري.

د نوموړي د څرګندونو له مخې؛ په دې هېواد کې ۱۳۷ میلیارد ډالر لګېدلي، خو دا لګښت د امریکا د بیا رغاونې په تاریخ کې تر ټولو ډېر لګښت دی.

سیګار که څه هم د سولې له هوکړې وروسته د افغانستان اقتصاد اندېښمن کړی؛ خو یو ځل بیا له افغانستان سره د امریکا میلیارد ډالري مرسته افغان حکومت ته وریادوي او وایي: افغانستان د ۱۳۷ میلیارد ډالرو پر لګولو د امریکا د بیا رغاونې په تاریخ کې تر ټولو ستره پروژه وه. زمونږ د کړنو پر بنسټ افغان حکومت  د نړیوالو سازمانونو او نړیوالې ټولنې له مرستو پرته ژوندی پاتې کیدی نشي.

مخکې له دې سیګار په افغان حکومت کې د میلیاردونو ډالرو د بې ځایه لګېدو خبره کړې وه، چې افغان حکومت رد کړې ده.

Continue Reading

تازه خبرونه

ولسي جرګې له کرونا سره د مبارزې لپاره د بودجې سند تصویب کړ

Ariana News

خپور شوی

په

توسط

(Last Updated On: چنګاښ ۱۱, ۱۳۹۹)

ولسي جرګې له کرونا ویروس سره د مبارزې لپاره د بودجې رد شوی سند له تازه تعدیلاتو وروسه د رایو په اکثریت تصویب کړ.

د ولسي جرګې د مالي چارو او بودجې کمیسیون غړی عبدالرووف انعامي وایي، چې ملي بودجه څلور سوه اته ویشت میلیارد و درې سوه اتیا میلیون افغانۍ وه؛ خو حکومت یو ویشت میلیارد افغانۍ پرې له کرونا سره د مبارزې لپاره ورزیاتې کړې دي.

د ولسي جرګې ګډو کمیسیونونو د اوپراتیفي پیسو د زیاتولو او له نورو پراختیایي پروژو څخه د پیسو د لیږد طرحه رد کړه.

د مالي چارو او بودجې کمیسیون مشر میرافغان ساپي ویلي؛ په هغو برخو کې، چې اضافي پیسې وړاندیز شوې وې مونږ هغه رد کړې. د بېلګې په توګه یو اعشاریه اووه میلیارد افغانۍ د عملیاتي واحدونو لپاره، ولایتونو ته د درې سوه پنځوس میلیون افغانانیو لیږد، څارنه هم ترې ستونزمنه وه او ټولو کمیسیونونو د جرګې تعدیل منلی او هوکړه پرې شوې ده.

په پای کې ولسي جرګې له کرونا سره د مبارزې د بودجې سند له یو لړ تعدیلاتو وروسته رایو ته وړاندې کړ.

د ولسي جرګې مشر میررحمان رحماني وایي، چې له کرونا ویروس سره د مبارزې لپاره د حکومت د تعدیلاتو دوه یمه مسوده او د کمیسیون اتفاقي تعدیلات رای اچونې ته وړاندې کیږي؛ موافق به شنه او مخالف به سره کارتونه پورته کوي. په دې توګه د ۵ مخالفو رایو په لرلو د حکومت دوه یمه مسوده د رایو په اکثریت تصویب شوه.

په همدې حال کې د ولسي جرګې غړي ټینګار کوي، چې د جرګې غړي له کرونا سره د مبارزې لپاره د بودجې د لګولو پر څرنګوالي باید جدي څارنه وکړي.

Continue Reading

Trending